زوجي يطردني وهو سكراااان

[انوار عمان]

السلام عليكم ورحمة الله وبركاته هلا اخواتي حبيت اطرح عليكم مشكلة وحده من صديقاتي كانت متزوجه عن حب بس بعد الزواج تغير زوجها بنسبة 180 درجه صار يشرب كثير ويسهر كثير برا البيت وتطلقوا مره لكن رجعوا بسبب وجود طفله عمرها لسه سنتين ووعدها ان بيتغير بعد الزواج وكان الوعد امام المحكمه وامام اهلها لكن استمر ع وعده شهر وبعد كذا رجع مثل ما كان واكثر ودايم يجيها البيت بليل وهو سكران ويبدأ يهينها وكثير ما يطردها من البيت واخر مشكله كانت امس اخذ تلفونها وقام يتصل بصديقاتها ساعه 3 من اليل فقط كذا مجرد قلة ادب رغم ان صديقاتها متزوجات وممكن تصيرلهم مشاكل بسبب هالسالفه ولما اخذت التلفون من عنده قام يطردها من البيت وهذي ما اول مره ورغم ان اهله يعرفو بهالشي بس ساكتين عنه وما ينصحوه فكيف ممكن تتصرف مع هالزوج افيدوني الله يوفقكم جميعا ويصلح اعمالكم:tears:​

 

[ريموني]

عزيزتي

رجل مثل هذا ...... مدمن خمر ..... صعب بسهولة يترك الخمر ويصطلب ....

جربت الطلاق منه في المرة والاولى وما حشم اهلها ولا التعهد في المحكمة ......

شو يصبرها عليه ؟؟ طفلتها ..... طفلتها تكبر حاليا في بيئة غير صحية ,,,,,

الحل :

تستخير الله في الاستمرار في زواجها .....


موفقة

 

[فتاة الخير]

تستخير؟؟ ..وتخاف على نفسها..وماتسمع بالجرايم اللي كل يوم نقراها..؟؟
آخر ماسمعت ان أب دخل على بيته وفيه بنته تنتظره لانها من زمان ماشافتة واصرت اليوم تنام عشان تشوف ابوها..ودخلها النوم..ونامت مع بنتها الصغيره عمرها سنتين..في الصاله .ودخل الاب سكران وجاب السكين من المطبخ وذبح بنته مثل ذبح الشاة..وسمعت الام الصراخ وجت واثر البنت ميته ملطخه بالدماء..وحجرت عليهم ودقت على الشرطه.. ومسكوه..يحققون معه؟؟وهذي القصه بالسعوديه..لها اسبوعين قريبا صايرة..
هذا اللي يجينا من الخمور والبلاوي..الطلاق ولا تعرض نفسها للخطر..