زوجي والصور الخليعة

[مروة41]

مساء الخير حبيباتي ، احب ان اطرح عليكم مشكلتي واباكم تساعدوني، المشكلة انه اليوم فتحت ايميل زوجي وحصلت بعض الصور الخليعة لعارضات ازياء وبعض المناظر الخليعة مطرشين له من ايميلات اخرى طبعا انصدمت كثيريوم شفت الصور خاصة ان زوجي انسان ملتزم بالصلاة وثاني شيء انه مو راعي خرابيط المهم انا مسحت كل الرسائل الي فيها هالصور بدون ما اخبره بس الحين ما اقدر اتعامل معاه طبيعي ما راح ارتاح الا ما اواجهه بس ما اعرف كيف اواجهه خاصة هو يعرف اني ما اعرف الباسورد ارجوكم ساعدوني اواجهه ولا لا وكيف اتعامل معاه لاني خلاص يعني ما اعرف ليش يشوف هالشيء مع اني مو مقصرة معاه بشيء ابدا ساعدوني الله يخليكم لانه ملاحظ علي التغير وكل مرة يسالني ايش فيك وانا ساكته بس اطالع فيه ما اتكلم

 

[قطـــــريه]

عاااااادي جدا .. ولا تخبرينه ولا تواجهينه لانج لو سويتيها بتكون اكبر غلطه تسوينها .. وكل الرياييل يشوفون صور وافلام وهاي طبيعي للاسف ..

 

[الجواااان]

والله ياقلبي مافيه رجال مايشوف مثل ذا الخرابيط الا يشوفون بعد مقاطع اباحيه بس ماباليد حيله الله يهديهم ويسخرهم لناا يااارب

 

[...الحب...]

الله يعينك ويعننا جميع الكل يعاني من نفس الشي
لكن حاولي تبردين قلبك شوي
حتى وان كان زوجك موسيء اصحابه هم للي يورونه
عشان كذا نقولك عادي
واكبر غلط انك تواجهيه لو واجهتيه بقول خلاص عرفت وبيسوي اكثر
لكن حاولي تعالجي الموضوع بطريقه غير مباشره
يعني بقصه اورسايل ايميل
تبين حكمها وجزاء اللي يشوف صور خليعه
والله يهديه ويسخره ويصبرك
حاولي تكون في ايحائات ايجابيه اذا كنتي متأكده انو مايدري انك عرفتي
مثلا قولي قصه من راسك طبعا عن الصور وان زوجته عرفت وانو صار وصار ...
طبعا كلو بكش بس توصلي اللي تبين من خلال القصه
وبعدين قولي الحمد لله ربي رزقني باحسن انسان واشرف انسان ووووووووانا متاكده انك مستحيل تسوي كذا
يالله الله يعينها ولايبتلنامن جد حاجه تعور القلب .......الخ
ومن هالكلام وانت وشطارتك والله يثبتك​

 

[مروة41]

اختي قطرية واختي الجوااان اشكركم على ردودكم الطيبة بس انا ما اقدر اسكت احس اني مقهورة صح هو ما شاف مقاطع اباحية بس صور حريم شبه عاريات تقريبا

 

[مرام84]

الله يهديه ويهدي زوجي نفس الحاله

للرفع

 

[miss-dl3]

حبيبتى شى طبيعى انتى الا علييج اتسوينه تنصحيه لوجه الله بدون زعل
والله يهدى ريايلنا