زوجي يمنعني اكلم اهلي

[أحب الله وأخشاه]

كيفكم يابلقيسات
بادخل بالموضوع على طول
زوجي مايحب اني اكلم اهلي
بالجوال سواءامي اواخواتي اوابوي اواي احديقرب لي الااهله لوبالساعات واذاشافني اكلم اهله يبتسم ويفرح واذاكلمت اهلي يزعل ويعصب وتطلع طلباته ويجلس عندي اذاكلمت ويتجسس علي ومن غيرالاسئله مين اللي دق انتي ولاهم وليه تدقين عليهم ومايحبهم يجوني ويهددني يقولي الجوال بافصله ومن غيرالسب في اهلي مع العلم اني اروح لاهلي كل اسبوعين يوم واحدوارجع مع العلم ان اهلي ساكنين في نفس الحي اللي اناساكنه فيه وبمعنى اصح عقده زوجي اهلي حتى مايحبني امدحهم ولااجيب طاريهم والله هذاالموضوع متعبني تكفون اللي عندهاحل تقولي ولاتبخل علي ابغى مشورتكم يابلقيسات ​

 

[غلاء 2008]

طيب معقوله ماعرفتي منه السبب
اكيد فيه شي
لا نه م طبيعي

 

[التــائهــه]

وش يحس فيه زوجك

عامليه نفس اسلوبه اذا جاب سيره اهله

وبعدين قولي له جربت ترا انا مثلك مو معناته تزوجتني

مايصير لي اهل وانسى ماضيي او قولي لامه تكلمه

الله يوفقك اختي

 

[أحب الله وأخشاه]

هل من حق زوجي يحددلي الزيارات وطبعامافي سبب يخليه يكره اهلي اذاجاءعندهم يرحبون به وحتى اذاهم جواعندنايرحبهم بس قدامهم ولامن وراهم مايبغاهم يجون مرات اقول اصارح اهلي احسن ولاايش اسوي دائماحنافي مشاكل بسبب هذاالشئ فكرت اقاطع اهله علشان يحس بس مدري ابغى مشورتكم امكن علشان ساكته ماقلت لاهلي تمادى ابغى اعرف كيف اتصرف اذااتصلوااهلي الله يوفقكم ردواعلي احس اني كرهت حياتي

 

[الميهاف]

اشوف تقلين لاهلك ويسئلونو جا مننا شي غلطنا عليك عشان تمنع بنتنا
والله لينعدل وينكتم بالذات اذا ما جا منهم الا كل خير
بينحرج وهذا الي نبغاه هذا اذا فيه احساس بس يكون واحد من اهلك كبير وعاقل ويفهم كيف يطرح الموضوع

 

[قلب حائره]

انا عكسكم المفروض متقولي لاهلك اول شي مارح يتغير شي وثانيا راح تصير بنفسهم طول العمر وممكن يقاطعوك ؟

انا اشوفك انك تكوني شوي حازمه معه وتهديه تقوليله والله ان حدتني لخبر اهلي لجو عندي وقدامك بعد ؟ خوفيه

وحاولي متروح لاهله ووضحي السبب قوليله انا احب اهلك وع عيني وراسي وبنفس الوقت احب اهلي ولاني صابرتن عنهم ولامقاطعتهم لو توصل لطلاقي الضاهر شفتني سكتلك شوي ع بالك بستمر كذاا لا عاد هنا وحدك

والله هذا الحل الي انا اشوفه وربي يوفقك ....بس حبيت اسالك سوال مدري منين جاي خخخخ شو معناة اسمك؟ السموحه

 

[أحب الله وأخشاه]

اشكركل الاخوات اللي ردواعلي ومعناة اسمي يعني اموت في السفربس عمي ابوزوجي ديكتتوري مايخلينانسافراناوزوجي يعني محرومه من السفروياليت البنات يردواعلى مشكلتي

 

[مسك الجنة78]

الله يهديه ويصلحه عليج بالاستغفار وذكريه بفضل صلة الرحم ....والله يعينج

 

[فتاة الخير]

لاتخلينه على كيفه..صارحيه يمكن يغار من اهلك..
انا اول زواجي كان يكره اني اكلمهم ويخانق ويتامر اذا شافني اكلمهم..ومره قالي بتراضيني بشرط ماتروحين لاهلك شهر؟؟
واكتشفت انه يغار من اهلي ويبغاني اتعلق فيه وانسى اهلي..لدرجة انه كان يقول لي لو اخذت وحده يتيمة الابوين احسن لي تعتني بي..
وصرت اتحاشى اكلمهم عنده او اجيب طاريهم واهتميت فيه الى ماتعدل الوضع الحمد لله..
لاتكلمين عنهم عنده او تجيبين سوالفهم له..خليك ثقيله ..وكلميهم اذا طلع..وبتنحل ان شاء الله..

 

[دانة العالم]

حاجة غريبة فعلا بس لاتسمحين له ابد وقولي له اذا انت كذا ماراح اكلم اهلك وفعلا اقطعي في اهله
حتى يتعدل واضح انه غيور ويغار من علاقتك مع اهلك
لاتعطينه وجهه ابد ولايحرمك من اهلك وحاولي انك اذا كان عندك كلمي اهلك

 

[أحب الله وأخشاه]

اشكركل البنات اللي ردواعلي وياليت في حلول اكثرللمشكله