زوجي يريد يتزوج وحدة ثانية

[ام مصعب]

زوجي جاته فتره يجبيب سوالف فلان تزوج لكن كنت اسمع واسكت وكنت اجننه اذاقاللي كذابس شوف اا تزوجت علي اني اللي قبل تدخل تشوف عيالهم لكن انااانساني يجن اذاقلته كذا طبعا اسلوب مزح وضحك

 

[ام غس]

حبيبتي مافي مره بلدنيا دي كلها لا وازيدك من الشعر بيت
في العالم دا كله تقول لزوجها وهي راضيه تمام الرضى
ولا حتى تكون مقتنعه ولا صاحيه
روح اتزوج وتستسلم لو الزوجات زيك ماكان في مشاكل ابد

هههه منجد كاني اسمع قصه بلخيال
اسمحيلي اختي من قهري عليك
فين الغيره :questionmark:وين الحب :questionmark:وين حب الدات :questionmark:
اختي بما انك راضيه ليش تنقهرين عيل خدي الموضوع برضى واستحميلي
يلي حيجيك انتي وبناتك من مشاكل
لازم تحمي بيتك وبناتك من هاي المصيبه مو تجيبينها على نفسك
ادا صار شي بعدها ماراح تتكلمين لان وقتها زوجك شو حيقول

انتي كنتي راضيه ليش الحين تتكلمين

انا ماحزيد من كلامي يلي اكيييييييد ماينفع بشي لانك مقتنعه

ماحقول الا الله يعييييييييييييييييييييييييييييييييييينك بلي حيجيك:busted_red:

 

[البعد همي]

والله بعض الاخوات لوم ايردون ابرك يعني قل خيرا او اصمت وبعدين ممكن الوحده فينا تقول كلمه وهي ماتعرف اثارها على المستمعه وتولد مشاكل وخراب بيوت بدونماتحس اما اختي صاحبة المشكله فيه مثل يقول الموت مره ولاالخوف الف مره يعني لو بيتزوج ماراح يهمه رايك كثير وهدي نفسك احنا في دنيا عابره وهدا كله بيصير دكرى وعدت المهم ماتظلمينه وهدا مونهايه العالم عشان تهلكين عمرك وادعي كثير بالخيره

 

[قوية الساس]

قلبي علييج حبيبتي
الله يصبرج و يردلج زوجج
بس حياتي انتي غلطتي يوم قلتيله روح تزوج حتى لو من قهرج علييه قلتييها
هو ما بيفهم انج مقهوره و قلتي جييه ,, هو بس بيفهم انج عطيتييه الضوء الاخضر و خلاص بينسى قهرج و غيرتج و بيقولج انتي رخصتيني !!
ياعمري لاتقرين موضوع الاخرى في حياتك و تطنشين موضوع غيرتي هي احترامي لذاتي !!
وين احترامج لذاتج ؟ تبين شي و قلتي شي ثاني عشان ترضينه ؟ او بالاصح لانج عارفه انه هذا حلال و شرع الله ؟ و النعم بالله بس الغيره بعدها موجوده ليش تنكرين هالشي جدامه ,, رجعي فورا قوليله انا مارضى انك تتزوج عليه ,, و لو من البدايه كانت وحده في حياتك ما كانوا اهلي بيرضون فيك و انت عارف !!
اقري بعد قصه ام الوليد ممكن تفيدج
حتى لو انتي متأكده انه بيتزوج خير شر لاتغيرين كلامج و لين اخر لحظه قوليله ماباك تتزوج و بينيله غيرتج (المعقوله) مب الغيره (المرضيه) لانه هذا من حقج و فالنهايه هو يسوي اللي يقدر عليه ! المهم انتي ماتتراجعين عن هالقرار
ثاني شي شو يعني مايقدر يمسك نفسه وقت الدوره ؟؟؟ يوم تكونين في النفاس شو يسوي عفوا ؟؟؟؟؟؟؟؟؟؟؟؟؟ يا عمري هذا عذر عشان يقنعج و تخافين تشلين ذنبه من الحرام ! قولييها في ويهه و بكل ثقه و بدون خوف ! قولي انا مب راضيه عن زواجك و مافي وحده ترضى تشوف زوجها مع وحده ثانيه حتى لو زوجته الثانيه ! و بعدين انت شل ذنبك اذا ناوي توقع فالحرام انا مالي ذنب يوم الدوره تيني 10 ايام هاي انوثتي و انا جييه ! و امشي عنه بكل هدوووووووء و خلييه في حاله يفكر في كلامج و الله يوفقج :icon26:

 

["عطر الورد"]

الحين شلون اتصرف

انا صدقوني مقتنعة بكلام كل وحدة فيكم بس المشكلة اني بعد ما قتله روح تزوج كيف
افتح الموضوع معاه بما اني قلتله روح تزوج ولا تفتح معي الموضوع مرة ثانية؟
يعني كيف افاتحه بالموضوع؟
افيدوني

 

[قوية الساس]

عفوا نسييت 4 نقاط

النقطه الاولى هي انج لا تضحيين بوناستج و سعادتج في سبييل فرحة زوجج ! انتي اهم لنفسج من زوجج و تأكدي ان هالشي بيزييد تعلق زوجج فيج

ثاني شي قوليله بهدووووووء حبيبي انا احبك و اموت فييك بس انت قررت انك تشوف حياتك للمره الثانيه و انا من حقي اشوف حياتي مع حد ثاني بعد ,, انا اعرف انت شكثر تحب عيالك عشان جييه بخليكم عندك و متأكده اني اقدر اشوفهم و هم عندك متى ما ابا ! اذا صدق ناوي تتزوج الله يوفقك انا ما بنساك مهما صار بتكون انت ابو بناتي و ذكرى حلللوه بس خلنا ننفصل و اشوف حياتي مع غيرك ,, و بعد امشي بهدووء و خلييه يفكر !

اهم شي الهدووووووء لانج اذا قلتي هالكلام و انتي تصرخيين او تقولينه بنبره حااده بيعرف انه كلامج هذا من قهرج ,, بس انتي خلييه يحس انه اتس اوكي عندج هو يروح يتزوج و انتي بعد و بيخاااف من هالسالفه و انشالله يتراجع عن قراره

ثالثا اهم شي الدعااء استغلي اوقات الاستجاابه

و اخييرا .. لاتقولين انا اسوي و اسوي و اسوي و اسوي و هو يبا يتزوج ! فكري عدل الف مره يمكن السبب شي ثاني مب خوفه من الوقوع فالحرام ؟ ماعرف ليش احس انه قال جييه عشان ما يجرحج و ما يحسسج انج مقصره او تسويين اشيا بزيااده هو ما يحبها ترى الرياييل ما يحبوون انهم يتدلعوون بزياده ! بالعكس يحبوون اللي تدلع علييهم و هم يركضون وراها .. يمكن هو حط هالسبب لانه مايقدر يقولج انتي مقصره او مسويه اشيا مالها داعي بزيااده

 

[قوية الساس]

حبيبتي انا بحاول اساعدج

سوي نفسج متضايقه مره ,, حطيله الاكل و لا تاكلين عدل خلييه يشوفج ماتاكلين يحاول يعرف في شو تفكرين .. اذا سألج لاتقولين شي امشي عنه دخلي الحجره ,, خلييه يلحقج ,, ارجعي اطلعي ,, العبي بأعصابه شوي ,, بعدين قوليله بصراحه انا ما كنت اقصد اني اقولك روح تزوج ,, انت تعرف انه مافي وحده ترضى و عذرك مب مقنع بالنسبه لي ,, الشيطان خلاني اقولك روح في لحظة غضب و انت تعرف ان الشيطان اكبر همه يفرق بين 2 يحبون بعض و انا ناويه اغلب الشيطان ماخلييه يغلبني و وو ,,, قولي الكلاك اللي قلناه و تشوفينه مناسب لزوجج ! اهم شي فهمييه انه العياال لك عشان يخاااف يشل همهم لوحده و يترااجع ,, قوليله يعني مب عدل انت تعييش مرتين و انا مره وحده بس

 

[أم حارب1]

الله يكون في عونج
الله يصبرج انشالله


تحياتي
أم حارب1

 

[فراشة طائرة]

البنات ماقصروا بالردود والله لو بموت ماقلت له تزوج تعرفين الرجال ايش تفكيره لما تقولين له تزوج بيقول هذا اكيد ماتحبني وين غيرتها ؟؟
انتبهي لزوجك وبيتك وحافظي عليه قبل يخرب وحتى لو قال بتزوج قولي لو تزوجت انا مو راضيه وهدديه انك بتخلي بناتك عنده تربيهم العروس الجديدة مجرد تهديد بس وشوفي ردة فعله وخليك حازمة بالكلام مو كلام وبس
والله يسخره لك

 

[غاية في الأنوثه]

حبوبتي أنا أدري من كثر ماقام يكرر موضوع الزواج وغثج فيه قال قلتيله بلحظة استسلام روح تزوج وبعدين اعترفتيله إن موافقتج له لإنج تحبينه ..حبيبتي الزوج بيركز عالكلمه الأولى (الموافقه عالزواج )وبيطنش الأخيره (لما قلتيله لإنب أحبك )لإنه هو واثق أصلا من حبج

تذكرت كلمه لأحد الرجال الزوج إذا شاف أموره كويسه وطيبه ومرتاح مع زوجته يحب يسوي أكشن بحياته فالله يخليج إنتي سوي هالاكشن مو أقولج اتضاربي معاه ولاتخانقوا لا ابدا أبدا

لاتتناقشين معاه بهالموضوع نهائيا وإذا فتحه معاج طنشيه مع أداء دورج بالكامل بما أمرك الله

وبيني إن هالموضوع يضايقج وقوليله ماأحب اتكلم معاك بهالموضوع لأنه يسبب بينا زعل ومشكله وأنا لإني (أحبك)(هنا تقال هذه الكلمه)أحب أستمتع بلحظاتي معاك مو أتمشكل وياك

وإذا قالي إنج كنتي موافقه قوليله كنت غبيه (عفوا على هالكلمه بس لاتقولين مثل بعض الحريم حماره المره اللي ماتقدر نفسها مايقدرها زوجها) المهم قوليله كلمه وندمت عليها وتبت إلى الله منها
وقولي بينج وبين نفسج إذا الله كاتب بيتزوج راح يتزوج المهم ماأبين رضاي أصير عسل بكل شي إلا بهالموضوع لازم أبين إني متضايقه

وعلى قولتج الرجال إذا بيتزوج مايمنعه شي فليش تسوين له مرور يعني أوكي

ويمكن بخاطره يجرب مغامره وعباله كل الحريم مثلج واذا على حب الحريم قوليله غض البصر واذا قصده لاينحرف مثل مايتعذر تقدرين تقوليله لا إنت أكبر من هالتصرفات وتعرف إن الله بيحفظك


أهم شي عطي طاااااااااف وبوزي إن جاب هالموضوع (أكشن صغير وماتدرين يمكن بيشوف غلاته عندج )
وادعيله

 

[لمسة حنين]

اختي انصحك بان ترفضي لاخر لحظه في حياتك كوني قويه وكلهم الريايل واحد يقولوا بيتزوجوا بس انتي بذكاءك تقدري تقلبي الموضوع في صالحك لا تقارني حيات الصحابه بنا والانبياء ولا واحد من زمنا يساوي ظفر من اظافرهم فكري بعقلك
هو حب نفسه وانتي بعد حبي نفسك مهما كانت ا لاسباب ارفضي ارفضي وادعي ربك واستخيريه واقراي سوره البقره يومي والله معك

 

[LADY A]

ماكو سبب مقنع يدفع زوجج للزواج اختي عطر
وايش يعني ايام الدوره !!! مو سبب مقنع لوقوعه بالحرام
ولسااكم محللكم مده كلها اربع سنييين
لا تتنازلين بسهوله ولا تاخذين كلامه جد
خلييج قوويه وادعي وتدللي وتدلعي كداامه واشغليه مثل ماذكرت وحده من الاخوات اشغليه طلعاات ومصااريف وانتي اهتمي بحالج بهواياتج وطنشي وربي يسعدج ويحفظلج بناتج وزوجج

 

[ريح الشمال]

السلام عليكم
كيفكم يا احلى بلقيسيات:harhar1:
الصراحة انا ما اعرف كيف ابدي الموضوع راح اكتب وخلص وسامحوني على عدم الترتيب
طبعا تعرفون انتم كل الرجال يتكلمون بموضوع الزراج الثاني بس اني زوجي ناويها لان شخصيته قوية ويحب يكون من العظماء وحسب ما يقول انو بس العظيم هو اللي يتزوج وحدة ثانية
وخليني اقوللكم عن حياتي معاه هو طيييييييييب كثير ويهتم فيني ويطلعني ويهتم وايد ببناته
(عندي بنتين صغار)ومن ابي اطلع يكعد معاهم وهو انسان وااااايد زين ويعشقني ويحبني
واااااااااااايد وهذا الشي اللي اني فعلا متأكدة منه يعني لا احد يجادلني بالموضوع وصدقوني
اني اسويله شغلات ما تسويها وحدة لزوجها يعني كل يومين اتكشخ والبس وكأني طالعة حتى
هو يكولي انه ما يتحمل كل هالجمال والاناقة والشهادة لله انو هو وااااااااايد زين معاي بكل شي
بس يحب النسوان وايد وحسب ما يكول انو احنا النسوان انانيات ما نفكر غير بحالنا ونريد الرجال
النا فقط وهو يريد يتزوج من جنسية ثانية غير جنسيتي يعني وصدقوني اني مو كاصرني شي رشيقة وحلوة ونعومة والكل يشهد لي بهذا الشي بس مثلا من الاشياء اللي يبي يبرر زواجه انو
دورتي 10ايام وما اخفيكم بأني البي له حاجاته بهالفترة بس تعرفون الرجال يتحججون بأي شي
وطبعا صارلي متزوجة اربع سنوات واخر مرة ارسلت له رسالة وقلت له روح تزوج واني راضية
كل هذا فقط لاني احبك وراح احتسب الاجر عند الله عزوجل بس الصراحة انا بداخلي مو راضية
ابدا ومقهورة بس احاول اسلي حالي واطفي نار الغيرة بالصلاة والقران والتفكير بطموحاتي ومستقبلي واحاول اجعله شي ثانوي بحياتي مش رئيسي بس من اتخيله مع وحدة ثانية ما اعرف
شو يصيرلي وطبعا هو يقولي انه لو لا سامح الله وقع في الحرام(مجرد خيال)في الايام اللي انا ما استطيع البي له احتياجاته راح يحاسبني عليها يوم القيامة فأني قلت له روح تزوج
اني مقتنعة بتصرفي الصحيح لان الرجال لو اراد انه يتزوج ما في احد بالدنيا يمنعه
اني بس لريد تشجعوني واتمنى الدكتورة الغالية ترد علي لاني كتبت الموضوع بعدما قرأت المقالة
اللي كتبتها استاذتنا الفاضلة(الاخرى في حياتك)
ودمتم بخير

مرااااااحب حبيبتي

انتي تذكرتي افضاله عليكي ونسيتي افضالج عليه وثاني شي هذا من رب العالمين أن الدوره عندج 10 أيام يعني المره تصبر على حراكات ريلها طول العمر هو ما يقدر يصبر 10 ايام يا حبيبتي في شي اسمه المداعبات من قبل الزوجه إلي تخليه يشبع والشي الثاني ما يحق له يحملج ذنب هو بيرتكبه إذا هو سار بالحرام ف هذا الشي ذنبه الله ورسوله عليه الصلاة والسلام أفضل شي لغض البصر وكسر الشهوه هي الصيام خليه يصوم (حلوه هذي بحملج ذنب الوقوع في الحرام ) شو الاخ عاوز يلعب بمخك .

 

[ريح الشمال]

بس يا اختي انا قلتله روح تزوج وبعدين ارجع بكلامي والصراحة انا بناتي عندي بالدنيا كلها ما
اكدر اتخيل اني اعيش بدونهم وبعدين هذا مش حقه الشرعي ولا لأ؟
اني هذا اللي اخاف منه وخصوصا احنا في زمن الفساد يعني الواحدة لا تكفي
والله اني اتمنى يقولي ما راح يتزوج بس اذا عمل هذا الشي غصب على راسي واني ما اريد
ادمر اسرتي يعني انتي برأيج أطلق وينخرب بيتي وابتعد عن بناتي وخصوصا انو احتمال كبير
نتصادم اني معاه لاني شخصيتي ايضا قوية ويسوي اللي اطلبه واعيش حياتي بالندم؟
وبعدين كانو الصحابيات هم يروحون يخطبون لازواجهم هل كانوا عار عالحريم؟(معاذ الله)
الصراحة انا مقنعة بالزواج الثاني بس مو راضية فيه بنفس الوقت والله عزوجل جعل اجر
للمرأة التي يتزوج عليها زوجها اجر اربعين شهيد هل هذه المرأة التي ترضى بأن تحصن زوجها
وتقيه من الحرام تصبح عار عالحريم؟
وازيدك من الشعر بيت النساء القدامى كانوا يهدون ازواجهم جاريات فقط لينامو معهم؟
ارجو منكي اختي انت تنتقي كلماتك
يعقل ان التي تنفذ شرع شرعه الله علينا ان تكون مخطئة عبئ على الحريم؟!!!!!!

عقوا اكييييييد انتي مو صااااااحيه اذا انا عندي الامكانيه إني استااااااانس واني اسعده ليش اهديه جاريات يا أختي انا بعد ابا الوناسه واستانس مثله بس معاه ليش احرم نفسي الوناسه واسلمه لغيري ولا اتشوفين عمرج كبرتي على الوناسه.

 

[ياربي انصرني]

زوجك هل بيقدم على الزواج علشان الدوره هذا سبب غير منطقي---لانه ممكن يتزوج وحده تحيض معك في نفس الوقت

او تولدون في نفس الوقت بيروح بتزوج ثالثه علشان تخالفكم!!!!!!!


اذا زوجك قرر انه يتزوج الجئي لربك بالدعاء الدعـــــــــــــــــــــــاء يرد القضـــــــــــــــــــاء


وان قدر الله وتزوج اسئلي الله ان يربط على قلبك وطالبي بجميع حقوقك ولاتتنازلين عنها نهائيا000

ولاتفكرين بالطلاق احتسبي الاجر في ذلك لله واهتمي بنفسك ودلعيها واهتمي بعيالك ولاتجعلين زوجك رقم واحد في حياتك اعطيه حقوقه كامله ولكن لاتدمرين نفسك بكثرة الشكوك والدخول في مشاكل00

اسئلي الله الخيره من زواجه لاتعلمين حكمة الله في ذلك سلمي امرك لله ان وقع امر الزواج


ائل الله العظيم ان يسخر لك زوجك امييييييييييييين ويرده لك ردا جميلا

 

[مشاعر قلبي]

هلا حبيبتي

انا زوجه ثانيه والسبب ان الزوجه الاولي كل ماقالها بتزوج قالت له روووووح ...هذا من كلام ريلي طبعا ظنا منها ان لعدم مقدرته الماليه ان هذا مجرد كلام وردها عليه مجرد رد ..بس الريال له احتياجات واذا ما كنتي له كل ما يريد سيبحث عن غيرك بكل سهول ويكون على استعداد لتحمل عباءات جديده فقط لايجاد ركن وردي يهرب اليه من حياته الحاليه

نصيحه اوقفي ضده ..حتي لو كنت انا الثانيه بس لكل زواج ظروفه اذا ما ناقصنج شي..خلج ذيبه بنت رجال..خليه يحس بانج :

الأفضل
الأجمل
الأرقي
المتميزه
الرائعه
القويه
الضعيفه بين يديه
اشعريه بانك امرأه قادره على تغير حساباته
غيري موازين حياته
أشعريه بانكي عاشقه له ..اشعريه ان لا غني لك عن وان وجود رجل معك في كل الاوقات شي ضروري لابد منه ..حتي يخاف من من البعد ويبدأ بالغيره مما يجعله يفكر بانكك أمرأه جذابه وان حياتك ليس هو محورها غاليتي

ان عالم الرجال .. عالم خفي ومن لم تخض هذا العالم بقلب قوي..تاهت ويتيمت أمانيها وأحلامها مع زوج خائن او مقنع بقناع الحب

لا تصغي لرغباته ..حاربي نزواته..أكسري مراهقته بان تكوني طفله مراهقه..وأنثى رائعه

هناك الكثير والكثير أخيتي واهمها كوني قويه

دمتي بحب

 

["عطر الورد"]

حقيقة اشكر كل اللي ردوا علي وخصوصا قوية الاحساس واني اليوم الصبح كتبت له رسالة انو اي زوجة
بالدنيا تريد زوجها لوحدها بس وما في وحدة ترضى انو احد يشاركها الحب وساعات نقول كلمات ونتراجع
عنها ومن هالكلام وطبعا ذكرت له اني احبه وما أفرط بشعرة من شعراته لوحدة ثانية والبارحة صدقوني
جلست عالسجادة وظليت ادعي وان شاء الله خير
من كل قلبي اشكركم كل اللي كتبوا ردود الصراحة نورتوني بأرائكم

 

[وجدتُ ذاتي]

أول حاجة يا أختي الرجال مايحترم المرأة اللي ماتغار عليه !!

أوكي الشرع حلل التعدد
بس ماهو سنة يعني جائز و لازم يسويه ويعدد ..

ياليت تشوفين زوجات النبي كيف كانوا يغارون من بعض ..
وتشوفين كيف الررسول عليه الصلاة والسلام يعاملهم..

الشيء المهم اللي بقوله

وش هالكلام اللي يتزوج عليها زوجها لها أجر أربعين شهيد؟

من وين جايبته وش دليلك؟

تأكدي يا أختي الله يرضى عليكـ من أي حاجة تنسبينها للرسول ..

والشيء لأخير أنتي باين عليكـ طيبة جدا

بس شوفي والله والله إذا جت الضرة فوق راسك وصارت زوجته مثلك ..
ولها نفس حقوقك لتقولين ياليتني ما وافقت ..

لا أنتي عد مو موافقة وبس الله يهديكـ

لا أنتي تقولين له رح تزوج !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!11


أعيد وأقول الرجل مايحترم اللي ماتغار عليه ..

الله يصبرك ويفرج همكـ ولا يبلانا ..

 

[RENO]

حبيتي الله يعينك بس موضوع دورتك تقدري تروحي تنظميها عند دكتوره مو عذر ابد

 

[ضحيه]

مايستاهل الرجال من يعطيه والله لتندمي مالهم امان