زوجي يقول فاقد الحنان!يالبى قلبه

[د.فتو]

بنات انا وزوجي كنا قاعدين نتغدى واولادي الكبار لسع قاعدين ناكل المهم حبيباتي قلت لزوجي اليوم قريت في الجريده ان الهيئه مسكت رجال متزوج وحرمتين مطلقتين جوا البحرقاعدين في وضع مخل للادب والهيئه الله يقويها كانت تراقبهم ومسكتهم وركبوهم ا الجيب المهم حبيباتي بغيت اجس النبض وقلت لزوجي والله مايجيب الفضايح الحين الا المتزوجين قصدي على القصه السابقه وقصة سفاح القاصرات اللي في جده وانه طلع متزوج وعنده سته اطفال يعني محصن وزوجي راعي خيانات ومكالمات الله يصلحه تدرون وش قال رد عليه وقال تلقينه فاقد حنان من حرمته فسوى اللي سواه قلت له( يااللهي ويحك ثكلتك امك ياحمق ابهذا الكلام ترد على الله عندما يسالك يوم القيامه ) معليش بنات خرب الفيوز عندي وتكلمت بالفصحى بنات وش رايكم هل زوجي فاقد حنان وش اسوي اشقق نفسي عندي سته والسابع ابوهم ماشاء الله الكل يطلبني اتفرغ له اولادي يقولون تعالي اجلسي معنا في غرفتنا سولفي معنا بناتي الصغار يقولون العبي معنا ونامي وزوجي يقول تعالي اجلسي معي واذا رحت انام الحقيني والكل ينادي تعالي تعالي وماعندي شغاله وكل شغل البيت عليه اسفه ان كنت ثقلت عليكم بس حبيت افضفض اللي بقلبي واولاواخيرا الحمد لله على كل حال وتراني احبكم يابنات بلقيس

 

[مقاطع فرح]

ههههههههه ياحليلك والله حتى انا ابصف في القائمه واقولك تعالي سولفي معاي
الله يخليلك بناتك وزوجك اللي ميت على جلستك معاه هههههههههه
الله يسعدك

 

[لايمكن اصدق]

طيب حبيبتي وزعي الاعمال بينك واولادك وسوي الاكلات السريعة وجيبي شغالة بالساعات وخففي على نفسك والله يعينك

 

[لمى الحب]

هذا عذر الرجال قال فااقد حناان طيب يعطي حناان عشان يااخذ ولى بس يقدروا يعطوا بالحرام ...ونصيحتى لك انتى يالغلا تحاولي تخلصي شغلاتك وزوجك برى البيت ودام عندك بنات يسااعدووك الله يسعدك ويسخر لك زوجك

 

[حكاية رحيل]

زوجك صرح لك وعرفتي علته يعني تقربي له اكثر سولفي معه طبطي عليه

ادري العيال كبرت والمسؤليات زادت لكن شوفي وش انتج بعدك عنه ( الخيانه )

وهو جنتك ونارك // حاولي تعيدين توزعين الادوار بالبيت وتخلي عيالك يشاركونك بالعمل وخاصه انه اللحين اجازه

فرغي نفسك بوقت معلوم لزوجك ، شوفي وقت فراغه وحاولي تنسقين اعمالك ماتكون بحضرته

استعيني بالات الجديده اللي تخفف عليك شغل

قومي قبل قومتهم بساعه وصلحي اغلب شغلك
مانصحك بشغاله وعيونه زايغه الله يهديه لكن لو تجيبين اللي بالساعه

الملابس برا تغسل وتكوى انتي قولي انشغل عنكم بكثرة الشغل دلعوني ادلعكم

 

[nona--]

هههههههههههههههههههههههه مت من الضحك حلوه الفصحى
ياحبيبتي الله ييسر لك الصالح يارب مدامك ماشاء الله صاحبه نفسيه مرحه وهذا اللي التمسته من كلامك فانشاء الله كان بس يبي يرفع ضغطك وماقصده شي

 

[حياة حقيقية]

سوالفك حلوة أكيد اولادك يبغوا يستفيدوا من اسلوبك في الكلام اما الطفل السابع انت سوي كل اللي تقدري عليه تجاه ودلليه وخلي لسانك. دائم حلو معاه لكن في النهاية الهداية من الله ، والله يساعدك ع البيت والأطفال بدون شغالة احسها واجد زحمة وضغط عليك حاولي تجيبي اللي بالساعة تساعدك حتى يتبقى عندك طاقة لملاطفة طفلك السابع بس مافهمنا ليه ماتجيبي لك شغالة دائمة تساعدك وتتفرغي لابو الشباب شوي

 

[تشكرات]

ماشاء الله على روحك الحلوه ..يا حظ أبو الشباب فيك ..

شوفي حبيبتي كلام زوجك صح ...أو بالأحرى ( الرجل الخائن )

غالبآ مايكون عنده حاله نفسيّه ...وزوجك فسّرها بنقص الحنان

( فهذه اشاره ....وتنبيه لك ...لازم تأخذيها بعين الاعتبار ....

كثّفي كميّة الحنان عليه ..والاحتواء له ....

وعاد نظّمي وقتك وتنظيف بيتك ورعاية أولادك ...وأتفرغي بشكل

كامل لزوجك ولاهتمامك فيه ......

ربي يسعدك ويوفقك ...

 

[نداء الامل]

الله يعينك والله مسئوليه بس اعطي كل ذي حقا حقه

 

[سديراويه كيوت]

آنآ آستغرب منك عآدي عندك يعني زوجك يكلم ويخون !!

وعندك عيآل بعد , الله يصلح آلآحوآل يآرب ..

إذآ آنتي تحبين زوجك آبعديه عن هالشي ( كيف رآضيه وأنتي تقولين إنه الله يصلحه رآعي مكآلمآت ) !!

مثل مآقآلوآ آلآخوآت , نظمي وقتك والصبآح رباح ودآيمـآَ وقت الصبح يكون فيه البركه فحآولي !!

والله يكووون بعونك , وقبل تنآمين

قولي الحمدالله .. ولآإله إلا الله ,, والله اكبر 33 مره وربي يبآرك في وقتك إن شآء الله ..

 

[ينابيع الحكمة]

يا حلوووو روحك (( د . فتو )) !! ​

ههههههههه .. ​

واحنا بعد نبييك يا د. فتووو , مو بس العياااال وأبووهم ! ​

ههههههه , ​

زاد العدد عليك الحيين .... واش بتسوووووين ؟؟

اسمعيني زيين :- بداية استعيني بالله , و ابدئي بالأوليات في الإصلااااح , وفي الأشخاص !

الصلاة , ربط الجميع بالله , ثم تدرجي بالنصح ..

ابدئي بنفسك , ثم زوجك , ثم الأبناء بدءا بالأكبر المكلف !

وهذا لا يمنع أن تبدئي بهم جميعا في تقصير لا يحتمل التسويف ..

(( الله يسعد قلبك , ويفرج همك ))​

 

[ايمومي]

اولحاجه جيبي شغاله ودلعي نفسك
وين بتعطين الحنان وكل هاذا عليك وعند سته ماشاء الله

وهي بتستلم شغل البيت وانتي كبي على زوجك الحنان كب ودلعيه وتدلعي عليه

 

[رافعةراس ابوها]

زوجك اولي من عيالك العيال الهيهم باي شغل بس زواجك عندةفراغ عشان كذايخونك اذاعرف السب بطل العجب انصحك تحتوي زوجك قبل لاتجي الي تحتويةوينساك ..... انتبهي موفقة