زوجي وزواجه الثاني والبنات

[مكسور الخاطر]

السلام عليكم بنات اسفه على المده اللي طولت عليكم فيها بس كان اللاب خربان والحين الحمدلله زين بنات انا مشكلتي صايره من كم يوم وما ادري شو حلها بنات انتو تعرفون ان زوجي بيتزوج الثانيه اوكي وكذا مره جالي ويقولي انا هاي ما اروحلها ويسالني لو ها زين ولا لا وانا اسمعه واطنشه بس يابنات انا مره كنت جالسه معاه فرن تلفونه الللي هو الايفون وما ادراكم ما الايفون فشفت نك نيم اسمه كلي احساس فاستغربت فقلته منو ها قالي واحد من الشباب انا زوجي يخاف من الله على قولته ومب راعي بنات وهاذاك اليوم يا قالي لو سمحتي لاتمسكين تلفوني وانا بالغلط مسكته لانه رن وجبتله الفون ومن هاييك الساعه قلبي ينغزني بس بعدين اقول لا ريلي مكتفي باثنين ومب راع ها السوالف بس الطامه الكبرىى اني بالصدفه مسكت تلفونه وهو حاط باسوورد بس ما يدري اني اعرفه وفتحته وشفتلكم الاخ داق سواله ويا بنات ويكلمهم كاني انا مثل مايرمسني عالشات وهو طفشني من كثر مايقولي لاتطرشينلي مسجات انتي تزعجيني ويا ربعي فسكت عنه ورديت كل شى مكانه بس لما يا قالي شوفيج قلته ماشى بس متضايقه وانت تعرف السبب تم يزن لين ماقلته اخر شى انكر وكذب وقالي ها برنامج وان ها ربيعه وكل شئ يخطر عباله من مبررات بس انا قلته انت لو كنت متغزل في حرمتك الثانيه مابزعل كثر ما زعلت انك تخوني وحاول بكل طريقه انه يجلبها عليه بس الله نصرني عليه الحين شو اسوي وياه ثقتي فيه تزحزحت مع العلم اني كشفته مره وكشفته يشوف افلام الله لايوريكم على البلاك بيري ماله الحين واحد يخاف الله يسوي كذا الحين هو تزوج لانه حلال وهالكني في ها الكلمه بس للاسف اي حلال وهو مب ماليه عينه انا او الثانيه اللي ماخذنها حسبي الله ونعم الوكيل

 

[الزوجه الاولى]

الله يعينج حبيبتي خليه ذنبه على جنبه وله رب يحاسبه وهلأشكال ما يترس عينهم اله لتراب حتى لو يتزوج 100 مره الله المستعان

 

[عذاب السنين]

أنصحك تطنشين وتوكلين أمرك لرب العباد
قومي بواجبك وهو ذنبه على جنبه
الله يسخره لك ويبعد عنه بنات الحرام

 

[قمررر20]

هذي مصيبة أغلب الحريم اللي تقول أنا واثقه من زوجي أنه مب راعي حركااات ,ياحريم إصحو انا ماأقول أنكم تشكون بأزواجكم لا وربي
بس اقول شيلوا الثقه العمياء اللي حاطينها بأزواجكم
لا تصيرون واثقات مره منهم او ماآخذات مقلب بأنفسكم بانكم ملكات جماال بعيون أزواجكم ,,أقولكم استريييييحو ترى الرجاجيل كلهم خونه واللي مايخون تلقينه متزوج عليك واللي مو متزوج ولا يخون ترى يشوف افلام إباحيه هذا العاقل فيهم ,,آآخ منهم هالرجاجيل شالو قلوبنا من محلها وسامحيني ياصاحبة الموضوع طلعت عن الموضوع بس وش اسوي نااار بقلبي من سذاجة بعض الحريم وان شاءالله ربي يفرج همك وتبين رايي طنشيه ولاتشيلين همه ربي اللي بيحاسبه

 

[مكسور الخاطر]

مشكورين عالمرور بس عالثقه على قولت خواته حسبي الله عليهم انه يخاف الله فيهم ومثل ماهو يسوي الدنيا بتلف وبتسوي في اقرب الناس اللي سواه فيني