زوجي وطرده لي من الغرفه

م

محرومه حب وحنان

New member
إنضم
2014/10/21
المشاركات
63
زوجي يزعل من اي مشكله وبالذات مع اهلي ..ويذهب لنوم في الغرفه ويقفل الباب عليه ويتركني انام مع اولادي او الصاله..والمره هاذي قررت اترك له الغرفه ونام في اي مكان ثاني كرامتي ماتسمح كل ما زعل قفل الباب عليه وهجرني في الفراش ...ارشدوني لحل .عشان ما يكررها..طفشت من الوضع هذا حتى بنتي الصغيره تقل ليش نمتي في الصاله وبدون فراش...هذا غير اسلوبه الجاف معي لا يسولف معي ولا يتكلم ولا حتى يطالع في وجهي احس بقهر منه .له فتره على هذا الموال يجي ينام ويلبس وياكل ويشرب ويطلع ...ان طلبت الطلاق عيالي بيتشتتون ..وان جلست احس باهانه لي في كل شي .ابغى حل لمشكلتي تعبببببببت منه ومن اسلوبه بدون ذنب
 
ربى يصلح حالك و يهدى زوجك و نفسك و يبعد عنكم كل شر
اختى اجلسى مع نفسك و راجعى حالكم خلال المدة اللى اتغير فيها
اكيد فى شئ حصل و كان سبب فى تغيره
 
اختي انت بنت اصول عندما تفكري في اولادك .توكلي على الله وادعي مالج غير الدعاء وكذلك اعملي نفسك انك مطنشه ولا الموضوع مأثر فيك لات يأثر على اطفالك سلبيا .
 
ولا يهمك ولاتبينين انك زعلانه وقومي بواجباتك البيتيه على اكمل وجه يعني طبخ او تنظيف الخ...بس الاهم تكونين مهتمه بنفسك او لبس او مكياج هادي واذا دخل البيت خلي العشاء على سفرة المطبخ او طالعي مسلسل وتكلمي مع بنتك بدلع او هدوء واذا كلمك البسي قناع بلاستك على وجهك يعني ما تعطي وجه بس بهدوء ، طول السانه اخذي بنتك او روحي نامي والله ما راح ايطول اسبوع و اشوفي كيف راح يتوسل بسسسسسسسسس لاترجعين الغرفتك من اول مره يعتذر فيها خلي يومين وانتي زودي الدلع والهدوء راح يصيرله درس عمره ما ينساه والله يهديه انشاء الله طمنينه عليك يالغاليه
 
انا ماقصرت معه بشي وقايمه بواجباته على اكمل وجه بس هو صار يتمادى ويتلفظ على اهلي وبينهم مشكله قديمه ..وصار يكرهني في كرههم ..ومع ذالك والله اني اعامل اهله باحسن مايمكن وهم مشتركين في المشكله ..بس ماعاملتههم نفس معاملته لاعلي ولي ..ويكره عيالي وعلى الطالعه والنازله يقل بتزوج .واليوم خرج يقل بروح اخطب ...وما يهمني يتزوج مع السلامه بس عيالي هم اللي قاهريني لانه يردد بطلقك .وقدامهم يقل اعتبروها ماتت وش ذنبي انا وعيالي ربي ابتلاني فيه حسبي الله ونا اعمل واكيل .ولو تزوج ماراح ينتبه لهم ولا هي راح نتبه لهم بعد ..وحصلته راح مكتب زواج ويدور عروس ..ونا طلباتي ما يلبيها لاتقلون اطلبي ..اطلب بس ما يجيبها .هذا غير انه مايلبي حقي الشرعي ويستخدم العاده السريه ويتركني ..واذا بغى ومل يرجع لي بس بدون نفس وبدون لا حضن ولا بوسات يعني مافيه مقدمات ....لو يتزوج ويروح عني انا وعيالي مايهمني ..اهم ماعندي اطفالي اموت ولا ابعد عنهم وهم بعد متعلقين فيه كثير ...
 
يعني تتوقعين من كل عقلك راح يزوج انتي بس سوي اللي عليك او شوفي في خير الله يرده الك مافي خير الله يكفيك شره او اذا تزوج الجديده راح تتحمل اولاده ؟؟؟؟؟؟؟ما اتوقع اتوكلي على الله وصلي واقري سورة البقره وانشاء الله الله يهدي ويسخره الك
 
صدقينى حبيبتى اذا انتى قمتى بواجبك كلها لزوجك و بيتك و اولادك رغم كل اللى يسويه معك ثقى بان الله لن يضيع اجرك و حقك و حق اولادك منه و من غيره و انتى تعاملتى مع اهله باخلاقك و تربيتك الراقية الزينة و يكفيكى فخرا انكى امام الله اللى اكبر من كل شئ سويتى ما امرك الله به من اطاعه الزوج و ثقى بانه سياتى يوم و سيرتد عليه ما يفعله معك و امام اولاده ايضا اذااستمر فى هذا رغم انك ما اليك ذنب .
ادعى له بالهداية
 
انا كنت كذا وزوجي زعله كثير وتعبت نفسيتي وطبعا متغير علي ماكان كذا
وبعده استمريت على سوره البقره والدعاء والحمد لله اللحين رجعنا زي اول
 
والله اني تعبت منه وطفشت .ومليت من حياتي معه برود تام ....ما احس اني متزوجه وربي انقهر يوم اشوف احد يكلم زوجته او يسولف معها او يحبها مو حسد لهم بس اقول انا وش ناقصني بالرغم اني حلوه واسلوبي معه طيب ومحترمه اهله وامي تجيني واخدمها ماعمره شاف شي مني ..واذا زعل احيانا يكون السبب مو انا يجي يثور عليه وعلى عيالي ويقول والله لاسحب عليكم والله لاتركم وابني عيله جديده واسره جميله ..عيالي متفوقين في دراستهم الحمد لله والصلاه في المسجد وما يطلعو حتى لشارع من البيت للمدرسه وبس ومع ذالك مايشكر في تربيتي لهم يتركنا ويسافر ..ويحملني مسؤليه البيت والعيال ..يطلع وما يرجع الا اخر الليل تعبببببت معه ...
 
اصلحي ما بينك وبين الله يصلح ما بينك وبين زوجك
 
اخذيه مني نصيحه اذا طردك من الغرفه روحي نامي مع اولادك بسسسسسس اهتمي باءمور المنزل عادي وحضريله الاكل على السفره كالمعتاد وانتي اهتمي بنفسك زياده يعني لبس حلو مكياج هاديء واكيد راح يختلق مشكله اسمعي ولا جاوبي خلص كلام روحي لغرفة اولادك العبي واضحكي معاهم بهدوء بالكثير اسبوع اوراح يتوسل ترجعين الغرفتك ارجعي واذا كرره اتصرفي نفس الشي بس لا ترجعين للغرفه من اول يوم ادلعي يومين او ثلاث عمره ماراح ايكرره الله يهدي الك او يهدي ازوجنا
 
كيف تبغوني اخدمه واقوم بغسل ملابسه وطبخ اكله وكل اموره تمام وارتب غرفته اذاصحي ..وهو اصلا مابعطيني وجه ..عبوس عاقد وجهه عليه ..ماعاد اقدر اتقبله .وبدون ذنب ماسويت شي وربي اكتب ودمعتي على خدي ..ليه يعاملني كذا..حرام وظلم ..حارمني من ابسط حقوقي ..يعرف اني ما ارتاح الا في سريري ..ويقفل الباب كل يوم كذا ...شكلي بشيل كل اغراضي من عنده واحطها في غرفه ثانيه واترك الغرفه له .وبدون ما اطبخ ولا اسوي له شي يمكن يتعدل
 
والله انا مريت بهذا الموقف اكثر من مره او كنت اتصرف مثلك تماما او صار يتكرر او ما تعدل او رجع طبيعي الا لمن اتصرفت مثل ما شرحتلك جربي ما راح تخصرين شي اكثر من اللي انتي فيه حبيتي اساءل مجرب ولا تساءل حكيم الله يوفقك او يهديه الك يارب
 
لا أطبخي وقومي بكل واجباتك أدري صعبة لكن إذا تبين التغير والأفضل حاولي وجربي سوي شغلك كله بس تجاهليه مثل ماهو متجاهلك وأن كلمك كلمة ورد غطاها
ودلعي نفسك وأهتمي بنفسك هالفترة سوي لك ماسكات عناية اهتمي بجسمك أقرأي لوتحبين اي شي ارجعي مارسي شي تحبينه حتى لوبسيط واهتمي بأطفال وأهم شي طاعاتك والدعاء سلاحكك ربي قريب وبيستجيب إن شاء الله بيمشي يومك بسرعة وبيشوف أنه ماله مكان فيه أهم شي أنشغلي عنه بس أعطيه حقوقه وقومي بواجبتك وأهم شي الصبر الصبر لا تحبطين وتيأسين حاولي مرة ومرتين وثلاثة ودايم قولي اللهم ألف بين قلوبنا وأصلح ذات بيننا وأهدنا سبل السلام وأدعي أن الله يسخره لك ،أيش نمطه إذا تعرفين راح يكون أسهل عليك
إذا شافك منشغله عنه ومطنشته وبالوقت نفسه ماأنتي مقصرة معه بتشوفين كيف يبي يكلمك ويختلق شي حتى مشكلة عشان يلفت إنتباهك
الله يعينك ويفرج همك يارب
 
والله ياقلبي اني لي 6 سنوات على ذا الحال واذ تراضينا اسبوع بالكثير ينقلب باقي الشهر زعل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل