زوجي وشغالة اختي

[مروة41]

حبيباتي صار موقف اليوم بيني وبين زوجي بسبب شغالة اختي ،اختي جات زيارة عندنا ويا عيالها وشغالتها المهم شغالة اختي هاذي مالت حركات المهم كان زوجي طالع رايح للدوام وكان عنده ساندوتش في المجلس يابه اخوي الي يالس معانا المهم شفت شغالة اختي شايلة سندوتش وتاكل منه سالتها من وين السندوتش قالت عطاني ااا ياه مستر الي هو زوجي عاد انا هني احترقت باي حق يعطيها السندوتش ويقول لها هذا حقج ما تمالكت نفسي في نفس اللحظة اتصلت بزوجي وقلت له باي حق تعطيها السندوتش مع انه شغالتي كانوا موجودات زعل زوجي وعصب وقال انتي شو قصدك هذا في التليفون ويوم رد البيت رد زعلان ومو راضي يتكلم ويوم فتحت الموضوع قال انا مضايق فوق ما تتصورين انج تشكين فيني ويوم افتح الموضوع احس بضيق ومو راضي يقول شو السالفة وانا قاعدة احترق وماني عارفة كيف اتصرف معاه ساعدوني الله يخليكم بالنسبة لاخلاق زوجي فهو انسان خلوق وعطوف ويحب عمل الخير ومو راعي خرابيط ابد بس استغربت من هالتصرف ساعدوني شو اسوي معاه

 

[امونه المزيونه2]

الصرآآحه الموقف عادي جدآ
لاتصييرين شكاكه يختي الله يهديك
معليش الحق مع زوجك ..

 

[مروة41]

مشكورة حبيبتي على الرد بس تعرفين يوم الشغالة ماسكة سندوتش بيدها وقالت لي ان زوجي قال لها هذا لج والله انقهرت فوق ما تتصورين و ما عرفت شو اسوي

 

[امونه المزيونه2]

حبيبة قلبي طبيعي المرأه عندها غيره
وهذا من حبك لزوجك الله يخليه لك
عادي لاتصيرين تدققين ترى وربي اذا صرتي تدققين تتعبين
اذا انتي واثقه من حب زوجك لك خلاص لاتشككي وتخلقي مشاكل
وهذا مايمنع انك تكونين فطينه بس مو لدرجة التدقيق والتمحيص

الله يوفقك ويسعدك سعادة الدارين
حبيبتي لاتنسيني من دعواتك 3>

 

[عنقود عنب]

لا تكبرين الموضوع يا اختي

ولا تسوين لك مشكلة من لا شي

انت عارفة زوجك انه رجل خلوق ...وبشكك هذا انت فعلا جرحتية

وخير يا طير عطاها سندوش كان اصلا موجود ...يعني مو هو شراه لها مخصوص

ويمكن لو كانت شغالتك جدامة كان عطاها هي

اعتذري من زوجك ولا تكبرين الموضوع

ربي يسعدكم

 

[amoon2]

حبيبتي والله انه شي عادي لاتشكين
أنا زوجي يتصرف هالتصرف انه يكسرون خاطرة

لا أكثر.................................................هالشك اللي يدخلج في مشاكل مالها داعي

والله يخليكم لي بعض ​

 

[ام معمر]

خير ياطير اذا عطاها سندويش حسستيني انه معطيها ورده حشا مو سندويشه

 

[مروة41]

اشكر جميع اخواتي الي ردو علي الله ييسر لكم اموركم يارب

 

[تشكرات]

يا عمري ..هي صح الحركه ذي تثير غيرتنا كحريم ..ولكن حبيبتي

أنتي قلتيها أن زوجك ( عطوف ) ....فيمكن حن على هذه الشغاله

وتعاطف معاها ....عادي ياعمري ...أتقبليها بصدر رحب ...

لكن ( نبهي زوجك ) انك ( تثقي فيه وتثقي في أخلاقه ...

ولكن خوفك من أن ( الخادمه ) ...يروح بالها بعيد ..هو الدافع لك

والله يصلح لكم الاحوال ..

 

[المكروفه]

انتي قولتيها يحب عمل الخير لاتكبرين السالفه واختك جايه يومين ورايحه وسعي صدرك ولاتضايقين زوجك

 

[ام سااارونه]

أكيد حصلت الساندوتش وهي تنظف وقال لها تاخده بدال ما ينرمي ,يعني عادي بس فتحي عيونك عليها هي ولاتشكي في زوجك يعني حرصي ولا تخوني

 

[Miss So0ma]

الله يصلح حاالكم

 

[الامومه]

عادي التصرف جدا

 

[أخت الروعة]

الله يعينك ياخيتي ادحري الشيطان ولاتوسوسين

الله يعينك ياخيتي ادحري الشيطان ولاتوسوسين وبعدين بسألك وش الفرق بين شغالتك وشغالة أختك مو كلهم شغالات

 

[ونة حب]

بطلى وسواس كثرى من الاستغفار وهذ الموقف مجرد رحمةةةةةةةةةةةةةةةةةةةةةةةةةةةةةةةة​

 

[انوا رة الرياض]

راي من راي البنات لاتكبر الموضوع يمكن شافه تطالع في السندويش قال نفسها فيه او يمكن كان طالع من المجلس وشافها وقال شيليه واذا تبغين كليه عادي لاتسي الضن000000000

 

[معلمة متألمة]

ربي يخلي لج زوجج يارب ويهدّي سركم..

وسعي خاااااااااطرج الموقف جدا عادي...

انا طليقي كان يشتري لهم عشا معانا يوم كنت عنده وماكنت ازعل ابد كان يرحمهم كثير وكنت عارفه اخلاقه وعارفه غلاي عنده..

وسعي الخاطر هذي من الغيره ومالومج بس ترى موقف جدا عادي ولاتصيرين حساسه حبتين...

بالتوفيـــق​

 

[احلى التفاصيــل]

اللي تقول الموقف يثير الغيره
اسمحيلي


موقف جدا عـــــــاادي
موقف نبيل وانساني وراقي
ويدل على رحمه زوجك


بلاشك وغيره
وفكروا ان هالشغالات امانه في اعناقكم

 

[حلاتي بغروري]

الله يهديج اوكي لوبقيتي تعاتبيه لاتسوين هذا الاسلوب بدلي اسلوبج وبطريقه راقيه ودلع وحب وانج اميرته ولازم حتى لوبقى يعطف يخبرج وتقومين باللازم

 

[فـراشـة قـطـر]

والله مادري شلون رضيتي تحطين عنوان بهالشكل

زوجج حبيبج وابوعيالج الحنون وشغالة اختي الي بيقراالعنوان وين بيروح تفكيرة ولو قراه زوجج شوبيكون موقفه


الرقه والذوق ياجماعه

ماراح يدمرج الا اذا خليتي هالشك يكبر فيج