زوجي ومكتب الزواج

[محرومه حب وحنان]

اخواتي ..السلام عليكم ورحمه الله وبركاته
انا ليس لدي احد اشكي اليه همومي غير الله ثم انتن لاني وجده حلول عندكن اكثر من اي قريب لي ..زوجي قلت لكم في الموضوع السابق انه ما يديني مصروف لي خاص ..وغير كذا ذهبي اخذه وما رجع منه شي ..ويوم بغى يتزوج ..قلت حطي لي مصروف ..ورجع ذهبي ..الحين اكتشفت انه مقدم ع مكتب زواج .وبالسر ومعاه اثنين شهود ..والله اني حسيت الدنيا لفت بي كيف ماعنده فلوس اذا طلبته في شي ..يقل ماعندي فلوس والحين يبغى يفتح بيت ويكون اسره ..ابغى طريقه يرجع اقل شي ذهبي واخاف لو واجهته يسحب عليه ويصير يعلن زواج وولا استفدت شي ..كيف اتعامل معاه ..مشتته مدري وش اكتب ..لا وبعد يمنعني من الخلفه يقل كفايه .اللي عندي 4 كيف..المكتب اسمه اسرتي ..ومحددالمهر والمواصفات ..كيف نظامهم وايش هو هذا المكتب .ابغى حقي يرجع لي لا وبعد كاتب ان العيال بيعيشون مع امهم ..هل هذا المكتب لليتيمات ولا زواج مسيار ولا كيف بالضبط ..بهذلني ذا الادمي حسبي الله عليه

 

[rwdaoo2000]

ربى يصلح حالك حبيبتى و يعوضك خير فى نفسك و اولادك
بهدوء و دون صراخ فهميه يريد يتزوج براحته لكن بدى مصروف شهرى صرف منه انا و الاود و ذهبى امانة برقبتك الى يوم الدين واذا ما استفدتى منه شئ ادخلى الرجال

 

[محرومه حب وحنان]

امين يارب ..انا محتاره في المواجهه لو تكلمت بيقل حلال وان سكت بياكل حقي .ويسحب عليه ..واخاف ع عيالي لو تطلقت..بيضيعون ..ما اقول الاحسبي الله عليه ..

 

[شمس بيني وبينك]

صباح الخير




أختي العزيزة


اتركيه يودي نفسه بداهية

بيرجع لك باذن الله - وهو مايشوف الدرب وبيوهق نفسه بنفسه


اهدي عشان عيالك وبيتك

صدقيني بيورط نفسه بنفسه والمسكينة الي بتقبل فيه - بيتركها بعد مايشبع منها

ويشوتها : )


موضوع الذهب اعتبريه درس - وعوضي امرك لله ولي عوض امره لله ربي ماينساه

ومرة ثانية لو شفتي عيونه تنزل بدل الدموع دم - لاتطلعي فلس


- ترى الغلط اولا واخيرا منك ومافي حد قالك بيعي ذهبك عشانه


وابعدي عن المواجهة وايش يدريك يمكن وقت الجد يتراجع وهذه مجرد نزوة وتجربة


يبي يجرب الموضوع وبعد شهرين ثلاث من الخطوبة هو يخلع

توقفي بوجهه ( بيعند ) ​

 

[محرومه حب وحنان]

صباح النور ..جزاك الله الف خير انتي والاخوات ..والله اني صرت ما انام من التفكير بس ابغى اخذ حقوي .ذهبي انتي صادقه ما راح يرجعه ..لاني قلت له معك فلوس وتبغى تتتزوج رجع ذهبي اولا ..بس شكله ..مامعه الا اللي يكفي للعروسه وتورط ..رجع خلاه بالسر .وحكايه انه يطلقها ..ما اتوقع لانه يبغى يبني اسره جديده هو كاتب كذا في العقد معاهم .ويبغى يجيب اطفال منها طيب ونا مانعني .بالرغم اني نفسي اجيب ..نونو حتى عيالي نفسهم في طفل .بس هو رافض ..لانه مايبغى يصرف ع بيتين واطفال ومسؤليه ..والله يا اخواتي اني اطلب منه لو 100 ريال مايعطيني ..والكسوه بالدف .وحالتي حاله وما يوديني الا لمحلات اي كلام اشتري منها ع الرغم نفسه مايبخل عليها ...عجزت فيه .ابغى طريقه اخليه يعطيني فلوس مصروف لي .

 

[ريمة 2]

الله يكون في عونك يا اختي اسمعي كلام اختك شمس بيني و بينك والله كلامها موزون و صحيح
اذا حبيتي تكملي مع هدا الزوج لازمك تكوني
صبووووووووووووووووووووووووووووووووورة
الصبر مفتاح الفرج
ان الله مع الصابرين

 

[غيمـــ76ــــة]

اهدي غاليتي

وانا مع شموس في كلامها

وبعدين ليش معصبة انه رفض الخلفة

ماشاء الله عندك 4

واذا مفكرة انك بتربطيه بالعيال بتكونين غلطااااااااااااااااااانة

بالنسبة لطلب المصروف اطلبي واطلبي واطلبي

بالاسلوب الطيب وبالهدوء وبدون عصبية

يطنش اطلبي

يرفض اطلبي

يعصب اطلبي

يعند اطلبي

بس كل مرة غيري الطريقة والتوقيت

لاتخلي اعصابك تفلت

اهم شي عيالك عندك لذلك دوري حواليك على مصادر السعادة

حتى لو قطعة كيك وفنجان قهوة وانتي تتابعين TV

حكمي عقلك وروضي مشاعرك ولاتخبصي


​

 

[علمتني الحياة69]

اولا .. الله يسخر لك زوجك ويجعله زوج صالح وعاشق لك ..


ثانيا .. "أسرتي" جمعية من الجمعيات الخيرية التي تساعد على الزواج وتعطي مبلغ 8 الاف ريال ..



ثالثا وهو الاهم ... ليش كل هذا الذل اللي معيشة نفسك فيه؟؟

حبيبتي لاتكوني ضعيفة اما زوجك ولا توريه ان الطلاق وعيالك وبيتك نقطة ضعف لك .. ومستحيل تخسري بيتك .. لا ..

خليك قوية قدامه ووريه انك مستعدة للطلاق وللتضحية بأي شي مقابل كرامتك وتوفير حياة كريمة لك ولابناءك ..

و اشرطي عليه هذي الامور بقوة .. علميه انك بتوصلي اللي يدور بينكم لاهلك واهله ..

واذا مانفع وتحسنت الاوضاع علميه انك بتروحي للمحكمه ترفعي عليه قضية انه مايعاشرك بالمعروف ولايعطيك النفقه والمحكمة راح تطلقك منه بالغصب وتلزمه برد ذهبك واموالك والا يسجنوه ..



حبيبتي لاتكوني ضعيفة .. الضعفاء دايما يشجعوا غيرهم على استغلالهم ..

اجلسي مع زوجك زوجك جلسة خاصة .. وحددي له موقفك واطلبي منه يغير تعامله والا انك حتكوني مضطرة تلجأي للاهل او المحكمة وخصوصا ان فيه قضايا كثير ضده ..

اخيرا الله يرده لك ويهدي قلبه ..​