زوجي ..واهله....وجدته......... وخالاته وجمعتهم............انحرمت

[روح البراء]

بسم الله الرحمن الرحيم

السلام عليكم ورحمة الله وبركاته

كيفكم خواتي في الله

ياحلوات حبيت استشيركم في شغلة مأخذة تفكيري واتمنى انكم ماتبخلون علي بالنصيحة

انا لي تقريبا 6 سنوات متزوجة ومن يوم ماتزوجت وانا مختلطة مع اهل زوجي في الروحات والجيات

يعني اخواته وجدته وخالاته وبنات خالتوه بين فترة وفترة كنت اتجمع واسهر معاهم وربي انهم مثل الحبايب واخلاقهم حلوة وطيبين وعمري ماشفت منهم شيء والحمد لله كمان يمدحوني بأخلاقي وطيبتي

ويعشقون اطفالي ويموتون عليهم

المهم قبل تقريبا سنة وشوي لاحظت زوجي مايبيني اجتمع معاهم او ازورهم وحسيت انه صار مايحب يوديني لهم حتى لو زيارة خفافي عصرية مثل قبل
يالله بالعافية وداني لهم في عيد رمضان هذة السنة المهم صارحت زوجي وسألته ليه ماتبيني اروح لهم وليه ماتوديني عندهم يرد علي ويقول مالك شغل بالناس سيبي الناس بحالهم وانطقي في بيتك بالرغم وربي ياحلوات اني ماشفت منهم شيء يضايقني وحتى هم لمايشوفوني في مناسبة يسألون ويقلون وينك من زمان عنك ليه تغيرتي وصراحتهم وقلتلهم ولدكم مايبيني اجيكم فيسكتون ويقولون الله يهديه

بالرغم انه هو يروح يزورهم ويجتمع معاهم بس بدووووووووني وبدون اطفالي وربي محتارة

كيف اتصرف عن جد مشتااااقة لجمعتهم وهو حارمني منها

تكفون ياحلوات هل اطنش وماعلي منهم ولا اسأل ولا اطلب من زوجي يوديني لهم وبكيفه

ام ماذا افعل؟

وجزاكم ربي الجنة

 

[غدير الكويت]

لازم اتعرفين السبب اللي خلاه يغير رأيه سئليه واذا مو راضي انج تروحين مو مهم بس اهم شي لا توصل بينكم للمشاكل

 

[هيدروجين]

يحليلج
ياريت كل الناس مثلج
باين عليج
طيبه
وحبوبه

 

[صوت الصمت]

صح لازم تسألينه شو السبب.. ذكري انج شريكة حياته ومن حقج تعرفين
لازم يقنعج برفضه..
اذا عرف السبب بطل العجب
حاولي
والله يوفقج.

 

[نعومه كول]

مدام ياقلبي يمنعك انتي وهو يواصلهم انتبهي لايكون في راسه شي من وراكي
يمكن علاقه او بيخطب منهم
انا ماقول اكيد انا هذا اللي جاء ببالي
وربي ينور قلبك

 

[خواطر عاشقه]

ممكن تكلمين امه او وحده من خالاته تقول لزوجك من زمان ما جبت زوجتك عندناوتعرفين منها الاسباب
الله يهديه

 

[الدمعة ونيسي]

خلي امه او حد من خواته تكلمه وتقوله ليش ما تجيب مرتك معاك؟

ان شاء الله مايكون الا كل خير

 

[.• ღ ǼɱṒṒᵰӑh ღ]

مدري والله غريبه
بس يمكن غآآر منهم لما يشوفك مبسوطه معاهم ومو معطيته وجهه
ههههههههه
هذا اللي جا فبالي
​

 

[القمر الخجول]

أنا أقووول لازم تشتغلين المحقق كونن وتعرفين السبب منه والله من غيره تحري لين تعرفين السبب
ويمكن مثل ماقالت الأخت نعووومة كووول

 

[hl []]

خوفتني الاخت نعومه كول انتبهي
واصري على السبب

 

[لاتلوموني بحبهA]

يمكن سياسه من اهله قايلين مانقدر ناخذ راحتنا من زوجتك ومانقدر انكلمها انت بطريقتك لا عاد تسهر عندنا

وخل زياراتها خفافي وهو مايقدر يقولك امي والا خواتي والا خالتي فلااانه لاكن نصيحه اذا تقدرين تتكلمين معه

وتعرفين السبب قولي قولي على السبب وانا اوعدك ما اروح لاكن كذا حيرتني؟؟

ويوم قابلوك وقالوا وينك تمويه عشااان يشوفون عنك وانتي من طيبتك قلتي ولدكم !! ويتاكدون ان من بابهم ماااجاء

شي يعني رايتهم بيضاااء

؟؟؟؟

والله اعلم

 

[رمال البحر]

حاولي تعرفي السبب وتواصلي معهم بالهاتف باستمرار واطلبي منهم إقناع زوجك بإخذك معه إليهم

 

[نكهه خاصة]

والله يااشوف ردود الحمدلله والشكر..

ودي اعرف كيف فاتحين بيوت..


المهم .. اختي مادام حبيبك عسل لاتلحسه كله..

واهل زوجك مدامهم يحبونك مو معناته بالرايحه والجايه وانتي عندهم اثقلي..

مهما كنتي تضلين غريبه عنهم ويبون ياخذون راحتهم وفيه مواضيع مو لازم تنقال عندك..

وماهو كل جمعه وكل زياره تحضرين فيها.. بدون ماتسألين عن السبب افهمي من عقلك

هذولي ناس لهم حياتهم .. انتي اجتمعي باهلك مره وبصديقاتك مره وبجاراتك مره.. وهم تعالياهم خفافي بدون ماتقولين ولدكم مايبيني اجي.. قولي والله مشغوله وكذا وتواصلي معهم بالجوال والمسجات

 

[the tigress]

يا حليلك ما شاء الله

مشكلتك عكس كل الحريم

دايما الشكاوي من الحريم ما يبون يروحون لاهل ازواجهم

الله يرزقني كنة مثلك

على كل حال كلام الاخت نكهة خاصة عين العقل اقريه وافهميه وطبقيه​