معلومات نورة الحبوبة♡
- إنضم
- 20 ديسمبر 2019
- المشاركات
- 15
- مستوى التفاعل
- 6
- النقاط
- 0
حبيبتى عايزة اسائلك سؤال معلش جه في بالى
هو كان كده من اول جوازكم و هي ديه اخلاقه و طريقته و لا في حاجة حصلت بينكم و خدى بالك ممكن تكون حاجة نافهة بالنسبة ليكى و لكن بالنسبة ليه حاجة كبيرة لان ايه اللى يخليه يقولك كنت عايز ارفع من مستواكى و اخليكى فوق بس انتى مش تستهلى تبقى فوق و فكرى كده بينك و بين نفسك .
موضوع انه بيخرج مع أصحابه اكتر الرجالة بتعمل كده و بتفضل الصحاب عن قاعدة البيت بس مش بتوصل انه بيعقد بالايام ميعرفش حاجة عن عياله الا في حالات قليلة لانه في حالة جوزك مش طايق البيت و اللى فيه .
كمان فكرى انتى عملتى ايه مع اهله عشان تكسبيهم بعد ما كانوا بيعاملوكى بنفس طريقته و قدرتى تكسبيهم و بس معاه زودى شوية و اكيد هتفهمى لانى بصراحة انا حاسة انه شايل منك قوى قوى
لا فالبداية كان احسن منه ماشي وهو الوحيد المميز فالبيت بينهم كلهم شخصيته واخلاقه حبه لتقديم المساعدة ذكاءه ملاطفته للجميع والكل يمدحه في حبه للعمل ورغباته بالنجاح في الدوام وفي الدراسة ومشاعره حبه لي كلهم كانو يقولون انه كنا طيور حب اهله كان فيهم غيرة وعارفة انتي غيرة الام بالذات لكن اكتشفت بعد فترة غيرة الاب من ابنه لانه عنده زوجة مثلي؟؟ بتستغربين من كلامي
فكلما تعلقنا ف بعضنا ولا تقربنا طالبو اهله بتفريقنا وتطلب مني الام اسوي كذا مثلا تنظيف ترتيب أو اي شي والاب يطلب منه مجالسته غصب عنه وهو مايحب يجالسه بسبب امور قديمة عالقة في ذهنه عن اهله
كان يفضل اصدقائه على البيت بسبب اني صرت مشغولة ورا امه الاحقها فالمطبخ وغرفتها وبيت الجيران والعزايم ووو وصرت ابتعد عنه شوي شوي وسبب هالشي ضغط نفسي علي وعليه وهذا كله صار في أول 3 شهور من زواجي صارت طلعاته في مبيت يوم او يومين من فترة بعدما غير وظيفته وكثرة ديونه فالبنك ومشاكل اهله وقلة اهتمامهم فيه وابتعادهم عنه خلا ثقب في قلبه فيحس الحين انه طفل محتاجني انا فقط مايحتاجهم ولا يشوفهم شي مهم في حياته.
بالنسبة لأهله كنت قوية شخصية فالبداية اذا سالوني أو طلبوني شي ارد بكلمات قوية مثلا مرة طلبت مني امه اني انظف غرفة اخته الصغيرة فقلتلها قبل ما تزوجت ولدكم كانت الخادمات تنظف غرفتها والحين تطلبين مني انظفها اعتقد ولدكم ماخذاني من مكتب الخدم خذاني من بيت اهلي فهالردود كانت تسبب ارتقاع السكري والضغط عند عمتي وتبدا تصرخ فيني انتي مب متأدبة ومب محترمة وقليلة ذوق ووو وانا مثل امج وانا ماقلت اني خادمة وغيرها وانا اضحك في ويهها واسير غرفتي وطبعا الام تتصل في ولدها وفلانه واحد اثنين ثلاث قالت وقالت وسوت وما احترمت. وتقول لابوه ولزوجات اخوانه ولبناتها عني وتنتشر الاخبار فالبيوت واصير علكة شرات مايقولون ههههه فقررت اني ليش اسوي هالشي اللي يسبب ازمة نفسية بيني وبين زوجي طبعا هو يرجع البيت ويبدأ يحقق معاي ليش قلتي وشو القصة وشو قالو وليش ماسويتي المطلوب وانهيتي القصة ولا صارت مشكلة كبيرة ويروح عندهم ويدافع عني وكأنه مكتب تحقيق في جريمة اخلاقية ويطلبوني ويطلبونه واقاويل ومناقشة جميع افراد الاسرة والباقي يتفرجون وعقب يطلبون منا نتأسف ونطلب السماح لانهم الوالدين واذا ماسوينا نغضب الله علينا وهكذا هي اموري كانت في بداية زواجي .. فقررت امسح شخصيتي اخفف من قوة لساني احتفظ بكلماتي لنفسي وبدل من الغضب اسيطر على نفسي استغفر واطلب من الله ياخذ حقي بعد فترة صرت يتيمة ماتو والديني واخواني كلن لاهي بحياته اتواصل وياهم فالواتساب بعدما طلبو مني اهله اقطع علاقتي فيهم عشان تكون حياتي مستقيمة وهذا بسبب نماذج مرت عليهم سابقة.
هو شايل مني بسبب علاقتنا سابقا صح كلامج ذكرتيني بالذي مضى.كنا نكلم بعض بالتلفون ايام الثانوية وبعدين قررت اني ما اكلمه وقلتله تبيني اخطبني من ابوي ماقدر اكلمك كل يوم فالتلفون واخاف من ابوي اذا عرف باللي اسويه كان يترجاني ويطلب مني اكلمه لو فاليوم مرة وانا كنت ارفض لأنه كنت خايفة مايخطبني .. واخطأت الظن فيه وكان رجل بمعنى الكلمه اول ماتوظف اتصلي وقالي بخطبج هالجمهة وخطبني وانا استحيت من نغسي عاللي سويته وهو شايل هالموضوع في قلبه ودايماةيذكرني فيه