زوجي و الخادمة الجديدة!!

  • بادئ الموضوع بادئ الموضوع زمن اخر
  • تاريخ البدء تاريخ البدء
طيب عطيها يوووم اجازه على شان زوجك
بس في وقت الضروره مثلا ضيوف شي قولي له انا احتجتها
لازم تساعدني اليوم هذا وقنعيه باسلوب مافيه من الاعناد
لان شكلك زوجك طيب وحنون
الله يصلح بينكم
 
انا راي من راي الاخت طايرتن بوهتي
واوافقهاالراي لان كلامها
هو عين العقل
 
حببتي حاولي ما تخلين زوجك يعرف عنها اي شيء ولا شنو قالت ولا شنو سوووت عشان ما تزيد لقافته ومن يجي على البيت خليها تدخل غرفتها نهااائيا لا تخلينه تجول وتصول وزوجك موجود واذا زوجك بغا اي شيء لا تطرشين الخدامه لا انتي قووومي بالمسؤلية وخدميه بنفسج عشان باجر ما يعايرك
 
قولي اني قلتله ورفضت قالت ما ابغى اجازه بعدين اجلس افكر كثير باهلي وزوجي واتضايق الشغل احسن وهو فعلا اذا جلست فاضيه رح تمل وتطفش ترى الشغل عندهن احسن من الجلسه
 
زمن اخر قال:
و نحن نتعامل زي كأننا عبيد!!


الله يحنن قلبه علي بس :(
أنقر للتوسيع...


سبحان الله .. صدق الرسول حين قال :(يكفرن العشير )

ياشيخة هاللحين الرجال مراعيك وجايب لك خدامة وانت لسا ماعندك الا بيبي واحد , صحيح تدرسين بس احمدي ربك ناس عندهم اثنين وثلاثة اطفال وتخصصاتهم صعبة وربي جدا وازواجهم مو راضين يجيبون خدامة :sad_1:

احمدي ربك , وبوسي يدك مقلوبة
 
من جد خذي لك صوماليه تجي وتروح وشو له الشغاله الى بتنشب بحلقك الله يصبرك من جد
طاوعي زوجك عشان مايعاند بس قولي لها انتي في اجازه اليوم هذا عشان مافي شغل بالببيت بس يكون في شغل اجازه خلاص بح
لان اذا اخذتها اجازه بتخليك تكرفين ولاترحمك بس اذا كانت طيبه بتفيد فيها الكلمه اللحلوه

الله يوفقك يارب
 
ماله خص يتدخل في شغل الخدامات والحريم !؟؟؟
بصراحه شي غريب !
 
مآآآآآآش ...الله يستر من سالفة هالاجازه...!
حطي عينك عليه...هالحنيه ماتبشر بخير...وانا مااظن فيه سعودي يدفع راتب ويعطي اجازات ببلاش...
انتبهي..من المحروس ...
وقولي له اوك نعطيها اجازه ..ولاتخلينه يقول لها..قولي انا بكلمها وانت خلك وراك...
وان راح لدوامه وطلع من البيت اكرفيها في البيت...
الله اكبر والشغل اللي بتريحونها منه..قدرين وثوبين ومسوين سالفه..
 
أنا زوجي كان نفس الشي .......... وبعدين الخدامة صارت تتدلع وتقول ما تبي تشتغل عندنا بس وتبي تروح مكان ثاني بعد لانه احنا ما عندنا شغل وايد ومدري شو كنا اثنين بس وكنت حامل ...... لدرجة انه كان يخليها تشوف التلفزيون وبعدين عرف انه الله حق وندم وقال اهروها شغل لين ما تموت من التعب وتنام ما تقوم الا ثاني يوم بموعد الشغل وكنا نشغلها من الصبح الساعة 7 وتنام الساعه 4 العصر وتقوم من 6 تشتغل لين 12 وترد تنام
 
من رايي اتوضحله واتفهمينه ان امور الخدامه عليج انت
واذا مافي قلبج رحمه قوليله عادي المهم امورها عليه

وانت لا تتدخل من هالناحيه

وانا اعطيها اجازه وقت ما انا اجوف انها تستاهل تاخذ اجازه ولا لأ
 
لا ادلعونها واايد واتخربونها بعدين ..
محد يخرب الخدم الا الريااايييل .. اوووف منهم .. ومن لقافتهم . .
مع ان ماعندج شغل وبتكوون مرتااحه ..
 
والله هالرجال شاغلين نفسهم بكل شيء تفاهمي معاه مش لازم اجازة
 
انا عندي الحل ان شاء الله كل جمعه اعزمي ناس عندكم
بشرط يكونوا عوايل علشان يحوسوا وتنظف
وثانيا خليها تنظف كل قطعه في البيت و المراوح و المكيفات
و الابواب وقوليله يااااااي ما اتحمل الغبار و الاتربه احس بضيق بصدري
 
في يوم اجازتها صيري مريضه واطلبي منه شغلات واكل والطفل وخليه يخدمج لين يتعب
 
عااادي قوليله خلاص بقلها

بس بشرط اذا احتجتها تسوي الي اقوله لها
 
سبحان الله هذا شغلها انها تخدمك وتخدم البيت ما ادري شنو فايدة انها تقعد بغرفتها وتاخذ اجازة؟؟
بالعكس بتتفرغ لنفسها اكثر وتهتم بحالها
انا ما ادري يا اخوات كيف تدخلون خادمات للبيوت...الحمد لله بيتي كبير والله انعم علي بعايلة وزوج الله يهديهم لي وما ارضى لا اجيب خدامة ولا مساعدة من احد..انا شغل بيتي تحت ايدي ما احب ايد ثانية تدخل فيه
وما شاء الله انتوا اثنين بس بالبيت مع هذا شغله متعبك!!!
طيب فكروا يا اخوات مهما كانت بشعة الخادمة فهي امرأة غريبة بالبيت ممكن تتطلع على عوراتكم
وممكن تعرف اسراركم وممكن تضركم بطريقة او ثانية او تضر عيالكم وبعدين انتي المسؤولة عن البيت وعن زوجك وعيالك ولا قدر الله ان صار شي بين زوجك والخدامة قال شنو انه خاني
طيب يا بنتي انتي حطيتي البنزين عند النار شلون ما تبين يشتعل؟؟؟ لاحظي مهما بلغت بشاعة الخادمة
الله يرحم ايام زمان لما امهاتنا وجداتنا هن سيدات البيت والحين الله يعين
الله يعينك يا بنتي ويهديك ويصلحك ويهدي لك زوجك
 
انا رايي من البداية امنعي زوجك يتدخ في اي موضوع يخص الخادمة
قوليله شغلك برا البيت وإللي داخل البيت يخصني انا
وليش ما شاء الله تاخد يوم اجازة
انتو ما عندكم عيال وانا متأكدة من قلة الشغل هي زهقانة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل