زوجي وخصوصياتي تعالوا شاركوني برايكم

[صابونه ورديه]

تعبت من زوجي كل شي يقول لاامه مع انه كبير بالعمر وامه ماخطبتني ولاتبغاه يتزوج اصلا
كل شي في البيت تعرف قبل يصير يعني الحين قلتله بطلع لعمتي بكرة قال طيب بروح مشوار وراح لاامه يعلمها ويستاذن
وكل مرررة كذا انا عادي عندي بس مشكلتها ماتقول خير يعني تخرب علي اذا ماعجبها المكان ولا الناس اللي بروح لهم او بيجوني يعني تقوله مرتك لاتروح وش تبي فيهم هالناس يوم عرس بنتي ماحضروا ،،،،الخ اعذار حريم بايخه واخرتها يجي يهايط عندي ولاااااازم يغلط ويقول امي ويفل السبحة
تهاوشت معه لاان امه قالت لاتوديها مراجعة الحمل خلها لين تولد الاولين كذا جاني وهو رافض يوديني وتهاوشت معه وقلت انا مااتدخل فيهم ابد ابد رجاء لايتدخلون فيني وربي حتئ اهلي مااجيب طاري عندهم ولااذكرهم لابزين ولاشين مهما شفت ومن بعد هالهواش صار يروح يقووول كل شي حتئ مققادير الطبخه اقسم بالله يعلمها بالخطوات وكل شي يخصني وين رحت ووش شريت صرت اخاف يصير شي قدامه اسرار تخص اهلي ولاانا ويروح ينشر الخبرر صار يكذذذذذب يعني يخلي كن الكلام من عنده
وش اسوي معها تعبت وربي كرهتها من تصرفاتها مدري ليه هي كذاا مع اني ماازورها الا بالشهر مرره بس الشر واصلني للبيت

 

[دايما مظلومة]

الله يعينك هو نفسه ضعيف شخصية يحسب امه كل شي يعلمها اسرار البيت اقول رجلك ماراح يتغير مدام يعلم امه اكيد خواته يدرون سلفاتك كمان لاتقولين شي له يطق يموت حتي كلام بجوال مع اهلك لاتكلمين هو موجود في كثار من هالنوعيه سولف اهلهم مايطلعونها في بعضهم سوالف مرته ينقلها اهله سوالف اهله ينقلها لمرته

 

[ريحانة الجزائر]

ربنا يهديه يا أختي
أنا زوجي كمان كان مثله أول زواجنا لكن
الحمد لله نقص قليلا من هذه التصرفات ربنا يعينك عليهم

 

[الملاك الاسود]

الله يعينك ?عندنا وعندك خير
حاولي كذا في يوم يكون رايق ويقولك انا قلت كذا وكذا
قولي له ياحبة عيني في بعض الاشياء مو لازم تقولها اعرف ان نيتك طيبة
بس عاد تعرف احنا يالحريم نتحسس من بعض الاشياء وخاصة الكبار بالسن لان زمنا غير زمنهم
واذا صار يكلم عندك ويكلم امه وصار بيفك السبحة لها آشري له بمعنى اسكت بطريقة كوميدية واذا قال اشبك قولي مو لازم تقول كل شي
للبيوت اسرار يمكن تنفع معه لان زوجي خف شوي الله يعينك ??

 

[صابونه ورديه]

الله يوفقكم ويسخرلكم يااارب
مليت صراحه في البدايه كنت احط اللوم عليه وشخصيته بعدين شفت بعيوني شلون اهله يسحبونه في الكلام ويخلونه غصب يقووول وقتها صرت الوم اللي عنده اكثررر منه
المهم نرجع لموضوع الطلعه ?شكل الماما ماوافقت رجع بعد ساعتين ماوده اروح
ويقول كنت قاعد في سيارتي اصلح المسجل شوي الا قال شعبان ماكل عند اهلي
اااااه صبرني يارب

 

[حياه عسل]

اصبرى عليه وهو هيتغير مع الوقت

 

[zippygirl]

شوفي اختي انا براسي خطة راح اطبقها مع زوجي و انتي جربي
رح اعمل نفسي احكي بالتلفون مع رفيقتي و امدح زوج اي وحدة اعرفها بقولها لا مستحيل يعمل كدا اصلو شخصيتو قوية ما بخاف من مرتو او امو او خواتو يمشي عدل و لي شافو يغلط يقولو لا, لما اهلو ظلمو زوجتو قالهم ما جبتلكم بنت الناس تذلوها, و ما يطالع اسرار بيتو برا ابدا ولا رجال ما شاء الله عليه

 

[الخجوله33]

اختي زوجها كذا
وبالنهايه قال ابوه بيتزوج على امه وجات بيت ولدها زعلانه وقالت ماجلس في بيت زوجتك فيه وطرد اختي لجل امه
وطلقو .. الله يعييينك لاتسكتين له بيتمااااادى

 

[سعادته وحلمه]

انا زوجي زي زوجك كل شيء يقوله لأمه حتى اذا بنروح لنزهه يقولها

واذا ما اعجبها المكان تقول لا تروحون هذا المكان روحوا مكان ثاني احسن وتعطيه مكان ثاني ويوديني له

واذا ما عجبني ارجع زعلانه والحين انا زعلانه منه وقال بعوضك واوديك المكان اللي تبغينه مره ثانيه

صراحه دائم ازعل من هالحركه لانه ما ينفذ اللي نتفق عليه علشان كذا اخليه بعد ما يرجع من عند امه

واقوله بكره بنروح المكان الفلاني علشان ما يلاقي وقت يروح لامه ويقولها ..

علما بان امه طيبه وحبوبه بس هي تقترح عليه وهو ينفذ .. والغلط غلط زوجي لان اي ام ولدها يجي ياخذ رأيها و يسولف لها بتقول اللي في نفسها

يارب نلاقي حل

 

[نور1406]

انا ما ادري شنو قصة بعض الرجال في هالزمن ايام المراهقه ما يسمع لامه ولا يهتم لكلامها واذا تزوج بيصير بار فيها وبيسمع لها انا مع ان يهتم لامه ويحترمها بس مو اسلوب يتكلم لامه كل شي يصير بينه وبين زوجته

 

[صابونه ورديه]

اقسم بالله لو انها تقول خيررر عااادي بفرح انه يعلمها لكنها تحثه ع القطاعه تدرون لي كم يوم اقنعه نروح لخالته مريضه ع الفراش ويجيب اعذار حريم ماابي اروح ولاتروحين انتي لاانها متهاوشه مع زوجة فلان ولادخلت بيت فلان كلام حريم استغفرالله والحين وافق بيروح معي لكن يقول بنسلم ونطلع قلت عادي المهم نزورها تعبانه الحرمة
ماعندي استعداد عيالي يتعلمون القطاعه منه ولاابيها تتدخل بيني وبينه بالشرررر
مررره متضايقه ماتتصورون شلون كل مشوار لازم نتهاوش ولااسكت بقهري مايخليني ارووووووح حتئ اقاربي ليتنا نسوق ولانتحاجهم بشي حسبي الله ونعم الوكيل بس

اللي تقول لاتسكتين له بالله عطوني تجارب كيف تطالبون بحقوقكم وتناقشون مع الزوج العنيد راعي هروج النسوان
?اهم شي اني عصبت علئ وضعي

 

[اهل الجنة]

حبيبتي تحاوري معاه وقوليلو الله كيوصينا اننا منخرجوش اسرار بيوتنا انا زوجي بطريقة غير مباشرة كان يقول شي انا ما اريد اقولو بس ما يتعمد بعدين خليتو لما كان في افضل حالاته وقلتلو لو كنت عايزة اقول لقلت بنفسي الشيء لي يوقع بيني وبينك لا تقولو وسالتو ليش انا ما اقول لاهلي رغم ان بابا قريب ليا بزاف وهو الاهل ديالي عندو عزاز وقلتلو بهاد الطريقة كتبين باننا غير قادرين على تسوية امورنا لوحدنا من غير مندخلو شي حد وقلتلو يالاه وريني قوة الشخصية ديالك من يومها ماعاد يقول شي وحماتي ما تذخل من الاول جربي هذه الطريقة ونتمناوليك الخير ولكن ضروري توضعي حل هذه الشغلة ما تحبها معظم النساء

 

[همس الغروب x]

الله يعينك اختي اكثر الحريم يعانون من هالمشكله في بداية زواجهم وبعدين الله يفرجها عليهم ويعقلون أزواجهم ? وبعض الرجال الله يهديهم اسرار زوجاتهم عند اهلهم ولكن اسرار اهلهم مايطلعونها لأحد? اصبري اختي والله يحل مشكلتك وإذا شفتيه مروق ناقشيه في هالمشكله وقولي له البيوت لها اسرار ومب زين الكل يطّلع على أسرارنا

 

[أم الوجيه]

شر البلية ما يضحك !!​

أهم شئ سالفة ما تروح عشان ماحضروا عرس بنتي فلاانة !!!​

الله يعافيه و لا يبتلينا .. لكن أتصور لو دايما تقولين له لا تقوللأمك بخصوصياتنا ما ودي نثقل عليها بمشاكلنا و أمورنامحقها تعيش براحتها من دون لا تشيل همومالآخرين و هذا من البر بها ..
​

يكفيني ندخل عليها و نوسع صدرها و نسولف معاها ..
​

 

[أم الوجيه]

معليش عزيزاتي اعتذر عن الأخطاء في الكتابة اللاب عندي أحيانا تعلق فيه بعض الحروف مو القصد أخطاء إملائية ههههههه

 

[زهراء الحجاز]

إفشاء ما يقع بين الرجل وزوجته حال الجماع أو ما يتصل بذلك حرام شرعًا، فعن أبي سَعِيدٍ الْخُدْرِيَّ رضي الله عنه قال: قَالَ رَسُولُ اللَّهِ -صَلَّى اللَّهُ عَلَيْهِ وَسَلَّمَ-: ((إِنَّ مِنْ أَشَرِّ النَّاسِ عِنْدَ اللَّهِ مَنْزِلَةً يَوْمَ الْقِيَامَةِ الرَّجُلَ يُفْضِي إِلَى امْرَأَتِهِ وَتُفْضِي إِلَيْهِ ثُمَّ يَنْشُرُ سِرَّهَا)) أخرجه مسلم في صحيحه.

قال الإمام النووي في "شرحه على صحيح مسلم" (10/ 8): [فِي هَذَا الْحَدِيثِ تَحْرِيمُ إِفْشَاءِ الرَّجُلِ مَا يَجْرِي بَيْنَهُ وَبَيْنَ امْرَأَتِهِ مِنْ أُمُورِ الِاسْتِمْتَاعِ وَوَصْفِ تَفَاصِيلِ ذَلِكَ وَمَا يَجْرِي مِنَ الْمَرْأَةِ فِيهِ مِنْ قَوْلٍ أَوْ فِعْلٍ وَنَحْوِهِ].

وعن أَسْمَاءُ بِنْتُ يَزِيدَ رضي الله عنها، أَنَّهَا كَانَتْ عِنْدَ رَسُولِ اللهِ -صَلَّى اللهُ عَلَيْهِ وَسَلَّمَ- وَالرِّجَالُ وَالنِّسَاءُ قُعُودٌ عِنْدَهُ فَقَالَ: ((لَعَلَّ رَجُلًا يَقُولُ: مَا يَفْعَلُ بِأَهْلِهِ، وَلَعَلَّ امْرَأَةً تُخْبِرُ بِمَا فَعَلَتْ مَعَ زَوْجِهَا)) فَأَرَمَّ الْقَوْمُ، فَقُلْتُ: إِي وَاللهِ يَا رَسُولَ اللهِ، إِنَّهُنَّ لَيَقُلْنَ، وَإِنَّهُمْ لَيَفْعَلُونَ، قَالَ: ((فَلَا تَفْعَلُوا، فَإِنَّمَا مِثْلُ ذَلِكَ مِثْلُ الشَّيْطَانِ لَقِيَ شَيْطَانَةً فِي طَرِيقٍ فَغَشِيَهَا وَالنَّاسُ يَنْظُرُونَ)) أخرجه أحمد في مسنده.

وَعَنْ أَبِي سَعِيدٍ الْخُدْرِيِّ رضي الله عنه، عَنْ رَسُولِ اللَّهِ صَلَّى اللهُ عَلَيْهِ وَسَلَّمَ أَنَّهُ قَالَ: «الشِّيَاعُ حَرَامٌ»، قَالَ ابْنُ لَهِيعَةَ: يَعْنِي: الَّذِي يَفْتَخِرُ بِالْجِمَاعِ، أخرجه أحمد في مسنده.

وقد عد ابن حجر الهيتمي وابن القيم وابن علان وغيرهم ذلك التصرف من الكبائر، فقد قال ابن حجر الهيتمي في "الزواجر عن اقتراف الكبائر" (2/ 45): [(الْكَبِيرَةُ الثَّالِثَةُ وَالرَّابِعَةُ وَالسِّتُّونَ بَعْدَ الْمِائَتَيْنِ: إفْشَاءُ الرَّجُلِ سِرَّ زَوْجَتِهِ وَهِيَ سِرَّهُ بِأَنْ تَذْكُرَ مَا يَقَعُ بَيْنَهُمَا مِنْ تَفَاصِيلِ الْجِمَاعِ وَنَحْوِهَا مِمَّا يَخْفَى)].

زوجي أفشى أسراري الحميمية .. إلى الله المشتكى

 

[هبهوبة دلوعة]

اختي ايضا تعاني من هذا المشكل....وحين تطلب منه عدم افشاء اسرارها لاي كان ...يحكي كل ما قالته لاهله ويضحكون من قولها...
نصحتها ان تتقرب من امه...بل تشاركها بعض امورها...وتستشيرها كما يفعل...حتى تتوقف عن البحت خلقها....وحتى تسحب منه هدا الكارت الذي طالما استخدمه تحديا لها...لكن في نفس الوقت تاسره...وتحسسه بانه رجلها الذي تعتمد عليه...وتتق في قدرته علر تحمل المسؤولية....ولا تذكره ابدا بهذا العيب...حتى يتخلى عنه وعن كل ما يغضبها....شيئا فشيئا....
وطلبت منها ان تفهمه انها لا تحب ازعاج اهليهما بكل امورهما...ولا تحب جعلهم مهمومين بمشاكلهم ومشاكل ابنائهم...فلا عمرهم...ولا صحتهم ..تحتمل...
والله الموفق لكما..ولكل من تعاني من هذا المشكل

 

[حيره قاتله]

الله يفرج همك