زوجي يسهر عالانترنت ومخليني بروحي:(

[بنت كويتيه]

زوجي فجأة اشترى لاب توب وصار مدمن انترنت ويسهر

وصار يجذب علي مثلا لما اقوله وينك فيه يقولي بالدوانيه وشتسوي قاعد مع الربع

والصج ان سهران بالانترنت

بنات شنو السياسه اللي اتبعها" خصوصا ان يجذب علي " وانا مسويه نفسي غبيه ما ادري ان قاعد على الماسنجر يسولف
ومخليني بالشقه اسهر بروحي

انا قلت اكيد منتدى بلقيس مايخلى من هالمواضيع او المقالات

بليز ابي رابط او اللنك اللي يتكلم عن هالموضوع​

 

[يحق لك]

استغفر الله العظيم
الله يهديه وجميع شباب المسلمين

 

[روز..]

خليه ع راااااااااااااااااحته الين يمل ولاتناقشينه لانك اذا ناقشتيه ماتستفيد الا الشجار والزعل

 

[بسمه مجروحه]

الله يعينك ....بس انتي كلميه او ارسليله لما يكون برا...
انك مشتاقه له ومن زمان ماسهرنا مع بعض....
وادا حسيتي بطفش روحي عند اهلك ريحــــــــــــي...مو عشان تسببي مشكله..لالاعشان ترتاحي..وتنبسطي..
واستغفر ربك..
والله يهديهم اجمعين

 

[نغم الحياة]

والله كلهم كذا الرجال ادمان اهم شئ يكون في البيت
عادي كلنا كذا

 

[بنت كويتيه]

بنات والله خليته على راحته بس تعرفون لما يمر اسبوع واسبوعين
وفجأة ييجي مبجر عشان مشتهي" سوري عالكلمه" ويساحل ويدلع
ودي اقوله مولايق فاهمه اشتبي ؟
ساعات افكر اخذ الاب توب واحذفه من الدريشه" من دخل بحياتنا وتغييرت شغلات واجد

 

[دفى فجري]

انا عروسه وهو نفس حال زوجك

بس مطنشه كل مافتح لاب توبه فتحت لاب توبي

هههههههههههههههههههههههههههههههه

وع ذا الحال