زوجي يريد ان يقاسمني انصحوني

انتبهي انتبهههههييييييي ...اياك ثم اياك تسوينها وعنه ماسكن فيها ....هذا طمعان فيك هو واهله ...وانتي عقلك في راسك واحسبيها بالعقل ابعدي عن العواطف ...هذا تعبك وشقاك ....وبالمقابل اكيييد ماتبين المشاكل مع زوجك اكسبيه لصفك بالاقناع وذكريه بالله وانه مايرضى ياخذ شي مو حق له ...وقولي فلوسي وفلوسك واحد واذا اهلك يحرضونك علي فاهلي بعد لو يدرون زعلوا ومارضوا انك تقاسمني شقاي بدون وجه حق لكن انا احفظ اسرارنا وماحد يطلع على امورنا الخاصه وياليت تسوي نفس الشي ولو انت اللي شاري ارض بيرضون اهلك لو كتبت نصها باسمي ...
ابدي معه باسلوب هادي واهديه هديه قيمه عشان يطمن انك مو حاسدته وانك تحبينه ...واذا مافاد معاه انتقلي لمرحلة الحزم عشان يفقد الامل واذا مانفع انتقلي لمرحلة التهديد باي احد يخاف منه ويستحي منه سواء من اهلك او اهله ودخلي بينكم ...الخلاصه ...لا والف لا مايستاهل اي رجال في الدنيا حتى لو كان احلى من العسل ان المرأه تسلمه حلالها وتعبها لان الرجال جميعهم نوع واحد مالهم خاتمه....
 
أسفه حبيبتي بس صج صج بجاحه في زوجك وأهله يعني تعبك وشقاقك وبدال مايزيدك ينقصك ويقولك أكتبي لي نص الأرض ليييييييييييييش وبأي حق ولو كان هو اللي شاري أرض كان بيكتب لك نصها والله صدقيني ما كانوا أهله بيرضون هذا تعبك وشقاقك وأبدا لاتتنازلين مهما صار والا صدقيني بيتعود على كذا و أنتي الخسرانه.
 
لاتكتبيها باسمه

اصلا من كلامه بان انه طمعان وماعنده احساس لذلك حذاري

واسكني بجخر نمله واصبري احسن ماتتحسفين بعدين وتعضي اصابع الندم
 
الله يقويك الأخوات ماقصروا الله يعطيهم العافية نصحوك بالي يفيدك
وحقوقك لاتفرطين فيها ابد
هو من جد طماع من المفروض يستحي على وجهه ومايمد يده لمال غيره الله يصلحه بس ،،
ولاتضحين من اجله لأنه لو ضحين من اجله هو أول مابيضحي بك أول شي ..​
 
عندي سؤال لو تكرمتي ، وش حجة أهله له عشان يطلبون منه إنه يناصفك حلالك ، يعني وش قدم لك خلاهم يعترضون ويقولون له المفروض النصف لك!!
 
LEMONA قال:
ماادري ليش حاسه انك بتكتبيله نصها مع كل الي كتبوه البنات لاني احس انه راح يضغط عليك الين تكتبيها بأسمه
لو يهددك بطلاق مدام هو طمعان راح يسوي كل الي يقدر عليه عشان ياخذ هو واهله منك الارض
بس انتبهي ثم انتبهي ثم انتبهي تكتبينها بأسمه لا نصها ولا ربعها ولا رمله منها
لانها ماهي بشقاه اذا يبغى نصها خليه يدفع حق النص واذا مارضى طنشيه مو لازم تسكنيها اجريها وبأجرها جمعي
واشتري لك ارض ثانيه ولا عماره
حتى لو طلقك الطلقه الأولى لا تخافي لانه هو بس بيخوفك مراح يتركك ابدا مدام عارف ان عندك حلال
مراح يسيبك الين مايستفيد هو على باله انك حرمه معناته سهل النصب عليك علي باله انو انتي ملكه ومدام ملكه
علي بالو حتى حلالك ملك له لاكن انتبهي منه ولاتخلين نفسك يوم من الايام تتحسرين علي الي راح يسير
ولا تخلين اهله يستفيدو من حلالك ويرموك عضم بلا لحم
وانصحك بدعاء والقيام ودعاء الليل وأن شاء الله يصرفه ربي عن حلالك ويشغل اهله بنفسهم
أنقر للتوسيع...

نفس احساسي لأن الحريم مايتعظون من اللي يسمعونه
وبعدين حبيتي زوجك هذا ماله امان لأن اللي روجلته تسمحله يطلب طلب زي كذا يكون اصلا مو رجال وكمان يغصبك؟؟؟؟؟؟؟؟؟؟؟؟؟؟؟؟ظ
لا توافقين لو يطلقك فلوسك وعيالك اضمن منه
 
السلام عليكم
خلينا نتكلم بالعقل ...لماذا طلب هذا الطلب؟
من البداية أنت على خطأ لأن الرجل هو من يتعب ليوفر البيت المستقل وأنت تأخدين دوره في حياتكما فلهذا لابد أن يبحث لمن تحتاجه فعلا ويحس معها برجولته وقوامته ..
جميل أن تساعد المرأة زوجها ولكن بقدر بسيط ودائما تحسسه أنها تحتاجه من جميع النواحي وخاصة المادية .
أن كان زوجك لا يملك المال فلا بد أن تصبري وتحكمي عقلك مادام أهله بهذا الدهاء.
حكمي عقلك فإن تصبري وتتأملي قليلا خير لك من التسرع أنصحك بقراءة قصة أ م الوليد بقلم الأستاذة ناعمة إبحثي عنها في الموقع أو قوقل وستجدينها.
حل مشكلتك بين ثنايا القصة .
الهم إشرح صدرها ويسر أمرها
 
لالألألألألألألألألألألألألألألألألألألأ
انتبهي اختي ولا تغلطين غلطة غيرك
المجتمع فيه كثير قصص من هل امور وكنا دااائم من نخسر
هذا تعبك وجهي له سوال وقولي له
لوانت شريت ارض بتسجله بأسمي
لا يغرك لو تكلم كلمتين معسولات خليه
اصلن بعض الاشخاص ماتعرفينهم الا بهل مواقف زوجي احبه وارضيه ولا اطلع عن شوره ولو كان محتاج اساااعده
لكن ممايقاسمني بحلالي
 
حبيبتي اذا تعرفين معدن زوجك طيب ويحبك ويحرص علي رضاك وراحتك ترا ماهي مشكله.... استخيري ربك وان شاء الله ما يخيبك... موفقه
 
ليش الظلم ليش وش دخله هو يعني اللي اشتراها والله لو اني مكانك ما اكتبله ولا حتى ربع الربع ومصيره بيسكن اهم شي لاتضعفين قدامه
 
لاتكبين ولا ربع ربعها مب بعج نصها
اصلا مب من حقه يطلب هالشي
لاتتنازلين
لاتتنازلين
لاتتنازلين
 
to0ofye قال:
لا تكتبينها ولا شيء
خذي القرض وسوي اللي براسك
وقولي له ما ابي اسكن فيها اصلا
ابي ااجرها
وهو لما يشوفك ماجرتها وتستفيدين منها يطمع فيها
ويجي يترجاك انكم تسكنون فيها
أنقر للتوسيع...
نفس الكلام الله يعينك
 
يا الله مـــــــــــــــــره انانيه بها الرجـــــــــــــال اكره ها النوعيه وما اقـــــــــــــدراتحملها والله لو مكانك لوتوصل للمجزره ما اكتب له ولا فلس بعـــــــــــــــــــــــد



موفقه واستخيري قبل كل شي
 
لاااااااااااااااااااااااااااااا تكتبينها باسمه
هو ماعنده وضيفه مثل معندك وضيفه
خلاص مثل ماجمعتي فلوسك خليه يجمع
ويشتريله ارض يفلوسه ويسكن من يبي
لو جعله الشياطين باسم الله
اهم شي ارضك اسكنيها انتي وعيالك
وباسمــــــــــــــــــــــــــــــــك​
 
لو يموت لا تكتبينها بأسمه خير ان شاء شقاء غيره يبي ياخذه عا الجاهز لا يا قلبي خليك قوووووووويه وتمسكي برايك وبطقاق ما يبي يسكن كيفه اهم شي تبقى باسمك ​
 
الحل يبنيها هو بفلوسه يعني شريكج في البناء انتي الارض وهو البناء
 
لا انتبهي لا تصيرين غبيه يلعب عليك 00سبحان الله مدري ليش الزوج يغار من زوجته اذا صار معها فلوس؟؟؟المهم لاتكتبينها لا نصها ولا ربعها 00انتي ابنيها فله وبعدين اجريها يصير لك دخل ثاني هو حلف مايسكنها لذلك ابنيها واجريها والله لو يغدر فيك الزمن لقيتيها ولا يهمك الرجال اللحين طايحين يتزوجون على حريمهم الله لايوفقهم موضه صايره المشكله كلهم شباب صغار لذلك امني نفسك حبيتي من غدر الزمن
 
اسمعي اختى قولي لزوجك هذي استثمار يعني باجرها لان البيت مسؤولية الرجال المفروض تتعظي من غيرك وحتى يم اهله قولي باجرها
واذا كتبتي باسمه جدار والله يختى لتدخلين تشتكين زي الي سبقوك وواضح انه نيته شينه
وحتى لو بيدفع ويقول بشاركك
قولي الي تدفعه بحسبه عليك اجار ياختى حتى الحبيب لاتسلمينه رقبتك ولا اذا قصها لاتلومين الا نفسكدوري في هالمنتدى وبتشوفين كم وحده مص دمها ورماها واذا بيرميني وهو مامص دمي بيكون ابرد لقلبي بعد مو حلالى وانا
 
اختي والله انا مع الاخوات في كلامهم اختي وكلي اخوك يبنيها لكي او ابنيهاانتي المهم لا تكتبي له
 
مشكوره لكم جميعا وماقصرتم والله يوفق كل واحده ردت وانشاء الله يهديه واخوانه قصدهم اني ممكن اطرده في اي لحظه وانه راح يكون تحت رحمتي وهو قصده عشان يضمن اني ماذله والله ياخوات اني اضحك لاني كاشفته عشان يغى يروح ويجي على كيفه يخاف اطرده باي لحظه لانه يقول ياما حكايات وقصص صارت زي كذا قلت طيب ادفع زي مادفعت وخذ نصفها قال ماعندي وقلت بالاخير هالبيت لي ولعيالك واذا بنجلس ننتظرك حتى تخلص ديونك بنجلس عشرين سنه مابنينا وبنجلس في خرابتنا الى نموت الله يسهل اموري بس ويسخره لي لاني خت له سياره وضحك عليه يقول بس شهر وارجع لك المبلغ والى يومك هذا مارد لي ولاريال ويقول المراه المفروض ماتاخذ شي باسمها الى ان يموت زوجها واقول بنفسي والله ياهلك ليقاسموني في حقي بحجة انها باسم ولدهم الله يحفظه بس لعياله ويهديه امين مشكوره لكل من تكرمت وردت الله يسعدكم جميعا ولايريكم مكروه في حياتك امين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل