زوجي يخونني ويعترف

ن

نجد بنت المجد

New member
إنضم
2008/03/29
المشاركات
91
انا الي 4سنوات معاه انجبت بنت واصيب بسرطان تعالج بالكيماوي
وقضي على الحيوانات كليا بعد علم الله والان بنتي عمرها 2سنه و6شهور
وهو عمره بالاربعينات وانا 29
المِِِِِِـــــــــــــــــــشكله

له شهر وهو يغازل وحده وانا عارفه بس ساكته مابينت له شي حتى مايتمادى
والحين حاس اني عارفه
تدرون وش قاللي اسمعي انا مايهمني احد تراني اغازل ولا تراني بتزوج
مسيار يهددني علشان اخضع للامر وياخذ راحته

قلت له تراني ماحب هالمزح لا ماتسويها وحولت اغير الموضوع
وانا عارفه انه راح يقولي مره ثانيه

المـــــــــــــــــــــصيبه
اني اتفقت انا واختي ودقت عليها قالت لها اختي ابتعرف عليك قالت لها انت بنت وانا بنت وش الفايده من التعرف مافي حركات ولا كلام حلو
تــــــــــــــــــــكفون خواتــــــــــــــي خبروني وش اسوي
 
خواتـــــــــــــــــــي وين مســــــاعدتكن
تكفون ابي لي حل بسرعـــــــــــــــــــه
 
كلامك في محله

فعلا لما تثقين فيه وتحسسيه انه محل ثقه عندك ممكن تكون في صفك

وبعدين حبيبتي عن موضوع التعرف خلك منه لا تتعرف ولا شي اختك خليها بعيد وانتي بعيد

والامور الباقيه صدقيني اذا هددك هدديه

وقولي له رح تزوج اذا اطرا الموضوع مره ثانيه
لا والله حبيبي مثل ما حلل لك الله حلل لي انا بعد وانا بشوف عمري بطلب الطلاق ما فيه اسهل منها وكل واحد يشوف طريقه ولا تفهميه ان بنتك مهمه عندك

هي مهمه وزوجك مهم
يعني ما بتطلقين ولا بتتركين بنتك بس هو على باله انك ضعيفه منكلمة مطلقه ومن بنتك بعد

لكن قولي له اطش البنت بوجهك واشوف عمري مثل ما انت شايف عمرك ولا عاد تطري لي الموضوع ودك تزوج اما تغث يومي رجاءا لا

ولا تاخذين على كلامي ممكن زوجك يسويها بس ما اعتقد لانه يقول اتزوج مسيار يعني هو في النهايه مو تاركك

<<خشيت جو اتذكر وقت تهاوشت مع زوجي عند النت وفعلا جابت مفعول الى اني مو متطمنه يا انا يا ما فيه انا ابدا فيه غيري
 
مين الي اصيب بالسرطان

اذا هوه الحين هوه عقيم او شووو ....؟؟؟

يعني شين وقوي عين بالعربي

استغفر الله قولي احمد ربي انو نجاك من المرررض

 
مدري وش اقولك ...بس الله يهدية ..

وخوفية من الله من هاللي يسوية ..قولي ان الله شافاك وعافاك من الموت وتعصية ؟؟؟

والله يصلحة ويخلية لك ويارب...ويرزقكم الذرية الصالحة...
 
صبرا جميل والله المستعان
هذا بدل مايشكر الله على نعمة العافية وزوال المرض سبحان الله
بدل مايداريك وهو حكم عليك العمر كلة ماتنجبين غير اثنين ويداري شعورك ويطير فيك
كذا يقابل صبرك
ماعليك بس خذي بالك تراه في ازمة منتصف العمر
يعني في مراهقة سن الاربعين وتراها اخطر من مراهقة الشباب
عيشي معة بطريقة غير مباشرة يعني بدون ماتحسسينة هذه المرحلة
لان زوجي يوم مرت علية كان يخبي وفي الاخر ضربت فيوز مخة وراح تزوج علي
وعلى بالة جاب الذيب من ذيلة
وفاز باللي محد فاز فية
ثقفي نفسك عن هذي المرحلة حتى تتجاوزينها معة بسلام
وعلى فكرة اولادي الاربعة كلهم في مرحلة مراهقة ولكن مراهقة ابوهم ارهقت البيت كلة
ربي يشرح صدرك ويسر امرك
 
خطو جهنمية

يا سلام لو كان معك رجل تثقي فيه وفي دينه يوقف معك لانه يبان ان البنت هذي لعابه كان يبغى واحد معك يخاف الله من الاهل مثلا ويدخل معها في مكالمات ويسجل عليها ويسمعها سبع البرمبة حقك يمكن يعافها ويقرفها خليكي على موقفك انك تشوفيه كبير ورزين وانه ما راح يسويها ممكن شويه غيرة لذيذه مدروسه بحب وغنج مثل لا تمرزج لو سوينها انا بموت بعدك وهيك والله يبعد شرها عنك
 
اختي الغاليه
الي فهمته من كلامك ان زوجك جالس يمر بنفسيه سئ والي يتعرف عليه هو يبي ينتقم من نفسه ويبي يظغط عليك عشان تطلبي الطلاق (بنسب له انه خلاص ما عاد له فايده يومنه ما يجيب عيال وانه ظالمك معه )
اختي خليك جنبه وانسي موضوع تعرفه على الحريم وعززي ثقته بنفسه
بان الرجال بصفاته وبطيبته وان الحمد لله ربي كرمكم وعندكم بنت ما حرمك من الاطفال نهائي
حسسيه انك تحبيه لشخصه موب لشي ثاني
هو الحين يحس انه ماله داعي خلاص عرفتي خلك معاه واصبري واطلبي من الله ان يفرج همكم

اختي فكري لو انتي محله وش كان سويتي الحين لازم توقفين جنبه وتسانديه
 
انصحك لوجهه الله الجأي لربك سبحانة دعوة باخر الليل فسجودك تنهي معاناتك للابد يالغالية
الله يصلح حالك وينولك مرادك
 
هلا حبيبتي السر في المصيبه اللي عندك وهي كلام البنت لاختك والواضح ان هذا الشي يفتقده زوجك معك حاولي تغيري من اسلوبك معه في كل شي في الدلع والكلام واللطافه والطبع والمعاشره كمان هذي من اهم الاشياء خليه يفتح عيونه ويقول كيف تغيرتي كذا بحس انك انسانه جديده يعيش معها لاول مره وكانه عريس جديد وانتي كذلك واستمري على ذلك على طول ولا تملين وكل يوم جددي حتى في البيت والديكور والاثاث والمفاجات واليالي الرومانسيه هذا بالنسبه لك اما بالنسبه له واذا صارحك بكل وقاحه بخطاه ونيته للزواج لازم يكون لك تصرف وموقف حازم وهذا كله بعد التغييرات والمهارات اللي تعلمتيها واكتسبتيها من المنتدى فهميه بكل ثقه انك ما ترضين بالخيانه وما توافقين عليها واذا ما بطل بكون لك تصرف معه واضح وما تتراجعين عنه والزواج فهميه رايك بالوضع بالضبط اما انك تكونين موافقه وتاخذين حقوقك او اذا كنتي مو موافقه فمثل ما قالت لك الاخت قوليله ياخذ بنته ويتركك تشوفين نصيبك انتي بعد ومن هالكلام والجأي لله من قبل ومن بعد والله يهدي زوجك ويصلح ما بينكم ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل