زوجي .. والماااااااااضي السحيييق ... آآآآخ ياقلبي الحزين ..

س

ساره خانم

New member
إنضم
2010/10/28
المشاركات
11
السلام عليكم ورحمه الله وبركاته .

حبيتكم:32:


<< ردودكم مررريحه ومنطقيه وحبيت تسااعدوني وتشيرون علي :8:

انا ابلغ من العمر 26 سنه ... تزوجت وعمري 17 وتطلقت بعمر وبعد 3 سنوات تزوجت زوجي الحاالي اللي جنني وخلا ليلي نهار ونهااري ليل ..:25: هو متزوج وعنده كومه اطفال ماشاء الله وبينه وبين زوجته مشااكل انتهت بالطلااق واطفالها معاها ... المشكله شنو << اهيء اهيء احس ودي اصاارخ

المشكله انو زوجي يعايرني بطلاقي ويقولي احمدي ربك اللي خذيتك ولولاي كاان انتي طاايحه عند اهلك وماافيه احد طق باابك غير ي والله ياابنات مستكثر نفسه علي ومتكبر مااسك طلاااقي عيااره لي ذبححححححححححححني وانا حيه والله انها اغلب الاوقات احس في نظرته الدونيه لي ويحااول يوصل هالفكره قد ماايقدر ويقولي بتزوج بنت واللي قبلك فتحت عيونها علي ومااشاافت غيري ومن هالكلاام اللي يقطع القلب كااان ودي من زمان افتح قلبي لاحد واعلم النااس كلهم بنظره السيئه لي .. الى متى ياابنات بتحمل هالعباارات كل مااصارت مشكله قااال .. انتي ما تستااهلين احد يفتح لك بيت ويضفك << كأني جاايه من الشاارع:icon1366: تعببببببت ..

عندي مليوون سؤال .. ليه ارضى بهذي الاهاانه .؟؟؟ ليه اتحمل علشاان عندي منه بيبي واحد بس؟؟؟ ليه اسكت علشاان يصدق انو مااحد بيااخذني غيره ؟؟

احس مسح بكرامتي الارض .. احس بطعم المراااااااااره معااه..:8::8: شنو اسوي ارجع الزمن للخلف ؟؟ الوم طليقي اللي تسبب لي بهالوضع؟؟ عن جد ياابنات انا احس اني بحااجه قرار حااسم يريحني للابد:8:

معلومه ... اهلي نااس محترمين ومرتااحين ولله الحمد ومعززيني لاقصى حد الين هذا اليوم ولله الحمد جميله وجاامعيه وطمووحه واسعى لتطوير نفسي ... وهو عكسي تمااما ولله في خلقه شئون ويجي بهاللحظه ويكسرني واحد مثله آآآآآآآآآآآآآآآآآآآآآآآآآآآآآه :8: شوروا علي ادفن عمري معاه ولا اتركه ... اااخر اهاانه لي كانت البارح ومو قاادره اطالع بوجهه احس اني بموت منه ابي استرجع كرامتي بااي طريقه وهل لي حق في اني اهجره ..؟؟


انتظركم يالغاليات على احر من الجمر..
 
ياااابعد عمري انتي
الشكوى لله
انا اشوف انك تعزين نفسك ولاتسمحين له انه يهينك
وتاخذين موقف وتخلينه يحترم نفسه
قولي له محد صبر عليك مثلي شف زوجتك الاوليه ماصبرت عليك
لاتنكسرين خليك قويه
ومدام اهلك عازينك ليش ترضين بذله
اللي خلقه خلق غيره وخليه كلام الناس وراك والزم ماعليك كرامتك
والله يكتب لك الخير ومافيه ياحبيبتي​
 
الله يكون في عونك بس جربي تروحي عند اهلك وتشرحي لابوك الموضوع واذا جا بيرجعك تخلين ابوك يشرط عليه احترامك ولا قلعته قولي له انا مو في حاجتك انت اللي جيت وتزوجتني
الله يسخره لك ويرده ردا جميلا ويصلح الفاظه
 
حبيبتي خبري هلج عن الموضوع و لا تسكتين .. هو باين انه بطران و شايف نفسع عليج بس صدقيني الحقيقة انه ميت من الغيرة منج .. و بكلامه هذا يبي يحطم معنوياتج ..... لاتسكتين الغالية خبري حد كبير من هلج و يشوفون معاه حل .
 
السلام عليكم ورحمة الله وبركاته

اختي الغالية لاتخلي كلامه ياثر عليك هو يغار منك

واذا قالك انك مطلقة قوليلو للمعلومية انا اللي طلبت الطلاق وكنت بعمل خلع بس رافة بحاله قلت يالا الطلاق احسن

وقوليله انت جيت وانت عارف اني مطلقة مااحد جبرك ياحلو وياحبي وياعمري مو باسلوب مشاكل يعني

وبعدين ليه توجعي راسك بكلامه دخلي من اذن وخرجي من اذن انت وضعك احسن منه في كلا الحالات سواء بقيتي او ابتعدتي عنه ويمكن مزجه ثقيل يمزح معك

وقوليله انا بجمالي وثقافتي ومطلقة وجبتك وبقدر اجيب غيرك بس انا ماابغاك الا انت

واذا زود في الكلام قوليله اذا ماانت مرتاح او ماتبغاني قول لانك تردد الكلام هذا كثير بعدين انا وانت في الهوى سوا حتى انت مطلق

المهم لاتخلي يسيطر عليك هذا الكلام وطنشيه ولاتعبريه

الله يسخر لك زوجك ويهديه

​
 
ردي عليه

انت بعد لك تجربة قبل ولا بعد كومة بزران

يعني مو انا اول تجربتك

لاتفتحين له مجال باهانتك خاصة اذا كنت محترمة معاه

ولا تستعملين زي الفاظه

استعيني باهلك الله يخليهم لك
 
أنا مع الاخت مشاوير خاصة انك لازم اتبينين له انك قوية

بس بشرط من دون ما اتعصبين اتردين بثقة ومن دون ما تجرحينه

مثلا تقولين له انك ما انت طايحة مثل ما هو فاهم
وممكن اتقولين له بأنك لو ما كنت محتاج لزوجة ما كنت خطبتني
انت اللي طقيت بابي لأنك اتعرف من هي "سارة خانم"

اخت تعلمت من الاستاذة ناعمة انه الزوج ينتقد لما يفقد اعجابه بزوجته ، انت اتعرفين زوجك تأملي حياتك ممكن في شيء هو يريده منك ومب عارف كيف يطلبه منك؟
اقرئي موضوع بوصلة الشخصية وشوفي زوجك من اي الشخصيات وحاولي اتغيرين من حياتك على حسب نمطه

يا اختي ربنا حبا المرأة بالقدرة على التخطيط والكيد حتى تكسب زوجها ، وان شاء الله راح تقدرين اتغيرين من معاملته معاك بالحكمة والصبر

ربي ييسرلك امورج ويسعدج
 
زوجك شمالي ابولسان سليط خبرة به
انصحك اقري عن الانماط واعرفي شخصيتك وشخصيتة علشان تتعاملين معاه
صح .. وهالنوعية يبي له وحدة قوية تردعليه ومايسمح له باهانتها ابدااا
ولقال لك مرة ثانية قولي ماني ميتة عليك الف من يتمناظفري والاان من يتحملك ؟
زوجتك هربت وشكلي ابخليك مثلها ..
ارجع واقولك اقري كثثير على الشمالين لانة هالنوعية لازم تتوقف عند حدها
وتتربي من جديد والاتماااااااااااادى
تبين اربية لك ماعندي مانع اساعدك لمايعرف ان الله حق ​
 
هههههههههههههه صح لسانك يا إحساس إمرأة ... كل هذا غيظ من الشمالي وه ياقلبي بس وه
سوي زي ماقالي إحساس ومابتندمي
 
سبحااااان الله
هذا الطبع الي بالشمااالي>> ابو طبيع ماايجوز عن طبعه
يبغى يحطم شخصيتك لايهمك ردي عليه مثل ماقالوا الاخوات وانتي واااثقه
 
اولا استعيني بالله سبحانه وتعالى

ثانيا انظري الي نفسك بالمراه واجعلي نفسك اجمل نساء الكون

ثالثا الكرامه ثم الكرامه ......................يقول الشاعر بلدي وان جارت علي عزيزة ......واهلي وان حاروا علي كرام

رابعا اتنمى لك التوفيق يانجمة في السماء ​
 
قربيتي قمر وذوق ومثقفة وزوجها عنده قصر نظر ودايم يكسر مجاديفها
ويحطم فيها تعالي شوفي اسلوبه كيف دفش معاها واهانات وتعيير
وشايف نفسه اعلى منها على ايش مدري؟؟؟؟
المهم صبرت وقالت بيتعدل وان عندها بيبي واحد
ومرت الايام وكبر البيبي وجى الثاني والثالث والمسكينة صاااااابرة وراضية بالهم
حتى هواشه وخناقه وتهزيه لها قدام الكل ترفعت عنه
ماخلى عيب بالدنيا ماحطه فيها ومايقدرها ولايحترمها
آخر شيء تعبت نفسيتها تدمرت منه والاولاد صاااارو عصبيين وعندهم مشاكل وعقد
وبالاخير ماتحملت وانفصلو
انا ماخوف
ولا قول ان مالك الا خيار الانفصال
بس لاترضي بالذل مهما كان
انتي قولي له شيء واحد وكرريه عليه
البنات مالين الديرة ليش أخترت مطلقة ؟؟ إذا لهاالدرجة ندمان على زواجك مني محد جبرك ؟؟
خليك قوية لاتنهزمين قدامه
يشيخة لاتبين ضعفك ولاتسمحين له يهز ثقتك بنفسك تراه مغرور بس عالفاضي مثل الطاوس مغتر بكم ريشة انتي ملكة افتخري بنفسك ولاتقبلي تكوني اقل من الجارية عنده​
 
جد هالرجال يرفعون الضغط مايستاهلون المراة السنعة ربي يكون في عونك
 
قال وش حدك على المر قالو الي امر منه
حبيبتي هذاالمثل ينقال للي ما عنده خيار احسن من الي عايش فيه!!!!!!!!!!!!!!!
بس انتي تقولين ان اهلك عازينك واذا هم فاهمين والله لا اروح بيت ابوي واخليه يتادب ويحس ان بنات الناس ماهي لعبه له ولغيره
وحسسسيه ان الطلاق مو عيب ولكن العيب طول السان وعدم احترام الاخيرين وبعدين بعض الرجال يحس ان المطلقه ماله رب والاحق ولامشاعرررررر
وانه نكره في المجتمع؟؟؟؟؟؟؟؟؟
ولكن يايا عزيزتي اذا ماحترمتي نفسك وعزيتي روحك لاتنطرين من الناس تحترمك لازم حبيبتي تعتزي بنفسك وتفتخري بنفسك حبيبتي انتي احسن منه علم وخلق
على كلامك
 
يااااااحياااتي انتوا والله ... ريحتوني مرره وعزيزتي اللي تقول اهم شي الكراامه يااقلبي موهذا اللي ذبحني اذا هو على شين اطباعه ووضعه يقول عني كذا وش خلا للي بعده يعني الخياارات اللي قدامي كل مالها بالاسوأ اقدر اروح لاهلي واعيش عندهم وبعديييييييين؟؟ّ!! انا امرأه واتمنى يكون لي زوج يصوني ويراعي مشااعري ...آآآآخ بس البنات يصيحون ويقولون نبي نتزوج لو نتطلق ثااني يوم اهم شي احد يسمعني كلمه حلوه بالحلاال ..ّّّ!!

صدقوني ياابنات رديت عليه وقلت له اذا قصدك اني تطلقت وانت اللي انقذتني .. انت غلطااااااااان .. لولا اني تزوجت قبلك ولد كاان انا مو عندك الحين !!! بس صدق اللي قال مصاائب قوم لقوم فوااااائد .. وانا ماايرضيني اشوف عمري يروح واهلي عيونهم علي شفقاانه ابوي منى عينه الله يخليه لي يشوفني في بيت زوج مريحني ومكرمني بس أأأأأأأخ كل يوم وانا عنده بمشكله والله طاااح وجهي من اهلي ودي اريحهم واطمنهم علي بس مو معطيني هالحسود فرصه !!! كاانه يتلذذ يوم يشوف ابوي مهموم ويفكر فيني .. حسبي الله ونعم الوكيل بس
 
روحي اتركيه اللي خلقه خلق غيره الحمد الله الذي عافانا مما ابتلاهم به استغفر الله ناس ترفع الضغط
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل