زوجي يتصرف براتبي

  • بادئ الموضوع بادئ الموضوع Soul mate
  • تاريخ البدء تاريخ البدء
مشكورين ع الردود الصراحه افدتوني وجزاكن الله خير انا ساناقشه واذا لم ينفع سادخل اهلي بس لاني بعرف اذا بخبر اهلي راح يكولون اطلكي منه بس انا افكر بناتي قبل نفسي بكول شو بيصير فيهن وهمه بعدهم اطفال والله راسي راح ينفجر ربي يفرج عليكم ويرحمنا ويرحمكم. ربنا لاتسلط علينا من لايرحمنا
 
ما بدها 2 يحكو فيها لازم تحطي حد للموضوع
​
 
للاسف زوجك أصلا مو رجال
لو كان رجل مايستغل ضعفك ويصرف راتبك على كيفه
وربي اني قرات موضوعك انقهرت
لو تتطلقي منه افضل من هالزوج المستغل الي مايخاف ربه
ربي يكون في عووووونك
 
مشكورين ماقصرتو الله يجزيكم الخير انا ساناقشه اليوم واذا ما يفع معه سادخل اهلي بالموضوع ولكني اعلم لما اهلي يعرفون راح يكولولي اطلكي منه انا الي هامني فقط بناتي لاني مااريد احرمهم من ابوهم واذا عن نفسي انا اتمنى الطلاق منه لاني اشوف حياتي احسن بدونه. الله كريم ان شاء الله تفرج علي وعلى كل مهموم ومشكورات مرة ثانية بس لاتنسونا من الدعاء. ربنا لاتسلط علينا من لا يرحمنا
 
الله يعينك و يفرح عنك

لاحظت اانا احنا البنات مغلوب على امرنا بكلمة لازم تطيعيني و ارضى عليكي على طول نسلم امرنا ليدهم

بصراحه باعاني بجزء من مشكلتك كون راتبي اعلى من راتب زوجي بفرق 2000 فادفع ايجار البيت و السواق و اذا احضرت شغاله باليوم او الساعه او الشهر واذا رغبت مثلا بلاب توب او كمبيوتر او جهاز تلفاز اشتريه ببطاقتي بارتبي و لمن سافرت شهر عسل بعد مرور سنه تم ذلك من راتبي التذاكر و الفنادق و التمشيه

ومان يعارفه كيف احل المشكله

الله يعين و يفرح يارب
 
أي افتاء أفتوه بهذه الفتوى وكمان ماتعطين أهلك؟؟
سامحيني زوجك كذاب مو صادق.
أختي
أنت سلبية في حق نفسك
تريدين حلول بدون ماتصير مشاكل
لا حبيبتي لازم تتحملين الزوابع عشان تحصدي الثمرة
محد يملك عصا سحرية تنهي الحلول
تبين حل فكري خططي نفذي وأنقذي نفسك..لا توني اتكالية
ابذلي الأسباب وتوكلي على الله
المؤمن القوي خير وأحب إلى الله من المؤمن الضعيف
 
كل ازواج الموظفات عينهم على هالراتب كأنك تشتغلين عنده وهو الحكومة ولكم الافضل لايتحكم في راتبك
 
حبيبتي وقفيه عند حده خير اتعب واكرف وهوه ياخذها بارده مبرده لا وبعد مايعطيني غير 10٪ ويصرف على اهله بعد والله لاقلبها على راسه واخليه يعرف قدره ،،،،انا موظفه وموقفه زوجي من البدايه عند حده ولا يعرف كم راتبي ولاعمره تدخل اعطية مين والاوين راح الراتب ولا حتى يهتم انا اساعده بمزاجي كفايه شايله نفسي وعيالي عنه مصروف البيت ايجاره حليب وبامبرز وعلاجنا عليه انا علي لبسي ولبس عيالي وشايفه جميله مني
 
غيري البطاقة وخليه يشرب من البحر بيزعل شهر ولا 2 ولا 10 .. خله يزعل مرده بيرجع
 
شكرا حبيباتي انا ناقشته بالموضوع بس طبعا مايعطي مجال كلامه كل صراخ المهم افتهمت من كلامه انه يقول انك خدعتيني وانا انصدمت فيج مااتوقعت منج تخشين عني شي اذا الراتب ماواثقة تخبرينه عنه عيل شو الاشياء الثانية الي ماادري بيها، انا جاوبته ومثل ماخبرتوني ان اكون قوية كلتله انا لو في عندي امل واحد بالمية انك بتزيدني او بتخليني باخذ زيادة الراتب لي كان خبرتك بس انت مايفيد وياك الكلام ودايما لما نتناقش بالفلوس بتصارخ وتطلع من البيت ومابيكون في جواب محدد ، المهم ظله زعلان ونام انا لااهتم بزعله ولكني لااحب الصراخ امام الاطفال حتى مايتعقدون وهو من طبعه يصارخ امامهم ، اريد ان تفيدوني بارككن الله ماذا سافعل في الشهر القادم عند نزول الراتب هل اعطيه له مثل كل مرة او اطنش وانتظر هو يفاتحني بالموضوع ومن ثم اضع شروطي. مشكوررررررررررين مرة ثانية ماقصرتو الله يجزيكن الخير فعلا انا بتعب طول الشهر وحس حالي مامستفادة ولاشي انا لااحب الماده ولكن الزمن غدار ولااضمن حياتي معه.
 
خليه يصارخ ويطلع كل اللي في راسه بس أنتي خلي موقفك قوي ولا تعطينه قرش واحد والبطاقة خذيها واكسريها وغيري رقم حسابك والفتوى اللي قال لك عليها كذاب فيها هذه من راسه لأن جميع العلماء يقولون راتب المرأة لها إلا ما أعطت زوجها عن نفس راضية والعشرة في المية اللي كان يعطيك إياها هذي يمكن اللي أفتاه قال له إنها نصيبه هو وقلبها عليك وأكل الراتب وبعد يصارف على أهله الله المستعان .
أنتي سوي اللي قالوا لك البنات عليه ولا تعطينه شيء ساعدي في المصروف مساعدة فقط وليس أنك أنتي التي تدفع كل شيء وين هذا من الدين ؟؟؟ من هو اللي الحق عليه ينفق عليك بشرع الله ذكريه بهذا الشيء
الشكوى على الله صاريشوفك صرافة تمشي على الأرض الله يهديه
وبعدين اللي تقول تطلقي تتقي الله في نفسها ماهو كل شيء حله الطلاق لأن الفوس تروح وتجي لكن الأطفال ايش ذنبهم في الحوسة هذه كلها انتبهي من بعض الناصحات ياليتهم يسكتون الله يصلحهم ​
 
انا اسفه وسامحيني لاني بكون قاسيه عليج انتي مب هو ..تعرفين ليش لانج لين الحين تبين تعطين نفسج اقل من حقج ..اذا انتي تشوفين نفسج ما تستاهل ان راتبج يكون لج ليش جايه تسالين ..الموضوع منتهي تبين تصلحين اللي صار ..روحي وسكري حسابج وافتحي حساب اخر بدون بطاقه عشان ما ياخذها من عندج واسحبي المبلغ اللي انتي تحتاجينه ..وخليه يسوي اللي يبيه يزعل لين ما يرضى بروحه وبيرضا وبيجيج وبيحاول يسحب راتبج لكن لو استسلمتي بعد فالشرهه مو عليه عليج انتي اللي مب عارفه حقوقج..الزوج نحترمه ونقدره بس يحترم نفسه بالاول ..والراتب من حقج كامل ماله ولا ريال ..وانتي جايه تساومين على حقج ..؟؟ خير ان شاء الله شهالضعف ..اليوم تاخذين قرار وتروحين البنك وتسوين اللي قلنالج عليه ..واذا انتي خايفه على العيال لا تحاتين شهر بيتعبون من صراخه وبعدها بتنتهي السالفه وبتعيشين انتي مرتاحه معاهم ..كوني قويه ..لا تكونين غبيه ياخذ راتبج ويصرف على اهله وبكره بيتزوج عليج من راتبج وتموتين قهر..فتحي مخج وبسج سلبيه ..ولا تجين تسالين عن حل ..خلاص الحل وجدامج روحي ونفذي لان محد منا بيقولج اخذي نص راتبج وله النص الثاني لان مب من حقه ..الموضوع منتهي ..
 
حبيبتي يكفي اللي عطيتيه في الفتره الماضيه......... ألحين راتبك خليه لك ،وافتحي حساب جديد..... ولاتعطيه . وهذه فرصه عشان تخليه يطلب منك... ويحس بقيمتك ، واذا طلبك صدقيني بتحسي بقوه ، وبتتغير شخصيتك ان شاء للأحسن... نسيت اقولك اذا طلبك اعطيه لكن شي يسير..كونه تنازل وطلبك ههههههه.

حبيبتي انا اشتغل .بس زوجي مااعطيه ولا ريال واحد ... معودته من البدايه ان فلوسي وتعبي وشقاي لي وحدي فقط. ماعدا المصاريف اللي أطلعها بنفسي عن طيب خاطر اذا استلزم امرا فلالبيت.... ألحين حبيبتي الحمدلله بمناقشتك له ... بديتي تخطين الخطوه الأولى في التحكم براتبك ... واستمري على هالشي ....... وخليه هو بيزعل فتره ، وبيرجع صدقيني . ولايلين قلبك له .... يكفي مااعطيتي سابقا ... ولاشفتي قلبه حن عليك .. او حتى قدر الشي اللي تقدميه له.
 
مشكورررررين راح اسوي الي قلتولي عليه واسكر البطاقة وماراح اعطيه شي
مشكورين مرة ثانية صراحه افدتوني
 
فعلا الابن على ماربيتيه
والوج على ماعودتيه
اسمحيلي انتي انسانه شخصيتك طيوبه جدا لدرجة الضعف والخووف
ليه ياحياتي ليه
توصلي نفسك لهذه المرحله
لابد انك تحبي نفسك لابد

الزوج مسئول امام الله عن وجته والنفقه من حق الزوجه

استمري في عملك
غيري بطاقتك ولاتسمحيله ولا بااخذ فلس واحد منك بتاتا

خليكي قويه
قوي شخصيتك ولاتخافي
ويسير الي يسر
حتى لو اطلقتي اهم شئ كرامتك
قلبي انفقع وانا اقرا مشكلتك
وضغطب بدا يرتفع

الله يكتب ل الخير​
 
وشو سأل الافتاء وليه ماتتأكدي من صحة الفتوى وتجبيله فتوى اقول قاعد يكذب عليك المال مالك ولا يحق له اخذ شئ الا برضاك
 
ارتبطي بعقار أرض شقة أي شي وسددي وانفعي نفسك..
وكون إنه يقول مدري وش مخبية عنه غير الزيادة
زين إنك وضحتيله السبب
لكن مستقبلا
مايحتاج تبررين تصرفاتك ليش خبيتي ليش سويتي كذا ....الخ
هذا مالك وإنت حرة فيه
ياليت تطمنينا وش يصير معك
 
مشكورات عزيزات لتفاعلكم معي بالموضوع انا اتصلت باهلي وسياتي اخي ويتفاهم معه ويحل المساله ويوضح له ماذا له وماذا عليه الصراحه انا اخاف منه لانه عصبي جدا واخاف انه يتهور ويضربني وامام البنات لانه كما يقول ان عذره لانه عصبي وزعلان مني لانه يقول ان حياتنا مبنية على الثقة وانتي تخفي علي الراتب معناها انتي تخفي علي اشياء غير المهم انه لاينفع معه الكلام لانه لسانه سليط فانتظر اخي ياتي ادعوله ان ياتي باسرع وقت ممكن لكي يضع حدود له . مشكووووورين على الاهتمااام
 
حبيبتي كلن يرى الناس بعين طبعه

دام انه قال :مدري وش مغبيه عني ... أكيد انه مغبي عنك شي ماتدرين يمكن ناوي يتزوج بفلوسك او يبني له بيت او يجمع فلوسك قرش على قرش عشان يتزوج ضحيه ثانيه غيرك

وبعدين تعالي هنا !!!! من قالك ان الافتاء يحل ان الزوج ياخذ فلوس زوجته بالغصب ؟؟؟ حبيبتي انا سامعه الشيخ بأذوني يقول لا يحل للرجل ان يأخذ راتب زوجته لأنه ملزوووووووم يصرف عليها الا اذا كانت هي راضيه تعطيه راتبها

وانتي بنفسك دقي على مفتي واسأليه وسجلي المكالمه وسمعيه خليه ينقهههررر

ونصيحتي لك خليك على ما انتي عليه تصرفك صح ولا تعطينه من راتب الجايي ولا ريال حولي على حسابك الثاني
وصدقيني الاشكال هذي ماينفع معها الا انك تسوين اللي براسك والبطقاااق اللي يطقه

الله ينصرك ويهديه بسس

سبحانك اللهم وبحمدك اشهد ان لا اله الا انت استغفرك واتووووب اليك
 
أختي ليش تخافين منه؟؟
هذا بشر إنتوا الإثنين بشر
كلكم تحت أمر الله وحكمه
مادمت ماشية في الطريق الصحيح وحاطة رضا الله ومخافته قدام عيونك لا تخافي منه.
كوني قوية غير مهزوزة وخلي ثقتك ويقينك في الله.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل