زوجي يتجاهلني

[ملكةعمري]

أهلين عضوات منتدانا الغالي بقولكم مشكلتي مع زوجي الشمالي الشرقي وتكفون أبي منكم تفسير وليس حل لأني في نظري سويت كل اللي علي ماخليت شي ينتسوى إلا وسويته لكن لاحياة لمن تنادي زوجي يتجاهلني وبقوة إذا كنت لابسة وحاطة مكياج وكاشخة على الآخر فهو يسوي نفسه كأنه مايشوف أحد إلى درجة إنه إذا جاوقت النوم يعطيني ظهرة وينام ولا كأنه يشوف أحد قدامه طبعاً أنا أكون كاشخة له أو أكون معزومة أحس أنه ما يبغى يطالعني وأنا كاشخة لاتقولون إنه ما ينتبه أو مايحب مستحيل لأنه دائما ينتبه لأشياء الغير مثل خواته أو أمه يحب يمدحهم أما أنا يتجاهلني الله يجزاها خير الي ترد علي تكفون ردوا طلبتكم

 

[ملكةعمري]

وينكم بنات تكفون تفاعلوا معي ولا زعلت ترى هذي أول مشاركة لي لاتفشلوني

 

[مشاااارق]

أولاً: كم سنة لكِ متزوجة ؟؟؟؟

وحابة أقول لك شئ ... أعرف كثير حريم يشتكوا من نفس المشكلة.... زوجها مايعلق أبداً مهما سوت ...

في بعض الرجال مايحب يمدح زوجته.... يمدح كل الناس الا زوجته... يمكن عشان ماتشوف نفسها عليه...يمكن شخصيته لها دور مايعرف يعبر ...

وفي رجال مايحبوا المرأة اللي تتزين بهدف اثارته.... وفي رجال مايحبوا يشوفوا زوجاتهم بالميك أب ....يحبوا يشوفوهم على الطبيعة....
خليكِ طبيعية ....
إتزيني وأكشخي عشان نفسك... لايحس إنه عشانه ....​

 

[ملكةعمري]

شكرا على ردك أختي مشارق بقولك لي ماشاء الله 15 سنة متزوجة على فكرة أنا قلت سواءً تزينت له أو لمناسبة ما أنا مايهمني إنه مايعلق أوما يمدح لكن ليه يزعل وأنا أعرف إنه يحب الزين والكشخة والحركات وهذا الي مجنني

 

[ملكةعمري]

حرام عليكم خذلتوني تكفون تفاعلوا مع موضوعي ليش هالتطنيش كله

 

[سمراء وافتخر]

الله يفرجها عليك انت شوفي موضوع انماط الشخصيات وفيها نمط زوجج
وطبيقي اللي جاي فيها وان شاء الله يجيب نتيجة ودائما اقراء في المنتدي ان الزوج ما يحب اللي تتلزق فيه وايد
يعني ثقلي عليه واشغلي نفسي وونسي نفسك وطمنينا اتمني اكون افدتك

 

[مزيونة الوصوف]

اختي الرجل السوي الطبيعي بطبعه يحب ان يرا الزينة على المرأه وخصوصا زوجته فأذا لم يهتز لهذا الشيئ او يضايقه معناه ان هناك شيئ غلط وعليكي ان تكتشفي اين الغلط انتي زوجته وعايشه معاه منذ 15 سنة وعارفه طبعه اذا كان هناك اي تغير قد طرأ على طبعه عليك اكتشاف العله لو كان خطيبك او في بداية الزواج يمكن استطعنا تحليل الموضوع لكنه شيئ جديد قد طرأ عليه ..
ولا اعتقد انه يزعل او يتضايق اذا شافك متزينه فهذا تفسير خاطئ منك وغير منطقي بدليل انه لا يتأثر وينام ولكن يجوز والله اعلم ان هناك شيئ جديد قد طرأ على حياته سواء على الصعيد النفسي او على مستوى حياته ككل ولا اريد ان ادخلك في متاهات من نظريات الملل الزوجي وغيره وغيره ولكن انتي الوحيده التي تستطيع مساعدة نفسها واكتشاف الخلل واصلاحه ..
اتمنى لكي كل السعاده والله يهدي الجميع لصالح الأعمال بأذن الله ...

 

[ملكةعمري]

شكرا أخواتي سمراء وافتخر ومزيونة الوصف

 

[ملكةعمري]

أخواتي حبيت انبه إنه هذا طبعه من زمان بس ماقدرت أعرف وش الأسباب ولكن يوم عفت منتدانا الرائع حبيت إنكم تشاركوني لمعرفة الأسباب اللي قد تكون غابت عني ولكم جزيل الشكر

 

[N&E]

اه بس انا زوجي شمالي شرقي
لا زعلني وصارخ علي وزعلت يجلس يسوي نفسك كلامك ولا كأني موجوده
مدري هو حرام نزعل ويكون عندنا إحساس ولا كيف نتعامل معهم

 

[ملكةعمري]

شكرا لك أختي لكن هذولا هم الشماليين عسرين بطباعهم ويحبون يتجاهلون زوجاتهم خاصة مدري وش شايفين بنفسهم الله يهديهم لنا ويسخرهم يارب

 

[زائرة الصباح]

أختي ملكة عمري....الله يعينك.....وانا أؤيد...الأخت *مشارق* فعلا فيه رجال ما يحبون يمدحون زوجاتهم ويمدحون كل الناس الا زوجاتهم ....واذا زوجك من هالنوع فهو خايف تشوفين نفسك عليه ... لأن كثير اشوف بعض الحريم تكون ماشالله حلوة وما عليها وتشتكي من تجاهل زوجها أو تحطيمة... وليس لهذا تفسير الا انه يخاف تشوف نفسها عليه ...عسى الله يسخره لك ويؤلف بينكم ...آمين

 

[كريوم]

انا مع خواتي في اللي يقولونه الريال يجوف لكن مايحب يتكلم لكن انت عجبتنه

 

[في غربه]

اختي انا زوجي شمالي شرقي نفس زوجك ونفس الطباع مايعطي وجه لمن اكون كاشخه لما تعرفت علي المنتدي الرائع عرفت اتعامل معه خليك واثقه من نفسك ولاتسالينه وش رايك وغيري كذا بادر بكل شي ضميه وتقربي منه وبادري بالجنس راح يتغير بمعاملته وراح تشوفين الفرق اهم شي ادعي لي ربي يسخرلي زوجي ويرزقني البنت الصالحه لاني علي وشك ولاده وربي يسخرلك زوجك ويهديه0

 

[ملكةعمري]

شكرأ لأخواتي زائرة الصباح وكريوم وفي غربة الله يرزقها البنت الصالحة ويهدي لنا أزواجنا

 

[أبداع انثى]

اختي زوجك من النوع اللذي يحب المراءة الثقيله وانت حتى لو كنت متزينه للطلعه فهو نفس الشي عندة ماتفرق اتركيك اللحينه من اللبس وانظري الى شخصيتك خليها قويه ولاتركضين وراه اثقلي ورزي نفسك والله راح تلاحظين الفرق لان الرجل ينفر من المراءه مهزوزة الشخصيه ولا تعجبه حتى لو كانت اخر شياكه خلي كلامك كلمه ورد غطاها ولاتناقشينه كثير ولاتسولفين عليه بس الكلام المهم وبعدها اسكتي موزعل لا ثقل وانشغلي بطفلك قدمه اوبالتلفزيون تبريرا لسكوتك قلة الكلام هي راس العمل واهم شي في ثقل الشخصيه ومع اهتمامك بنفسك :icon30:

 

[ليلكيه]

الحل في كلمة وحدة

التطنييييييييش

طنشيه وتجااااهليه تمااااما

البسي واكشخي ولاتسالين عن رايه ولاتجين تستعرضين قداااامه
ابددددددددا

ورح تشوفين انه هو اللي حيبدأ في التعلييييق

بس الصبرررررررررر والثقلللللل

 

[عصفوره جريحه]

ياعمري عليك والله نفس الحاله ياعالم و لا كاني موجوده بس والله ياجبل مايهزك ريح
لكن شوفي حبيبتي انا لقيت حل لمشكلتك ولكل من تعاني من نفس الحاله
اول شي زي ما قالت الاخت ليلكيه التطنيش بس مو تطنيش الزعل
لاااااااااااا تطنيش راقي ومحترم يعني البسي واكشخي وفي نفس الوقت امزجيها بكل دلع و ثقه في النفس خليك واثقه من نفسك داااااااااااااااااااااااايم حتى لو مانتي كاشخه ترا الشمالي يحب الثقل والثقه بالنفس

ثانيا والاهم والاخطر الشمالي يمووووووت يمووووووت يممممممووووووت على المثقفه اللي دايم وقت الفراغ ماسكه كتاب مجله جريده تطالع برامج ثقافيه لان هذي اهتماماته
وصدقيني معظم عزوف الشمالي عن زوجته هذا السبب حتى تلاقيه نادرا ما ياخذ رايها لان يشوف انها مو مثقفه بالعكس يمكن انتي مثقفه بس انتي ماتبيني هالشي وماتدري انو هذا الشي يجذبه والله ماقولك هالكلام الا عن تجربه
وربي انها طالعه من فمه
قالي تعجبني اذا كنتي واثقه من نفسك والثانيه انا احب الوحده اذا جت مثقفه
والله بديت ادرس على هالشغلتين و فوق هذا دراستي تتساعدني لاني دارسه انجليزي وبس
يارب يسخر لك زوجك ويوفقك ويخليكم لبعض
قولي لنا ايش يصير معاك خلي الفائده تعم وتساعدي غيرك

 

[ملكةعمري]

شكرا لأخواتي أبداع أنثى وليلكية وعصفورة جريحة أنا صراحة سعيدة بردودكن وتفاعلكن معي وهذا الشي اللي إن شاء الله بيدفعني وبس فيه مشكلة وهو أنا طباعي تخرب علي وأنا معترفة بهذا الشي وأحس إني ماني قادرة أتغير أحاول بس أفشل وأطفش مثل مايقولون الطبع يغلب على التطبع إن شاء الله راح أحاول أتغير بس أدعو لي إن الله يعيني على تغيير نفسي لأني أبي المثالية من جميع اللي أتعامل معهم ولا ألاقي شي وتعبت في حياتي

 

[شموخ مجد]

::نفس زوجي ..الله يهديهم:::



::الله يسخر لك ياحي ياقيوم:::



::اذا لقيت حل انقذيني::