زوجي يمنعني من ..........:"(

[*روعه*]

السلام عليكم ورحمه لله وبركاته جداااااا سعيده بعودة المنتدى الله يجعله خير وبركه علينا يااااااارب ..

اليوم جايتكم بمشكلتي الله وحده العالم بضيقتي وهمي الكبير وما لجأت لكم الا لمن الحيرة اكلت دماغي وخلتني تعيسه ..
مشكلتي انو زوجي يمنعني من زياره اهلي يعني سار لي اكتر من شهرين ما شفتهم وهم بعيدين عني مسافة ساعه حده فقط ..
كتير مرات يطلع بحجج انو مشغول او تعبان او عنده اختبارات او او او .... والان عذره انه ما يبغا يروح كتير !!!!!

هل انا لمن اطلب اروح لاهلي مره كل شهرين كتير ؟؟؟ هل طلبي غير منطقي ؟؟
يقولي كفايه حتروحي المناسبه الفلانيه ( مناسبه زواج اختي لسه بعد 3 شهور ) .......

الصراحه قلبي مرررره يوجعني ونفسي اشوف اهلي لاني مشتاقتلهم واساعدهم في التجهيزات وغير الضغوطات اللي حاسه بيها من البيت ..
ماني عارفه ايش اقول لامي لو اتصلت وسالتني عن سبب عدم زيارتي لهم كل دي الفتره .. اعذاري انتهت معهم ..

((مع العلم قبل فتره حصلت مشكله بين زوجي وامي بسبب دا الموضوع وبعدها سرت احس انه بيعاندني في دا الموضوع كتير ومستحيييييل ادخل اهلي عشان يكلموه لان اخويا سبق واتدخل من غير فايده وسار يتحسس من امي وطلبني نخفف زيارات وانا مشيت على كلامه وبرضو بيشوف اني باروح كتير كل شهرين... بس انا خايفه امي تزعل وترجع تكلمه في دا الموضوع وتزيد الطينه بله ))..

انا محتاااااره كيف اختار بين زوجي واهلي اللي احبهم ؟؟ كيف يحرمني منهم وانا ما طلبت غير حقي فيهم وبكل منطقيه؟؟

بلييييييز سااااااعدوني ربي يسعدكم اللي مرت بتجربه قبل كدا او عندها حل تقوللي .. ما ابغا كل ما اروح لاهلي تسير مشكله ومضاربه ..
حالتي النفسيه زيرووووووووو وسرت اكرهه نوعا ا لانه بيحرمني من الشي الللي احبه....

والحمدلله على كل حال .......

 

[*روعه*]

(((((

 

[انثى تعشق رجل]

غاليتي .. لو كان الأمر بإختيارك لقلت انك قاطعة رحم
لكن الذنب الآن في رقبة زوجك .. وهو محاسب أمام الله على هذا
الآن لو زوجك لا يرغب في زيارة أهلك فأقل شي يوصلك لزيارتهم ويعود لبيته
ويرجع لأخذك ثاني يوم
لا ادري ماهو نمط زوجك لاتباع سياسة معينة معه
لكن بما انه توجد بينه وبين اهلك حساسيات ومواقف .. فعليك البدء الآن بإلانة قلبه تجاههم
بتوصيل سلامهم وتوصيل ذكرهم لزوجك بالخير لزوجك
مثلا الوالدة تمدحك وتقول مثل فلان مافي في الشيء الفلاني مثلا في الكرم او في اخلاقه ووقفته مع الناس
المهم حاولي ان مدحك له على لسان اهلك يكون شيء موجود فيه
او انه احد ذكر زوجك قدام اهلك بسوء وانه قاطع ومانعك عنهم وان والدك او والدتك ردوا عليه ونهرو عن ذكر زوجك بسوء
وانه عنده مشاغله وهم عاذرينهم وانه مايقصر اول مايفضى يجيب بنتنا لنا

وفي وقت آخر إذكري لزوجك انه قاطع رحم وان الذنب مو عليك عليه هو
وربنا سبحانه قال عن الرحم بما هو معناه من قطعك قطعته ومن وصلك وصلته
قوليله مايسوى الموضوع انك تاخذ ذنب على مشوار مابيكلفك شي .. واذكري له انك مو مسامحته عن هذا الشيء
لانك تحبي اهلك مثل ماهو يحب اهلك
وامك تعبت فيك مثل امه وقلبها يحتري شوفتك مثلها مثل اي ام في الدنيا
وبنفس الوقت غاليتي عند اهلك اذكري زوجك بالخير ووصلي سلامه لهم حتى لم يحصل ذللك منه

 

[*روعه*]

انثى... ما اقدر اقول غير صدق من اعطاكي لقب (حكيمه) ربي يسعدك ويفرح قلبك ويعطيكي ما تتمني
حاجرب نصايحك مع العلم (زوجي شمالي غربي) ولمن اقوله انه احد من اهلي مدحه او شي مايعطيني اهتمام زي كأنه كاشف خدعتي في تلين قلبه عليهم....زمان كان يفيد بس دحين لا..

شكرا حبيبتي انتي الوحيده اللي عبرتني من ايام والصراحه دا مو من طبع بنات بلقيس

 

[نوني فروتي]

حاولي تليني قلبه عليهم وتفهميه ان امك توصيك عليه بان تطيعيه وتصبري على طلاباته حتى لو مارضي يجيبك عندهم وفهميه ان المشكلة انك انتي مشتاقه للذهاب لبيت اهلك لو مرة قبل زواج اختك وبالدلال والطيبة انشالله يرضى اذا اقتنع ان اهلك ما يحرضونك عليه :17:

 

[رندا كووول]

عزيزتي روعه .مسافة ساعه مو بعيده .اجلسي جلسه هاديه مع زوجك وهو رايق واتفقي معاه يوديك لاهلك كل بعد اسبوعين تقضي عندهم اجازة الاسبوع وهو اذا حاب يجلس او يرجع البيت .......واذا وداك حسسيه بفرحتك وبحبك له وامدحي كرمه وانه مايقصر معك ..وقولي له اهلك يسلموا عليك ويمدحوا فيك ونفسهم يشوفوك ومشتاقيلك..
تقربي منه بالكلمه الحلوه تعمل المستحيل ..وابتعدي عن اسلوب العناد والاوامر........قولي انا احبك وما اقدر ابعد عنك ومالي غيرك بس مشتاقه لاهلي وانت مايرضيك اني اصير قاطعه وانت طيب وحنون وماتقصر .
ولاتنسي الاستغفار ف كل وقت....... ربي يحنن قلبه ويسخركم لبعض..

 

[*روعه*]

نوني .. الف شكر على ردك ونصايحك الحلوه ربي يسعدك ويوفقك بحياتك

رندا .. الله يجزاكي خير كلامك مريح وباجرب نصايحكم ان شاءالله ربي يسعدك

 

[الجده الصغيره]

زوجك اخذ موقف من امك ويحتاج فتره عشان ينسى فلا تضغطي عليه ولاتخلين امك تقول له شي....اصبري وربك يفرجها..

 

[عزتي فيه]

الله يعينك ويحنن قلبو عليييك صراااحه الا اهل الوحده واالله

ما الومك عشاان كذاا انا اكررررره اتزوج بعيد والله > الله لايعدني عنهم يااااااااااارب

حااااااولي معاه هدوء

 

[MannaR]

الله يعينك ..ويسخركم لبعض

 

[زهرة123]

مثل ما قالو الاخوات انا عندي نفس المشكله وجلست مع زوجي بكل هدووووووووء وحددي يوم كل اسبوع كل اسبوعين يوم الك تروحي فيه عند اهلك واشرحيله انه هدا يسبب لك مشكله ونفسك تشوفيهم استعطفيه بدون ما تترجيه بالدلع مو انا زوجتك حبيبتك مشان ما اضل ازن و ريحك مني اروح يوم وارجع والله بعاني معه نفس المشكله الله بيعين