زوجي وسفري / محتاجة آرائكم !

[غصون*]

السلام عليكم ورحمة الله وبركاته ..

انا اليوم جايه استشيركم وآخذ بارآئكم ، بقول الموقف وحطو نفسكم في مكاني ..
وش بتسوين بالضبط ؟

انا اهلي بيروحون الشرقيه .. سألته اذا عادي اروح معهم قال ايه عادي
انبسطت وعلمت اهلي وكلش اوكي ..

قبل السفره بـ 3 ايام ، قال لا مافيه روحه
ليش ، وش المشكله .. يقول اني انا بوديكم وابيك تروحين معي
وبعدين اودي عيالي منزوجته الاولى ..

انا اعرفه مستحيل يودينا ، وقد ودنا زوجتى الاولى مرتين ولا ودانا انا وعيالي ..
انا ضاق صدري ليش يعودني ويخلف بوعده ..
ومتاكده اني مارحت عشان زوجته الاولى ، مع انه قد وداها وانا لا ..


هل اروح وما اسمع لكلامه .. بس المشكلة في الفلوس

لاني جد طفشت منه من سنتين وهو يقول باوديكم ويوم جت الفرصه ماحبيت اضيعها ..

وش رايكم انتم ؟
لو انكم مكاني وش سويتو ..

جد جد محتاجة ارآئكم لا تبخلون علي

بانتظاركم ..

​

 

[حرب الأحساس]

لو مكانك
1-بدعي يلين راسه
2-بحاول معه بالكلام الحلو وبالدلع وبالمدح فيه بدوخه لين يصدق
3-بسوي كل الي يحبه وبجلس وراه بدون ملل
4-لا تقارنين بينك وبين زوجته وعياله ولا تجيبين سيرتهم كلش
أتمنى نفعتك بس زوجك وتعرفين تجيبينه والكلمة الحلوووووووة أقوى من السحر

 

[برميتي]

حبيبتي انتي ادرى بزوجك ومصداقيته
مدام هو قال انا اوديكم وهو جاد وصادق بكلامه نصيحتي لك طاوعيه وروحي معه
اما اذا بس يقولك كذا ولا راح يوديك ولا شي تناقشي معه بهدوء وحاولي تفهميه مدىفرحتك بالروحه هاذي وانك متحمسه لها يعني بالعربي خليه يرحمك او تعاملي معه على الاسلوب اللي يناسبه في تحيد الشخصيه
وبكل الاحوال شرعا مايجوز تروحين بدون موافقة زوجك
الله يحنن قلبه عليك ويرزقك حبه وعطفه

 

[حرب الأحساس]

لو مكانك
بدعي ربي يلين راسه
بحاول معه بالكلام الحلو والدلع والمدح لين يدوخ ويصدق
بسوي كل الي يحبه ويرضيه
لا تقارنين بينك وبين زوجته وعيالها ولا تجيبين سيرتهم بالعكس الا ادعيلهم بالخير
وهو داخل وخارج ادعيله فوجهه بالرزق
والكلمة الحلووووووة أقوى من السحر وأكيد تعرفين طباعه فحاولي
وربنا معك

 

[اولادي كل حياتي]

السلام عليكم ماشالله الاخوات ماقصروا بس ممكن اعطيكي فكرة وان شاالله يحن قلبه اذا هو من النوع اللي يحب اولاده مرة ويسمع كلامهم حرشيهم عليه بدون مايقولوا انك انتي حرشتيهم خلي البنات اكتر يقولواله يابابا احنا نفسنا نسافر وننبسط طفشنا الله يخليك لنا ويبوسوه ويسلموا على راسه وانشاالله يحنن قلبه عليكم بشرط انتي ماتتكلمي ولابحرف وقتها والله معاكي

 

[نضوج أنثى]

حبيبتي ماينفع تروحين بدون رضا زوجك بعدين ربي يغضب عليك وبنفس الوقت مايسوى عليك زعل ونكد كبير عشان طلعه اسمعي كلام زوجك وحاولي تكلمينه بالسياسه وتدلعينه يعني مثلاً قولي له صح الطلعه معك أحلى وأكثر وناسه كبري رآسه وقولي له خلاص دام وعدتني ادري انك رجال عند كلمتك واذا الله لا يقدر اتراجع بكلامه قولي له على آمرك ياقلبي مع إنه كان نفسي مرره اروح بس رضاك وراحتك عندي بالدنيا قوليها بدلع وانه خاطرك مكسوور وإن شاءالله ربي يحنن قلبه عليك بس صدقيني الهواش والنكد مايجيب نتيجه ويخليه يعاندك أكثر قولي له بعد انا جلستي معك تسوى الدنيا ومافيها وتسوى بلدان العالم كلها والله يسخره لك يارب

 

[خليلة الأحزان]

الله يعينك
بس وش هي روحة الشرقيه مو مستاهله الزعل قولي عليه يوديك مكان ثاني المدينه

 

[زهره فواحه]

جهزي نفسك على انك بتتجهزي للسفر معه وجهزي عيالك

وقولي لهم ان ابوكم بيودينا

واظهري له انك فرحانه جدا انك بتسافرين معه وحتى لوا سافرتي السفر من دونه ما يسوى

وانك مبسوطه انه بيرافقكم

ورددي له كل يوم هالكلام


اذا كان من جده راح يجهز من جده واذا كان يكذب عليكم فراح يسمح لك تسافرين مع اهلك

ولا تنسين الدعاء في آخر الليل انه يسخره لك