:icon28:الخيانة مره وتحرق القلب وتقتل اواصر المحبة بين الزوجين...........والحياة تصعب ويمكن تستحيل بخيانة احد الزوجين وحتى نقدر نتقلب على هالمشكله اللي اغلبية المتزوجات تعاني منها لازم نصحح شيء غاب عنا في داخلنا....خلينا من الزوج والاسباب اللي دفعته للخيانه لانها كثيره وممكن خان بدون سبب وعلى حسب ما سمعت ان في دراسه تقول ان اغلب الرجال اذا مو كلهم فيهم جينات وراثيه تدفعهم للخيانه يعني الله يكون في العون...
والخيانه على انواعها من بصريه وسمعيه وغيره....الخ
لها وطىء أليــــــــــــــــــــــــــــــــم على القلب ومستحيـــــــــــــل ننسى هالألم مهما تعدلت الاحوال ومرت الايام ......
واللي دفعني اكتب هالموضوع هي الحال اللي وصلنا له وكأن ما في بالدنيا شي غير الازواج ومصايبهم اللي ما تنتهي كل يوم نقرا نفس المشكله خيانه ثم خيانه ثم خيانه باختلاف الطرق والزوجه تكتئب وتفقد ثقتها بنفسها وتتحطم نفسيا ومعنويا ...ليش مو حرام ؟ وعلشان منو.....زوج ما درى عنج ولا اهتم فيج ولا بردة فعلج واللي ممكن يصير فيج...
طيب خل نحاول نحط مع بعض بعض الحلول والخطوات اللي ممكن تساعدنا بتخطي هالأزمه واستعادة الثقه بأنفسنا.....والخيانه على انواعها من بصريه وسمعيه وغيره....الخ
لها وطىء أليــــــــــــــــــــــــــــــــم على القلب ومستحيـــــــــــــل ننسى هالألم مهما تعدلت الاحوال ومرت الايام ......
واللي دفعني اكتب هالموضوع هي الحال اللي وصلنا له وكأن ما في بالدنيا شي غير الازواج ومصايبهم اللي ما تنتهي كل يوم نقرا نفس المشكله خيانه ثم خيانه ثم خيانه باختلاف الطرق والزوجه تكتئب وتفقد ثقتها بنفسها وتتحطم نفسيا ومعنويا ...ليش مو حرام ؟ وعلشان منو.....زوج ما درى عنج ولا اهتم فيج ولا بردة فعلج واللي ممكن يصير فيج...
الخطوه الأولى :
تبدأمن داخلنا..."
كيف؟
اول شيء نسأل انفسنا كيف هي علاقنا بالله
هل انتي قريبه من الله وقلبك متعلق فيه أكثر من الدنيا ومتاعها.........؟
هل انتي مؤمنه بقضاء الله وقدره...........؟
هل انتي واثقه ان الله على كل شيء قدير.........؟
ماذا عملتي في دنياكي لله......؟
كل وحده تسأل نفسها هذي الاسئله وتجاوب نفسها وتشوف درجة قوة ايمانها بالله تعالى.........وتعمل جاهده بالتقرب الى الله تعالى.
يا اخواتي احنا نبحث عن السعاده والراحه والوفاء عند البشر لكن في الحقيقه هي ما يقدر يحققها لنا الا ايمانا القوي بالله تعالى وقربنا منه .....
والله ما يشقى انسان التزم بصلاته وعبادته الصادقه لله تعالى بقلب مليء بحب الله وخشيته
وآمن ان البلاء من الله وتكفير عن ذنوب لا يعلمها الا الله..
يعني الزوجه المؤمنه بالله لما تعلم بخيانة زوجها ما تتحطم وتنهار لأ تلجأ الى الله وتحكم عقلها وتدعي لزوجها بالهدايه و تطلب من الله الصبر على البلاء والفرج القريب مو تبكي وتتحطم وتولول وتفضح زوجها وتفضح نفسها وتواجه زوجها بخياناته وكأنها محقق بقسم الشرطه وتفقد كل معاني الأنوثه بعيون زوجها اللي ممكن يغيضها اكثر لما ما يبالي بكلامها ولا بردة فعلها وتهديداتها....
بهالمواقف العقل والحكمه مطلوبه واول شيء لازم نلجأ له هو الله تعالى فهو خير ولي وخير نصيــــــــــــــــــــــــــــر هذي النقطه الاولى بالخطوة الاولى
النقطه الثانيه:انتي كيف أكرمتي نفسج وطورتيها ونميتيها ذاتيا ودلعتيها كأنثى تحب نفسها وتحافظ على تطورها المستمر ....كل وحده فينا من توعا على الدنيا واهي بالمدرسه تتعلم وتتثقف ويوميا تكتسب تجارب ومعلومات متجدده تتزاور مع قرايبها وصديقاتها تدلع نفسها بالعطور واللبس على الموضه والاكسسوار والشوز والمنكير وغيــــــــــــــــره من امور الدلع الأنثويه وابدا ما يمر يوم من غير ما تلعب رياضه:showoff: علشان تحرق الكالوري وتحافظ على رشاقتها...وبس تتزوج تنســـــــــــــى نفسها وتلهث ورى الزوج ومن غير وعي توصل لمرحلة اهمال الذات ايمانيا و ثقافيا وجسديا وانثويا.....موحرام تعب هالسنين تضيعينه على الزوج ...اللي قدم لج خيانته كمكافأه على مجهودج بالركض واللهث وراه...
وهــــــــــــــــذا أكبر غلط كلنا نطيح فيه الا من رحم الله ولقت موجه يوجهها ويقدم لها النصيحه
الزوج يحب الزوجه المتدينه القريبه من الله.....
الزوج يحـــــــــــب المثـقـفــــه....
الزوج يحب الزوجه المستقله بشخصيتــــــها.....
الزوج يحـــــــــــب اللي تحب نفســها....
الزوج يحب اللي تـــدلـــــع نفســـــها.......
الزوج يحب الواثقه بنفســها والمصره على آرائـــــــها.......
الزوج يحب الزوجه اللي تهتم بجمالها واناقتها ورشاقتها لانها تمثل معنى الأنوثه الكامل لدى أي رجل
منتدياتشوفو هالصوره تذكرونها ...؟في احد يمل من شوفتها..؟مع انها قديمه شبعانين منها الا ان الكل يحب يشوفها وما ملينا منها ..ليش؟
لانها كلها أنـوثــــــــــــــــــــــه
أنـــــــــــــــــــــــــــاقه
دلـــــــــــــــــــــــــع
رقـــــــــــــــــــــــــــــه
رشـــــــــــــــــــاقـــــه
ابعطيكم زبدة الكلام بالخطوه الأولى:
اولا::تقربي من الله اكثر واجعليه هو حبيبك في الدنيا والأخره التزمي بالصلاة في وقتها صاحبي القران والاستغفار والدعاء وقيام الليل
ثانيا::حبي نفسك وطوريها وابدا لا تهمليها لاي سبب كان فان اهملتي نفسك اهملك الجميع....
بعد ما اكتشفتي خيانة زوجج مهما كان نوعها......ايش العمل.."
الخطوه الثانيه:اثناء الخيانه وانكشاف المستور
اكتشفت زوجي خاين يعرف كثير من البنات على قدر من الجمال ..يمارس الجنس على الهاتف بالنت..بالشارع...بكل مكان...(لانه مع زباله ما تفرق معاه)زوجي مدمن افلام جنسيه وغيره من البلاوي المنتشره...
طيب انتي ايش مشكلتج ؟ المشكله بزوجج مو فيج وأول وتالي الانسان بطبيعته ناقص والكمال لله وحده.... "ليش تنقهرين وتحرقين دمج وتحوسين بالبيت تصيحين..."بالعكس خليج هاديه واحمدي ربك لانج اكتشفتي الغلط واعملي على اصلاحه بذكاء واتعضي من هالمصيبه قولي لنفسج الحمد لله اللي سخرني لزوجي وبعون الله ابرده عن الغلط بارادة ربي وبرغبة زوجي وبالحسنى
في هالمرحله لازم نتحلى بالعقل والحكمه خلي مشاعرنا في سبات لفتره وابعدي الغيره عن تفكيرك ...
طيب شنو لازم نسوي بعد ما اكتشفنا الخيانه...نتخلى عن الزوج ..." لا ابدا الا نوقف معاه وننقذه من المستنقع القذر قبل لا يغرق فيه
بكل هدوء نحاول نقيس حجم الخيانه وفترتها وشكثر الزوج متعلق بهالخيانه وايش هي نوع هالخيانه والسبل اللي يتبعها الزوج بخيانته .."
طبعا بذكاء وتروي نراقب الزوج بدون لا يحس ابــــــــــدا ما نواجهه بالخيانه خليه ياخذ راحته علشان نقدر نعرف كل شيء عن الطرف الثاني بالخيانه والمرحله اللي وصلو لها بخيانتهم...صحيح ان شوفت الزوجه لزوجها مع امرأه غيرها شيء يحرق القلب ويبيد مشاعر الحب بينهم الا ان احيانا الزوجه تكون مضطره تصلح ذيل زوجها العوج علشان لا تهدم بيتها وحلم حياتها بسبب ساقطه وغباء زوجها...واحب اذكركم انه بهالفتره مهم جدا نوصل رسائل وعظيه للزوج بطريقه غير مباشره لانها والله تنفع كثير خاصه ان كان الزوج من النوع اللي يهاب الله مثلا تذكرين قصة فلانه وحده من صديقاتج ابو زوجها حصل له حادث واحتاج نقل دم ولما واحد من عياله تبرع يعطيه دم اكتشفوا إن فيه الايدز والعياذ بالله وفي قصص كثيره استعنت فيها سابقا من النت وراح تنفعكم...
تلخيص كل هالكلام من النقطه الاولى ::التحكم بالمشاعر واستخدام العقل والحكمة والذكاء الأنثوي ومراقبة تصرفات الزوج وقياس فترة الخيانه ومدى قوتها او ضعفها وعدم مواجهة الزوج بالخيانه وتوجيه رسائل وعظيه غير مباشره للزوج
النقطه الثانيه من الخطوه الثانيه
استعيني بلأسلحه الأنثويه البائده....
يللا حبيبتي قومي سنعي نفسج تسبحي ببانيو دافي معطر وتدهني بلوشنات جذابه ولبسي القصير والضيق ومن غير هدوم وتمختري بمشيتج بدلع ورقه:blush-anim-cl: وخلى الشعر يغطي عيونج ورفعيه برقه والشفايف لمعيها بالقلوس وبدلع عضي طرفها (بس عالخفيف مو تحطين حرتج فيها) نظفي البيت وعطريه وبخري غرفة النوم بس والشموع والرومانسيه لا تنسينها ....تدلعي بكلامج كلمه عربي والثانيه انجليزي وهندي بعد اذا ممكن....خليج كذا على طــــــــــــــــــول...ولعبي رياضه خفيفه مثيره بوجود الزوج وبشكل عفوي مو متصنع...خففي اتصالاتج بزوجج اهمليه شوي وضاعفي اهتمامج بنفسج روحي الصالون سوي البديكير والمناكير صبغي شعرج قصي قصات حلوه واللي ما يحبها زوجج واذا سالج ليش قولي تعجبني وعلشان نفسي قصيتهااا..دلعي نفسج بالمساج والزيارات والتسوق خليه يحس انج انانيه وتحبين نفسج بس خليه يعرف ان حياتج معاه او بدونه ماشيه وما راح تتأثرين بغيابه عادي مستمتعه بكل الاحوال...مو قدامه تضحكين وتفرفشين ومدلعه نفسج ولطلع تبكين وتصيحين لا بوجوده وبغيابه خليج مرحه مفرفشه متمتعه بحياتج علشان تتعودين على هالتصرفات وتطلع منج عفويه ولا تنسين تستغلين موهبه عظيمه تمتلكها كل النساء ألا وهو كيد النسا كيدي لزوجج حبيبتي من غير تردد وخذي بحقج وحلالج غصبن عن شاربه....لكن بذكاء"
تلخيص هالنقطه::
الاستعانه بالأسلحه الأنثويه بكل جوانبها و الكيد النسوي والاستمتاع بالحياة لان حياتي غاليه وما ترخص الا لله ربي حبيبي
النقطه الثالثه من الخطوه الثانيه::
الجـــــــــــــــــــــــــــنس الخطير....:in_love:
عطيه الجنس على اصوله:icon30: ادري ان معلوماتنا عن الجنس ميــــــــــح :dunno:بس لازم نتثقف والاخوات بالمنتدى مو مقصرين شوفوا الثقافه الجنسيه وراح تتعلمون الهوايل....تثقفوا وتعلموا فنون الاغراء والاثاره خليه يبكي:icon1366: من شدة اثارتج له عطيه الشيء اللي عمره ما حلم ياخذه منج لكن الحلال بس...تعلموا فنون القبله بانواعها وتدربوا عليها قبل لا تطبقونها على ازواجكم ...استخدموا كل شيء رومانسي من العاب وعطور ونكهات تستخدم بالعلاقه الحميمه جددوا هالعلاقه باستمرار لا تدخلون الملل بحياتكم..ابتكروا حركات وكلمات مثيره واللبس لا تهملينه جددي فيه على طــــول ...اذا الزوج لقى الاشباع الجنسي عند زوجته راح يمل من الجنس اللي بره خاصه انه راح يرتاح من تأنيب الضمير اللي يحس فيه لما يمارس الجنس الحرام...خليه يتعود على الجنس معاج وبس بذكائك وكيدك النسوي الخاص فيكي انتي..واذا هو من النوع اللي يحب الجنس الالكتروني عطيه ليش لأ خليه يسد حاجته بالحلال...انا ما اعرف طرقة هالنوع من الجنس بس اسمع عنها واللي هي تكون بالتلفون والماسنجر ما أدري اذا في طرق ثانيه بعد...نورونا بالمعلومات اذا تعرفون شيء عن هالنوع
الخطوة الثالثه:
تربعي بقلبه عنوه او برضاه فأنتي مصيره الحتمي لا مهروب منكي الا للقبر
تقربي من زوجج عاطفيا وتغلى عليه لا تفرضين نفسج عليه بدفاشه وتسلط لا ...ااسري قلبه برقتك وهدوئك واتزانك ...بنعومتك وجمالك باهتمامك به دون مبالغه يعني شيء من الاهتمام مو كله...باهتمامج بنفسج بثقافتج وتدينك خليج غامضه لا تكونين كتاب مفتوح للكل...خليه يعجب فيج ومن ثم راح يعشقج وتتربعين في قلبه رغما عنه وهالمرحله تاخذ وقت ويبالها صبر ...المهم عوديه عليج وصليه لمرحلة انه ما يستغني عنك...تدرون ليش؟
علشــــــــــــــــــان
المواجهه......................................................
لا تواجهين زوجج اذا ما كنتي واثقه من مكانتج بقلبه وحبه وتعلقه فيج
لانه ان ماكان يحبج راح يتخلى عنج بسهوله ....فلازم بالاول نتربع بقلبه ونملك عقله
اذ شفتي انه زوجج للحين مستمر بخيانته رغم المواعظ والرسائل اللي قدمتيها وتأكدتي من حبه لج ...واجهيه لكن بذكاء وهدوء وفطنه بدون انفعال وعلى حسب ظروفكم افرضي عليه شروطك والحلول اللي انتي حطيتيها مسبقا وخليه يعاهدج انه ما راح يعودها وانه بيتوب توبه صادقه وبناء على الموقف كل وحده تحدد طلباتها....ولا تنسين دموع التماسيح .....
طيب ايش بعد المواجهه...."
ممكن ان زوجج يصحى لنفسه ويتقي الله في نفسه وفيج ويبتعد عن الحرام والخيانه ويتوب وياليت كلهم من هالنوع
ممكن يعلن توبته واستعداده لترك كل هالامور لكن يطلب منج تعطينه وقت وأحيانا يكون هالنوع مراوغ يعني ما يبي يفقدج ولا يبي يفقد الطرف الثاني بالخيانه بس انتي عطيه وقت كافي وان ما بطل اعلني عليه الحرب وخيريه فيج والا بالسوالف البطاله وعيشيه كم يوم من الجفا والحرمان بدلع و بدون لا تتركي بيتج حتى لا يتعود على غيابج بس حسسيه انج جاده بكلامج هالمره وانج عطيتيه فرصه حتى ما تظلمينه ان تركتيه وانج الحين مو مهتمه بالبلاوي اللي يسويها لكنج خايفه على نفسج من الامراض اللي ممكن تصيبج اذا هو تمادى في علاقاته المتعدده
ممكن يكون صادق ويبي يتوب بس بنت الحرام تلاحقه وما تبي تخليه وهو يقاوم ويخاف يضعف مثل قصة برود ومطر لأستاذتنا ناعمه الهاشمي عاد هني يجي دورج اشبعي حاجاته النفسيه والجنسيه والسمعيه تدرون ليش السمعيه لانه تعود يسمع كل يوم ساعات من كلمات المدح والغزل والشوق وكلمات تعزز رجولته وانتي لازم تسدين هالحاجه لين يتخطى هالمرحله ويردع بنت الحرام بكل قوه
ممكن يجاملج وياخذج على قد عقلج ويعلن التوبه ومن داخله مصر ومتمسك بعلاقاته وهذا اصعب نوع وبنتعب معاه......بس محتاج له وقت وصبر وأكيد بيتوب واذا تاب ابدا ما راح يرد للعلاقات....بس اللي عليج انج تحافظين على هدوء نفسيتج وتهتمين بنفسج وتفهمينه انج نسيتي ماضيه وانج عطيتيه الثقه مره ثانيه وطنشيه لكن لا تنسين المواعظ اذكريها بشكل غير مباشر وفي طرق كثيره وقصص ممكن تألفيها كأن في احد حاول يتحرش فيج او بنت صايعه تحاول تسحبج معاها وانتي تذكرين القصه استغفري قدامه واذكري الله وقولي ان ما شافوني الناس وسترني ربي بالدنيا كيف ابواجه ربي يوم الحساب....وبذكاء نألف قصص موجهه للزوج
بس اهم شي يا بنات لا تهاجمو الزوج من اول ما تكتشفين الخيانه لانه راح يتمسك بخيانته مثل الطفل الصغير لما تمنعينه من لعبه يصر عليها ويعاند رغم مضارها فالعقل ثم العقل والتروي تمكني من قلبه بالأول وبعدين هاجمي بطريقه ذكيه
ابقولكم موقف من حياتي تذكرته وانا اكتب الموضوع وما ادري:
بعد سنه من زواجي بدا مسلسل الخيانه معى زوجي وطبعا اتبعت كل الطرق اللي كتبتها لكم ومره من المرات جاء زوجي معاه موبايل جديد وهو بالاساس عنده ثلاث وانا كنت محتاجه واحد وما شريت ..سالته هذا هديه لي قال لآ...طبعا انا استغربت قلت لمنو ؟؟؟؟قال هديه من واحد من الربع ""الله من هذا اللي بيهدي موبايل واللي معاه بالدوام حالهم بالنازل ما عندهم موبايلات اصلا لنفسهم فكيف يشترون لزميلهم صاحب الثلاث موبايلات......انا شميت ريحه مش طيبه وعرفت مصدر الهديه تحايلت على زوجي وخذيت الهديه لنفسي واستعملتها وبعثت مسج اشكر فيه صاحبة الهديه بس من رقم وحده من خواتي...استانست بالهديه كم يوم وبعدين بعته لخدامة اختي وهذيك مسكينه طولت لسانها على زوجي وهو بدوره لغاها من حياته واكتفى من هالتجارب البطاله الا في بعض الفترات بفضل الصحبه السيئه يحاول يجرب مره ثانيه بس انا متسلطه عليه بالدعاء وما راح اخليه يتهنى...
انشاء الله تستفيدون من الموضوع والله ما كتبته لكم الا من غيرتي عليكم ما احب اشوف زوجه محروق دمها على زوجها وهو عايش بجو خاص فيه وهي لا حول ولا قوة بس تبكي وتصيح وتنطوي على نفسها ليش الحياة حلوه واذا هو ما قدر اخلاصج له استمري باخلاصج وعاهدي نفسك ما تتخلين عنه لانه في ازمه وانج بتساعدينه يتخطى هالمرحله و حياتنا يا بنات مو واقفه على الزوج بس الحياة طويله وياما راح نعاني منها لكن بذكائنا وتفاؤلنا لازم نتخطى كل هالمعوقات وخل نعتبرها ابتلاء من الله يختبر فيها مدى قوة ايمانا وصبرنا يعني ان خسرتي زوج في المقابل كسبتي اجر وقرب من الله .....ما نقول الا يا الله حسن الخاتمه والله لما نتذكر الحفره اللي بننحط فيها بروحنا من غير زوج ولا ولد تهون علينا مصايب الدنيا كلها وما تسوى نبجي على الزوج لا والله خل نبجي على روحنا فوق سجادتنا ونتقرب من الله نطلب عفوه ومغفرته......ولا يصلح الله قوم حتى يصلحو ما بأنفسهم يعني اذا الزوج مو حاس بحجم معصيته لله رغم ان الزوجه تذكره بالله وبالتوبه فما عليها الا تحتسب الاجر وتصبر على البلاء والله المستعان ولا تحزنين ابد لا كل ثانيه صبر يحتسب لج فيها الاجر يعني افرحي بخيانة زوجج بتدخلين الجنه من ورا صبرج عليه .
كأني طولت عليكم بموضوعي ويمكن البعض ما عجبه كلامي بس هذي قناعتي بالدنيا اللي انظر من خلالها لآخرتي انشاء الله وصلت الرساله لكم وينتهي مسلسل الاحباط المستمر للزوجات المكتئبات
