زوجي واهله وراتبه انا تعبت خلاص

[دلوعة الغيـــم]

السلام عليكم

شلونكم يااحلى بلقيسيات

انا عندي مشكله بل مشاكل في حياتي اتمنى الاقي الحل الله يخليكم
انا تعبت زوجي يحب اهله ويصرف عليهم واخوانه متزوجين ورواتبهم اقل من راتب زوجي
لاكنه يصرف عليهم وابوه عنده حق التقاعد ويجيه مساعده الضمان الاجتماعي يكفيهم لانه
بس ام زوجي وابوه بس الباقين متزوجين
تعبت كل ماقلت له احنا اولى بمصاريف اهلك يقول ماتدخلين انا ناقصني اشياء ومستشفيات
يقول بعدين ومايصرف لي الا القليل القليل في الاكل اما اذا قلتله سوق كاني سويت جريمه
مايبيني اجيب طاري السوق ولايبغاني البس عند اهله شئ حلو او جديد اذا قلتله زوجات اخوانك
يلبسون ووو يقول وش عليك انتي منهم انا ماعندي شئ واذا رحنا عند اهله يسوي انه كريم
اذا احد من اخوانه ماعنده فلوس اومديون يقول انا بوقف معك انا بعطيك وو طفشت
يابنات الله يخليكم لاتجي وحده تعترض وتقول اهله لازم يعطيهم وتتفلسف ادري انه اهله
يعطيهم ماعلي بس لاينقص علي شئ انا بعد محتاجه امه معاها الضمان واخوانه عندهم رواتب تكفي
لاكن زوجي مو مقتنع تعبببببت ابغى اللي ترد تحط نفسها مكاني بالضبط لاتجي ترد كذا ...
وكمان امه عذبتني تنتقدني في كل شئ حتى مره جرحتني قدام زوجي قالت يوم خطبناك مو كلنا راضين فيك نصنا يبغى ونصنا لا وزوجي مارد ولاقال اي كلمه تغااار مني مع اني وربي خجوله واستحي من خيالها وزوجات اخوانه مسيطرين وكلمتهم هي اللي تمشي وانا عشاني ضعيفه دايم تنتقدني في لبسي
تقول وش هذا لبس فلانه وفلانه احلى من لبسك يانااااااااس قدامهم قهر والحين انا مقاطعه اهله
وامه صرت اذا قابلتها مااعطيها وجه اتكلم مع اخوات زوجي وهي ماكانها موجوده وربي صرت احس من نظراتها انها ندمانه على اللي كانت تسويه فيني صدق لاقالو ابعد حبه تزيد محبه وانا قطعتها كذا ارتحت وريحتها بس زوجي دايم يقولي تعالي معاي عند اهلي خلاص انسي واناااا مستحيل انسى لان مو شئ سهل اللي سوته فيني سوت فيني اكثر واكبر بس تعبت الحين
ابي تدلوني وش اسوي وش الصح وكيف اخلي زوجي يصرف على البيت انا محتاجه هالراتب اكثر
تخيلو حتى بيتي مااثثه لي 5 سنوات يادوب شريت اشياء بسيطه كنت لما اقوله ابي اثاث يقول ماعندي لالان كان راتبه كله يروح في الديون والحين تحسن حالنا وانتهت الديون صار يعطي اهله فلوس واخوانه يوم تزوجو هو ساعدهم في اثاث بيتهم يوم قلتله قال هم ماعندهم شئ يادوب يكفي المهر والحفله ااااااه دلوني الله يخليكم

 

[NicE-GirL]

حبيبتي خوذي اللي يكفيك من الراتب


وريحي راسك


والباقي البنات يساعدونك فيه

 

[فوفه22]

شوفي ياقلبي اعرف ان حالتك صعبه واهل الزوج صعبيين مايرضيهم شي لكن عامليهم عادي ومادام ام زوجك حسيتي انها نادمه معناها حست بيكي ولكن انصحك بشي جربيه ممكن ينفع وممكن لا بس جربي كلمي اقرب وحده تحسيها تفهمك من اخواته او امه حتى واشكي لهم وضعك بكل ضعف حسسيهم انك كثير مضلومه قولي كلموا زوجي يعطيني فلوس اشتري لي ملابس والي ناقصك هو كثير يحبكم ويسمع كلامكم ونتم ماترضون ان زوجت اخوكم تطلع قدام الناس بشكل مو كويس راح يقولوا ان اخوكم بخيل وقولي اهلي دايما يقولوا ليش ملابسك قديمه ونتم ماشاء الله تقدروا عليه لنه يحبكم وكلموه يغير بعض الاثاث في البيت مايصير يكون بيت اخوكم مو حلو ونا لو ماحبكم ماصارحتكم بالي في قلبي واتمنى تساعدوني وخلو عمتي تساعدكم وياقلبي الام تتاثر بكلام بناتها انصحك اكسبي اخواته اذا رضوا عليك الام والاخ بيرضوا عليك واذا كرهوك اول وحده بتكرهك أمهم وكذا راح يكرهوا زوجك فيك وحاولي تمدحي زوجك دايما وقولي له ان ذوووقك كثير حلوووو تذكر لما اشتريت مثلا الستاير الكل قال تجنن ومدح ذووقك خلي راسه يكبر وقولي وشرايك ياقلبي نغير اي شي تبغيه انتي يتغير بس ترى انت الي بتختار لن ذوووقك مرررره يعجبني كذا راح يتحمس الرجال كلهم مثل الاطفال يحبوا الي تمدحهم وكانه خارقه لم يخلق مثله في البلاد ههههههههههه
ونصيحه كمان اذا رحتي لاهل زوجك جيبي معك حلى ومالح وفي الاعياد اشتري هديه لام زوجك واعطيها انتي ودام زوجك يحب اهله مررره ادخلي له من الباب ذا وذكريه بهدية امه انتي وامدحيها قدامه وامدحي اخواته بدون مبالغه عشان مايحس انك تجامليه وربي راح يتغير معك وراح يجيب لك كل الي تبغيه ولاتنسى دائما الدعاء والاستغفار لنه سر السعاده واتمنى لك السعاده والراحه ولاتنسي تطمنيني عنك على الخاص

 

[مناكير وردي]

حبوبة لاتدققين واجد في هالأمور
اهل زوجك واعتقد خذوا درس منك بالرغم من انك ذكرتي خجلك وسكوتك في اشياء كثيره ودام هالصفه جابتلك الكلام والمشاكل اعرفي انك ماحطيتيها بالمكان المناسب يعني بسكوتك غلطتي حاولي ترجعي العلاقة وبرجعتك وضحي انك تغيرتي من اول دخله لك ببيتهم وردي على كلامهم بأسلوب جريئ وصوت واضح بعيد عن قلة الإحترام بالذات لأم الزوج
وبالنسبة للمصروف لاتدخلي بينك وبين اهله وخوانه نصيحه لأنه لو ماعطاهم شي تأكدي مراح يعطيك او يحطه في البيت
لكن جيبيها له بطريقه حلوه انا مره زوجي رفض يآخذلي شغله وقلتله وانا والله ما ادري حجم هذي الكلمة انا كبيره وبعدها تعدل مررررره قلتله وانا اضحك خلاص حبيبي انا اخلي واحد من خواني يآخذلي ياها والله مابيقصرون معي
وهذا مات من القهر وثاني يوم وهي عندي
انا بينتله انك ياولد الناس لاتبهذلني انا مهما كنت تراني بنت الناس واهلي مابيقصرون معي عاد الا انت كذا افتهمتله
الله يسعدك ويوفقك يارب

 

[00 فراولة00]

حبيبتي اولا مشكلتك هي كانها مشكلتي باختلاف بسيط ..................... بالنسبه لاهل زوجك اصحك تبينين ضعفك عندهم ولا تقولين لهم انه مقصر عليكي ولاشيء عشان ماتصرين سيره عند حريم اخوانه ولا اخواته ........ وتعودي ان كل شوي تطللبين منه طلب كل يومين ثلاث ايام حتى لو اشياء بسيطه عشان يعرف ان اهل بيته لازم يكونون اول شيء عنده يمكن انتي ما تطلبين من باب الحياء واني ما ابغى اكلف عليك وهو شايف انك مانتي محتاجه شيء لا اطلبي وقولي ترى انا ناقصني كذا وكذا وكذ ........ وتاكدي انه ان شاء الله راح يتغير بالتدريج

 

[مامت ريون]

بصراحة فكرة فوفو22 اعجبتني طبقيها وان شاء الله ربي يفرج همك

 

[دلوعة الغيـــم]

يعطيكم العافيه يابنات والله انبسطت وريحتوني الله يريح عليكم دنيا وآآخرهـ