زوجي و واخته وبنات العيله

[مرمرها زمانها]

مرحبا بنات بلقيس الله يفرج همومكم ويوسع صدروكم ويشيل عنكم الضيقه ​

مشكلتي موكبيره بس رافعه ضغطي وجايبه لي القولون بالبدايه من اول ماملكت على زوجي وأهو طايح مدح في اخته قريبه من عمري اهي نص المكالمه مدح فيها ورتابتها واناقتها وحسن مظهرها وكيف معتنيه فيه وفي بيتهم ونظافته وعلاقته القوويه فيها والباقي مدح بنفسه طبعا ​

تغسل ملابسه عادي تسوولف معاه بالساعات بالجوال للفجر عادي بس علاقتهم قوويه لدرجه انها تحف وجهه وتنظفه وترتب السكسوكه له بعد بتقولون عادي ياللا عادي ​

تحملت قلت كل اخ يكون علاقه مع اخت تكون قريبه منه وبعد الزواج زوجته بايام الخطوبه كان يزعل لما يجي وانا موحاطه مكياج ليه ماحطيتي كاان حييل مهم عنده يشوفني مصبغه يمكن بحكم شغله لانه بمكياج وعطور​

بعد ماتزوجنا كنت اسوي كل شي يبغاه معتنيه بنفسي والبيت كان دوامين وكان مايجي الا انا جاهزه والبيت جاهز ومبخر ومعطر وانا مكياج بالنهار والليل نادر مايشوفوني من غير مكياج مرره بالاسبوع وبالغلط يكون جاي بدري غير العاده من الدوام وتلاقيه مبرطم اول مايدخل ليه طبعا لانه شافني من غير مكياج​

حتى بايام الدوره والله اني مرتبه واحط مكياج ​

مستحيل عنده اروح لاهلي ولا اهله من غير مكياج عادي اتاخر بس اهم شي اسوي شعري واحط مكياج وانخطبت اخته قلت جا الفرج طلعت بتسكن معاي بنفس المكان الي انا فيه يعني بيشوفها اكثر من قبل​

تدرون احيان تعجب بلبس انا لابسته ماتمدحني قدام زوجي لا بيني وبينها وتقول عطيني اياه البسه وانا اعطيها تكشخ ​

فيه قدام صاحبتها وتقول الكل سئلني عن لبسك وجزمتك اللي عطيتيني لو قلت لزوجي عجبها بيقول انا ادلع او ابالغ غير
انها تاخذ مني فلوس وماترجعهم الا بموت وتاخذ اغراض مني
وبالموت ترجعهم واللبس تجيبه لي محروق بالمكواه ​

مرره كنا طالعين واهي جايه بيت اخته وانا مو مجهزه نفسي اني اروح لبيت او اشوف احد دقت اخته نمر عليهم ورفضت واصر الا نروح كنت لابسه عادي جنز وبلوزه وشعري مو عاملته بس كانت الاخت جايه وكانت بكامل اناقتها ويمسكها من ايدها ويلفها كانه بيرقص معها االلله وش هالزين انتي اختي لا ماصدق لحظه لحظه خلني اشووف الزين ويقعد يناظرها ولا حول الربع ساعه واهو واقف كل من احد ناداه قال لحظه لحظه بشوف اختي انا سكت وماعلقت ​

وش اقوول يعني طوول السنه كاسخه ولا جا يوم بالغلط ماكشخت ينمسح كل اللي راح واصير مهمله قهررر مره قالت لي ماتغارين مني قلت لها لا كل اخت لها علاقه مع اخوها ممكن تكون قريبه منه مااشوفها الا قدام الكل اجل انا غرت منك بصرااحه !!!!​

اهو عنده نزلتنا لاهلنا بالحسبه يعني عدد الساعات اللي اجلسهم عند اهله نفسهم اللي اجلسهم عند اهلي ومالك غيرهم بالضبط يعني غصب بشوف حركاته اللي تنرفزني ولا كنت عند اهلي لاتجمعوا بنات اخته واخوه بيت اهله ​

يقعد يناظرهم لاجا ياخذ ني من بيت اهلي طول الطريق هناك البنات متجمعين ماشاء الله نوف تجنن طالعه شعرهاا حلوو عاد موته الشعر الطوويل هالشمالي ماشفتي وهج طالعه كانها سوريا ولا ريناد كبرت وبرز صدرهاا تغيرت
تعبت ارضيه بهالنقطه اذا الحين يحس بعدم الرضا فيني وبشكلي رغم اذا كنت معاه لوحدي يقول انتي حلوه ومااشوف غيرك ومن هالكلام بس لانزلنا تختلف عنده الموازين غير بنات الدوام والتلفزيون ذولا هم ثاني بعد
بقرب لكم شكلي لاحد يفكرني قبيحه الحين وانتو تقرون قلتوا يمكن اني افريقيه ههههههههه قريب شكلي من الممثله هيفاء حسين بس ملامحي اصغر يعني شكلي مقبول صح ؟؟ والحمدلله كلنا خلقة الله ​

تعبت صرت اكره الجمعات ولاسويت له مفاجاه تغيرر لوك اروح اصبغ شعري واغير يعجبه بس لما يشوف اخته يقول لا ابغا زيهاا صبغتك مو حلوه سوي زي اختي ​

والحل هل انا حساسه زياده عن اللزوم ؟؟ ولا فيه شي مو طبيعي؟؟​

كيف اتخلص من الحساسيه بهالنقطه واطنش؟؟ ​

انا مابي اكلمه اخاف يركز اكثرر ولايقول هي تغار ويحط عيونه ويشغل حواسه أكثررر​

أبي مشورتكم وش اسوي؟؟​

 

[مهجة الغيم]

حسبي الله ونعم الوكيل والله مشكلة اول مرة اسمع زيها الكن الخلل مو بس فيه الخلل باخته هي مخليته يتمادى ومساعدته لاحول ولاقوة الا بالله

 

[بيرو العمودي]

اكثر شئ يقهر في الموضوع
سوي زي اختي
انا كنت بتهور وبقول له سوي انت زي اختك
بما انه عاجبك ومنبهر بالشكل هذا​

 

[nset ansak]

عزيزتي
خليك واثقة من نفسك وماعليك من احد اخته الله يهديها مزودتها شوي المفروض تمدحك عنده شكله معجب بأناقتها قبل يعرفك ولا تلومينه يبيله فتره ع مايتعود وياخذ فكره انك انتي بعد انيقة وكشخه

أغريه اذا كشختي بالكلام الحلو خليه ينسى الدنيا وعن طريق الايحاء وضحي له انك اكشخ بنات العايله قولي مثلا ان فلانه تاخذ لبسي اذا جت طلعه اومناسبه
اتفقي مع وحده منهم تدق عليك وتسألك ايش تسوي ف شعرها او مكياجها بين فتره والثانيه عشان يحس ان الكل معجب برايك وذوقك انا سويتها كذا مره وصدقيني اخذ فكره الحمدلله >>> حريييييييم ههههه

الله يسعدك ويوفقك ويرضى عليك

 

[وحيده في دنياي]

طيب مو لازم تحطين مكياج وش ذا اصلا البشره تتعب من كثر المكياج
عادي لو تصلحين حواجبك لانهم هم اللي يطلعون الشكل حلوووو

وبودره خفيفه او كريم اساس خفيف وروج خفيف عاد حطيتي كحل او لا
انا كيذا

واحيانا مااتزين بس كريم اساس

 

[أم عتيق]

رضى الناس (والزوج) غاية لا تدرك

ولكن هل تريدين رضى زوجك بل وأكثر من ذلك فهاك هذه الوصفة وهي مجربة وفعالة:
​

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِنَّ اللَّهَ إِذَا أَحَبَّ عَبْدًا دَعَا جِبْرِيلَ ، فَقَالَ : إِنِّي أُحِبُّ فُلَانًا فَأَحِبَّهُ ، قَالَ : فَيُحِبُّهُ جِبْرِيلُ ، ثُمَّ يُنَادِي فِي السَّمَاءِ ، فَيَقُولُ : إِنَّ اللَّهَ يُحِبُّ فُلَانًا فَأَحِبُّوهُ فَيُحِبُّهُ أَهْلُ السَّمَاءِ ، قَالَ : ثُمَّ يُوضَعُ لَهُ الْقَبُولُ فِي الْأَرْضِ ، وَإِذَا أَبْغَضَ عَبْدًا دَعَا جِبْرِيلَ ، فَيَقُولُ : إِنِّي أُبْغِضُ فُلَانًا فَأَبْغِضْهُ ، قَالَ : فَيُبْغِضُهُ جِبْرِيلُ ، ثُمَّ يُنَادِي فِي أَهْلِ السَّمَاءِ إِنَّ اللَّهَ يُبْغِضُ فُلَانًا فَأَبْغِضُوهُ ، قَالَ : فَيُبْغِضُونَهُ ثُمَّ تُوضَعُ لَهُ الْبَغْضَاءُ فِي الْأَرْضِ " رواه مسلم .

وأدعو الله أن ييسر لك كل مافيه خير في الدنيا والآخرة

حفظك الله
​

 

[خلآص...!]

لازوجك واعي ولا اخته واعيه للي قاعد يصير بينهم
اي نعم الاخوان والاخوات يصير بينهم علاقه قوويه بس بادب مو لهدرجه
واااااااااااي الله يعينك زين للحين ماجاك الضغط .. الشي زايد عن حده بصراحه
انتي وين رايك وشخصيتك ليش ما تأثري عليه وتغيريه .. واخته غيري من معاملتك معها
دايم امدحي بنفسك وقولي فلانه مدحتني ودقت تسال وش اسم صبغتك والا منوين لبستك والا اي شي اهم شي انك تمتدحين بنفسك واذا سالتك عن شي فيها لاتعطيها لاحق ولاباطل قولي اممم زينه لاباس
شغلي كيد الحريم واثري على زوجك وحاولي تاخذي مكان اخته من ناحيه المدح والدلع وكذا
الله يعينك​

 

[أعشقه بجنون]

والله بلهت شوي
حاجه غريبه بس مبين اخته ربته على صغر بهالتزيين
وتمدح نفسه وانها يمدحونه وين ماتروح وانه نجمة المكان فتزيد ثقة نفسها عنده
ها اللي استخلصته

 

[دانة الشام]

اكثر شئ يقهر في الموضوع
سوي زي اختي
انا كنت بتهور وبقول له سوي انت زي اختك
بما انه عاجبك ومنبهر بالشكل هذا​

هههههههه ضحكتيني يابيرو الله يسعد أوقاتك,, أختي صاحبة المشكلة ,, الحقيقة الله يعينك يعني كيف يتوقع زوجك أن تكوني في قمة أناقتك وكامل مكياجك في كل الأوقات والظروف والاحوال!!! حتى ممثلات السينما لايمكنهم أن يعيشوا بهذا الشكل,,!!!جمال المرأة أن تكون على طبيعتها دون أن تضع هذه الأقنعة من الاصبغة والالوان ,, لابأس ببعض الرتوش التي تزيد من جمالها لاأن تقلبها وتلغي ملامحها وألوانها التي وهبها الله إياها!!! زوجك للأسف يركز انتباهه على الشكل الخارجي وينسى أن جمال الروح أكثر جاذبية,, أنصحك أن تعتني بنفسك وبزينتك في حدود المعقول ولاتبالغي حتى لايخرج الأمر عن السيطرة وحتى لايأخذ كل تفكيرك ومعظم وقتك فالحياة فيها الأهم ,, لاتلتفتي كثيرا لكلامه ولا إلى إعجابه المبالغ فيه ببنات عائلته,,ترفعي عن هذه الترهات والسفاسف.. وامدحي رجلا ذا ثقافة وعلم,, اجلسي على النت واقرأي مقتطفات من قصص الصحابة ومواقفهم التي تقشعر لها الأبدان من رجولتهم وشجاعتهم وسعة أفقهم واقرأيها أمامه بإعجاب ليعلم أن هذا هو مايبهر في الرجال,, المهم أن لايشعر أن مدحه بغيرك يستفزك أو يحرك بك شعرة..إن حضر يوما وأنت لم تضعني الالوان والاصبغة وانتقدك لاتبالي ,, تصرفي بشكل طبيعي لاكمن ارتكبت ذنبا لاتذهبي بسرعة وتضعي المكياج على وجهك !!! المهم أن تكوني نظيفة وبشرتك صحية نضرة وشكلك مرتب بشكل عام.. ستخسري بشرتك أن بقيتي لاهثة وراء هذا الموضوع وكونه يعمل بهذا المجال لايبرر له هوسه بهذا الموضوع أنت زوجته التي يجب أن يتقبلها بكل أحوالها وأطوارها ,,لست موديل لآخر ماتوصلت له دور المكياج والعطور!!!! اللهم جمّلنا بالصحة والعافية..

 

[أم عتيق]

وبالنسبة للأخت إلي قالت:
​

عادي لو تصلحين حواجبك لانهم هم اللي يطلعون الشكل حلوووو

أكيد ما بـتقصد التصليح إلا بقلم الحواجب أما غير كذا فالأفضل تركه
لما فيه من غضب الله ونحن نبحث عن رضاه
ثم ما اكتشفه علماء هذا العصر أن النمص والنتف للحواجب يسسبان السرطان

ومع كذا مو أساس يعني لو حواجبي حلوة وفمي كبير وعيوني صغيرة وخشمي كبير بأطلع حلوة
بس أرجوكم لا تتخيلون الشكل
هههههههههههههه

المهم ابحثي عن رضى الله أينما كان تسعدي بحوله وقوته
وإن عارضك أقرب المقربين ولو كان زوجك فسوف تجدينه
أول المحبين لك
أعانك الله وثبتك وعليك بالدعاء
حفظك الله
​

 

[زوجة الناظر]

امدحي نفسك وسوي لك دعاية عنده

 

[عيونه دنيتي]

الله يعينك زوجك غريب احس نادر مافي رجال يعرف بالموضه والكشخه بس ماعليك خلي لك شخصيتك اهم شي تكوني مرتبه ونظيفه لانك لو سويتي كل اللي بيدك مراح يقتنع

 

[تشكرات]

لازوجك واعي ولا اخته واعيه للي قاعد يصير بينهم

اي نعم الاخوان والاخوات يصير بينهم علاقه قوويه بس بادب مو لهدرجه
واااااااااااي الله يعينك زين للحين ماجاك الضغط .. الشي زايد عن حده بصراحه
انتي وين رايك وشخصيتك ليش ما تأثري عليه وتغيريه .. واخته غيري من معاملتك معها
دايم امدحي بنفسك وقولي فلانه مدحتني ودقت تسال وش اسم صبغتك والا منوين لبستك والا اي شي اهم شي انك تمتدحين بنفسك واذا سالتك عن شي فيها لاتعطيها لاحق ولاباطل قولي اممم زينه لاباس
شغلي كيد الحريم واثري على زوجك وحاولي تاخذي مكان اخته من ناحيه المدح والدلع وكذا

الله يعينك​

نفس الرأي ..بارك الله فيكي أختي خلآص

 

[محبة الابتسام]

حبيبتي خليكي واثقة من نفسك وانتي استمري على اهتمامك باناقتك وانوثتك وترى الثقة راح تعطيكي هيبة
وجمال لايقاوم ماحد عارف يمكن مع الايام تتغير نظرته للنساء ومعنى الجمال.

 

[التوتة الزرقاء]

طيب ليه ما تقولين تكفى سو زي أخوي تعجبني كشخته ولا أي شي لبسه علشان يحس مندون ما تذكرين أخته

 

[المقتولة]

عندج اخوان ؟؟؟ على الاقل واحد منهم مقرب لج اذا عندج تكشخي وناديه وريلج موجود ... وتكونين متفقة معاه من قبل وعارف اللي يصير وقولي له بنسوي تمثيلية اليوم وسوووا نفس الشي بدون مبالغة يعني يدخل ويقول جدام ريلج ياااااااااااي شو ها الكشخه ويقول يا حظك يا فلاااااااااااااااااااااااان وخلي يمسك ايدج ويشدج له وروحوا الصالة مع بعض وانتم تتضاحكون ويستمر بالمدح شوي ويتكلم بكلام فاضي شوي ويرد يمدح ويطلع شوي ... وخلي يكررها كل فترة والثانية ...

شوي شوي ريلج بيلاحظ انه هباله مع اخته غير شكل ... ويمكن يقولج شو ها الكلام الفاضي اللي تسوينه مع اخوج قولي اخوي وعادي وين المشكلة اذا دقق قولي عادي حبي انت بعد تسويها ما اشوف فيها شي ...

 

[البياض]

اختي صاحبة الموضوع

انا اشوف انك جدا مهتمه بنفسك وحريصه ولكن في شي غلط عندك تدرين وشو

انك حريصه تسوين هالاشياء عشان عيونه بس يعني تحطين ميك اب الصبح والمسا وبراسك كلمه عشان مايزعل وعشان مايشوفني بدونه ومن هاالافكار اللي تاثر عليك اصلا ويمكن تخرب طلتك لان التوتر والقلق يعكس مهما حطيتي ميك اب

اللي ابي اوصله لك هو ... انتي حلوه وحابه شكلك وراضيه بنفسك وقنوعه ... ليش القلق ... اكشخي لنفسك ولاتفكرين باحد امدحي عمرك ابرزي الاشياء الحلوه فيك وشيليييييييييييييييييييييي اخته من راسك عيشي وتعاملي ب الذكاء الاجتماعي
انسيها ولو قابلتيها عشان تعرفين انها مره مسويه زحمه بعمرها دايم قولي لها ليش كذا مسويه او هاللبس عاكس بشرتك مره تعبانه او هالروج مطلع شفايفك مو حلوه او اسنانك صفرا مع الروج هذا او وشفيك عيونك حمر الكحل مو مناسبك .. صدقيني بتحسين بانتصار وبتحس هي انها مذبذبه وقتها وبتصير تنشغل بعمرها وتفكر بنفسها هي شكلها شافت عليك الاهتمام والمقارنه وانك تحسينها مثل اعلى بنظر زوجك ..
عشان كذا حاولي دايم تصححين هالفكره بنظر زوجك وقولي اختك حلوه ماشاء الله الله يهنيها وسكري السالفه .. واسكتي عشان مايحط براسه انك تغارين منها ولاتكون ردة فعلك الصمت لما يعلق او تتنحين لما يلف اخته يتمقلها عااادي روحي بعيد الهي باي شي او علقي يعني لاتسكتين وتطيرين عيونك زوجك بعد حاااس انك كذا وتغارين ويستفزك يمكن بس طنشي طنشي
ولما يعلق على بنات العائله ويقول فلانه صارت واستوت اضحكي وغيري النقاش بطريقه ذكيه مثلا اقعدي ناظريه وهويتكلم وقولي يؤؤ حبيبي وش هذا اللي بخدك او قولي له يالله احس بجوع او مثلي اي شي وخليه يسكت وحسسيه ان السالفه اللي يقولها مرررره ماتهمك وسخيفه

وارجع اقولك فكري بنفسك وبشكلك اللي الله رزقك وراحتك النفسيه ورواقتك بتنعكس عليك وعلى بشرتك ورونقك ...
يقول ايليا ابو ماضي
كن جميلا ترى الوجود جميلا ....
حبي نفسك وشكلك وارجعي لنقطه الصفر لقبل ماتعرفين اخته كيف كنتي واهتمي بنفسك عشان نفسك بسسسسس

الله يهدي زوجك ويهنيك بحياتك ويشغل اخته عنكم بنفسها ​

 

[اسيرة الخياال]

الله يسهل امرك ويهدي زوجك كل يوم قولي هذا الدعاء اللهم اني استودعك بصروسمع وقلب وفرج زوجي
اهم شي ياروحي لاترهقي وتعدمي بشرتك بالمكياج
بقولك طريقتي الطبيعية بالمكياج بلا بودرة بلا هم جيبي كريم اولاي وحطي ملعقة نشا وموية ورد واخلطيهم مع بعض وكلماغسلتي بشرتك بالصابونة انا استخدم الكركم بعدها رشي موية ورد خلية ينشف وحطي الكريم وربي يطلعك كانك حاطة بودرة ومكياج ينعم وبنفس الوقت مايعدم بشرتك وحطي كحل تركواز داخل عيونك وروج وردي وشعرك ميلية من قدام ع جنب وحطي فيونكة صغيرة دلع يطلع شكلك مرتب وناعم اهم شي الكشخة مع لمسات خفيفة ومع الوقت راح يتعود على شكلك اللي تجرب طريقتي تدعي لي ربي يرزقني بالحمل​

 

[كشه ناعمه]

ذكرتيني باول زواجي كان عندي بنت اخته ماغير يمدح فيها
ويجلس معها بالساعات لحالهم ويشتري لها الي تبي
لين اثبت له اني احسن منها وسحبته من عندها وتزوجت وافتكيت منها .
انتي يبي لك بهارات كيد نساء هي الي بتطلعه من هالدوامه
وانتي مو كل شي يبيه تسوينه خلي عندك قناعه بافعالك
وقولي له الي بالعمل كاشخين بالمكياج بالعمل لراحوا غسلوه
واختك بس بالطلعه تكشخ وباقي اليوم غاسله وجهها
وانا بشرتي ماتتحمل .. ولا في حرمه بالدنيا كل يوم تحط ميك اب
صبح وليل .. واذا سويت كذا وطاوعتك بتجيني تجاعيد مبكره
وبتتلف بشرتي وتفقد رونقها .. وقولي له انا اصلا حلوه بدون شي
وحطي ميك اب خفيف . وخليه ينجذب لك بالدلع والحركات
ويحبك لجوهرك مو لشكلك الخارجي فقط .
واخته يبي لها خطط مدروسه لين تزيحيها من راسه وتتربعين مكانها
وعرفي انك تقدرين تفوزين عليها لانك بحلاله يعني يقدر يشوف منك
الي مايقدر يشوفه باخته وتعمين عينه عنها .
واولها بلبس مغري فتان لبسيه قبل جمعتكم بالروحه لهم
وخليه مايفقد صورتك هذه لين تغيرين لبسك بلبس
اجمل منه وكله ذوق في روحتكم عشان يشوفها عاديه
اذا تسلفت منك لبس قولي له تسلفت مني عشان يعرف
انك الذوق الي تتعلم هي منك .
واذا رحتي جمعه لصديقاتك والا لاهلك قولي يووه اليوم كلا يمدح
لبسي والا ميك اب والا شعرك .
زي ماقالوا الاخوات سوي حركاته مع اخوك وخليه يمثل قدامه
والا قولي له اليوم اخوي شالني ويقول طالعه قمر
ودايم مدحي نفسك له عشان يكون تاثرين عليه بالايحاء
وطلبيه هو بالبيت يكشخ لك كل يوم وقولي ماحب اشوفك الا كاشخ
ومحلق واذا ماحلق والا لبس سروال وفنيله والا شي عادي زعلي
وقلبيها عليه لين يفهم ان هالشي تعب في تعب الي يسويه فيك
واخته اشغليها عنكم ولاتسمحين تتدخل بينكم لقربها يمكم
واشغلي زوجك بالبيت وطلعات خاصه لوحدهم عشان ماتنقز لكم
مره قولي عازمتك لوحدنا مره قولي مالي خلق اشوف احد غيرك
وكل مره نطي بشي .
واذا حسب وقتك مثل وقت اهلك قولي اختك تجلس معكم اكثر من اهل زوجها
استغلي تعلقه فيها باشياء تنفعك يمكن يغير فكرته

والله يعينك ويسعدك .. وانصحك وقت الي مايكون فيه
تدهني وجهك بزيت زيتون والا ماسك مرطب عشان ماتتاثر بشرتك ​

 

[حور الأثرية]

كوني واثقة من نفسك وروحي لدار القران او اي مكان ما تكون فيه اخته او يعرف الناس الي فيه هو المهم وقولي له اوووف لازمني كل يوم البس خاتم مريااج ترى النسوان لاحسين مخي بالخطااب ويقولون كم عمرك انتي حلوة انتي كدا الله يكفينا عينهم واتفقي مع اخوك يسوي مثله معاك علشان يحس ولو قال ك شيء قولي له اخوي فرحان بي احنا كدا من زمااان ودوما يدعي يا رب تعطيني حرمة زي اختي ... وخليه ينفجر