زوجي ومراهقته المتأخرة

  • بادئ الموضوع بادئ الموضوع الجروح
  • تاريخ البدء تاريخ البدء
الله يعينك
 
حبيباتي والله أنتوا ...
شكراً لوقوفكم معاي في محنتي ...
أحب أشكرك زهرة المملكة على هذا الدعاء الجميل وما أقول غير " اللهم آمين " والله يجازينا بالجنة على هذه البلاوي ويلهمنا الصبر عليها ..
أختي عنقود عنب : بالنسبة لحلك الأول طبقتها تقريباً وحكيت له قصة عن وحدة كانت تعرف بخيانة زوجها ومهاتفته للبنات في الجوال وسهره على القنوات الفاضحة مع إنه كان يعاملها زي البلسم ويخاف على مشاعرها وطلباتها كلها مجابة ... وبعد ما صارحته صار ذيب وكشر عن أنيابه وصار يكلم البنات على مسمع منها ويقول لها دامك دريتي عادي ليه أخبي وصار يواعد البنات في وجودها ويسهر معهم في المزارع الخاصة إلى ما انتهى زوجها بالطلاق ......
تعرفون وش رد زوجي الحبيب
" هذا مو رجال وما يستاهل بنت الناس بنات الناس لهم كرامة وشرف ودامه تزوجها لازم يحافظ عليها وهذا الشيء راح يشوفه في عياله لازم يخاف ربه فيهم "
وبالنسبة لصاحبه الخبيث فهو رجال متزوج وعنه أربع بنات وزوجته نااااااعمة ورقيقة وبنت أجاويد ومتزوجها عن حب وقناعة .... وفي المقابل هو صديق زوجي من كانوا في ابتدائي يعني صعب يتركه بهذه السهولة ... وخاصة إنه المعين له في السوء
تخيلوا أخواتي البارح طحت عليهم وهم جالسين أثنينهم على ضوء أحمر شاعري وقاعدين على هذه الأفلام الخليعة من الساعة وحدة إلى الساعة ثلاث ونص الفجر وبعدها جا لي وكأن شيئاً لم يكن وهو يمزح وينكت وطلبني بعدها للفراش لاكن عيالي جلسوا من النوم وخربوا عليه "" أحسسسسسسسسسن " بصراحة أحس إني مجرد قالب يفرغ فيهني طاقته اللي شحنها من هذه المشاهدات الخليعة
" اللهم أهديه وأبعد عنه رفيق السوء وأغضض نظره عن الحرام - اللهم آمين "
طالبتكم الدعاء لي في ظهر الغيب أخواتي والدعاء لمن هي في مثل حالتي وأنا لن أنساكم من الدعاء والله يجزى كل وحدة تدعي لي الجنة والسعادة دني وآخرة والراحة في حياتها الزوجية .
 
الله يعينك اختي ويفرج عليك
فقط عليك بالدعاء في جوف الليل
الله يعينك
 
الله يكون في عونك عزيزتي انا اقول لو تتأكدي اول قبل ما تصارحيه

والزمي الاستغفار والدعاء وتوكلي على الله ولا تجعلي للشيطان سبيلا بينكم استخدمي الحكمة

في تصرفاتك معه ولا تتسرعي جددي في نفسك ولبسك شوفي ايش الشيء الي يحبه واعمليه

واعملي له حركات. الاميرات والملكات ماهم مقصرين في الافكار الحلوة والجديدة الله يطمنك ويبعد

عنكم اللي ما يخافوا الله
 
الله يفرج همك اختي

ويردة لك رد جميل
 
يقهروون والله ..

انا اعرف وحده اتعاني من نفس المشكله

بس ياحليلها صاابره واتقوول ياست منه

خلاص براايه ..

ماعرف هم ملوو من بعض ويدوروون التجديد

والا السبب التلفزيوون والنت وهالسوالف اللي خربتهم
 
أشكركم من كل قلبي على دعواتكم لي والله يسعدكم ويحفظكم من كل شر
أختي حبيبة زوجها انا متأكدة من سهراته على الأفلام الخليعة وعلى فكرة هو من مراهقته وهو على هذه الحالة وعيبه أنه ضعييييييييييف عند هذه الأشياء لكني مرت فترة طويلة فكرته ترك هذا الشيء فلما شفته من وقت قريب عرفت أنه طوووووول هذه السنين وهو على هذه الحالة
وعيبه الثاني إنه كل حرمة تمر من قدامه لازم يناظرها مش عن قصد لكن حب فضول واستطلاع
وبالنسبة للبس والكلام والحركات ما ني مقصره كل مرة شكل وكل مرة أسلوب وأسمعه كلام أحلى من الشهد
لكن الرجال ما يملأ عينهم إلا التراب
الله يصبرني عليه
لكني قررت أواجه وأصارحه بكل شيء واشوف وش آخرتها معاه
أدعو لي إن الله يكون في عوني
 
غريبه ساكته..............

انا مره كشفت زوجي وانا في النفاس انه يشاهد الافلام...........وش سويت

اتصلت عليه قلت ابيك في موضوع...........قال وش موضوع ...هو شك؟؟ قال قولي بالتلفون قلت لا لازم اشوفك...بعدها تهرب ولاجى انا سكت..وطنشت ..اهم شي انه فهم...وتخيلي للحين ماسال وش الموضوع لانه فاهم

وبعد مارجعت للبيت..............بشهر لقيت الافلام فوق الدولاب...............اخذتها بكل هدوء ورميتها في الزباله.............بعد فتره سال وين الاشرطه..............قلت رميتها ...........قال ليش قلت ..لانها شينه...........على طول صرخ وقال شفتيها ......قلت لا...........بس باين.................ورحت وتركته

بعدها تاب مايجيب ولاشريط
 
تعرفين أختي أحساس ..
أنا صار لي فترة أقول له عندي سالفة أبي أقولها لك وما أبي أقولها لك بالبيت طلعني في طلعة خاصة وأقولك ...
تصدقين من هذاك اليوم لليوم وهو كل ما أذكره بالطلعة يوعدني ولا يتهرب ويجيب موضوع ثاني
أظاهر أنه شاكك إني أعرف شيء
والله هذا الرجال مجنني بس أنا وراه وراه إلين أصارحه وأشوف النتيجة وش راح تكون
بس عساها تكون في صالحي ........
أدعولي بالتوفيق
 
الله يوفقك أختي جروح ويهدي جميع ضال المسلمين يارب عليك حبيبتي بكثرة الإستغفار الزميه فشأنه عظيم أكثري من الإستفغار ألفين ثلاث آلاف خمس آلاف مرة في اليوم حسب قدرتك ولا تنسي الدعاء في أوقات الإستجابة بين الصلاة والإقامة آخر الليل عصر الجمعة وعسى ربي يسعدك دنيا وآخرة .
 
الله يصبرك ويربط على قلبك
ويرد زوجك مثل ماكان واحسن
 
الله يعينيك ويهدي زوجك،
أود أن أسالك هل هو على علم بأنك تعلمي بتصرفاته هذه؟
إذا كان كذلك حاولي بأن تخبريه بأضرار هذه الأمور عليه من الناحية الدينية والصحية،
على فكرة زوجك ممكن يكون أدمن على هذه الأمور ويجب أن يعالج نفسه بنفسه،
قومي بالبحث في "غوغل" تحت موضوع (وداعاً للإدمان) ستجدي موضوع يمكن ان يفيدك،
واجعليه يقرأ الموضوع وكأنك بالصدفة رأيت الموضوع،
لكن لن يفيدك شيء أكثر من الدعاء له بصدق وإخلاص، ادعي له من كل قلبك وفي أوقات الاستجابة،
وكان الله في عونك.
 
سمعي يا الديار وشكراً لسؤالك واللي يبي يعرف وش اكتشفت يقرأ معاي

أنا كنت ناوية أفاتحه في الموضوع وخصصت يوم أكلمه فيه
بس تذكرت أن أخوي صديقة واخوي هذا يحبني ويخاف علي " بسبب قرب السن بيني وبينه "
فقلت خلني أسأله يمكن أطلع بشيء
فجلست أتكلم معه
وقلت له إني متضايقة وأن أعصابي تلفانة بسبب حركات زوجي اللي تاعبتني
وذكرت له إن منها تخصيص النغمة وتقفيل الجوال وحرصه الزايد بالجوال
والمسجات اللي تجي أخر الليل
وأني مش مرتاحة والشيطان يوسوس لي إنه على علاقة بوحدة
ضحك أخوي وقال تطمني من هذا الناحية زوجك مستحيل يكلم بنت
لأن دايم يتكلم عن حبه لكِ وأنا بفهمك ليه زوجك يسوي كذا
تعرفوووووووووووووون وش فهمني أخوي
قال إن النغمة الخاصة تخصصصصصصصصص
صديق السوء ما غيره اللي يسهر معه على الأفلاح الإباحية
وقال لي إن هذا الصديق " الله يبعده عن درب زوجي
" قولوا آمييييييين "
سمعته سيئة وهو راعي شغلات وسخة في الجوال
يعني ممكن يكون يرسل لزوجي مقاطع فاصخة أو رسائل غرامية
وغير كذا معروف عنه أنه إذا حب شخص يحبه بجنون
" وهذا مخوفني "
ولأني من أول كنت أقرا رسايلة لزوجي قبل لا يقفل الجوال
كأنهم من ولد لبنت " الله يهديه ويهدي زوجي "
وزوجي يممممممممموت على الكلام اللي فيه وصف للجسم المرأة ووصف والعملية الجنسية
وأنا ذالحين ضايعة في الطوشة
ما أعرف أكلم زوجي عن اللي عرفته ولا أسكت أحسن لي
وبصراحة أنا خايفة من هذه العلاقة أنها ممكن تؤدي لشيء أكبر
وش رايكم أتنوا شيروا عليّ برايكم وخبراتكم
 
تصدقين حبيبتي كنت شاكه ان زوجك بينه وبين هالرجل علاقه؟؟؟؟؟؟؟ وخفت اقولك هالشي وازيدك الم...
لكن الحل انك تواجهينه وتقولين انا والا صديقك.....يعني ماابيه يجي للبيت واقطع علاقتك فيه نهائي........؟؟؟؟؟؟؟؟ واذا قال ليش اما قولي اني سمعت انه انسان سيء او قولي كذا ماني مرتاحه له ..وخليك جاده وقويه..
انقذي زوجك من رفقة السوووووووووووووووووووووووووء
 
من كلامك انك تعرفين زوجة رفيق السؤ الله يبعده عنكم عاجلا غير اجل يارب


ليش ما تكلمينها وتقولين لها ان جمعتهم على افلام اباحيه
يمكن تقطع رجله عنكم بس وصي عليها ان زوجك مايدري انك كشفتيهم وقوليلها خليه سر بيننا
وتصرفوا بحكمه بدون شوشره
 
والله يا الجرووح حالتج نفس حالتي بس ريلي ما يشووف افلام الجنس بس عن صديقات في التلفوون وقصتي نفس قصتج كنا نحب بعض من يوم نحن صغاار بس لين الحين يحبني وانا وصارحته بس ما نفع معااه يقولي انتي كل حيااتي بس هذا لتسليه واناا احبج.. وانا وما انكر هالشئ وما تغير عليه بس كل ما يجيه مسج اشك واحيانا افتح المسج اذا كان هب موجود واشوفه رقم البنت:icon28: بس ما اقوله اخلي المسج في تلفونه ويدري اني فتحته بس ما يقولي شئ واحيانا المحله بالكلام:icon1366: بس الله يصبرنا عليهم ويبعدهم عن بنات الحراام وان حصلتي حل اسعفيني به بليزز
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل