زوجي يضربني ..ومتكبر ..

[أنثى مجروحة]

زوجي يمده يده علي على اتفه الاسباب يعني مايتناقش على طول يمد يده ويقول هذا عيب فيني ...وغير كدا معاملته معاي جدا رسمية ويحب دايم يصغرني ويذلني احسه يرتاح لما يشوفني منذله له وفوق هذا كله خاين كم مرة اكفشه لغاية ماصارت عندي مناعه وغير كدا مايحقلي ازعل ولا بأي حاجه واذا زعلت يمنعني من الخروج ومن المصروف هو دايم صح وانا اللي غلط وغير كدا يحب يبين لأخواته انه مااحنا مرتاحين مع بعض ... هو يقول انه صوتي عالي وكلامي يجرح بس مااشتم ...انا ماني ملاك اقدر اصبر مرة مرتين بس المرة الثالثة مااضمن نفسي
انا والحمدلله قدرت اكتفي منه نفسيا وماديا يعني صرت باردة من ناحيته وصار الحين ينرفزني بالضرب وانا مااقدر اتحمل ...ايش اعمل ..اخاف اسكت على الضرب يزيده اكثر

 

[آخر آمالي]

للأسف من أول مرة ضربك فيها سكتي .. المفروض إنك أخذت موقف حازم معاه من أول مرة ... ليش سمحت له يتطاول عليك كل هذي الفترة ؟؟؟؟ لهذي الدرجة نفسك رخيصة عندك ؟؟!!! هذي مشكلتنا يالحريم نرضى بالذل والإهانة ولما يتمادى الزوج نشتكي ... أي زوجة المفروض ما تسمح لزوجها يمد يده لأنها بشر ولها كيان والله كرّمها ....

حاولي تلجأي لشخص حكيم من أهلك كي يساعدك في حل المشكلة والتفاهم معه ...

ولا تنسي الدعاء حينما ينزل الله إلى السماء الدنيا ...

سخر الله لك زوجك وحنن قلبه عليك ..

 

[أنثى مجروحة]

صح كلامك ... طيب ايش اعمل هو مايسمع كلام احد كل مايبغى احد يدخل مالكم دخل ... كيف ارجع احترام زوجي لي ؟؟؟ هو مرة مستهين فيني حتى يقولي لو عندك كرامة ماكان جلستي عندي واهلك لو عندهم كرامة ماكان تركوا بنتهم كذا ....
انا حاليا عند اهلي من بداية رمضان لانه صارت مشكلة تافه ومد يده علي وانا مرة تعبت وتركت البيت امي قالتلي حاولي تكلميه اتصلت عليه مرة يقولي نايم ومرة مايرد اخر مرة رد علي يقولي ايش تبغى مني انا ماابغاكي تجي البيت ماابغى نكد ...المشكلة انه عندي منه ولد حتى ولده ماسال عنه ولا حتى ارسله مصروفه ومصورف العيد

 

[انا رائعه]

حسبي الله و نعم الوكيل
الجأي لربك

 

[وفقدت امي]

الله يهديه ويسخره لك آمين اكثري من الدعاء في هذه الاياام فهي مباركه

 

[إم الأمير]

طولي بالك وادعى ربك وربنا يجمعكم على خير

 

[%الجوري%]

اتصلي عليه وقولي ابغا المصروف

الله يسخرلك زوجك

 

[أنثى مجروحة]

انا رائعه
فقت امي
ام الامير
الله يجيب اللي فيه الخير ... يارب نستقر ونرتاح بالدنيا هذي

 

[أنثى مجروحة]

انوثة طفلة .... طيب مافكرتي ايش راح تعملي ... خلينا نفكر مع بعض دام انه مشكلتنا وحده

 

[اام صالح]

يضربك وساكته .. لا وجالسه عنده بعد !!!!!


اسمحي لي لاتعلييييييييييق!!!

 

[لؤلؤة البحور]

لا بلاش تطلب منه مصروف كدة هيحس انها محتاجه له ومش قادرة تستغنى عنه

لازم يحس بقيمتها وان لها كرامة وانا كانت بتصبر عشان تحافظ عليه وعلى بيتها

 

[وتين حبيبي]

اطلبي مصروف لولدك كل شهر وهوبالطقااااااق الي يطقه

موفقه

 

[أم جـــود]

والله بصراااااااااااااااااااحه مشكله خلي ابوكي يكلمه يايترك حركاته ياتنفصلوا

مايصير تجلسي معلقه كذه

الله يعينك

 

[الخط الفاصل]

أختي ما أنصحك تتصلين فيه ولا ترسلين رسايل ولا وسائط اهل خير ..
أنا بقول لك هالكلام بعد ما قرأت ردة فعله من اتصالك..حسبي الله ونعم الوكيل.
عزي نفسك و حافظي على البقية الباقية من كرامتك..
هو للحين شايف ملاحقتك له ..
لاتجرين وراه ...اهجريه حسسيه بالإستغناء عنه والإنشغال عنه...
ولو استدعى الأمر 6 شهور أو سنة.. خلي نفسك طويل واصبري ...عشان ترجعي بيتك معززة مكرمة راسك فوق.
لا تنسي الإستغفار والتسبيح والدعاء بإلحاح وتحري اوقات الإجابة..

الله يفرج همك ويقدر عليك أقدار كلها خير وبركة.

 

[احاسيس تائهه]

داخله باكتب نفس المشكله ضربني والحين انا عند اهلي
جاء يبي ياخذني بدون ان يعتذر او ديه او اي شي
بالعكس جاي ويقول انتي اللي ناقشتيني كان سكتي
طبعا انا رفضت الرجعه الابتعهد مايمد يده لكنه رفض التعهد ولم يرد علي

 

[عيوني مياسه]

كلام أختي الخط الفاصل عين الصوااااب
خلاص لاتهيني نفسك اكثر من كذا . ولاتطلبي مصروف عشان مايذلك اكثر,

 

[اام صالح]

والله شين وقوي عين .... خليه ينقلع هاللي مايستحي

انتي زوجته مو جاريه عنده ... حتى الجاريه لها حق وكرامه.. عزي نفسك ي قلبي وطنششششششيه الرجال لاشاف الحرمه ضعيفه دااااااس عليها اكثر واكثرررر
طنشييييييه

 

[عروسه2011]

ياقلبي الله يعينك جد شيء يزعل :-(
بس تعرفي الله يهديكي المفروض ماسكتي من اول مره رفع يدو عليكي
اي شيء تسكت الزوجه عنو الاا انو يسيء لكرامتها واهلها
او يمد يدو هنا لازم أحد يوقفلو بصرااااااااحه
وعليكي بالدعاء الله يصبرك ويهديلك هوا وينصرك عليه

 

[الحلوة الجميلة]

الله يكون بعونك

 

[نضوج أنثى]

المفروض ماطلعتي من بيتك بس كلمتي اهلك وجوا رجال يتفاهمون معاه ويوقفونه عند حده بس طالما طلعتي لا ترسلين له ولا تكلمينه هو الحين يفكرك ميته عليه وماتقدرين بدونه اول شي خلي رجال من اهلك يكلمه يجيب مصروف للولد اقل شي هذا حقه مافيها إهانه ولا شي اجل يخلف وخلاص انتهى دوره لا تتواصلين معاه ابدا خلي الكلام بين الرجال والجأي لله لاتنسين الدعاء والاستغفار والله يفرج همك يارب