زوجي يبي يقطع العلاقه بيني وبين صديقتي ....

[الفارسه الجميله]

:8:السلام عليكم اخواتي البلقيسات ..

دخيلكم ابي مساعدتكم لي زوجي يبي يقطع علاقتي بصديقتي ..

اولا انا في غربه بعيده عن اهلي صارلي سنه ونصف والله اعلم يمكن اكمل سنتين في الغربه ..والسبب علاج ولدي الله يشافيه ..
وهذي اول وحده تعرفت عليها وقوة علاقتنا بزيارات وطلعات والحمدلله انا وهي ارتحنا لبعض لدرجة انه اذا عندنا زيارات للحريم الي معانا ما اروح الا ويا يعض والله علاقتنا اكثر من الاخوه والصداقه وطلعتنا للمولات والحدائق والمتنزهات كلها ويا بعض يعني الحمدلله نسينا بعض هموم الغربه ..

ودارت الايام زوجي قام يشتكي من زوجها لانه لزقه وما يفارج واذا يبي اي شي زوجي لازم يساعده لان زوج صديقتي ما عنده لغه ...

والحين ازواجنا ما يكلمون بعض بس نحن الحريم ما يخصنا انا اكلمهاا وزوجي ينقهر ويعصب لدرجة انها توصل للمشاكل ما ادري ليش زوجي جذي من اكلمها حياتي كلها تنجلب وهو الله يهدي ان شاء الله ما ادري ليش حاط دوبه بدوب هالحرمه كلما افاتحه بالموضوع واقوله انها ما اذتني بشي في حياتي بالعكس وقفت معاي وقفه وكنا انعين وانعاون بعض انت ليش تكرها والله العظيم يابنات مب عارفه كيف اتفاهم معاااه لدرجة انه يقول ما ابي اسمع اسمها ولا اباها تدخل بيتنا والله فشله والحرمه اخلاق وادب بس عشان يالفة اتخص الرجال بنات الله يخليكم ابي حد يفيدني كيف اتصرف معاه من دون مشاكل وحرام اقطع علاقتي مع صديقتي ..

والحمد لله انه زوجي يحبني ومهتم فيني ومب امقصر معاي..وال خايفه منه الحين اخوي عندي هو ساكت عني ..بس يلمحلي بس يروح اخوج انا اعرف كيف اقطع علاقتكم من بعض ومشكلة زوجي اذا كره شخص مستحيل يرد يحبه حتى لو تصالحوا يتم في خاطره ...

لا اطنشوني لو بدعوه ..الله يهدي زوجي ويصلح باله يارب ...
انتظركم ...

 

[قل قسم]

الله يعينك بس انتي تكلمي معه مثل ماتكلمتي معنا الحين ان علاقتكم مثل الاخوه ومو لازم اذا هو وزوجها

بيقطعون العلاقه انتم مالكم دخل وانتي حاولي ماتكلمينها كثير وزوجك فيه

يعني خل الموضوع عادي لاتسولفين فيها عنده

موفقه

 

[حلاوة وشقاوة]

حبيبتي حاولي تصلحي بين زوجك وزوجها عشان تعود المياه لمجاريها..!!والله يصلحلك احوالك

 

[القوية]

شوفي حبيبتي حاولي ان تتكلمي مع زوجك بانك مرتاحة معها وبأنها ذات خلق واذا أراد ان يقطع علاقته بزوجها فهذا امر يعنيه ولكن اذا الامور تطورت لحد ان زوجك اصر على قطع العلاقة بها واحسستي بأت علاقتك بصديقتك سوف تؤثر على حياتك مع زوجك فالافضل لكي بأن تقطعي علاقتك بها لان زوجك المهم وليس صديقتك واوضحي لزوجك بأن قطع العلاقة بها رغم حبك لها هو انك لا تريدي ان تضايقيه او أن تزعجيه وأكيد انه سوف يحترمك ويحبك أكثر لحرصك على أن لا تزعليه وممكن أن يراجع نفسه ويتركك على علاقة مع صديقتك
اتمنى لكي التوفيق

 

[الفارسه الجميله]

قل قسم ..القويه ...حلاوه وشقاوه ..

مشكورين وما قصرتوااا بكلامكم الطيب والله يجزاكم الف خيير ...

 

[اولادي كل حياتي]

[SIZE="معليه انا من رأي تطيعي زوجك وتحاولي تخففي من لقائكم مع بعض
ـ يمكن زوجك عارف حاجة انتي مو عارفتها ويبغاكي تبعدي عنها موةقصدي في الحرمة لاسمح الله يمكن عشان شي من زوجها والله اعلم
ـ اذا حابة تتناقشي معاه بهدوء وتفهمي منه ليه اقطعها قولي له اعطيني سبب واحد مقنع وانا مستعدة من بكرة ابعد عنها واسمع كلامك
ـ واختي لو مصر خلاص اسمعي كلامه ولاتسببي مشاكل بحياتك بسبب اصرارك على صديقة
ـ والله يشفي لك ولدك /SIZE]

 

[omeero]

نفس المشكله حبيبتي بس في النهايه تركتها وبصراحه كرهتها من كثر المشاكل مع انها اخت وعزيزه وغاليه الله يذكرها بالخير

 

[رضاك يالله]

اهم شي زوجك
وزي ماقالو الاخوات

 

[اتعبني هواك]

دااااااامه لاكره الشخص مايرجع يحبه الشكوى لله حبيبتي زوجك اهم
وانتي فهمهيها بأسلوب حلو واهي مصيرها بتعرف ان المشكله مومنك من زوجك
وخلاص الله يعينك ياقلبي

 

[سـهام الجفا]

دااااااامه لاكره الشخص مايرجع يحبه الشكوى لله حبيبتي زوجك اهم
وانتي فهمهيها بأسلوب حلو واهي مصيرها بتعرف ان المشكله مومنك من زوجك
وخلاص الله يعينك ياقلبي >>>>نفس كلامي
​

 

[الفارسه الجميله]

مشكورين وما قصرتوا ...

والله يجزاكم الفردوس الاعلى على نصايحكم الطيبه ...

 

[التوبة عنواني]

كلميه بهدوء الله يهديه
بس اذا اصر ما تخربي بيتك عشان صديقتك
زوجك اهم و هو دايم لك باقي الحياة
الله يوفقك اختي

 

[الثرياا]

والله كانك تتكلمي عني
ولو اقولك انا اكثر من اخووواتك اكذب عليك ودين واخلاق وحكمه والله ماذكر انها غلطت علي ولو بمزحه مرة واحدة والله ان حبي فيها لله وحده وربي العالم ونحن بنفس العمر وهي من فتحت عيوني عليها في منطقه زوجي اللي نقلت لها لما اتزوجت وهو عرفنا عليهم لانها زوجة اقرب صديق له ويعرف اهلها وهم اهل دين واخلاق لاتتاتي منهم العيبه وماكنت اطفش لما تعرفت عليها ولو تحدث من هنا لباكر مااوفيها حقها يوووه ذكرتيني بالمي كم خرجنا وكم وكم وهم رجالنا مع بعض
ولكن على قولتها عين وماصلت على النبي تقول جماعتي من شافوك وهم حاسديني يقولون من فين جايبه لك هالصديقه تنحط على الجرح يبرأأأأأا والله من وناستنا مع بعض ندخل المطبخ مع بعض تجيني بدون تكلف وبينا اي تكاليف او مبالغاات وناخذ الذبيحه ونذبحها ونروح مع بعض ونشوي ونطبخ برا ونرجع ونقسم الباقي ونحطه بالثلاجه ونجيب التمر ونقسمه وكل ماتتخيلين ادق عليها واقولها انا جايه وعشاي معاي ونتعشى مع بعض ونسمر ولا سافر زوجها اقوم بحاجاتها وهي كذلك استمرينا على هالحال يمكن اكثر من 5 سنوااات
وفجأأأأأأأأأأأأأة وبدون سابق انذار جاني من العمل وقالي انتهت علاقتنا بعض مع اني شفتها متوتره في رمضان والعيد ومو كالعاده بس قلت يمكن انا مسافرين عند اهلنا ولم اراها من ذلك العيد ولم اجادله كثيرا وانما قلت قلي مالسبب فوضح لي سبب لم يقنعني ابدااااااااااااااااااااااااااااااااااااااااااااااااااااااااااااااااااااااااااااااا
فقال تفضليني عليهم قلت لالالالا بس تعرف ضروفي والادميه لم اراء منها مايسوءني قال صح وماانكر ذلك ولكن لااريد مقابله زوجهاا قلت والعمل يعني ماتقابله قال الا ولكن مقابله رسميه وزمااله عمل لاغير ومابيني وبينه الا سلالام فقط
وانتي حره تزور ماعندي مانع وتكلمك كمان ماعندي مانع قلت ودني قال اول هي تجي وبعيدين اوديك
وهو مكابر وزميله يقولها نفس الكلام يقولها اوديك لناس ماتبيني يعني زوجي غلطان وزوجي يشوفه هو غلطان وحنا ضعنا بالطوووووشه
والله اني فقدتها اكثر من سنتين تقريبا حملت ولدت وتوفى ابوي وهي ماشفتها ولا شافتني واحيانا نتكلم بالتلفون ولكن الاحظ القهر عليه فتوقفت عن ذلك واذا تحدثت معي لااخبره عشان ماازعله
المهم لما بنتي تقريبا بلغت السنه اتاني قال يالله نبغا نسافر قلت خير وين؟ قال نبغا نستاجر شليه على البحر انا وفلان ونتمشى نهايه الاسبوع
والله لدرجه اني دمعت عيني ماادري كيف اقابلها ولم اساله كيف رجعو بس اتوقع ناس من اصحابهم بالعمل صالحوهم مع انه تدخل بالبدايه كثير ولكن يابسين الله يهداهم
ورجعت الميااه لمجاريهاااااااااااااا واكثر بس صدقت انها عين لاننا لما تصالحنا نقلو منطقه اخرى تبعد 400 ك
ولكن اهم شئ الدعاء والاستغفار ولا تستفزي الرجل ولا تعانديه ابداااااااااااااااااااا
وخلي رائيه بالدرجه الاولى لان هذا اللي خلانا هدائه لاني خفت انو شايف شي على الرجل ومو قادر يقوله وبنفس الوقت ماحبني اواصل ويضلمني معاهم لاني كنت لاارى غيرهم فطبيعي لاارى مايدور حولي من حبي بهم
فخليتها لله والزمن كفيل بحلها والحمد لله انحلت المشكله والصبر ثم الصبر والهدوء ولاتستعجلي ويمكن خير لاتعلميه انتي
والله يوفقك