زوجي يخوني وانا حامل.. وش الحل ؟؟خلاص ما احمل ابد ؟؟ ردوا

[أنثى وردية]

انا متزوجه من ست سنوات واحب زوجي وااااااااايد وهو يحبني وكنت اخر شي اتخيله انه يكلم غيري او يتزوج علي .. وعندي ولدين الكبير 5 سنوات والصغير سنه ونصف لكن بحملي وانا بالولد الثاني أكتشفت زوجي يخوني يكلم بنات وعلاقات ... و بعد مارجعت له بعد الولادة اكتشفت علاقات اخرى بس يقول انه تائب وماراح يسويهااا لكن انا ما اثق لأنه قايل نفس الكلام قبل ورجع في كلامة والان انا ابي أحمل واتفقت انا وياه وقلت له مدامني صغيرة واقوى على الحمال ولا يصير بين عيالنا فرق كبير زي ولدي الأول بينه وبين اخوة كثير وهو مقتنع ولكنه متردد احمل ولا لا .. مدري ليه مع انه يبي عيال ويحبهم بس ليه خايف مدري ... اخاف اذا حملت يروح يرجع للمغازل والبنات بحجه انا اهملتة .. لكن انا عازمه اني ما اخليه ابد حتى اذا صرت تعبانه اضغط على نفسي علشان اريحة ولا يحس بفراغ ابد ... لكن اخاف اسوي المستحيل وانصدم فيه ووش رايكم .. مع ان شغلة فيه احتكاك بالنساء كثير والبنات اللي كان يعرفهم عرفهم عن طريق الشغل ...ووش رايكم ردوا لاني الان تاركة المانع حق الحمل ردوا قبل لا يفوت الاوان .....

 

[ظلال]

نفس المشكله أنا أجلت فكرة الحمل فترة خمس سنوات لأني خايفه من فترة النفاس أكون بعيده عنه وياخذ راحته.

 

[مستغربه]

حبيبتي
انتبهي
انتبهي
انتبهي
لا تحملين وانتي شاكه بخياناته
زوجج شكله ما يباج تحملين
نصيحه حبيبتي انا مريت تجربتج بالضبط خياناته ما صارت الا يوم قمت احمل ورا بعض
وزادت اخر مره كان بيتزوج
انتي ما تحسين فيها بس في العلاقة الجنسيه لما تكون الوحده حامل ما تقدر تلبي طلبات زوجها كامله من ناحية الحركات والمرونه والدلع
حبيبتي لا تضيعين ريلج
لا تحملين الا لما تحسين بالاستقرار 100 %
يعني لا سمح الله زادت المشاكل وانتي حامل او اكتشفتي خيانات يديده محد بيتعب غيرج
ولو كان صدق يباج تحملين ما تردد وكان طلب منج كل يوم انج تحملين
اجلي الموضوع سنه على الاقل لين تتطمنين من صوبه
والله يوفقج​

 

[فلسفة]

والله انا احس ان الرجال لما يبي يخون بيخون ....مب مسألة حمل او نفاس او غيرها !..وياما سمعنا من حريم توهم في اول سنوات حياتهم وبدون يهال ومع ذلك صارت الخيانة !

يعني احس سالفة الحمل ....عذر للرجال ...اقبح من ذنب خيانته !!!

استخيري ......والله يوفقج ويهديج ويهديه لسواء السبيل

 

[همسة دفء]

نصيحه لا تحملين......
خاصة شغله فيه بنات ودلعهم يثير الرجل ...
فأنتبهي...

 

[عنقود عنب]

اختي الخوان ..خوان بطبعة

مثل ما قالت اختي فلسفة ..هذا العذر (الحمل) اقبح من ذنبه

يعني لو كل واحده تحمل زوجها يخونها ..كان ما ظل انسان عفيف شريف

يعني كثير من النساء تلاقين عندها 10 او 12 ..يعني تخيلي لو كل حملة بخونها ..والله ما اتخيل وش راح يكون والوضع

اختي ..اطلبي الهداية لزوجك

اذا بخونك ..حتى لو كنت ملكة جمال راح يخونك

الله يعنيك

 

[الهوى غربي]

انا مب مستوعبه شو يعني مااحمل عشان مايخوني اي منطق هذا 0000000000000000يعني انتي ريلج مايخونج الا اذا حملتي عجييييييب الخوان خوان الله يصلحه ان شاءالله

 

[الهديه]

الله يهديك ياباباى جاي
كيف تحمل وهي مب حاسه باستقرار
فبدل ماتفكر تيب يهال ورا بعض
خلها تربي الياهل الكبير اللي عندها
ع راي المثل الشعبي مب من يابهم لكن من رباهم
ورحمة بها هي ترتب أمورها تحاول الدور أسباب الخيانه
ودلك يحتاج وقت عشان ماتظلم نفسها وعينها

 

[اولان]

لا حول ولا قوة الا بالله ياستي اللي ما يخاف الله يخون ولا يردة شئ انتي حامل ولا رشيقة ولا جميلة ولا احسن الحريم الخيانة مرض نفسي في رجال حريمهم عاديات في كل شئ ويشوفها احلى واجمل مرة لا تربطين الحمل بالخيانة بعدين رائي انة لا تحملين حتى تتاكدين من سلوكياتة زين ولا تعبين البيت عيال وتجلسين تندبين حظك والله يوفقك ويهون عليك

 

[ميوسه]

بالعكس الحمل يجذب الرجال للمره اكثر

هذا بالنسبه لي اول مره حسيت بالانوثه القويه مع الحمل وبين علي بزياده وانتبه زوجي لهالشي وصار يتمتع


الفرق ين وحده تعرف تبرز انوثتها بنعومه بالحمل وتهتم بجمالها


والنفاس خليك ببيتك فوق قلبه ليش تروحين لاهلك


موفقه

 

[يخون الود]

انا عكسك يقوللي احملي وودي بولد صغيرون وانا اللي رافضة حتى احس باستقرار لي سنتين معاه وماحسيت بالاستقرار والامان بس خوف في خوف

 

[ضياء القمر]

عسى الله يهدية

بس قرار الحمل يحتاج الى دراسة منك

لا تفكري فية حتى تستقر امورك وبالاخص الزوجية

اذا انتي ما تثقين فية للحين وما زالت تشككين في سلوكياتة

اقول خلك على البر احسن

 

[some1]

حبيبتي الحمل ما اله دخل بالخيانات الزوجية ،، طولي بالك عليه وراقبي الأوضاع ،،، وان شاءالله الأمور تمشي على خير ولكن أنا حسب الاعتقاد اللي عندي هو انه الزوج اذا حب يعمل شيء لن يثنيه شيء ، لا خيانة ولا غيره ،،
صدقوني ،،
الله يحمي لك أولادك وزوجك ،،

 

[أم وؤمة العسل]

أبحثي في زوجك جانب التقوى والخوف من الله وعززيه
وكما ذكرت الأخوات الحمل ليس عذرا لفتح باب الخيانة
هداه الله
أكثري من الدعاء له

 

[طيبة القلب]

والله انا من وجهة نظري الشخصيه انو الحمل له علاقه بالخيانات الزوجيه
لان الحامل ليست كغيرها من حيث المظهر ولا من الناحيه الجنسيه
وكذلك فترة النفاس فترة تكثر فيها خيانة الرجل لزوجته
وياما رجال خان حريمهم في فترة النفاس
فعليكن الحذر ياخواتي الغاليات من هذه الفترة الحرجه

 

[Black Pearl]

أختي العزيزة الريال يوم بيخون ما ينتظر سبب لا حمل ولا بطيخ...الظاهر ان مكان عمله هو سبب المشكلة لأن في كثير من النساء...لكن حطي في بالج شي واحد اللي يريد العفه بيعف نفسه..

 

[ساق بلقيس]

الله يعينك نفس المشكله الي مريت فيها لكني ماكشفته الى بعد مارديت من عند هلي يعني بعد الاربعين وسبب عيال الحرام ورفقت السو الله ينتقم منهم
بعض الرجال مثل الاطفال لمه تروحين عنه يدور بديل يتسله معه والرجل طفل
وممكن تفهميه من خلال طفلك وتتعاا ملين معه بصفته مولود _:e076:مراهق_شاب-كهل _كهل /مراهق وكله مراهقين واطفال مشاقبين:bleh:
ما اقول الا الله يعينا ويحفضهم لنا ويهديهم

 

[أنثى وردية]

قرار حملي ..

اهلا يابنات اشكركم على تفاعلكم معي وردودكم ...
اولا بقولكم شي انا حطيته في بالي .. الرجال ما يملا عينه ولا تراب الكرة الأرضية ...:schmoll:
انا اقتنعت بعد ما قريت ردود الاخوات ..:thumbdown:
قولة اختي أم سالم 2007 و اختي some1 وايضا قول اختي أم وؤمة العسل وبعد قول البائسة
انوا الحمل ماله علاقة واللي فيه البلا فية .. طيب واذا ما حملت وجلست استنى الاستقرار وطال الحال.. بيجي يقول انا بتزوج ابي عيال .. انتي ما تبين تجيبين لي عيال .. :busted_red:
لكن انا الان تغيرت غير حالي الاولي كنت اسمع اغاني واتابع المسلسلات يعني بعيدة عن ربي كثير والواحد ما يصيبة بلاء الى من معاصية وبعده عن ربه ..
انا قررت أحمل وبدعي ربي يعيني ويحفظة لي ويبعده عن الحرام ويغنية بالحلال وانشالله ماراح اقصر معه ..
والان ما الاحظ علية اي شي مريب للشك ابد ...والواحد لما يعيش بس يراقب بيتعب ولا راح يستفيد من تعبة شي غير الغثى والهلاك ..:sadwalk:
واشكر اخواتي اللي ردوا علي وأرائكم مقبولة ..:icon-mos:

 

[((شوق القصيم))]

اتمنى لك التوفيق اختي

عندي سؤال يراودني؟

كيف حكمتي على زوجك انه يخونك؟يمكن يكون مجرد شك؟

عندك ادلة له؟

لانه برايي لازم تتاكدين من خيانته لك من غي ما يحس؟

بالنسبه للحمل توكلي على الله ويمكن يحن قلبه بعد حملك الثاني ويحس بالمسؤلية اكثر؟

 

[التفاحه]

حبيبتي اللي بيخون بيخون لو كنتي عروسه ولا ملكه الحافظ الله سبحانه خلي صلتك بربك قويه وادعيه باخلاص وماراح يخيب ظنك
والحمل لا يقدم ولا ياخر