زوجي يبغاني ارجع بس بلاش

الحالة
مغلق و غير مفتوح للمزيد من الردود.
دنيا كئيبه قال:
شـغـف
أنقر للتوسيع...
دنيا كئيبه قال:
انا الي خايفه منه انه ما يعدل
والسكن انا اعرف انه لا ما يمكن يقدر يدفع اجار شقتين ومصروف
راتبه ما يتحمل ...
المستقبل مخوفني ما ادري شلون اعيش معه
يارب افرج لي كربتي
أنقر للتوسيع...





إذن لا تتنازلي..

ومشكلته وحده توفير مصاريف بيتين وشقتين...


هو تزوج بأخرى.. وعليه تحمل نفقات إعالة زوجتان..

لو تنازلتي اليوم... ستكونين دائما الثانية! هذا إذا دخلت القائمة أصلا..


صار بعض الرجال للأسف لا يكترث بأداء ما عليه من واجبات..

ويمارس حقوقه بتعسف شديد!


فلا تنتظري منه أن يأتي يوم ما ويعطيك حقوقك..

فالمسؤوليات غدا ستزيد.. وتنجب له الأخرى أطفالا.. وستسمعين كلمة ما عندي فلوس ما عندي فلوس..


طالبي وبإصرار بشقة كشقتها...

وكما استطاع تدبير شقتها سيقدر على تدبير شقتك..


هو رجل ويستطيع تدبر نفسه.. فلا ترهقي نفسك وتفكري فيه ومهما قال لك لا تكترثي.. وطالبيه بالعدل بكل قوة..


لا شيء أشد مرارة من العيش في ذل... فلا تضعي نفسك في موقف كهذا..


الله يقويج..
 
وبعدين وش الكلام الي تسمعينه وتنحرين وش يحرك طنشي

ولاتتنازلين عن البيت تر والله لتندمين عمرك كله هو بيدلعها وبيطلعه والي ماقدرتي تاخذينه منه بتاخذه هي وحتى الرضاوه لاتتنازلين عنها عشان كرمتك عند خلق الله بيقولون طشاه عن اهله وتزوج وبعدين يارجعها مذلوله والي بقوال حطها عند امه خدامه والي والي لين يشيب شعر راسك


ولاتستهينين بكلامنا ترا والله مانبي غير سعادتك

والله يكتب لكي الي فيه الخير
 
الله يعينج صراحة موقفج قوي انتي اللي فيه ومن خلال اللي قريته عنج انج تموتتتتتتتتتتتتتتتتتتتتتتتتتتتتتتتتتتتتتتين على ريلج ... ما صدقت قالج تعالي بطيري له وانتي مغمضة اساليني انا عذاب الحب الله يقطعه...
لكن نيجي للعقل انتي متاكدة انج اذا اصريتي عالبيت بينفذلج ولا بيخليج معلقة في بيت اهلج الين ما يجهزلج البيت؟؟؟؟؟
هل انتي مستعدة تقعدين في بيت اهلج الين ما يجهز البيت بعد سنه ولا سنتين؟؟؟؟؟؟؟؟؟؟
اذا تقدري تقاومي اصري عالبيت واذا انتي تعبانة وخلاص تبين ريلج بحلوه ومره ارجعيله وتنازلي عن الاشياء الغير الضرورية ... حبيبتي انت ادرى بنفسج لا احنا ولا اهلج بننفعج شوفي انتي وين مرتاحة ... صلي صلاة الاستخارة واختاري قلبج ولا عقلج ولا تنسين عيالج خليهم في الاولوية.. واسمحيلي
 
أصحك غاليتي ترجعي بدون رضاوه اختي سوت كذه والله ماقدر لها وصار كل بعد فترة يطردها ويرجعها

وصارت ماتسوى شيء بنظره خليه يعرف قيمتك وانك مو لعبه بيده خاصه اذا ماعندك اطفال والشقة طالبي بها هذي نصيحة مجرب لاااااااااااااااااااااتتنازلي عنها باي شكل من الاشكال ....


عشان يعرف ان بنات الناس مو لعبه بيده .. وعشان ما يصترخصك بعد كذه وقبل مايفكر انه يطردك مره ثانيه يعرف رجعتك ...


والله في وحده عندنا اعرفها ضربها زوجها كفين وطرده وحاول بعد فترة يرجعها مارضى ابوها الا ان يعاقبه وشرط عليه يدفع عن كل كف 10000 ريال وفعلا دفعها والحين صار يخاف يزعلها ...

الله يكون بعونك فكري واستخيري ولا تتنازلي ابدا ....
 
الله يكون في عونك واللي صار لك مقدر ومكتوب بس نصيحه لاتتنازلي عن البيت باي حال من الاحوال والرضاوه مولازم خليه يخصص لك بدالها مصروف شهري خاص فيك غير مصروف البيت والاولاد
 
اسمحيلي اقولج ان ما عندج سالفه لان العلاقه بين الزوجين اكبر من هالامور واذا انتي تحبين زوجج ارجعيله وادعي ربج يوفق من بينكم
 
عزيزتي دنيا كئيبه أبدليها الى دنيا الفرح
شوفي أنا من رأي لا تتناااازلين عن البيت ولا الرضاااااااوه ابداااااا
عزي نفسك ولا تتهاونين ابدااا بحقوقك

مثلك مثلهاااا مافي مشكله إنتظري سته أشهر الى سنه
مدااام ما طلقك خليه يرتب أموره ويأخذ القرض
اللحين عليك ماتتصلين عليه ابداااا وإهتمي بنفسك وبشكلك
حتى لو زاركم بالعيد خليك بلوك جديد وشخصيه جديده حتى يشتاق لك
صدقيني الرجال يحبون المراة اللي تعز نفسها وطنشهم ويركضون ورااااها
إبعدي عنه لين ينفذ شروطك وإذا نفذها لك خليه يسوي لك
لو حفله بسيطه وإرجعي له عروووووووووووووووس من جديد
راااح تكونين انت الزوجه الثااااااااانيه والأحلى بعينه
بس بدووون تنااازلات
الله يوفقك
 
ياختي لاترجعين بيذلك غير كذا حرة الجاره واذا بغيتي ترجعين لاترجعين الابشروطك اللي تحفظلك كرامتك اتنازلك هاذا بيكون بدايه لتنازلات كثيره في حياتك
 
لالالالاوالف لا
لاترجعين هو سهلة يتزوج
اذا رجعتي بيكون سهل يذلك وبجول رجعت وبدون رضاوه يعني لو زعلت مره ثانية بسمعها كلمتين حلوات وبترجع
كذا بتذلي نفسج لا ترجعي
ذليه لايذلك
 
انا والله اذا شفت ردودكن يا بنات احس اني قويه
لاني احس اني عارفه شو الخطاء وشو الصح
قال لا خوي انه ممكن يسكني بشقه فوق اخوه بس المشكله انها بعد عند اهله
صحيح اني اصير بعيده عنهم شوي على الاقل فترة الضحى والليل بيصيرون بعيدين عني
ويصير بيني وبين وزوجته الثانيه 100 كيلو وزوجته مسكنها بشقه جنب شقة ابوها
ودوامه 200 كيلو في قريه بعيده وهو عسكري يعني اصير يا بنات ليلتين ما اشوفه
ما ادري اصير بشقه عند اهله
او اصر اني اسكن بنفس المدينه الي فيها زوجته والي انا فيها حاليا واصير اشوفه في يومها

انا فعلا مثل ما قالت اختي اميرة قصري انا اموت عليه غصب عني اتمنى لو هو ما يهمني واني
عادي ما احبه .. وربي اعرف بنات عاااااادي ما يهمها زوجها ياليتني مثلهن



الامراة الشامخه
تري انا ما طلعت من بيتي هو الي طردني من بيتي وكبرت المشاكل لين قال انه طلقني
وهدينا فتره .. والي الحين يقول انا اصلن ما طلقتها

Top Dream
هذي الي قاهرني اني طلعت عليه بقميص وانا كنت متنرفزه ومعصب وما كنت اعرف وين كانت عيونه ... يقولي انتي نحفاانه

الامراة الشامخه
فعلا انك عند اهلك تحسين بثقلك عليهم .. لما جا لعندنا بالبيت قال انا مقصر بشي
قلتله ايه ما تصرف على عيالك وهم صغار محتاجين مصاريف ... اخواني كلهم ناظروني بعتب وقالو لا العيال عيالنا وحنا نصرف عليهم
وربي ما عمرهم اشترو لهم شي ... امي يا ربي خلها لي هي الي تصرف علي وعلى عيالي

اسرار2008
لا يا اسرار ذنبها ونص وش تبغى بزوجي
تبني سعادتها على حساب الاخرين
وربي وحده من قريباتي مطلقه اصرة انها ما تتزوج واحد متزوج وهي مطلقه
وربي يسرلها واخذة واحد مطلق .. وعاشت بسعاده ما بنت سعادتها على حساب الغير
 
الامراة الشامخه قال:
والله ان زوجي يسوى عيوني واول ليله راح فيها عند الثانيه بغيت اموت من البكى والالم لكن تراجعت وصارحت نفسي من ذهب منى واختار حبيب اخر من بدل الفراش وعاش قصة حب جديده من انكوى بنار الغيره اين انا في حياته لما فكر يعانق امراة اخرى قسى قلبي ولم اعد ابكي على الماضي بقوة اراده وافكر فقط كيف اسعد نفسي واخذ حقي واعيش معه قصة حب جديده اجعل لها قوانينها واستقلاليتا هي ستكون صعبه لكن الامل اجمل بعودته
أنقر للتوسيع...

تعرفين هذا الي مخوفني مني عارفه شلون بتكون حياتي معه وانا اشوف وحده تشاركني بحبه
هو لما كلمني قالي احبك انتي الغاليه ومن هالحكي
امي قالت لي تريه يلعب فيك بس يبغاكي ترجعين بلاش
شوفي لما رجعوه اخواني وقالوا لازم الرضاوه انقطعت مكالماته الي كان ما يوقف التلفون بس يدق علي
انا نفسي نفتح ملف احنا يالزوجات الاولات
نتعاون عشان كيف نكسب ازواجنا وما نخسرهم وكل وحده وخبرتها
 
دنيا انا تابعتك من بداية قصتك...

دنيا البيـــــــــــــــــــــــــــــــــــــــــــــــــــــــــــــــــــــت اهـــــــــــــم من الرضــــآوه...
البيت يحفظ لك خصوصياتك وتحسين انك مستقره مو عايشه عند حمولتها لانقزت شياطين زوجك كلن درى عنها...
البيت ثم البيت ثم البيت ثم البيت.......
مثل ماحط للعراقيه بيت يحط لك بيت والا يآخذها ويسكنها عند اهله ويعطيك البيت...
لاتدقين عليها ولاتعطينه وجه ومسألتك اغليك و و وتوها تطلع!!!!وين ايام كنتي تبينه...
اختي انا ماابغى اخرب بيتك...واحرضك على زوجك لكن والله اتكلم من القهر على تصرفاته...

اهممممممممممممم شي البييييييييييييييييييييييييييييييييييييييييييت ...اهم من الرضاوه...
 
اختى 00انا تقريبا مثل حالتك00لكن زوجى باقى مقبل على الزواج00000اول ماخبرنى جلست اتخبط هنا وهناك واستشير هذا وذاك ونسيت رب العباد نعم هذه هى الحقيقه اين نحن عن الله 00لكن فى الاخير رجعت الى رشدى وعرفت ان سعادتى فى قلبى تكمن فى ايمانى وان ايمانى هو قربى من الله00لذالك عليك بالصدقه اولا بنيه صلاح حالك مع زوجك وحاوالى ان تقراى سورة البقرة فى اليوم ثلاث مرات لا تقولى لا استطيع قوى ارادتك واستعينى بالله وباذن الله مل يدخل رمضان الى وانتى فى احسن حال00
 
مرحبا اختي
حبيبتي ما ترجعي إلا تظمني حقش كامل
و السموحة
 
صادقين البنات حقووووووووووووووقك كامله مكمله ترجع لك...

احكي لأمي سالفتك...ودعت لك ...وتقوووووول بعض الرجاااااااال ليت الارض تبلعهم قلت آآآآآآآآآمين ياماما...

خيتو مثل ماقلنا الحقوق كامله واولــــــــــها البــــــــــــــــــــــــــــــــــــيت...




((ملحوظه: بعض الرجال ليه يقدسون انفسهم ويحسون ان لهم فضل عظيم على الحريم...!وهم بخل وفقر وقرف...! بجد لغز محيرني...مدري يحسون ان الحرمه بدون رجال بتموت والا ايه ياصبايا...الله لايبلانا بهالاشكال المريضه..)
 
بسم الله
اول مشاركه لي
:icon28::icon28:بس والله اني خاااااااااااااااابزه الرجال خبز :icon28::icon28:
كلام الاخوات صحيح لالالالالالالالالالالالالاترجعي الا ببيت وقريب من عمله



خليه يتعب ويحس ان الدنيا تبي
((((والي يبي الداااااااااح لا يقوول آآآآآآآآآح)))))

يمكن يتعب من مصااااااااريف بيتييييين ويطلق الثانيه !!!!!!!!!!
ما تدريييييييين يمكن ربي ينصرك عليه

أستغفري دايما بنية ان الله ينولك الي ببالك وانك تسكني ببيت ويطلقها ما تدرييييييييين
ما فيه شي بعيد على رب العباد 000000000

إذا رجعتي عند حمولتك أحلمي يطلقها لأنها بتكون ملااااااااذه إذا يبي يرتااااح من حوسة الناس
ووووووووووووووووووووبياخذون راحتهم وتملك قلبه
وانتي حتى اللبس منتي قادره تلبسين له ليييييييييييييييش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لالالالالالالاتتنازلين عن البيت حتى لو جلستي عند اهلك سنه
وبعدين فرصه هالسنه يزهق منها ويشتاقلك

الله يسعدك ويسر لك كل الي تبين
عليك بالاستغفااااااااااااااااار وسهام الليل تأكدي انها لا تضييييييييييييييييييييع


تحياتي لك حبيبتي0000​
 
الله يعينك بس انصحك بالاستخارة اذا موقادر ع البيت لوحدك اقلها الرضاوة استغفري اختي وستنحل مشاكلك الاستغفار يفتح الاقفال
 
شـغـف قال:
ما شاء الله لقد أصبحت قوية.. :)

غاليتي.. لا أريد قلبك على زوجك.. ولكـــــــــــــــــن وضعي تحتها ألف خط..

يجب أن تطالبي بالعدل وبكل قوة..

خصص لها مسكن منفصل.. ولك أيضا مسكن منفصل...

لا تتنازلي مطلقا..

والمنزل أهم من الرضوة..

للأسف لقد تنازلتي بسرعة صاروخية عن المنزل!

على طول قلتي له بلاش البيت!

مثل ما ياب لها اييب لج!!!!!

بالعكس انتي أولى.. لأنج الأولى.. وعشت ثلاث سنوات عند هله.. ما قلتي شي..

والحين للثانية ما تزوجها لين أمن لها البيت..!!




الحين لا تردين عليه أبدا..

خلي الكلام بينه وبين أخوانج..

وحتى لو أرسل مسج.. لا تردين عليه (مهما حسسج إنه كلام مهم)

خليهم يقولون له هم شروطج بدون تنازل..

وقوليلهم ما أتنازل عن البيت أبدا.

أنا صبرت عنده وما ياب لي بيت.. وهي على طول لها بيت! وبكل بساطة!


ويقولون له إن اللي يحب يعدد لازم يعدل.. وأنج ما تتنازلين أبدا عن حقج..

ويكون موقفهم قوي معاه.. يكلمونه جد..

ولا تردين عليه هالفترة..



وأكيد استخيري ربج قبل أي شي.. وادعيه يهديج لأفضل طريقة وربي يوفقج لكل خير..
أنقر للتوسيع...
انا مع شغف وبقوة لويحب نجوم السماء لاترجعين الا بالبيت اللي هو اهم شئ راحة لك ولعيالك ويكفي صبر السنين اللي راحت والله يوفقك:bye1:
 
الحالة
مغلق و غير مفتوح للمزيد من الردود.
عودة
أعلى أسفل