زوجي وعلاقته الغريبة بي تعبت خلاص

الله يهديكى اختى انت صاحية الى اليوم جالسة معاه اى ماركات اى خرابيط الى تلبسها 12 سنة ضرب و بهدله الله يهديكى بس
 
لا حول الله ولا قوة إلا بالله..
اختي اول ما يضربك قولي له : الله رحيم ارحمني لا يصير بإيدك شي
ثاني شي روحي بيت اهلك مع عيالك.. وتمي فترة لو اعتذر واتأسف .. لا تقبلي بسرعة..
لو يتصل يوميا عادي كلميه.. بس قولي له انج مو راجعة.. قولي له حياتج حلوة معاه بس لما يدخل فيها الضرب تصير سودة وتنمسح كل اللحظات الحلوة..
نصيحة من قلبي اقل شي تمسكين نفسج في بيت أهلج شهر او شهر ونص .. وكمليها شهرين عشان يحس انه خسرج .. وانه ممكن انتي تروحين من ايده اذا كرر حركات الضرب..
ترى الإنسان ما يحس بالشي إلا بعد مايفقده..
والله يعينج..
اذا تبين حياة صحيحة لازم تقوين قلبج وتتصرفين.. واذا بدخلين الاهل في الموضوع صدقيني بيكون لصالحج..
 
السلام عليكم والرحمه ....
انسان متوحش ومريض نفسي
وعنده انفصام بالشخصيه ... هذا يبيله علاج سررريع
اصلا سكووتك ع الضرب حرااااااااااااااااااااااااااااااام بالشرع
والي تقوول اصبري ايش تصبر حررررام سكوووتها حرااام
ونفسك عليها حق وراح يسألك الرحمن عن نفسك الي سكتي عنها
والله مايرضى للحيوان ينضرب كيف بأنسان له عقل ويقدر يتكلم وهوو ساااكت ع الضرب الوحشي
ووووين كلام النبي صلى الله عليه واله وسلم ( رفقا بالقوارير)...
آسفه على لاطاله بس من جد دمي قام يغلي .. وخلج قووويه وسوي الي قالووه البنات
وعلمينا بآخر المستجداد
ودمتم
 
جزاكم الله الف خير على نصايحكم لي وانا فعلا امس حاول يراضيني بس جمعت كم نصيحه من قلتوا لي اياها وقلتها له بكل حزم والله انه انصدم!!!!!!!!!!!استغرب من اللهجه الجديده اللي سمعها مني لدرجة قال ان في حد يعبي راسي بهاالكلام قلت والله ماكلمت اي حد وانا صادقه!المهم انهيت معه هالمشكله بكل حزم وجديه هو طيب وحنون بس مشكلته عصبيته الزايده وهو مسكين يحاول يمسك نفسه بس مايقدر ويندم بشده انا مش ضعيفه لاكن اني مااحب احد يعرف عن مشاكل بيني وبينه حتى خواتي وهو والله له مواقف لاتنسى معي واهمها وقف في مجه اهله يوم ظلموني واتبلوا علي باشياء وايد وبنا لي فيلا وسكنت فيها وله مواقف ماتنسى مع اهلي يتبع............
 
الله يهدي القلوب .
لابد توقفي موقف قوي و حازم ضد ممارسة زوجك للعنف الجسدي معاكي.
ابتعدي عن المواطن اللي تثير عصبيته و تسبب تدهور الأمور بينكم علشان لاتوصل للعنف و الضرب.
و في نفس الوقت أظهري له انك تتضرين من الضرب بأنك تطلبي ينقلك للمستشفى مثلا..لانك تحسين انك متأذية ممكن راح يخاف ان يتحول الموضوع لتحقيق لانها حادثة ضرب و ليست حادثة عادية ,,و راح يخاف يتطور الموضوع يمكن دا يفيدك انه يفكر قبل ما يمد ايده عليكي,
اصري يوديكي المستشفى لللآلام اللي تشعرين فيها وانها بسبب ممارسة العنف الجسدي منه.تهديد بعيد قد يفيدك أختي.
الله يفرج عليكي.
 
تعرفي انه ممكن يموتك في مرة من المرات اللى بيضربك فيها دى
هو هيموتك وعيالك يتشردو فكرى فيها كدا
انتى من الاول سمحتيله يمد ايده عليكى خلاص
صار كل اما يتضايق لو من الهوا يمد ايده عليكى
خلالالالالالالالالالالالالالالالالاص2 صار شىء طبيعر عنده
الله يعينك عليه
لازم تنهيه عن الضرب ده
ده اسلوب همجى ومتخلف
 
استغفر الله العظيم اسال الله ان يشفي زوجك ولا حول ولا قوه الابالله صلي علي النبي خير خلق الله
 
والله يا حبيبتي ما يوقف الرجال إلا الرجال يعني كلمي ابوك او احد اخوانك وخليهم يوقفوه عند حده والله إذا حس انك خايفة او بتسكتين انه يتمادي ايما تمادي اعرف وحدة كان زوجها يردد دائما ان الرجل اللي يمد يده على حرمة ما هو رجل وبعدها صارت مطمنة له انه ما راح يهينها ومره على مره صار يمد يده على خفيف مسكة او دفه بسيطة لمن شافها مسكينة ساكته وخايفة اعجبه الحال صار يطيحها وشوي يشيلها بملابسها ويرميها وما بعد وصل للضرب الصح وراحت على طول اشتكت لأخوها واعطاه تهزئ معتبر وعرف زوجها انه ما فيه قوي الا فيه اللي اقوى منه وصار ما يتجرأ يمد يده مهما حصل لدرجة وقت فورة اعصابه اللي زمان مهما كانت يكسر اي شئ قدامه عشان يفرغ غضبه وما يقدر يمد يده وطبعا اذا حس انه لك سند يحترمك اكثر ويقدرك الله يخلي لنا اهلنا ويبقيهم لنا سند وذخر
 
لاحول ولا قوة الا بالله
خواتي اللي تقول وش اللي مصبرك على هالحال
بقلكم بصراحه هي تحبه واضح جدا وهو يحبها وكريم معاها ويمكن يكون عيبه الوحيد العصبيه الزايده ومد ايده (يمكن هو متعود كذا عند اهله) انا اشوف انها بس تتفاهم معاه وهم في ساعة صفا على هذا الموضوع
لان الان عيالهم صغار بكره لمن يكبروا ويشوفوا امهم تنهان كذا راح يمشوا على نفس الدرب الاولاد يضربوا زوجاتهم والبنات يتوقعوا الضرب من ازواجهم ويسكتوا
فلا تظلمي نفسك وعيالك وشوفيلك حل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل