زوجي و طليقته اريد الحل

  • بادئ الموضوع بادئ الموضوع body_body
  • تاريخ البدء تاريخ البدء
B

body_body

New member
إنضم
2009/02/01
المشاركات
11
السلام عليكم
:3:​

اول مره احط مشكلتي في القسم ... بس حابه استشيركم
انا متزوجه من شخص مطلق و لديه بنت من طليقته الاولى
و الحمدلله ان زوجي يخاف من الله .. و مواضب على صلاته .. و على حفظ القران
و الحمدلله مب ناقصيني اي شي سواء عاطفيا او ماديا​

بس من اسبوعين بالصدفه .. اكتشفت من خلال ايميله اللي دخلته بالصدفه
ان هناك ايميلات موجه حق طليقته .. و ان يرمسها بالتلفوون​

من الكلام الموجه اكتشفت انها ندمانه ان اطلقت ... بس هو كان رده ان ما بينهم الا البنت
بس ما اعرف الحين شو اسوي
اطنش الموضوع
او احاول ابين له
و اللي عندها حل كيف ابعده عن طليقته​

ساعدوني ... لاني بدء التفكير ياثر فيني :8: ​
 
استهدي بالله وتعوذي من الشيطان الرجيم وطنشي الموضوع ولا تفتحيه نهائيا ولا تدخلي بينه وبين طليقته وما يصير تتجسسي وتفتشي وراه
يعني الله رزقك بزوج نادر ما تلقين زوج مثل صفات زوجك ما شاء الله الله يحفظه لك حافظي عليه ولا تنكدي على عمرك
وبعدين دخيلك حتى لو كلمها هذي ام بنته وكانت زوجته قصدي هو ما كلم وحدة غريبة واكيد حتى لو كلمها فعلشان طلبات بنته واكيد انها محتاجه شي ضروري منه
فلا تكبري الموضوع وطنشي وانبسطي بحياتك
 
شوفي ياعسل من رآئي انك ماتبيني له إنك تعرفي وآهتمي فيه كثيييييير

وحاولي ماتعطيه وقت يطول ع النت وآسحريه بدلعك وكلامك الحلووو

وراقبي الوضع بينهم إذا شوفتي إن العلاقه بديت تكبر بينهم صارحيه وقتها

وبالتوفيق ... اللهم يارب سخر زوجها لها
 
والله ماعندي اي تعليق ولكن اش اللي خلاك تفتشي ايميله ؟! هذا انت وجعتي راسك وقلقتي نفسك على شيء مالمفروض تطلعي عليه

وبعدين دام زوجك رافضها وقايلها ان مابيننا غير البنت ليش تحفري وتاخذي بنفسك وتحاولي تبعديه

وفكري يا اختي انه من حق البنت تعيش بين امها وابوها
واتركيها لله وانت اشغلي بالك على نفسك ومصلحتك ولا تشغلي بالك على زوجك اهم شيء مايقصر عليك بحقوقك وعدا ذلك نصيحة ماتتدخلي وطالما زوجك اخلاقه كويسه ماتراقبي وراه افضلك

والله يسخره لك
 
بس طلقيته يا بنات ... تريد ترجعله ... و تشكيله كل همومها
و انا بنسبه حقي .. ان هذا الوقت لازم يكوم من حقي انا و بس
 
هذي ام بنته وكانت بينهم عشرة عمر

يعني حتى لو كلمها شي طبيعي فهي متعوده عليه ..وربما تناقشه باي موضوع خاص فيها...

ولافضل لك ..لا.. تناقشي زوجك في هالموضوع

واذا حاب يرجعها من اجل بنتهم فما يجوز لك ان تقفي بينهم

وخاصه اذا طلاقها بسبب زواجه منك...
فهي ربما راجعت حسابتها وهو كذالك ولان تفقوو
فما عليك غير الصبر واللتزام بالهدؤ مع زوجك..

​
 
اختي انا تزوجت مطلق وطليقته حفرت بيدها ورجولها عشان ترجع له وهي مطلقه ثلاث مرات ويوم ياست قامت تحاول تخرب حياتنا باي طريقه ..انتي عرفتي ان هي تحاول وهاي شي زين لكن لاتعطين الموضوع اكبر من حقه لان زوجج ما يبيها بس كلمي زوجج وقولي له اني بالصدفه اكتشفت هالشي مو لشك فيك او عدم ثقه لكن ياليت توقف هالمراسلات وتخلي حد من خواتك او امك يكلمها ويتواصل معاها او تتواصل مع ابوها او اخوها لاني اغار..وبس..وخلج ذكيه اي شي تعرفينه عنها حوليه ضدها ..خصوصا الاشياء اللي كانت تعجبه فيها (اعرف ان في ناس مب يعجبهم كلامي بس هي زوجته ومن حقها تدافع عن بيتها ) ورجاءا حار اللي تقعد تقول البنت من حقها تتربى بين امها وابوها تحتفظ برايها لنفسها لاني قبل كنت مقتنعه بهالكلام وبعد ما اعتفست حياتي انا وزوجي عرفت ان الهدف من رجعه الطليقه مب اليهال لا رد كرامتها وتخريب حياه طليقها مع زوجته ..الحياه فرص وكانت هي عندها فرص وايد تحتفظ ببيتها ما جات الفرصه بعد ما تزوج وارتبط فكرت تصلح بيتها..ونصيحه لا تصلح بيتها على حساب بيتج..حطي حدود من الحين وخليها واضحه له ولها وريحي بالج..والله يوفقج يالغاليه
 
مابقى لي اسم قال:
هذي ام بنته وكانت بينهم عشرة عمر ​


يعني حتى لو كلمها شي طبيعي فهي متعوده عليه ..وربما تناقشه باي موضوع خاص فيها... ​

ولافضل لك ..لا.. تناقشي زوجك في هالموضوع ​

واذا حاب يرجعها من اجل بنتهم فما يجوز لك ان تقفي بينهم ​

وخاصه اذا طلاقها بسبب زواجه منك...
فهي ربما راجعت حسابتها وهو كذالك ولان تفقوو
فما عليك غير الصبر واللتزام بالهدؤ مع زوجك..​
أنقر للتوسيع...

سوري اختي ومن متى الرجال لما يطلق زوجته وتصير طليقته يحل لها تكلمه ..الحلال بين والحرام بين ..خلاص تطلقت وانتهى وحدود الله وعارفينها ..الحين حالها حال العشيقه ..انا استغرب اذا الرجال كلم طليقته قلتو عادي ويحق لها ام عياله ولما يكلم عشيقته تحسبتو عليها يعني شالفرق ..ما الحرام واحد ..وكلام الاخت واضح زوجها ما يبي يردها عيل هالمراسلات ليش ؟؟هذا مدخل للشيطان ولازم يتسكر..ومن حق الاخت تدافع عن بيتها ..طليقته كانت عندها فرص تعالج المشاكل وما تتطلق ..راجعت نفسها هذا شي زين يعطيها خبره مب يعطيها الحق انها تراسل رجال ما يحق لها..
 
و اصلا انا تزوجته و كان مطلق من زماان مب انا السبب

اريد الحل اني ابعده عنها ... بس من دون ما اواجهه .. لاني ما اريد ابين اني انا افتش من وراه

و انا مع كلام الاخت ان اللي يصير بينهم حراااام ... لان هي ما تحل له يرمسها ..
 
body_body قال:
و اصلا انا تزوجته و كان مطلق من زماان مب انا السبب

اريد الحل اني ابعده عنها ... بس من دون ما اواجهه .. لاني ما اريد ابين اني انا افتش من وراه

و انا مع كلام الاخت ان اللي يصير بينهم حراااام ... لان هي ما تحل له يرمسها ..
أنقر للتوسيع...

اختي بكل بساطه تكلمي عن حد ما يعرفه يعني وحده من ربعج تزوجت مطلق واكتشفت ان ريلها يكلم طليقته وقولي اصلا حرام تكلمه وعيب وين اهلها عنها المفروض بنت العرب تعرف حدودها دام تكلمه وهو ما يحل لها يتوقع منها اي شي وان دوم الطليقه ترجع عشان تخرب حياه طليقها وترجع بس عشان ترد كرامتها ولا وين كانت ما تغيرت يوم كانت على ذمته..هاي طريقه ..ثاني طريقه اذا كنتي تعرفين عنها معلومات استخدميها ضدها واي شي حلو فيها اعكسيه ..وهاي طريقه ناعمه حطميها بدون ما تحس وحتى بدون ما زوجج يحس ..شعرها طويل قولي الشعر الطويل بسرعه يطلع ريحه هههههه ..خشمها سله سيف قولي الاحصائيه قالت ان اللي خشمهم جذي يجيهم الرعاف هههه..والى اخره انتي ركبي اللي تبغين ..واعرفي ان هاي دفاع عن استقرار حياتج ..وحياتها خربتها بيدها انتي ما كان لج يد في هالموضوع ..بالتوفيق
 
الله يعينك وعليك بالدعاء ان الله يسعدكم وهى فعلا صارت غريبه عنه ومش من حقهم يكلمون بعض
لكن خليك حكيمه وعالجى امورك بهدوء ,وكما هى تحاول انتى حاولى تسعدينه دون التطرق للموضوع
ابدا والله يسعدكم
 
اغلى الغاليات....

قلتي اللي كنت باقوله حرفياً....

ادعي ربج يكفيج اياها بما شاء.....

والزمي الاستغفاار ومن رايي لاتقولين له.... لانج بعينج شفتي انه ماعطاها وجه...... نصيحتي لاتقولين له...
​
 
~أغلى الغاليات~ قال:
سوري اختي ومن متى الرجال لما يطلق زوجته وتصير طليقته يحل لها تكلمه ..الحلال بين والحرام بين ..خلاص تطلقت وانتهى وحدود الله وعارفينها ..الحين حالها حال العشيقه ..انا استغرب اذا الرجال كلم طليقته قلتو عادي ويحق لها ام عياله ولما يكلم عشيقته تحسبتو عليها يعني شالفرق ..ما الحرام واحد ..وكلام الاخت واضح زوجها ما يبي يردها عيل هالمراسلات ليش ؟؟هذا مدخل للشيطان ولازم يتسكر..ومن حق الاخت تدافع عن بيتها ..طليقته كانت عندها فرص تعالج المشاكل وما تتطلق ..راجعت نفسها هذا شي زين يعطيها خبره مب يعطيها الحق انها تراسل رجال ما يحق لها..
أنقر للتوسيع...

صادقـــــــــــــه ومعاها بكل حرف....​
 
عن تجربة أناطليقتة كانت تكلمة وتحاول ويرفض ويوم يأست قامت تقول بنتك تتبول ونفسيتها تعبانة وبنتك تقطع شعرها وووو وتاليتها رجعت الله لايوفقها ولايسمح أمرها وكثرت مشاكلي لحد هالوقت
 
مع اغلى الغاليات

اختي صاحبة الموضوع موقف زوجك موقف حااااااااااازم وشجاع
لاتفتحي معه مواضيه تجلب لمنزلك الشقاء
اسعدكم الله​
 
انا استغرب من هالحريم مافيه صبرتظل تزن تبي الطلاااق
وبعد ماتطلق وتنضغط..وتشوف الرجال تزوج واستانس ونساها ..تحن وتبي ترجع..
ترى بنت الناس مالها دخل دام تزوجت وهو مطلق يعني خاربه..من قبل لاتجي..واللي مو قد الزواج لايتزوج..
حبيبتي دافعي عن زوجك وحياتك هذا حقك ..وانا افضل ماتقولين له اللحين الا اذا شفتي الامور زادت لمحي له مثل ما قالت اغلى الغاليات..
 
مع اغلى الغاليات
شوفي ياوخيتي
تعاند الاولى وتكابر وتتمسك برأيها وتتنازل عن عرشها بكامل ارادتها وهي ماهي حاسة ولا مدركة بالعواقب
لما تجي الثانية وتجلس ع العرش
هنا
يطيح العناد اللي براس الأولى وتبدأ تدرك عواقب الامور وتجيها احاسيس الندم اللي كانت بايتة في سبات عميق..وتجلس تترجى الطليق وتحنن قلبه.
وين كانت هالتنازلات والتضحيات من قبل؟؟؟!!!
حاس بإحساسك القاتل لأني عايشته
صاروا أجنبيين عن بعض مايجوز لها تراسله ولا هو يجوز له يتواصل معها في غير الاطار الشرعي..
حتى الآن ماشفت طليقين تواصلهم رسمي بحسب مايسمح به الاسلام
وأعتقد التواصل من اجل البنت له الف طريقة بإستثناءها..احتراما وتقديرا لمشاعر الزوجة..
عجزت مالقيت حل لنفسي وانا عايشة نفس وضعك..
 
الكلام الي بقوله قد يكون صعب ع كل متزوجه مطلق

تره طبيعي يكون بينه حواار


بس انتي كبري عقلك كانك ماتدرين وضاعفي علاقتك معه

لهيه عن زوجته وليس بنته

لاتتكلمي عنهاا ولاتبين له غيرته

لانك قد تخسريه بذكرها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل