زوجي يعرف يتكلم ....ما اقدر عليه

[محبة مكة]

بس برضو انتي احسن من غيرك
اذا عصب تعالي له بعد شوي
وسوي شاهي وغيري الجو

 

[بدون جروح]

شوفي ياقلبي والله انا نفسك بس بعد 6 سنوات الحمد لله بديت ارد بس اوزن كلامي

انتي تعرفين بس يبيلك وقت انا ماقلت هاوشي بس ردي رد واضح وصريح

والله يعينك​

 

[الحريم]

مشكووووورين

على النصيحه

ما قصرتوا انا ارد ولساني طويل بس يعرف يسكتني ......... ويحاججني

 

[روح بريئة]

اول شي لازم تعرفين نمطه علشاان تتعاملين معه زيين

وانا احس ما به مشكلة فعلية بينكم الا سوء تفاهم وقلة تودد

وانا انصحك تتثقفين مررة بخصوص هالشيء في التعامل والحوار وفن الاقنااع يعني ترى الاسلووب والكلام الحلووو يجذب مرررة وكل هالامور تحددها وعي الشخص وادااركه ~

الله يوفقك وييسر لك امرك ويصلح حاالكم

 

[امرأة عصرية]

حبيبتي مشكلتج مثل مشكلتي ................ ما أعرف أرد نفس الوقت .......... بعد ما أقعد مع نفسي أندم اني ليش ما قلت شي وياليتني قلت شذا ........ بس أشوف الصمت يعطي نتيجة
الله يسهل لج حياتج ويسخر لج زوجج

 

[نجمة مشرقة]

الحقران يقطع المصران
لا بدا يتكلم انتي اسكتي لا تردين علية ولا تبررين موقفك
وخلية يهذري على كيفة
لاكن لو راددتيه بالكلام ممكن تكبر المشكلة

 

[تستاهل الغلا]

مرحبا 000
الاخت الفاضله شوفي لازم يكون عندج احترام للزوج حتى لوو كان غلطان هذا زووجج ولازم انج تحترميه مهم كلف الامر وبعدين الرجل اذا كان معصب حاولي انج ماتجادلينه لمن يهداء عشان مايجرحك بكلمه او مايكون مستوعب اللي يصير وبعدين بس يهداء طبعا نقشيه بالهدوء من غير عصبيه او تشنوج 00
الله يهديكم ويصلحكم لبعض

الله يرد لي رووحي بالسلامه قولوا أمــــــــــــين

 

[هذا رأيي]

السلام عليكم ورحمة الله وبركاته


زوجك شرقي صح؟؟؟؟؟


هذا النمط مايبي له طولة لسان ومرادد ومايبله بعد إستسلام ,,


كل اللي يبيه :-


1- إقناااااااااع بالحجه والدليل والبرهان القاطع ,,


2- الثقه بالنفس ,,وعدم الإرتباك عند مخالفته لرأيك ,,


3- التمسك بالرأي إن كان صحيحاً..دون أن توضحي ذلك كي لاتنقلب


المسألة لعناد ,,واحذري عناد الشرقي.....


ولكن كرري ..أحترم رأيك حبيبي ولكن رأيي هذا..


وإختلاف آراءنا إختلاف تنوع وليس تضاد..

(ولايزالون مختلفين ولذلك خلقهم)


لابد من الإختلاف ليبدع كلٌ في مجاله......


فهميه في بداية كل حوار أنه ليس الهدف هو أن يثبت أحدنا وجهة نظره


ويمشي رأيه ع الآخر ويطالبه بالإعتراف بصواب رأيه رغما عنه


بل الهدف معرفة وجهات النظر وقراءةالمواقف والإقتراب أكثر من الطرف الآخر .........


بطريقة وديه وأسلوب راقي ..دون تهميش أو تحقير ......


ونصيحه جهزي إجاباتك مسبقاً..فالشرقي إجاباته جاهزه دائماً..


وجاهزه للإطلاق أو للتصدير......


أعانك الله...

@ مروضة الشمااالي @​

 

[الوجه المليح]

اختي هذا رايي ردك معقووول

 

[الحريم]

ما شاء الله
جزاكم الله خير

ردودكم كانت نافعه جدا وجربتها مع زوجي والله جنها انفعت صار يسمعني ويسكت ؟؟؟؟؟

ما ادري ليش ؟؟؟!!!!!!!!