مفارقه حبايبها
New member
- إنضم
- 2009/11/23
- المشاركات
- 9
السلام عليكم اتمنى اجد الحل لمشاكلي اللتي لاتوجدلها نهايه اااااااااااااااااااه انا متزوجه من 12 سنه الحمدلله بس مشكلتي زوجي:santa_1:الله يحفضه من يوم تزوجته وهو يموووت فيني وكلامي كله اوامر لاااكن من يزعل :busted_red:او اغلط :busted_red:او حد يقول له شي عني ياويلي قسم بالله انه من اول سنه زواج كان يضربني ضرب اذا زعل مني لين يتقطع جلدي وانا اصبر ولااخبر حد:sad_1:ويوم يهدى يجي يراضيني وهو ندمان ويوعدني انه اخر مره؟لاكن نرجع نفس الموال وانا صابره عمري ماصرخت ولا شكيت لاي احد والله العظيم سبب لي عاهه في وجهي وكسر لين اليوم اعاني منه ولااااااااااااااااحد يعرف احس نفسي في تناقض مش عارفه كيف اتصرف ان رضي علي حطني فوق راسه ولايرفض لي طلب وان زعل زعل بسيط مسح فيني الارض رغم وااااايد يحاول يمسك نفسه بس تعود يمد يده ولسانه علي هو مايقصر معاي ولامع اهلي والله ولامع اولادي من اغلى الماركات نلبس الحمدلله بس انا عجزت من تصرفاته لين متى بيتم يهيني ويمد يده والمصيبه كانت امس كنا راجعين من السوق مستانسين ونضحك وانا كنت رافعه الغشوه طبعا سيارته مخفي يوم قربنا من محطة البترول تغشيت واول ماتغشيت ونحن واجهنا اخوه في سيارته هو وحرمته وكانت متغشيه؟؟؟؟؟وهي اصلا ماتتغشى في السياره ةتلبس عبايه مشغوله وانا والله عمري ماطلعت بعبايه فصوص برى بيتي بس كانت صدفه اول ماشاف سيارة اخوه طالعني قال لي كنتي كاشفه وجهك قلت له لاوالله تغشيت قبل نوصل محطة البترول كل همه اخوه لايقول عنه حرمته كاشفه والله العظيم قعد يلعن فيني لعن ويوم قربنا من البيت يمد يده ويمسكني من شعري في السياره سحب ويوديني براسي يمين شمال ويضربني كف يمين وشمال :sad_1:وانا اصلا راسي دوم يعورني من الكسر اللي كان بسببه اااااااااااااااه اكتب لكم وانا ابكي والله ونزلني البيت ويسحبني من شعري كانه شافني مع ريال غيره والله انهانت كرامتي ومشكلتي امووت ولااشكي لاي احد ارجووكم لاتقولون انتي السبب لاني سكت من البدايه خلاص انا عارفه عطوني حل ارررجوكم
