زوجي والشك!!!1

[لحظة امل]

غاليتي اعضاء المنتدى الرائع :in_love:

بسألكم سؤال غريب شوي بس طالبة منكم تساعدوني مهما استغربتوا من السؤال


شلون اخلي زوجي يشك فيني ؟؟؟؟؟؟؟؟؟؟؟؟؟؟؟؟؟:exclamationpoint:

لا تقولون هذي خرفت الظاهر :1eye:

بس محتاجة آرائكم للأهمية


والمعنى في قلب الشاعر :msn-wink:



انتظر ردودكم ولا تطنشوني

:bye1:

 

[نسائيات]

اختي لا تخلين زوجك يوصل للشك فيك لانك راح تتعبين
بس بعطيك طريقة
يوم بتطلعين معاه خل اختك او اخوك يدقون لكم نتلفون شيل التلفون وهو في الشنطه وشوف لرقم وسكري بدون تعليق وطبعا كوني متفقه معاهم انهم بعد ما تسكرين في وجههم يرسلون رساله اتصلي شو فيج مشتاقين
وطبعا لا تسفين الرقم خليه مشجهول وغير معلوم
يوم بشك وبهاوش خليه يتصل ويتفشل انه اخوك واو اختك
بس يوم بيوصلك المسج ابتسمي واقرئيه من داخل الشطنه بدوم ما تطلعين التلفون
يالله بس لا تدعين علينا اذا ريلج شك وخرب عليج الدنيا

 

[LaSt WoMeN]

لوووول حكاوينا مانتي هينة

اخاف نعلمج و نستاثم فيج ههههه

بس اذا تسمحلي اخت حكاوينا بضيف نقطة على خطتها

و اهي انج تروحين الحمام – و انتو بكرامة – و تتكلمين بالتلفون صج و تطولين ..

ساعتها يمكن يدق عليج يعيلج – يقولج خلصي بسرعة – و يلقى عندج مكالمة ثانية !!

كلمي اهلج مثل ما قالت حكاوينا ..

و اذا طلعتي .. حاولي ترقعين حق روحج .. " آآآ " و ما " آآآآ " يعني متوهقة ..
و بعدين قولي له خلنرد البيت ..
و الا أي شي يعني كأنك تحاولين تلفتين انتباهه عن المكالمة هههه ..

واي عاد قولي شالسالفة و ليش هالحركات ...
يمكن نلاقي لج خطة أحلى و ما فيها مخاطر و لا آثام

 

[ام العبابيد]

شوفي مسلسل هناء وجميل الجزء الاول



جميل يحاول بشتى الطرق انه يخلي هناء تشك فيه لاكن الحرمه كلش كووووووووووووووووول


يمكن يفيدج

 

[aldana]

ههههههههههههههههههههههههههههههههههههههههههههههههههههههههههههه

خلي جوالك على الصامت أو تيت وحده ... وأطلبي من خواتك كلهم يتصلون في كل وقت وبأي وقت حتى لو نص الليل ..قبل لا ينامون ...وإياك تردين وزوجك عندك
قولي مالي خلق ههههههههههههههههه يبي ينجن وأول ما تنامين يبي ينقض على جوالك مثل الفريسه ... بس خلك أقوى منه قبل لا تنامين

قفلي جوالك برقم سري ههههههه خليه يولع ويجي يسألك .... وساعتها كوني بارده وقولي مافي شي وتدلعي بقووووه وقولي أنا مزاجي رايق ولا أبي سواليف مع أحد .... وإذا دخل للحمام ردي هههههههههههههههههههههههه

وأول ما تشوفيه أجبرك على الرد قدامه تأكدي أنه بدأ يخاف .

 

[لحظة امل]

ههههههههه

والله ضحكت من قلب حبايبي

عاد اتصدقون بعضهاكنت مسويتها بس مايشك ابد :smoke1:
ام العبابيد صج قلبج على قلبي قاعد من شوي اقول في حاطري كأني جميل وهناء :blow:

بس صدقوني اذا قلت لكم ابيه يشك من الزين من الحار يعني :flex: :icon28:

اهو الحين مسافر وماكو فايدة لين رجع بسويها :smoke1:

بس اللي افكر فيه الحين اني ادز له مسج بعدين ادز له الثاني واقول له بالغلط كنت مطرشته لخالي او لأمي <<< لأنهم معاه بالسفر :santa_1:

ها شرايكم بالفكرة

لا تخافون ترى ابصم لكم بالعشرة ان مفعولها ضعيف :icon1366:

 

[some1]

لا تعليق ،، يمكن يكون لهالموضوع مردود سلبي و ليس ايجابي ، طبعا" يعتمد على شخصية الزوج ،،
وحفظك الله ،،

 

[aldana]

والله some1 معاها حق انتبهي حبيبتي لنفسك ... حتى لو زوجك من النوع المتبلد المشاعر ولا حس تأكدي أنه يبي ينجرح بكرامته وهذا مردوجه سيئ والله ..

كثير من صاحباتي كانوا يطلبون خطط مثلك تحرك الزوج وتلحلحه ...كنت أعطيهم من أفكاري الذهبيه هههههههه بس أنصحهم بالحذر ..

يعني لا تزودينها بحجة أنك تبينه يحس ...تراه يبي يحس من أول محاوله بس سكوته يعني أنه محترمك ويثق فيك . فلا تخسرين احترامه لك .

عطينا وش مشكلتك بالضبط وحنا ممكن نساعدك على أساسها وبشكل أفضل . وإذا تعرفين نمط شخصيته خير وبركه .

 

[لحظة امل]

والله some1 معاها حق انتبهي حبيبتي لنفسك ... حتى لو زوجك من النوع المتبلد المشاعر ولا حس تأكدي أنه يبي ينجرح بكرامته وهذا مردوجه سيئ والله ..

كثير من صاحباتي كانوا يطلبون خطط مثلك تحرك الزوج وتلحلحه ...كنت أعطيهم من أفكاري الذهبيه هههههههه بس أنصحهم بالحذر ..

يعني لا تزودينها بحجة أنك تبينه يحس ...تراه يبي يحس من أول محاوله بس سكوته يعني أنه محترمك ويثق فيك . فلا تخسرين احترامه لك .

عطينا وش مشكلتك بالضبط وحنا ممكن نساعدك على أساسها وبشكل أفضل . وإذا تعرفين نمط شخصيته خير وبركه .

حبيبتي ماعلي عطيني من افكارج وانا قابلة بالنتايج
ترى صدقيني اذا قصده من مشاعره احترام مابيه عافاني الخاطر

قولوا لي شلون احرك اعصابه واهو مسافر !!!؟؟؟؟؟؟؟

بليييييييز لا تردوني

انا ابيه من خلال الشك يصير عنده غيرة فضيعة :icon26:
صدقوني انا محتاجة لكلمة لااااااااا خوف علي في حياتي :sad_1:

 

[جروووح]

غرررررريب امرك :sad_1:


اخاف بكره تندمين


نصيحه خليه ثلاجه وتمتعي بدلاخته

الرجال اذا غار بركان مايطفى :busted_red:

 

[لحظة امل]

غرررررريب امرك :sad_1:


اخاف بكره تندمين


نصيحه خليه ثلاجه وتمتعي بدلاخته

الرجال اذا غار بركان مايطفى :busted_red:

حبيبتي ماغريب اللا الشيطان

بس انا ابي اوعي قلبه شوي:icon26: خل يسمع في وحدة يمه تنادي ياعالم ياهووو انا هني :bye1:

ماابي حرية مفتوحة

ابي انسان يغير علي لو شووووووووووووووووووووووووووووووووووووية:in_love:


افهموني لو للحظة

المرأة لما تحس ان زوجها يغير عليها بحدود المعقول طبعا معناتها تحس انه يحبها

وانا ابي هالاحساس :tears:

 

[aldana]

طيب شوفي هالفكره .... بس ترى ما علي منك ههههههههههههه

الأدوات .... شماغ ... وعقال ... وكوره ... وكنبه ظهرها على الباب ...
بطاقة مشروح بها أن الموضوع مقلب وترسمين عليها وجوه ضاحكه .

اليوم اللي زوجك يبي يرجع من السفر تخبي بغرفه ما بالبيت ... غرفه ماهو متعود يدخل عليها باستمرار ويفضل أنها تكون بالدور العلوي لأنه أكثر خصوصيه ...

أول ما يدخل البيت ويجلس يبي يدور عليك ...خلي الشغاله ترد عليه بسرعه ... صديقك فلان تو جا يسأل عنك ... ما شفته ؟

يبي يقولها وينه ؟

تبي تقول الشغاله ما أدري أظنه طلع فوق .

وهو يسأل وين المدام ....... تقوله في غرفتها .

يبي يروح بسرعه يشوف صديقه .... وبراسه ألف سؤال !!!!!! كيف يتجرأ يطلع فوق ...ويبي يفكر بمليون سؤال ومليون تعجب .


حضرتك تكونين جالسه على الكنبه ...ويكون الباب خلفك ... وشايله جنبك الكوره ...وملبستها شماغ وعقال ...خخخخخخخخ
وشيليها بطريقه ذكيه .

ولو عندك كاميرا تصورين ردة فعله .... وتمسكين بيدك بطاقه وتكتبين له عليها ... حبيبي هذا مقلب أتفقت مع الشغاله عليه ... عشان نضمن تصديقه لك .

وأهم أهم أهم شي أن الموقف ما يزيد عن ثواني .... احرصي يا بنت الناس ترى الحركه ممكن تفقده وعيه ويقوم يفتت عظامك حتى لو عرف أنه مقلب ههههههههه انتبهي وانتي ادرى بطبع زوجك ...

 

[بنت الاجواد]

انا زوجي يشك فيني بدون سبب


يتابع نظراتي وحركاتي ويفتش انت بعد خروجي

وممنوع الشات والمنتديات المختلطة
وووووو

اشياء كثير ليش مشيتك كذا ليش تشوفين السلسلات المكسيكيه

وليش تابعين اكديمي ستار وليش وليش وقائمه تخليني اهد البيت وانحاش صرت ابي شويه تهويه اختنقت

 

[LaSt WoMeN]

حسسيه انج كرة من لهب
_اعذروني لازم اوضح أكثر _
يعني محتاجة اشبااع جنسي .. و انج مااا تدرين شبتسوين اذا ريلج راح ..
يعني قد ما تقدرين اخذي حقج تاالت متلت على قولة اخواننا المصريين ..

و قولي .. وااي انا شبسوي لي رحت عني ما اقدر اعيش جذي ههههههه

عل و عسى يحس ... و يفهم .. و يتلحلح

 

[نسيم الربيع]

أنا حابه أسألك سؤال
أنت تريدين زوجك يشك بك ؟أم يغار عليك؟
لأنهما متناقضان
الشك غيييييييير والغيره غييييييييير
الشك أنه لا يأمن على بيته معك ولا يستطيع أن يؤمن عليك بالجلوس لوحدك بالبيت وإحتمال تصل إلى الطلاق
أما الغيره فهي رائعه بمعنى الكلمه وهي أنه يحب أن تكوني له لوحه وأن تلعبي معه لوحده وأن تمزحي معه لوحده أن تلبسي من أجله هو ..........إلخ
ويكون شعوره في وقتها حب وإحترام عكس الشك يكون كره واحتقار فانتبهي حبيبتي ولا توصلي الأمور إلى شك قد يحصل أمر عواقبه وخيمه

 

[لحظة امل]

مشكورين والله على الردود


عاد اتصدقون

امس دزيت له مسج وكتبت له


وين الرد وبكرة اخلص على الوحدة يالغلا:clap:

بعدين دزيت له مسج انه بالغلط مو له



عاد اتصدقون لا سألني ولا شي ولااهتم:sadwalk:

 

[aldana]

عاد يمكن أنت شينه وواثق ماراح يناظرك أحد خخخخخخخخخخخخخخخخخخخ ترى وربي أمززززززززززح

بس أنا حطيت لك طريقه تخلي القطو يصير نمر ... ههههههه جربيها

 

[لحظة امل]

عاد يمكن أنت شينه وواثق ماراح يناظرك أحد خخخخخخخخخخخخخخخخخخخ ترى وربي أمززززززززززح

بس أنا حطيت لك طريقه تخلي القطو يصير نمر ... ههههههه جربيها

حبيتي
انا مابقول اني حلوة

بس لو اقول لج ان ربعه يتغزلون بجمالي له واهو مستانس موووووت

تيك كير عنده

على الاقل يقول لي انا اغار من كلامهم او لاتعطيه احد ويه او شي من هالقبيل يحسسني انه خايف لحد يبوقني منه :thumbdown:


ماكو مشاعر ابد ابد ابد

بعض ربعه ياخذون رقمي منه وهو عادي
انا اللي مااقبل

حتى الايميل عادي


كل شي اخذي راحتج

والله مو حلوة



بنت الاجواد والله اتمنى زوجي جذي يصك علي

اللاااااااااااااااااااه والله شعور حلو :bleh:




عندي خطة بكرة بنفذها


بقول له فلان اللي تدربت عندهم في الشغل عازمني على عشا شنو رايك :essen:



وبقول لكم النتيجة :harhar1:

 

[aldana]

سويتوا اختبار أنماط الشخصيات ؟

 

[&زهور الياسمين&]

والله غاليتي أنا ضدك بهذا الرئي

ولكن عندي سؤال هل معنى كلامك أن زوجك ديوث ام أه يثق بك ثقه عمياء

هناك فرق

فالثقة لا تستوجب الشك أبدا والغيرة متفاوتة بين الرجال مثل ماهي متفاوتة عند النساء

فلا تبحثي عن شيئ ينغص عليك حياتك من أجل أن تتباهي بأن زوجك يغار عليك

إحذري ........


دمت بخير