زوجي يضرب نفســهـ

[ME YOU]

صبااااح الخير والحب حبيباتي
مشكلتي مع زوجي . . كلما تزاعلنا يقوووم يضرب راسه بالجدار يضربه بقووووووة ما ادري شسوي معاه والبارحه زعلنا قام يضرب راسة بقوووة بقوووة و يأخذ الموس يبي يقص ايده وقام خذا حجرة يضرب ايده عددل ما ادري شسوي معاه ساعدوني بليييزز
​

 

[خفايا الحب]

الله يكون في العون والله يهديه ويعافيه
اتوقع يعاني من حالة نفسية لأن اللي يسويه مو طبيعي بالمرررررة
حاااولي تتكلمي معاه وتشوفي يمكن كان يعاني من اشياء وأثرت عليه لما كبر

 

[خفايا قلوب]

اكيد هذا مرض نفسي حاولي معاه وقت مايكون رايق وهادي انه يراجع طبيب نفسي واتوقع هذا الحل الوحيد له
والله يعينكم

 

[..ضباب..]

هذا يعاني من قلب
شلون كانت علاقته مع اهله قبل تتزوجينه
يمكن ابوه كان يضربه
الله يعينك الحقي على زوجك لايسوي بروحه شي
كلميه بهدووء وفهميه يعرض نفسه على طبيب نفسي​

 

[كلي امل تتغير..]

الله يحميك منه ياشيخه
خليك قلب حنون عليه شكله كان يعاني بطفولته لان الي يسويه ما يخليك تتخيلين انه رجل بشنب مررررررررره

واذا قدرتي تقنعينه يتعالج بس اخاف يزعل منك

 

[مَلآمِحْ حُلمْ]

الله يشفيك وديه لدكتور نفسي

 

[نور كندا]

لاتزعليه ابدا ابدا ابدا ولاتناقشيه باى شىء لانه من الممكن ان يقتل نفسه باى يوم وتكونين الخاسرة اولا واخيرا فوجود الزوج مهما كان سيئا نعمه بحد زاتها فلا تعصبيه نهائيا مهما بدر منه وخليه يسمع منك الكلام الجميل والحلو مهما فعل انتبهى له فالزوج لايتعوض

 

[تألمت حتى تعلمت]

اولا ادعي له بالهدايه بعدين شكل عنده اضطراب نفسي او صدمه نفسيه حاولي تساعدينه في تجاوزها واعطائه ثقه بنفسه لان صعب يراجع دكتور مااظن يوافق فانتي عالجيه فالبيت حاولي تناقشينه بهدوووووء وتجنين عليه وترفعين معنوياته وتساعدينه يتخطى هالمحنه وربي حزنت عليه الله يشفيه يارب ويخليكم لبعض

 

[ME YOU]

مشكوورين خواتي فعلا زوجي كان يعاني في صغره كان ابوه دايم يضربهم
​

 

[لن أيأس]

ماادري اعتقد انه زوجك يبي يبين لك انه يحبك وانه زعلان من نفسه انه زعلك فيعمل قدامك......حتى وان كان بغير شعور ....

ولاتحاولو تتزاعلوا خليك ساكته وقت زعله

 

[سهم العشق]

في ناس كده يا اختي وهذا والله اعلم من العصبييه الزائده عشان كده تجنبي ان تغضبيه قدر الامكان 00 ​

 

[ليدي إلهام]

ياحبيبتي كان الله في عونك وطبعا الحل الاول الدعاء والله والصلاة لهما سحر غريب والحي لله في الدعاء

إثنين ..أسألي احد من اهله تمونين عليه عن طفولته وخليهم يساعدونك في الحل أو اخذه إلا طبيب وهم اقدر وإذا كانت العلاقه مش قد كذا دخلي اهلك للمساعده فهذا زوجك وفهميه إنك ماتستغنين عنه وإنك تحبينه بس هذي الأجرات للمصلحه العامه وإنك مالك غنى عنه طمنيه زي الطفل الصغير لمن يكون خايف يحب احد يطبطب عليه وجزاك الله الجنه واسعدكما

 

[cathren]

الله يكون بعونك..

طيب اش كان الموضوع اللي خلاه ينفعل كذا.. هو كبير ولا بسيط؟؟
وأنتي عصبتي عليه ولا من نفسه انفعل وعصب؟؟


لمن تزعلين حاولي إنك ماتنفعلين وتتغير نبرة صوتك..

يعني كأنه زعل على دلع..
ولمحي له في أوقات ثانية اش يرضيك.. مثلا هدية أو إنه يوديك مكان..

يعني عطيه فرصة يعبر عن أسفه ويحس أنه ضميره مايأنبه.. لأنه الظاهر لمن يحتار بغضبه عليك وعلى نفسه يطلعه بهالطريقة

ولو لا سمح الله صار هالشي مرة ثانية امنعيه بس مو بصراخ ولا إهانة..
اوقفي جنببببببه وخليه يشوف دموعك وخوفك عليه وحبك له وقوليه لا أنا ما أبغاك تسوي كذا وتأذي نفسك
صحيح أنا زعلت منك بس مو معناته إني ماأحبك وأخاف عليك ..أرجوك لاتسوي كذا في نفسك.. أنا أحبك

وانتي ادرى باللي يهديه ويطمنه
واضح أنه مضطرب شوي و مايتحمل شد الأعصاب
وعليك إنتي أنك تتحكمين في أعصاااااابك و بقووة كمان لمن ربي يشفيه
وخلي أملك بالله كبير وأدعي له.. ياما الزواج غير أطباع وشخصيات ناس
وعليك بالصبر ثم الصبر ثم الصبر.. يبغاله شوية مداراة


لمن تكونون فاضين و مسترخين على تلفزيون أو قبل النوم أمسكي يده.. بوسيها.. حركي أصابعك عليها..
ومرات أمسحي على أكتافه ..يعني دايم داعبيه بحنية..

قوليله كلام حلو وارفعي من معنوياته وبيني له إنه كبير بعيونك

حسسيه بالحنان والأمان والحب..
وفي نفس الوقت خلك حازمة شوي.. يعني مو دايم تراضيه
بعد فترة إذا حسيتي إنه بدأ يتعود عالوضع جربي إنك مرة تطنشينه وتطلعين غرفة ثانية بكل هدوء و انشغلي بأي شي عنه




آسفة عالإطالة
وإن شالله أكون أفدتك

 

[روح القلوب]

الله يشفيه

 

[روح الحياة]

أحس كأنك تحكي عن فلم هندي هههههه

يجوز زوجك حابب يمثل عليك حتى ما تزعليه مرة ثانية

تجاهليه و حسسيه ان هذا شي عادي و ما يهمك ضرب نفسه قتل نفسه مو مهم حتى يوقف هذه الحركة الغبية

تماماً مثل الأطفال لما يضربوا رأسهم بالأرض حتى ينفذوا الي براسهم

 

[تلميذة مريم]

يمكن يبي يخوفك حتى ماتكثرين زعل فلاتبيني أنك متاثرة .

 

[حصه أخت رقيه]

الله يشفيه ياااااااااااارب زوجك مثل ماقالوا البنات يعاني
من حاله نفسيه من صغره ومأثره عليه بمثل الحاله لازم
تغمرينه بحناااااااااانك وعطفك وتهتمين فيه وتحااااولين
تتجنبين المشااااكل بقدر المستطاع وتعطينه الثقه بنفسه
وتحسسينه بقيمة كرجل هذا بحاله اذا كانت الحاله أذيتها
مقتصره عليه بس إذا كانت مأثر عليك بضرب أوأي شيى
ثاني أنصحك تشرين عليه يروح دكتور نفسي .

 

[وبكرا احلى]

حاولي انج هالفتره ماتتزاعلو ابدا بس اصحي تكلميه عن الدكتور النفسي حاليا لان اكييييد ماراح يقابلو بس انا اقولج وش تسوين انتي كلمي دكتور نفسي وقولي له عن حالته وبدوره يعلمج شلوت تتعاملين معاه باختصار كوني انتي الطبيبه النفسيه له بس بدون مايشك بأي شي

 

[مدمنة خلطات]

المشكله نفسيه ومعدوومه الاحاسيس الجسديه
ـ الله يكوون بعونج خيتي

 

[ايتن]

السلام عليكم ارقى زوجك يا اختى ويشرب ماء مقروء عليه وادعيله ربنا يشفيه ولو حالته استمرت على كذا يا ريت تستشيرى اخصائى نفسى وربنا يشفيه وتجنبى اثارته قدر المستطاع وحاولى تعيشيه بهدوء الله يفرج كربكم