معلومات مكسور الخاطر
- إنضم
- 25 نوفمبر 2010
- المشاركات
- 138
- مستوى التفاعل
- 0
- النقاط
- 0
زوجي وزواجه الثاني والبنات
السلام عليكم بنات اسفه على المده اللي طولت عليكم فيها بس كان اللاب خربان والحين الحمدلله زين بنات انا مشكلتي صايره من كم يوم وما ادري شو حلها بنات انتو تعرفون ان زوجي بيتزوج الثانيه اوكي وكذا مره جالي ويقولي انا هاي ما اروحلها ويسالني لو ها زين ولا لا وانا اسمعه واطنشه بس يابنات انا مره كنت جالسه معاه فرن تلفونه الللي هو الايفون وما ادراكم ما الايفون فشفت نك نيم اسمه كلي احساس فاستغربت فقلته منو ها قالي واحد من الشباب انا زوجي يخاف من الله على قولته ومب راعي بنات وهاذاك اليوم يا قالي لو سمحتي لاتمسكين تلفوني وانا بالغلط مسكته لانه رن وجبتله الفون ومن هاييك الساعه قلبي ينغزني بس بعدين اقول لا ريلي مكتفي باثنين ومب راع ها السوالف بس الطامه الكبرىى اني بالصدفه مسكت تلفونه وهو حاط باسوورد بس ما يدري اني اعرفه وفتحته وشفتلكم الاخ داق سواله ويا بنات ويكلمهم كاني انا مثل مايرمسني عالشات وهو طفشني من كثر مايقولي لاتطرشينلي مسجات انتي تزعجيني ويا ربعي فسكت عنه ورديت كل شى مكانه بس لما يا قالي شوفيج قلته ماشى بس متضايقه وانت تعرف السبب تم يزن لين ماقلته اخر شى انكر وكذب وقالي ها برنامج وان ها ربيعه وكل شئ يخطر عباله من مبررات بس انا قلته انت لو كنت متغزل في حرمتك الثانيه مابزعل كثر ما زعلت انك تخوني وحاول بكل طريقه انه يجلبها عليه بس الله نصرني عليه الحين شو اسوي وياه ثقتي فيه تزحزحت مع العلم اني كشفته مره وكشفته يشوف افلام الله لايوريكم على البلاك بيري ماله الحين واحد يخاف الله يسوي كذا الحين هو تزوج لانه حلال وهالكني في ها الكلمه بس للاسف اي حلال وهو مب ماليه عينه انا او الثانيه اللي ماخذنها حسبي الله ونعم الوكيل
اسم الموضوع : زوجي وزواجه الثاني والبنات
|
المصدر : الأستشارات الزوجية العامة