زوج مسيطـر .. !!

[.-. ذوق .-.]

أول مشكله أكتبها وبإذن الله ألاقي حلها عندكم ،،
وحده من رفيجاتي تشكيلي تسلط ريلها عليها ،،
يعني وايد يفرض عليها أمور ،،
واهما ماشاءالله عايشين بسعادة وتفاهم ،،
إلا انه آخر مشكله بالرغم من انها مضحكه الا انها غريبه !
يقول لها لا تشوفين تمثليات !
احس انها تخرب الوحده ؟

اهي تطاوعه بواايد شغلات لأنه تشوف انه فيها مصلحتها ودام اهو مو مقصر عليها ليش تعانده ؟

ناقشته بهالموضوع وايد وانها مو مدمنه على المسلسلات ولا تتابع بشغف !
بس الواضح انه يحب كلمته اهي اللي تمشي مهما كان الموضوع ..

وآنا طرحت هالمشكله مو بس عشان آخر سالفه ،،
أكيد هالتسلط ماراح ينتهي فـ شنو افضل حل تستخدمه وياه ؟

ناطره رايكم السديد حبيباتي :cupidarrow: ..​

 

[مثل الورد]

الزوج المتسلط مشكله..

يعني السي سيد.. وبس...

مش عشان انا احبه اقبل بكل شي... صدقيني باجر مابيكون لها راي في البيت...

مش مشكله اذا الوحده سمعت كلام زوجها وتطيعه... المشكله انها ماتحاول

يكون لها راي في المواضيع.. هاذي اشيا صغيره يتفاهمون عليها

لكن باجر عيالهم بيكبرون ان شالله كيف بتكون صورتها جدامهم وهي ماعندها راي...

حتى يمكن باجر عيالها مابيسمعون كلامها والسبب انا مالها شخصيه...

الزوج المتسلط يجرد الزوجه من ابسط حقوقها في المناقشة...

وانا وايد شفت حريم من النوع السكوتي بس والله ماينفع...

احبك واموت فيك على عيني وعلى راسي..لكن ماتوصل انك تمشي رايك في كل شي..

باجر بيحدد وقت نومها واكلها !!!! خليها دوم تفتح معاه مواضيع للنقاش

وتتحاور معاه وتحسسه ان هي بعد لها راي..لوكان يختلف عن رايها

مش شرط انها تقتنع بكل كلامه... والله يسخر الازواج لنا ياربي...

ومشكوره اختي العزيزه على طرح هالموضوع...:bigsmile: [/COLOR​

]

 

[.-. ذوق .-.]

مشكوره يالغاليه على الراي الحلو ،،
بس اهي مو ضعيفة شخصية ولها رايها ويحترمه ..
بس اهو بالغالب اللي يقنعها برايه وينفذه يعني مهما تناقشت وياه !
واهي تناقشه بالأمور الصغيره قبل الكبيرة يعني عادي ،،

واهو الحين يقول لها على سالفة التمثيليه ليش تقولين ان شاء الله ما بشوف وتشوفين ؟
تقصين عليّ ؟

ما أدري شهالتفكير وشهالقصص اللي سامعها عن التمثليات !!
حدها المرا منصدمه من السالفه والموضوع التافهه !!

المشكله عنده انها قالت ان شاء الله وماسوت !
ايي الشي بالتدرريج وكله تلفزيون آنا ماأدري ليش كل ماتقول له جذي يقول لها لا انتي جذبتي عليَ !!
ياغرابة تفكير الرياييل !!
قالت له انه آنا قلت لك ان شاء الله عشان ابي اسوي اللي تبيه وانا ما اتابع التمثليات الا وين ووين ،، شالمشكله ؟؟
يعني الكل يشوفه وانا بينهم لأ ؟
عادي أكيد بشوف وياهم !

اهو كل الموضوع الحين انه قالت له شي وماسوته ومو راضي يتفهم انها تحااول تسوي اللي يبييه !!
وبس اهو مايرضى التمثليات والأفلام بالتلفزيون !!:questionmark: ​

 

[meerna]

الله يعينها بس والله عارفة شخص شال التلفزيون علشان ما يخرب اخلاق زوجته واولاده وهو جالس يغازل ببنات الناس انا بعتقد هو فرض راي فقط

 

[موزة خلفان]

هذا موضوع حساس جدااا
يجب على المراءة الانتباه اليه جيدا
لان التمادي فيه قد يسلب المراءة حريتها وروحها و شخصيتها
يحدث كثيرا عندما يكون الرجل طفلا كبيرا ان يبداء في الطلب و عندما تبداء الزوجه في التنفيذ يشعر الرجل بقوامته و رجولته لكن الطفل الكبير وكما الطفل الصغير يستمر في الطلب تلوا الطلب وهو يشعر بالفرح والنشوه فتنفيذ اوامره في نظره هو برهان لحب زوجته له كما هو برهان للطفل لحب امه له
طبعا الطفل في حالة لم تنفذ طلباته يثور ويغضب ولا يعير مشاعر امه وغضبها اي اهتمام لحد ما تنفذ طلبه وهذا ما يحدث للزوج تماما يغضب ويثور طبعا دون بكاء لكن ربما مع بعض الصراخ حتى ترضخ الزوجه لاوامره
مع الطفل الصغير اذا احسن ان الام ترضخ بعد الصراخ والعويل فانه يستمر على هذا المنوال في فرض طلباته ويصبح مع الوقت طفلا لحوحا متطلبا انانيا كريهاااا
وهذا ما يحدث مع الزوج تماما
فالزوج المتسلط هو كالطفل المتسلط تماما ان اجادة التعامل مع طفل متسلط تستطيع تحقيق النجاح مع رجل متسلك فالفكره واحده

كما توجد حالات كثيره لازواج يخونون وطبعا يسمعون من عشيقاتهم عن المسلسل الفلاني اللذي حدثت فيه القصه الفلانيه والمشهد الفلاني فيعلم ان العشيقه تعلمت من هذا المشهد او ذاك
ما يحدث هنا ان الرجل وبكل انانيه ياتي ليدفن زوجته البريئه ويحرمها من كل شيء يمكنه ان يسيئ لاخلاقها متناسيا انها وطول عمرها تشاهد هذه الافلام والمسلسلات في منزل والده وقبل ان يتزوجها حتى اصبحت راشدااا ومرت بمراحل المراهقة الخطره ولم تتاثر
ياتي هو وبعد ان وصل العمر والعقل بزوجته مبلغ البلوك والرشد يربيها حتى يشعر بالراحه وهو يخون
هؤلاء الرجال على الزوجه ان لا تطيعهم مهما رغو وازبدوا لانها لو فعلت ذلك ستحرم من اشياء كثيره وسيتحاصر بكل انواع الشكوك وامراض الزوج النفسيه الناتجه من عشرته للساقطات
وهي بعد ان تكتشف خيانات زوجها تثور وتنقلب وتكره نفسها لتلبيتها طلباته ورغباته على حساب نفسها
فعلى الزوجه الاعتدال لا اطلب منها ان تقف في وجه زوجها لكن ان تطلب منه الاعتدال والعقلانيه في طلباته وان لا تستسلم لكل طلب خاصه لو كان هذا الطلب غير عقلاني فهي بالغه راشده اخذها من منزل والده وهو مقتنع باخلاقها يخاف عليها اليوم من مسلسل ومشهد على التلفزيون هي راشده وتستطيع تحديد ما ينفع وما يضر

 

[عاشقةجنة الخلود]

اعتقد والله اعلم صديقتك غيرت معاملتها مع زوجها او تصرفت تصرف مايحبه زوجها

واكيد دايماً يشوفها تشوف المسلسلات او الافلام فعمل ربط مابين التغير اللى حصل لزوجته والافلام اللى تشوفها

فعشان كذا يطلب منها عدم رؤية الافلام

 

[.-. ذوق .-.]

شكراً للتعليق حبيباتي ،،
وشكر خاص للاستاذة موزه للإهتمام ،،
أقول لها ان شاء الله اللي قلتيه ،،​