زوجي والمسج ساعدوني

[بحرالشووق]

السلام عليكم
راح ادخل في الموضوع بدون مقدمات حصلت مشكله بيني وبين زوجي امس وخبرت صديقتي بالمشكله واستشارتها بخصوص زوجي وبدل ماارسل المسج لصديقتي رااااح لزوجي طبعازوجي انصدم وانا مالومه لانو قاعده اتكلم عنه بدون اي مبالاه المهم ماهي الاربع ساعه الاوهوعندي قالي منو هاذي تعرف امورحياتي ووو الخ قالي منو خبرته قالي تحررررررمي ع ان كلمتيهاولاراسلتيها المشكله موهنا المشكله انو سافروتركني وقالي انا مااراح اثق فيك ابد وقلت خبرني عشان اهلي قال خلي صديقتك تخبررك وتنفعك خلاص انتي انسانه ماينوثق فيها وتمشي وراء اراء الناس مع العلم انو والله مامشيت براي احد بس كنت متضايقه وكنت استشير عن تهوري بالمشكله اللي صارت معي حق ولالا
خواتي ادري طولت عليكم بس انا في محنه قاعده ارسله مسجات اعتذاروشووووق وهوولاهمه مطنش بليز ساعدوني شواعمل بالمصيبه هاذي ياربي انا طيبه مااستاهل ساعدوني الله يساعدكم ويسعدكم

 

[حنين األصمت]

,والله ياغناتي شر البليه مايضحك ياليت ارسلتيها لاحد تاني الا زوجك لكن الي صار صار
برائي تخلينه يرتاح وانتي حاولي تعيدي بناء ثقته فيه
وتحاولي تبيننين له ان اسرارك ماتطلع لاحد غريب
هو طالما سافر فهو اكيد بيهدا شوي وذا من صالحك
حاوليي تعرفي نمطه وبيساعدك
ان شاء الله الاخوات بيفدونك
عليك بالدعاء فهو سلاحك

 

[شوق دوعه]

قووليله مت توقعتك بتزعل كذا. ولا اصلا انا كاتله الرساله هذي اصلا لك ابيك تفهم بسلوب ثانيً. شغلي كيد الحريم

 

[اوظاح]

الله يكون في عونك
انا من رايي تعتذرين له وتكتبين اللي في قلبك وترسلينه له وتبينين له انه كنت تطلبين رايها في تهورك معاه وانها دايما تنصحك ولا تحرضك على زوجك وقوليله لوكنت ابي المشاكل شكيت لاهلي ماشكيت لصديقتي بس انا شكيتلها لانها تنصحني
والله يردكم للبعض

 

[درة من درة]

عادي خذي الامر بروية وتأني يعني كوني هادية ولما يتكلم في الموضوع قولي كانت غلطة وخلاص ما عاد اعيدها ولما تتكلمي كوني قوية بلاش من الضعف يعني غلطنا وخلاص مشي وشغل مسجات الغرام وقفي انتي ارسلتي رسايل اعتذار كافي خلاص ما كفرتي عشان الاهانة والعذاب وكلميه عادي وهوني الموضوع خليكي ريلاكس وخليها موقف طريف وانك منحرجة بس قولي زين وصلتك ولا وصلت لحد ثاني
على فكرة صارتلي مرة رسلت لاختي اشتكي (اختكم دلوعة) وراحت عنده بس جلس يتطنز طول الوقت الحمد لله عدت على خير

 

[ref8150]

الامور بين الزوجين ماتطلع لاحد

 

[الوردة الزكية]

الله يكون في عونك اختي
انتي خبريه انك كتبتيها لاستشاريه تستشرينها وقولي له انك تبغين مصلحة بناء الاسره وانك ماسويتي كذا الا انك تحبينه ومن هذا الكلام وان شاء الله يقتنع وثاني مره ماتسوين كذا الله يهديك ويسخر لك زوجك ويسعدكم

 

[روحي القران]

انا مع الورده الزكيه وترا الشيطان يحب يفرق بين الزوجين بس ربي اقوى منه اكثري الاستغفار

 

[رندا كووول]

لاتتصلي ولا ترسلي ولا تعتذري ..خلاص سويتي اللي عليك ..ولاتتكلمي ف الموضوع نهائي ..غلطه وراحت ف حال سبيلها
طنشييه وهو حيتصل ويطمن عليك
ومشاكلكم احتفضي فيها لاتطلع حتى لصديقتك
الله يحنن قلبه عليك ويسخره لك

 

[حبيبتي سوريا]

الله يصلحك اختي كنتي حكيتيلو انك انتي قصدا كتبتيها بهلطريقة على اساس انها لصديقة من صديقاتك بس كنتي ناوية تبعتيلو اياها لعل وعسى يحن قلبو على كل حال يلي صار صار ولا عاد تعتذري لان الرجل كلما اعتذرتي له كلما زاد عناد ان شاء الله كم يوم وبيرجع بيروق لحالو

 

[ام الطيار]

الله فرج همج عليكي بالاستغفار وقراءة القرءانهونيها وبتهون

 

[شيخة المعازيم]

حبيبتي وخير يا طير شنو يعني صار
اي عفيه يعني الرياييل بير اسرار ما كل اسرار البيوت يطلعونها عند ربعهم
حبيبتي لا تكبرين الموضوع وانسي تعتذرين طنشي شنو يعني بيسوي
اللي يبي يسوي شيء سواه هو حابب بس يلوي ذراعك ويكسرك
انسي الموضوع وخليه شوي لا تفكرين فيه الحين
ولا تخلين اي شغله بسيطه فلم هندي انسي الموضوع

 

[غرور وكبرياء]

يا ماما هذا تفرعن عليج لما شافج تتاسفين و تعتذرين و لا شكله يبي عجه عشان يسافر و لا تحاسبينه
حبوبه المفروض كان لما واجهج قلتي ايه و ش فيها ربيعتي و استشيرها الرسول عليه الصلاه و السلام قال ما خاب من اسخار و استشار
و قوليه ان هي تستشيرني بكل صغيره و كبيره لدرجه تقولي شو اطبخ اليوم هههههه
عشان ما يفكر انج مالج شخصيه و الناس تسيرج قوليله انا احب اسمع اراء الناس و بالاخير اسوي اللي براسي
و بعدين انتي ماطلعتي اسرار فراش و لا يغثج لما يرد خليج طبيعيه و تجاهليه و هو اللي بيركض و راج و اللحين و لا كنه موجود على سطح الارض انسيه و طنشيه و عليه بالداء و التوكل على الله و صدقيني ما راح تخيبين
موفقه باذن الله

 

[*يمــــــــامه*]

يكفي انك اعتذرتي

وطنشي الموضوع وانسيه اذا تقدرين

وراح يرجع كل شيء طبيعي ان شاء الله

لاتحاولين انك تبينين له انك غلطانه راح يستغل هالنقطه

لاكن واستمري بتجاهل الموضوع وتطنيشه اذا فتحه معالك لانه من حقك فضفضين عن صدرك

ولاينسى انه هو السبب بضيقتك اجل يبيك تنفجرين

اسمعي كلامي وماراح تندمين ان شاء الله طنشي الموضوع

 

[ايمومي]

الاخوات ماقصروا

 

[يافعيه]

وعسى ان تكرهو شي وهو خير لكم الله يجيب الي فيه الخير

 

[نوتيلا لمار]

اللحين طنشيه ولاعااااد ترسليله ~ وإذا رجع قوليله بقوولك شي بس لاتضحك علي ولاتقول إني غبيه بصرااحه أنا تعمدت أرسلها لك بس عشان أبينلك إني حااسه بغلطتي بس كنت مستحيه أصرح لك توقعتك تفهمها بس طلعت تشك فيه إني أطلع أسرار بيتي وبعدين بالعقل مين بيغلط برساااله ويرسلها لاأحد ثاااني خااصه إني تعباانه في كتابتها وكنت أبكي لمن كتبتها يعني كنت عااارفه برسلها لمين !! ونزليلك دمعتين وإخرجي من عنده وقوليله قفل الموضوع خلاص أنا قلتلك اللي عندي << تكلمي بإنكساار وخلي عيونك فيها دمووع ~