زوجي يحب وحده من قلب وهي تقرب له ويكلمها و هي ....

انتى غلطتي ليه تراضيه



والرجال ماتحب المراء الملتصقه فيهم تحب المره الي يجروا ورها
 
الله يفرج همك وهمي
تقريبآ انا مثلك زوجي خاين
ويعرف واحده بس من قبل مايتزوجني واول زواجي كانت تتصل عليا وتسبني وانا اتكلمت معاه قالي هذا كان شيء وراح لحاله
وانا احبك انتي ومن هالسوالف وانا ماحبيت اخرب حياتي في بدايتها وياريتني خربتها
قبل مايكون في حلقي اطفال واعجز اني اخذ قرار
وللاسف بعد ثماني سنوات زواج وعندي منه طفل وحامل ف الثاني مازال ع علاقه فيها وصار مقصر في حقي
وشاهد الله اني ماني مقصره في حقه
وشكلي الحمدلله حلو ومهتمه بنفسي وهذه شهادت امه ليا ديمآ
اني اعامل زوجي كأنه سي السيد ع قولهم
وهي شايفه كل السعاده معاه وانا للاسف ليا النكد والهم واللي خلاني اعرف فتحت جواله وعرفت من رسايلهم لبعض ان علاقتهم مستمره ومقابلات وخارجات وهدايا
وانا حسبي الله عليه حتى رسالة حب مافي وعايشه بحصرتي عشان اربي اطفالي
فانصيحتي لكي لازم تاخدي موقف قبل ماتندمي لما يكون عندك اولاد وفكري بعقلك ولازم تاخدي رأي احد من اقاربك في هذا الموضوع
والله يصلح الحال ويهدي ازواجنا جميعآ​
 
تدرون وش افكر اسويي

افكر اني اخلي واحد يكلم هالبنت ويتعرف عليها ويتكلم معها ويجرها بكلام جنس

واخليه يسجل المكالمه

ويرسلها لزوجي المكالمه اللي سجلها ويرسل له رساله ويقوله

(( شوف حبيبة قلبك وسوالفها مع الشباب

على بالك هي اتحبك وميته فيك يالخروف

تراها تلعب عليك يا حلو وعرفت تسحبك وراها يالخروف

والله يا فلان ما توقعت انك مخفه واتجرك وحده زي هذي))

عااد زوجي ينهبل ويحاول يعرف من اللي ارسله هالرساله

عااد الولد يرد عليه ويقوله انا اقرب لك واقرب لها وانت غالي علي وحبيت اني اكشفها لك

اعتبرني فاعل خير

وانا طبعاَ بعد صدمته العاطفيه هذي راح اكون له الصدر الحنون والحضن الدافي واغرقه حب واهتمام ودلال ودلع وانسيه اللي خلفوها

وش رايكم بس...؟​
 
والله قلبي يوجعني لان الي تدخل في عمعمت الخيانه احسه وباااء مستحيل نستاصله ابدااااا
الله يكون بعووون السابقين والاحقين والى لسى ورانا جاين
ربي كريم
 
كوكيز الله يكون بعونك والله يهدي الازواج ويسخرهم لزوجاتهم ويهدي البنات اللي ويشغلهن باللي ينفعهن يارب
أصعب شيء بالدنيا خيانه شريك الحياة
وهو لما واجهتيه باللي عرفتيه جلس يصرف ويلف بالموضوع وما اثر فيه وبعدين يكتب اسمها على الشاطي والله شيء يفتت الكبد
لا تدقين عليه ولا ترجعين له الحين الا لما يعطيك وعد انه ما يرجع لذا الحركات ابد وانه يغير رقم جواله ويخليه بدون رمز قفل يمكن يفيد ولا تنسين الدعاء بأحر الليل فهي سهال لا تخي ولكن لها أمد وللأمد إنقضاءُ..
 
مين بدو يكون هاد الشخص؟اما أخوكي وهيك رح تخسري زوجك لانو رح يعتبرومنافس الو على حبيبتو واما حدا ما اخواته هو ومابظن بوقفو مع اخوهم ضدك
طيب هي وين زووووجها؟؟؟؟؟؟
أنا برأيي تصبري وتنسيها تماما اهتمي فيه اكتر واستمتعي بكل لحظات حياتك معه
وادعي ربك يصرفها عنكن على أهون سبب
 
ياحبيبتي الله يكون بعونك صحيح صعبه جدا خصوصا انك عروس والله اني انجرحت من قصتك واحس اني راح ابكي لاني مريت بنفس الموقف او يشابه له بس انا مو عروس ام اعيال يعني حصل بعد مرور 20 سنه زواج علاقه مع وحده عربيه مو خليجيه ترسل رسايل غراميه مثل(انا حبيبتك الوحيده رد بنعم او لا )ويرد نعم وترسل صورها كل صباح صوره وتتصل عليه قبل ما يتحرك من السرير يعني يسمع صوتها قبلي اذا جينا نتغدا تتصل من البجاحه الي فيها ما ترسل رساله لا تدق ولا كاننا بهايم ما ادري وش تحس فيه حتى طفح الكيل عندي انا الي صابره على اهلك وامك ساكنه معي واخوك المريض وعلى مشاكل كثيره تحملتها ما يتحملها ولا الفيل الافريقي اخرتها تحتقرني انت ووحده ماتسوا نعله (اعزكم الله )سامحوني شكلي انفعلت .
والله واجي مره ابدخل غرفتي واسمعه يكلمها ويقولها جهزي حالك انا جايك هاليومين والحبيب دافنها بالفلوس ما يحول لها الا الخمسه الاف والسته مع بعض وانا ما احلم بالف ريال منه المهم يوم سمعت المكالمه وانا اهجم عليه واحاول اخذ الجوال منه قلت عطنياها اكلمها خلني اعلمها من الي تكلمه هذا خلني اقولها انك بيت ملك ما عندك وانت اكثر من 20 سنه متزوج خلني اقولها اذا هي تبيك تاخذ الجمل بما حمل يعني معك اعيالك السبعه وامك واخوك والله واقوله هالكلام وانا اصارخ وابكي المهم ما اعطاني الجوال قلت له ترا انا مجهزه شنطتي من اسبوع قالي روحي الله لايردك والله واطلع واخذ شنطتي واتصل على ولدي الساعه كانت 12 بالليل واروح عند اخوي وهو ما توقع اسويها واقعد عند اخوي والله اسبوع والله ان امه تتصل علي وبنتي ويوم عجز من المراسيل اتصل علي قالي وش عندك ماترجعين البيت قلت مابي ارجع قالي واعيالك قلت ما ابيهم اي شي باسمك مابيه عطهم عشيقتك الي كل يوم تكلمها وقفلت بوجهه الخط وارسل لي رساله انتي من الي لاعب براسك اكيد هذي عين قلت لا لعب ولاعين ولا حاجه بس ابعد عن طريقي انا مليت راح عمري صبر ومشاكل واخرتها تتمصخر فيني مع وحده ما قدمت لك ولا واحد بالميه من الي قدمته وشلون تسمح لها تتجرا الى هذا الحد هذا وانت ماتزوجتها لالالالالالالا ماني راجعه لو ايش ما يصير بعدين صار يدق علي كثير وانا اطنشه المهم رديت قالي اكيد انتي فيه شي براسك اكيد تبين واحد ثاني غيري (لانه من فتره ثلاث نعرفهم بعضهم من جماعتنا اكبر مني تطلقو وتزوجو وتوهم يلقون السعاده ويقولون ياخسارة العمر الي ضيعناه )فهو خاف اسوي مثلهم المهم قلت له مالك شغل انت عطني ورقتي بس والله وينجن واخرتها ويجي عند اخوي ويعتذر ويتعهد انه لايكلمها ولا شي والحمد لله ما عاد كلمها ولا غيرها
  1. انا طولت عليكم بس المفيد ان الرجال الي يقل ادبه بها الشكل ويستهين بالحرمه يعني تشوف الرسايل ويكذبها هذا احنى انسميه (ولدعجوز)يعني يبي له من يربيه بقسوه صدقيني لازم تكوني جديه والا تر بتشوفين اكثر من كذا النزول من اول السلم احسن من اخره قولي له انا ماني غبيه اشوف الرسايل وتكذبني علمني وش السالفه والا ودني لبيت اهلي مو مشكله الله يعوضني خير خليك حازمه لايلعب عليك ولد العجوز:24:
 
حبيبتي حاااولي تكسبينه وتنسينه باسلوبك وبالكلام وبالرسايل وحاولي تكلمينها وتعلمينها ان الي تسويه حرام اوعطي احد عنده اسلوب يكلمها ويهددها والله يسخره لك عليك بالدعاوالاستغفار
 
اللهم فرج همك انشاء الله ماشوف غيرك بالدنيا يسخر لي زوجي
 
الله يعينك والله كتبت كلام كثير وفضت البطاريه وطار يا خساره بس رايي من راي اختي منى السبيعي
 
الله يهون عليك واللة اني حاسة فيك مالك الا الدعاء وصلاة الليل
 
الله يسخره لك انا من راي خليه يحبك ويتعلق فيك واكيد راح يلاحظ الفرق بين العفيفه حلاله وبين بين اللي ما تتسمى
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل