زوجي يبغاني اعتذر لبنت اخوه

[ريحة حنه]

السلام عليكم
بنات انا اول مره اكتب استشاره زوجيه يالله افزعولي بارائكم
لي اربع سنين مزوجه ماذقت الراحه النفسيه من ذيك الايام بنت اخوه اخطبتني له ايام الجامعه كنا ندرس انتساب يعني معرفتنا لبعض بس اسبوع ونص وافقنا تم كل شي على خير بس زوجي طلع مره عصبي وقت ماكان يكلمني ايام الملكه كنا نتخاصم كثير وكنت ومن جهل احسها تحرشه علي لان تصرفاته تدل على كذا وكان يوم يكلمني يمدحها عندي كثير وانا طبت في الغيره ومره كنا انتخاصم وجاب سيرتها رحت قلت مين افلانه هذي لا زميلتي ولا شي معرفت اسبوع بس قام عصب وصار يمدح فيها ويقول هي الي جمعتنا ويقول عنها اشياء كثيره وانا صرت كل مااشوفها اقلب لها عيوني وابين لها اني ماني مضغتها بس هي ناشبه بزوجي بعد السنين والمواجهات بيني وبين زوجي اعترف انها ماكانت تحرشه ووزجي اثق فيه مايكذب وان تصرفاته معي سببها عصبيته الزايده ويقول انه مو مرتاح من نقطه اني عاملتها بسوءفي بداية حياتنا وانا من بعد زواجنا بسنه صرت اعملها عاديويقول مايكفي لازم اعتذرلها لاني ضلمتهابضني ويقول بعدها اقدر ارتاح بحياتي اخاف لواعتذر يستضعفني وهي تشوف نفسها علي واحيانا اقول ممكن زوجي يزيد حبه لي لانه من النوع الي يقدر ممكن يقدرلي تصرفي هذا ولو اعتذر ايش الاسلوب الي يخليها تحس اني ماني ضعيفه ترى انا بحيره شورو علي زين الله لا يحرمكم الاجر

 

[مكسور قلبي]

ياقلبي مدام انو اعترف خلاص صدقيه ولاتخلي مجال لشيطان انه يركب راسك


وع انك تعتذرين يمديك تعتذرين بااكثر من اسلوب بدون ماتجينها وجه لوجه وتقولين لها

اسفه او سوري

مثل اشتري لها ورد وحطي وياه كرت واكتبي اتمنى نفتح صفحه جديده ويا بعض وننسى الماضي

ونكمل صداقتنا مثل مابدينا




ومنها انتي راح تكسبين زوجك ومنها انتي بتريحين بالك من التفكير والوسواس




ربي يوفقك ياقلبي ويسر لك اموركـ


اتمنى اني افدتك لو بالقليل



تحياتي

مكـــسور قلـــبي​

 

[ريحة حنه]

مشكوره حبيبتي مكسور قلبي ماقصرتي انا مابغى ارجع علاقتي فيهابس النفوس تتصافى والعلاقه بيني وبينها عاديه زي البقيه من اهله لاني ابغى اكون رسميه معاهم

 

[جنينة امها]

لاحولا ولاقوه الا بالله
المفروض يختي لو زوجك ماقال اعتذري منهاانتي اثمه والمفروض تكقرين عن اللي سويتي انتي اسئتي الظن فيها وهي يحياتي هي اللي خاطبك وفوق هذا يوم اسئتي معاملتها ماقبلتك بسوء ولا تشورين في هل تعتذرين او لا اعتذري وعسا الله يعفو عنك المسلم يلتمس لاخوه المسلم سبعين عذر وانتي ليتك التمستي لو عذر نيتي. ظن السوء
اعتذري بكل طرق الاعتذار وجيبي الها هديه وعساها تقبل عذرك
******************************************************************************
********************************************************************************
*************************************************************************
مــخالــــــــــــــف

 

[مكسور قلبي]

ياقلبي انتي سوي اللي تبينه لكن قدام زوجك خلي الامور اصفى من العسل

يعني خليه يحس انه مابينك وبينها ولا شي

وان اعتذذرتي لها باي طريقه من الطرق مو يعني انتي بترجعين مثل اول وكذا لا

لكن لزوم اننه زوجك ينسى هذا الموضوع وتسكرينه من عقله تماما​

 

[مكسور قلبي]

جنينة امها اسفه اختي ماهو موضوعي ولا لي شغل فيه

لكن وش هالاسلووووووووووووب الحين بذمتك داخله

تبين تهدين البنت ولا تزودين علتها


لا وبعد وصلتيها انها تكفر عن ذنبها

اوف وش مسويه

حتى شككتيني البنيه وش كاتبه سالفتها

رجعت قريت مره ثانيه



ياقلبي حطي نفسك بمكان البنيه وجاوبيها

مو تزيدين الطين بله

الله يهديك يارب​

 

[نضوج أنثى]

مو عيب الإنسان لما يغلط يصحح غلطه صح زوجك كان السبب بس من حقها عليك بعد المعامله الجافه اللي صارت منك إنك تعتذرين منها وتوضحين لها السبب اللي خلاك تتعاملين معها بهالأسلوب انا احسها إنسانه فيها خير بما إنك مااشتكيتي منها حلو التواضع اعترفي لها واعتذري منها .

 

[ريحة حنه]

جنينة امها ترى انا ماسويت ذنب عشان اكفرعنه لانها هي وعمها هم السبب بسوء ضني لانهاناشبه فيه بطريقه ترفع الظغط تتصل عليه بكل وقت ماني قادره اخذ راحتي مع زوجي بس الان خفت تزوجت ونشغلت

 

[ريحة حنه]

مكسور قلبي ونضوج انثى حبايبي ماقصرتم احس تصعب علي نفسي اهينها الحريم مو مثل الرجال زوجي فاهم قصت الاعتذار عاديه وهي ممكن تحسها ضعف مني وانكسار بس انا مين يجبر بخاطري حتى هي وعمها خربو علي احلى ايام عمري واخر شي هي الي لها حق وانا لا موقهر

 

[فديت انفاسه]

شوفي اذا انتي موحاسه مسويه شي كبير مو لازم تعتذرين خصوصا وتحسين ان اهي بتشوف نفسها عليك وفي نهايه كل انسان يغلط قولي حق زوجك ذا انتي موحابه تعتذري قولي له شوف انا بنت وهي بنت وبنات يعرفون حق بعض مولازم اعتذر لها كلام مهم افعالي بتثبت لك وانتي حاولي تحسنين علاقه اكثر فيها وهي من نفسها بتحس بتقربك لها وهو بيلاحظ
بس صراحه مافضل تعتذرين لها كذا انا اسفه او شي كذا مدري هذا رايي خلي افعالك تبين احسن

 

[واثقة]

الإعتذار ليس ضعف عزيزتي

بل أسلوب غاية في الرقي


اعتذري ولو برسالة جوال ..


خصوصا انه لم تكن لها يد في ما توقعتي

وكان الأجدر بالملامه زوجك الذي لم يدافع ظنونك السيئة..

​

 

[الاميرة ريمي]

ممكن لو اعتذرتي تحسك تسيء الظن بالكل و ممكن تحس روحها مظلومة وانتي ظالمتها وتكرهك

 

[ريحة حنه]

طيب واشغالها لزوجي عني بكثرت اتصالاتها موشي خطاء وانا لسى عروس معقوله ماكنت تفهم من تصرفاتي اني مضايقه من كثر اتصالاتها حتى وحنا مسافرين ماخذ راحتي مع زوجي كلها اتصالات وتحقيق وين مسافر ومتى بتجي وين ساكن واحياناتسد نفسه عشان ماننبسط بالسفره كائن فيها غيره اني اخذت عمها احسها اتعمد ماتكلمه الى وهو عندي عشان تقهرني لوانها ذوق ماتسوي كذا

 

[ريحة حنه]

شكلي ماني معتذره عسى عمره مارضى ميرضى عني لين ترضى هي ليه وين راحت العشره الي بيني وبينه ماتكفيه معملتي لها تغيرت لازم اهين نفسي والله كرامتي اغلا لعندي

 

[ياربي انصرني]

الشئ الذي تعرضتي له في بداية زواجك طبيعي تتعرض له اي وحده متزوجه من اقارب زوجها وهذا يحصل غالبا في كثير من الاحوال

هذه التراكمات اللي في قلبك لابد ان تصفيها الان خاصة وانها
تزوجت وانشغلت في حياتها

اما بالنسبه لسوء الظن

عليك ان تعتذرين حتى لايبقى

الاثم معلق بك خاصة وانتي الان تعلمين انك ظلمتيها بسوء الظن

احتسبي في اعتذارك لها الاجر

لله تعالى وانوي انها قربى ورضى لله وان يرفعك الله بها عزا في الاخره ورفعة قدر لقلب زوجك

في النهايه انتي الرابحه

لاتجعلين الشيطان يبرر لك

تصرفاتك انها صحيحه00


اجعليها قاعده في حياتك الشيطان اكبر من يبرر بين المتخاصمين او المختلفين في وجهة النظر 00


وتذكري قصة اب بكر الصديق مع مسطح حين منع عنه الزكاة لانه تكلم في عرض عائشه رضي الله عنها

فانزل الله تعالى وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ


استشعري هذه الايه الاتحبين ان يغفر الله لك000

 

[حياه اجمل]

اعتذري منها اذا شوفتيها مافيها حاجة لانك انتي ظنتي فيها

 

[بداااري]

انا صارت لي قصه تشبه قصتك ويمكن انا فهمت غيرتك منها
في بداية زواجي التقليدي طبعا حسيت علاقه غير طبيعيه بين زوجي وبنت اخته اصغر من ب3 سنوات وبحكم اننا مسافرين لما نرجع يصر اننا نجلس عند اخته ام البنت وطبعا يجيكي اللعب والمزح والمطارده وتجلس تجري وتقفل الغرفه وهوه يدف الباب ويفتح وعاد وراها انا كنت دجاجه وما افهم واقول ياحليلهم ودي العب معهم بس اخوانها كبار ويرحون قسم الرجال ويظلون يسولفون وانا بالساعات لحالي مسيكينه لا وياخذون التلفون عندهم
وبعد كم سنه تزوجت البنت الله يستر عليها وكنا نزوها في بيتها بس تغيرت وثقلت البنت المهم مرتين يخليني عند بيت اخوه ويروح لها زياره في الصباح وزوجها مداوم استغربت
اكتشفت ياحلوه انها كانت تحكي لهم عن بنات وحريم وتوصل سلامات وكلام ورسايل لهم مع حبيباتهم طبعا مو زوجي لوحده واخوانه كمان وكانوا يروحون يستخدمون تلفونها عشان ياخذوا راحتهم وامها نفس الشي والصراحه انا بعد ما صار عقلي كبير وفاهمه حاسه انو كان بينها وبينه علاقه اقوى بس والله ولا كاني فاهمه حاجه خليت الوضع عادي اللي فات الفوت ماينفع الصوت والحين احيانا يمر سنه لاشافها ولاكلمها بس معجب كل ما شا ممثله والا وحده حلوه قال تشبه بنت اختي فلانه صح
واحس يمكن يوم انفجر وافش غلي

 

[بداااري]

يعني خلاصة القول اذا انت ما غلطتي لاتعتذري لما تزورينها بمناسبة الزواج او بمناسبه الحمل او الولاده اي مناسبه خذي لها هديه وقابليها ببشاشه وخلاص
بعدين قولي احنا مابيننا شي عشان اعتذر
انا ماذكرت قصتي عشان تفهمين البنت غلط لالا
بس تذكرت وانقهرت وحكيييت

 

[مزايا انسانه]

لاتعتذري ولاشئ
استغفري ربك
وممكن تصلحي علاقتك معها بالاحترام والادب والسلام فقط لاغير ويكفي هذا التنازل منك
ولاتعطي فرصه لزوجك ان يتسبب في ذلك واهانتك
لان بعض الناس يعتبرون الاعتذار مذله واهانه وبعض الناس لايستحقون الاعتذار
مجرد احترام علاقات فقط وهذا يكفي ياعزيزتي لكي تحفظي شخصك الطيب
وفقك الله​

 

[انثى تعشق رجل]

عادي ياقلبي مافيها اهانة ولا شي بالعكس ممكن يكون موقفك
بداية لعلاقة جيدة بينكم
لو اني مكانك بعتذر منها بكل بساطة وببين لها سبب تصرفي معها وابدا مافيها اي احراج عليك
بالعكس زوجك بيقدر موقفك وهي بعد ​