زوجي و الخادمة الجديدة!!

[زمن اخر]

زوجي من الناس الذين تقريبا يريد أن يتحكم بكل صغيرة و كبيرة بالمنزل.. نحن متزوجين منذ 3 سنوات و أنا طالبة جامعية.. وحامل بأول طفل .. ومن يوم ماعرفت اني حامل وأنا ألح على زوجي بان يستقدم خادمة فيزا من الفلبين..المهم وافق و أخيرا بعد طول صبر جاءتني الخادمة لكي تهتم بتنظيف البيت حيث لاأريدها أن تهتم بأبني الا للضرورة جدا.. المهم هي الآن شغلها قليل جدا نظرا لأننا فقط شخصان بشقة!! و عندها وقت راحة يوميا تنام فيه.. المهم زوجي و لقافته و عطفه الزايد على هذه الفئة (الخادمات و السائقين) الا و الا يريد أن يعطيها اجازة يوم الجمعة كل اسبوعين فقط تجلس في المنزل في غرفتها ولاتنظف ولاتعمل شئ!! أقول له مايحتاج ماشاءالله أفضل بكثير من خادمات غيرها من ناحية شغل البيت و هكذا..قلتله الدلع الزايد حيخربها..الا مصر اني اكلمها و أقولها و أنا لا أريد ذلك.. ممكن في يوم اجازتها انا أحتاجها .. أخواتي أرجوكم قولولي ايش أعمل جنني هو و لقافته!! و قلتله هذا شيء يخصني أنا (أمور الخدم و المنزل) مافي فايدة يقولي انتي ما عندك رحمة ووووو ..ساعدوني أقوله طيب حقولها و أسوي الى براسي؟:sad_1: لأنه ممكن يكلمها و يقولها رغما عن أنفي!!

 

[❥~S]

،‘

مشكلـ ه‘ جدآ سهلـ ه‘
خلاصً أعطوهآ إجآزه‘
بس لين ما تولدي ومن بعدهآ قولي لزوجج انج بحآجـ ه‘ لهآ يوميآ
وخلـآصً وانتهت المشكلـ ه‘

،‘

 

[قمر-15]

كيف اجازه ؟! اذا شغلها اصلا شوي .... انتي اقترحي عليه انج تعطينها اجازه نص يوم اذا هو ملزم ولا تضاربون وتتهاوشون على هالشي انا اشوفها مشكله بسيطه الين ينسى السالفة شيلي الاجازه نهائيا .. بس اهم شي انج انتي اللي تعطينها الاوامر مو اهو ترى اذا خليتيه هو اللي يآمرها مابتسمعلج واذا امرتيها بشي وما تبى تسويه سيده بتخبره وبتخرب بينكم نصييييييييحه لا تخلينه يتدخل ابد في الخدامات ....

 

[مايصحش هالحتسي]

مايحتاج الاجازة مايكفيها ان شغل بيتك قليل
لاتخلينه يتليقف بخصوص الخدم خلك انتى المسئولة واصري على رئيك

 

[ام دودي الصغير]

 

[زمن اخر]

مافي فايدة يبا اجازة طول اليوم.. وأنا كلها شهر و أولد يعني مرة مايحتاج .. ولقافته كيف أوقفها..ساعدوني كيف أوفقه بطريقة من غير ما تحصل مشاكل!!

 

[دلوعة عميدها]

كثير رجال مثل زوجك يقهروني مايحنون الا على الشغالات بس انتبهي لزوجك لاتتركينه في البيت لوحده مع الشغالة والله انا اتعقدت من الشغالات وحركاتهم .
والله لو انك جبتيلك وحدة صوماليه تروح وتجي احسلك

 

[طايرتن بوهتي]

يابنت الحلال

لاتطولينها ,,

عطيها اجازة وقولي لما احتاجك راح امرك ,,

يعني اطيعي زوجك وقولي لها عن الاجازة بس من غير ماترفض لو طلبتي منها شي .

وانا اتوقع ان زوجك له نظرة بانه عطاها اجازة ,,

يمكن يبيها تبتعد عن انظارة وعنك انتي واياه ويحب يجلس معاك لوحدكم بالليوم هذا بحريه وبدون عيون تراقب وتلاحظ ..

انتي اسمعي لزوجك ولاتخسرين سعادتك بشي بسيط زي كذا ....


..

 

[زمن اخر]

أختي دلوعة عميدها ,, ايه والله هالرجال مايحنوا غير غالشغالات و نحن نتعامل زي كأننا عبيد!!

أختي طايرتن.. شكلي حسوي زي ماقلتي تجنبا للمشاكل .. بس أبدا م أعتقد أنه عشان يختلي فيه يا حسرة كله عشان بس راحة الخدامة!!
الله يحنن قلبه علي بس

 

[دلوعة عميدها]

انتي اسمعي كلامه لكن انتبهي لزوجك وانتبهي لشغالتكم الا تعالي شغالتكم عمرها كبير ولا صغير؟؟؟

 

[زمن اخر]

كبيرة و متزوجة

 

[دلوعة عميدها]

اجل الحمد لله خلاص اسمعي كلام زوجك علما باني غير متزوجة والله اغلب الرجال يحنون على الشغالات ومايحنون على زوجاتهم وهذا شي طبيعي ولاتكبري الموضوع واسمعي كلامه ولاعاد تناقشينه بهذا الموضوع اساسا
الله يوفقك

 

[زمن اخر]

امين يارب ,, يسلمو أختي

 

[قمر-15]

طاعته واجبه انا معكم .... بس والله سمعت عن خدامة اختي اذا جاء ريلها ولقى الخدامه في المطبخ يلسها وقال حرام هذه ادميه وقوم حرمته اللي هي اختي ... وعقب صارت الخدامه اذا عندها اي شي تروح له ولا كأن اختي في البيت

 

[زمن اخر]

الله يستر مايسوي زوجي كدة!!

 

[AUDI]

اجااااازه !!!!!
وش بتستفيد من الاجازه وهي جالسه في غرفتها ؟!!!
الاجازه معناها انها تطلع وتتمشى وتشوف اصدقائها !!!
هذه هي الاجازه والا كانها على الجلسه فاعتقد ان اغلب وقتها جالسه شغل بيتكم موكثير ومافيه اطفال !!!!
لا تفتحون باب الاجازات , خاصه مع الفلبينيات انا عندي وحده سبق لها العمل في الخليج هم عندهم اجازه تطلع وتتمشى وتروح الكنيسه !!!! استغربت يوم عرفت ان النظام هنا غير !!!!

 

[عبير الجنان]

عزيزتي دام انج توج في بداية مشوارج مع الشغالات وعندج زوج ملقوف ويتدخل في كل شي ...اقري كلامي عدل....قعدي مع زوجج وخليج صارمه في كلامج وجديه ,,قولي له شغاله البيت من اختصاصي انا انت ما لك دخل فيها...وهم ما يجون السعوديه الا عارفين النظام ما فيه اجازات ابد.. لا وفلبينيه بعد اهم هالصنف تجيج محتقره الخليجين ومستغبيينهم وحاسين انهم احسن وافهم منهم بس عندهم فلوس ونتنفع منهم....وين الشغل والتعب اللي عندها وانتو اثنين وشقه حتى بعد ما تولين بالسلامه الشغل خفيف...واذا يبي يوم ياخذ راحته معاج وديها بيت اهلج او خواتج.<<<<<<مجربه نفس وضعج جبت اندونيسيات وفلبينيا ت وضقت الويل منهم وحركاتهم مع زوجي واخواني......لا تعطينها وجه ولا اجازه..

 

[زمن اخر]

أختي عبير قلتله هذا الكلام مافي فايدو انتهت بمشكلة و قفلنا الموضوع و رجع فتحه ثاني في الليل قلتله ماينفع تاحذ اجازة شغلها مو كثير أصلا.. قلي خلاص بكرة نتكلم بالموضوع و دخل نام!! أنا جنني بلقافته و عطفه الزايد عليها هذا!!

 

[قمر-15]

بالهداوه تنحل الامور شوي شوي كلميه ..... قوليله حبيبي انا حرمه مثلها وعارفه شغلها لو يستاهل اجازه انا بنفسي باقترح هالشي بس حبيبي شغل البيت شوي وانا حامل لازم ابغى من يساعدني في اي وقت احتاج .... واذا ملزم على سالفة الاجازه ولا تزعل بتكون لها اجازه اوقات طلعاتنا مع بعض شو رايك ؟
والله يهديه ويشيل يده من هالسالفه

 

[زمن اخر]

يسلموا أختي,, ان شاءالله ينفع معاه