زوجي والماركات

[ice-girl]

بنات خير ان شاءالله الحين البنت تتكلم عن اسلوب زوجها ان شاءالله شرت بمليون

انتوا شكو؟؟؟بالقيمة..ياناس العالم مستويااات احنا بديرتنا والله الالف مثل الريال

يعني غصب عنااا من غلاة الاشياء صارت هالامور عاادية..

وبعدين خل تلبس وتستانس اش ماخذين من الدنيااا؟؟؟

ودام يقدر خير ياطير لا دفعت هالمبلغ احسن من مايجمعه وعقب يدفعه على حبيبة القلب

والا يجيب فوق راسها وحده قد ماتقدر الوحدة تتمتع بفلوس زوجها لاتقول بخلي

للمستقبل هذي مهمته مو مهمتنااا واذا فكرنا نجمع مايحتاج نبشر وانا معوده خطيبي

اني اصرف وماابخل على نفسي ومااخلي شيء بخااطري ليش الواحد يضمن يومه

لبكره اهم شيء ان راضية ربي ونفسي ومااسوي شيء غلط والله انعم علينا...

والبس ماركات حتى اجيب له هدايا ماركة عشان يدري ان الدنيا كذا وهو مايقصر..

وبقولك بالنسبة لزوجك عودية شوي شوي يعني مو تشطحين بقيمة يشوفها غاليه

يعني اذا عنده عادي شنطة 1500 مره خذيها ب1900 وشوي شوي لين يشوف

الاسعار تزيد غصب..والمفروض ماتجادلتي معاه كان قلتي بدلع وانج زعلانه

كذا تقول لحبيبتك والله لو اشوف شيء بهالقيمة لآخذه لك ومااشوف غالي الا يرخص لك

وسوي نفسك حزينة وطالعيه بنظرات حزن وروحي خليه...

يمكن يفكر بينه وبين نفسه ويتحسف ولما كان معصب المفروض ماتتكلمين معاه سكتي

لين مايهدي وطالعيه بنظرات حزينة وروحي خليه...

قولي عقب الكل مدح شنطتي وقالي ماشاءالله الله يخلي لك زوجك..:cupidarrow:

شركيه بالفضل في الامور اللي تحبينها والناس تنعجب فيهااا رجعي الفضل له..

 

[عذاريب]

مشكوووووووووووووووووووووووووره ايس قيرل فديييييتج .. كلااااااامج عسل عالقلب الصراحه

 

[الحائرة جدا]

حبوبة انا عكس عنك مع اني احب الماركات بس مااحب اشتري اغلى من قيمة معينة يعنى حدي 5000درهم لاني بين كل فترة اشتري بس زوجي الله هداه يجيبلي وايد غاليات مال 7000 و8000 تخيلي اخر وحدة جاب لي 10000 بغيت اجن وزعلت منه وقالي مرة ثانية لما بيجيب مستحيل يخبرني السعر خخخخ
فانتي سوي نفس الشي اشتري بس لاتخبرينه بالسعر او خبريه واختاري الوقت والمكان المناسب وقوليه بالدلال شوف الكل بيعجب بشنطتي وبيعرفون ان زوجة فلان انيقة وذويقة بيستانس على عمره وقوليله اذا ما عجبتك ترا برجعها بتكسرين خاطره ويقولج فداج (انا اسوي هالحركة لما اشتري ساعة غالية)
وربي يوفقكم

 

[عذاريب]

مشكوووووووووووووووووووووووره حبيبتي الحايره جدا حبيت ذكائج الصراحه اني اختار الوقت واقوله الله يوفقج ويسعدج وياااا زوجج انشالله

 

[تلميذة عائشة]

عذاريب ...انا مقدره وضعك ...وفعلا شي يقهر...مدام هو مقتدر ..ليش يستخسر فيني الفلوس ؟؟ ..وهو يشتري اللي يبي ومايسأل عن السعر ..

وبالنسبه للبنات ....ليش انتوا تركتوا الموضوع وقعدتوا على سالفة شنطه ب(3000)!!!!...وبعدين الناس مستويات ...وهي مدام زوجها مقتدر واهله واهلها هذا مستواهم ليش مايبيها اتعيش في نفس المستوى

وان الله ايحب ايشوف نعمته على عبده ...عادي حبيبتي ..من حقك اتعيشين في المستوى اللي حواليك

وانت اذا قال لج ليش هالتبذير وليش هالاسراف ..قولي له (حبيبي ادري انك ماتقصر ..وحبيبتك مايغلى عليها شي )

وثاني مره لا تروينه كل شي تشترينه ...واذا قال وااايد ..قولي تبي الناس اتقول مرت فلااان ماتعرف تكشخ ولا مرت فلاااان مب من مستوانا

ثم لتسئلن يومئذ عن النعيم

اخواتي اتمنى تقرأن عن زهد الرسول صلى الله عليه وسلم وهو قدوتنا

كان يلبس الخشن من الثياب وينام على الحصير ويربط الحجر على بطنه من شدة الجوع

لاتقولن هذا الرسول بابي هو وامي وروحي اقرأن زهد الصحابة وامهات المؤمنين

اختي تشيكي وخليكي انيقة فان الله جميل يحب الجمال واذا هذا مجتمعك خليك قدوة صالحة

ولاتسرفي لاتسرفي لاتسرفي وتسالين عن مالك فيما انفقتيه تخيلي تقولي لربك اشتريت شنطة ب3000
عشان مجتمعي كذا اتمنى انا نحاسب انفسنا قبل ان نحاسب

اتمنى وصلتك الرسالة وكل البنات :shiny:

 

[haven]

لا تضاقين حالج السالفه مو مستاهله والرجال كلهم نفس الطبع
انا برغم اني موظفه والي راتبي الخاص لمن اشتري لنفسي وعيالي
اشياء غاليه يعصب علية ويسمعني كلام لين ما ينبط جبدي واجلس
الوم نفسي والحين تعودت فخليج طبيعيه مصيرج بتعودين

 

[ام الاقمار]

اذا كان انها بفلوسك اشتري الي تبغين ماعليك منه (من درهم لمليون ) وماهو لازم تعلمينه بكل شي تشترينه لكن اذا كان هو الي يعطيك المصروف احس صعبه لازم تراعينه شويه وتصرفين بإعتدال زي ماهو يبغى ترا الزم ماعليك هو لو تغير عليك او زعل منك بتكرهين نفسك والأشياء الي شريتيها - وبرضه بذكرك زي ماقالوا البنات بالأسراف وضرره عليك وعلى بيتك وحياتك
يعني لابد تغيرين من تفكيرك شوي الله يوفقك ويرزقك بالمال الحلال الطيب المبارك فيه -
والي ربي يرزقها بالمال تدعي بهذا الدعاء >>>>>(اللهم اجعلها في ايدينا ولا تجعلها في قلوبنا)


اخيراً لاتصيرين زي ماقالوا المصريين (الي معاه قرش محيره يشتري حمام ويطيره)>>>>>امزح لا تزعلين
ومثل ماقالت (المهبوله) لو اقول له اشتر لي شنطة بـ3000 بيموووووت ضحك لآنه مستحيل هههههههههههههههههههههههههههههههههههههههه .

 

[البدووور]

هلا حبيبتى بصراااااحة لو نفكر فيها شوى
نصرف 3الالف درهم على شنطة شو الفايدة
لو بلحظة احتجنا لمبلغ فجاااة بتنفعنا الشنطة ؟؟؟
صدقينى انا نفستج يعطينى ريلى مصروفي الشهرى و
احب واموت على شي اسمه شنط واحذية
ولا بعد ما بحب اشترى الا ماركة وعاااادى ما يقوللى او يعاتبنى
على السعر يقوللى براتج بفلوستج سوي اللى تبين
.. لكنى احيانا احتاج للمبلغ
يوم افكر فيها اقول شو الفايدة عاد من اللى اشترته
والله حريم يشترن شنط عادية و تقليدية لكنها حلوها
بس سبحان الله كل حرمة تختلف عن الثانية
يعنى عقول حريم خخخخخخخخخخخخخخخخخخخخخ

 

[دانة الامارات1]

خخخخخخخخخخخخخخخخخخخخخخخ
عادي عادي اختي عادي.....
كل الريايل جذي خاصه لما ينضغطون على اخر الشهر......:bigsmile:
انا جربت مع ريلي كانت اريد شنطت غوتشي و قالت له اريد هذي الشنطه حلوه دخلت خاطري
ماشفت ويها بعد لما شاف السعر اتلون ,,, اخضر احمر ازرق اسود,,, بعدين قال لي ان شاء الله خير بس مره ثانيه .... قلت له اوكي ........ عاد انا بعدها طلعت مع خواتي وخذت له نعال (وانتو بكرامه) من بشروتي ,,, خخخخ انسى اسمه الي شكل سيف.... بالشي الفلاني ...طبعا قال لي ليش وما ليش و الي عطيتج لج و مادري شو,, عاد انا قالت له ما يغلى شي على ريلي حبيبي,, شكله بعدها قفط عسب جذي ... سار ع بدايه الشهر و لما رجع شفته شايل كيس , بس لما فتحت الكيسه شفت شنطه ثانيه و ماركه ثانيه CH بس نفس الشكل الي كانت اريده,,, عاااد انا ما سالته ليش... هو قال لي شفتها نفس الشكل و بعد ماركه بس فرق السعر... قالت له مو مهم, كل شي منك حلووووو..,,,اوني ادهن سيره)... بعدها طلع لي كيسه ثانيه فيها مبايل ايديد :sly:..... و قال بدل مابايلج الي خترب........ بعدين قالت له اهاااااااااااااااااااااا عسب جذي ...... :shiny::shiny:
و بعدها قال لما اكون قادروعندي ايب الدنيا كلها لجل عينج ..............جان اصدق عمري :clap::clap:

هذا معناته مووووو بخل بس هم يفكرون بطريقه ثانيه
و ع فكره هذي اول مره اطلب منه شي بس لما طلبته منه بدلع و حركات
فاجربي انتي هذي الحركه يمكن تمشي مع ريلج ......​