زوجي والرومانسية

[سمرلاند]

عنقود عنب
ما اقول الا يا شين الشماليين برود وثقل دم اصيل...صعايدة...شرايكم نطلع لهم لقب..
"صعايدة البوصلة"..!!:icon28:
ودي افضفض فتحتي علي باب..
والله كانك توصفين حالي
فريييييييييييييييييييزر ولله الحمد...!!

 

[ماذا أقول]

تصدقون انا اليوم قلبتها هوشه من اسلوبه البارد
قلت له ترى انا مو أختك أنا زوجتك

 

[همس النديم]

ماأعتقد ان وحده تعاني مثل ما اعاني انا مع زوجي ..

بكل مناسبه الح له أحتفال .. الهدايا مني له ماتركت فكره

ولا طريقه ألا أبدع فيها له .. وحتى كلمة حلووووووووووو

أو رائع .. أنا اللي أقولها دق عليه .. يعني ( اللي يسلم يدينك

ياأم فلان فرحتيني ومشكووووورة على هالهديه !!!!)

بس عجزت وصرت أرضى بما قسم الله لي .. ولا أترك

التجدد في حياتي لاجل انه مايبادلني هالشي ..

يسر الله أمرك ..

 

[عنقود عنب]

هلا بحبيباتي ...اميراتي خواتي

امطار اختي ... ما تصدقين وش كثر مفتقده التعبير عن الحنية ..بالحضنة ...بالبوسة ...بمسكة اليد ...لكن وش اسوي

يمكن لي الان سنتين ,,, بطلت اسوي كل هذه الاشياء ...تبغينه يبادر ؟؟؟؟ ابدا ....حجر صوان ...

تدرين وش يخفف عني ..اني اتخيل اني احضنة مثل ما ابغي ..اتخيل اني اشمة .. اتخيل اني حط راسي على صدرة واشمة في رقبته ...واااااااااااي يابنات ...اتخيل و اتخيل واتخيل ..كثير من الاحيان تخنقني العبرة وينكسر خاطري على نفسي ...كثير اقول له انت خسرت اشياء كثيرة ببرودك ...يتبسم ..ما عنده جواب



ام اند امز ...والله اني اموت في هذه الشكولاته ..خوش اسم

اي اختي ... لا تتأملين كثير ...ما ابغي احبطك ...لكن هذا طبع فيهم ...يعني اذا لك خلق انك تزنين و تطنين عليه ...ينصلح لك يومين و تنبسطين وياة وبعدين يرجع لك مثل اول ...وترجعين تعيدين الزن والطن ويرجع لك حلو ثم ينتكس ..ما في مشكلة حاولي

لكن منهم ومن نفسهم ..ما اظن ...بو طبيع ما يترك طبعة

الله يعينك ويعيني

اختي الغيداء ...

والله ذكرتيني بهوشة وياه وقلت له احس بفراغ عاطفي ...طالعني و هو مستغرب ...وكان واضح عليه انه اول مرة يسمع هذا المسطلح وكلنه مستحي يسأل عنه ...

انت زوجك جريئ ....سألك



سمر لاند ...هلا بك يا قلبي

حلوة هذه صعايدة البوصلة ...خخخخخخخ

والله يتخيلي ان الصعايدة دمهم حامي مو برود مثل اللي عندنا

الله يا بنات ...تخيلوا لو يدخلون ازواجنا على هذه الصفحة ويشوفون وش نكتب عنهم ...؟؟؟؟ وش تتوقعون ردة فعلهم ؟؟؟خخخخ



نياف ...لا تتهاوشين ولا تحرقين دمك ...

هذا يا اختي طبع ...اذا بتغيرينه ..حاولي ما في مانع ...لكن بدون حرق اعصابك ...

و في انتظار البقية ...

احلى تحية لكم يا اميراتي

 

[أحب عائلتي]

السلام عليكم
خخخخخخخخخ هيجت مشاعركم وطلعت اللي بصدوركم:flex:
الله يجزان خير:blush-anim-cl:
والله ان اللي خفف علي ان فيه احد مثلي:no:
بصراحة انا ملييييييييييت منه وانا مالي الاسنتين ونص
وشلون ابتحمل 20 سنه
لاما أقدر:dunno:
تصدقون راح للحج وجا ما جاب لي هدية:icon1366:
يعني انا مبطية عنك ومشتاقة لك واخرته كذا:no:

عنقود عنب
ياليتهم يدخلون يشوفون وش معاناة حريمهم والله هالرجال أنانيين:icon28:
يبون كل شي ولا يسوون شي اف منهم

أنا أطالب ومن هذا المنبر الدكتورة ناعمة الهاشمي تعطينا وصفات علاجية لهالنوع من الرجال
ملينا من التخبيص والتجريب عليهم

يالله ارفعو ايدينكم طالبو معي:clap:

 

[*كباتشينو*]

يالله يابنات انا نسيت شي اسمه رومنسيه....وشورومانسيه :e136:وشو رومانسيه..وشو يا كباتشينو:e136:...ايه تذكرت اللي نشوفه بالمسلسلات:tears:...خخخخخخخ امزح معكم ياحلوين ..بقولكم شي لاتحلمون كثير والله جد لاتحلمون لانا مشكلتنا حنا الحريم نتخيل كثير كثير:c018: والرجال عمليين جدا :e094:ولا تنسون يابنات ان المشاكل لها دوريعني حنا يالسعوديين مثلا ثلثين المجتمع راح في الاسهم وديونها انا اتكلم عن الواقع اللي حولي .....والله انا قريت معلومه في كتاب الرجال من الزهره والنساء من المريخ قصدي العكس انو الرجال اذا جاه مشكله فهي تاخذ95%:redface: من تفكيره وال5 الباقيه لحياته شوفي الخمسه هذي يعطيها مين والا مين اهله زوجته عياله اصحابه عمله,,,والله يابنات اني بعد ماعرفت هالمعلومه ارتحت شوي وتدرون بعد وش اقول لزوجي عشان ارضي نفسي اقول جيب لي باقة ورد :e076:..تخيلوا اطلبها والله تجي مالها طعم بس قاعده اضحك على نفسي لا ولا يفوتكم اذا جاني احد وشاف الورد يحسب اني ميته انا وزوجي رومانسيه خخخخخخخخ,,,,عادي وسعوا صدوركم وسووا مثلي انسوا الرومانسيه:a084: صح حب واحترام..وثقل ولا هدايا بس دلع وتغلي...:c018:

 

[عابـــــرة]

ماقول الله يعينكم

انا زوجي ما يعرف الا الكلام الحلو بس تنفيذ

ما شوف شيء

يعني مافيه رجال كامل

 

[الحلا كله]

نفس المشكله الي عندي

زوجي باااااارد باااااارد بااااااارد

في نظره الرومنسيه هي الجماع وبـــــــس

ياليت القى حل يالييييييييييييييييييييييت

 

[الحلا كله]

<p>ياريت نلقى حل</p>

 

[دانة أبو ظبي]

اخواتي

الله يعينكم انتوا ازواجكم شمالين بس شو اساوي انا اللي زوجي جنوبي، امس كنت متضااااااااااااااايقة حيل ،اقوله احضني حسس علي راسي على شعري (ترى عندي فراغ عاطفي ) قام حضني قلتله حسسني بالحب والحنان.............؟؟؟؟؟؟؟؟؟:blushing:

( ترى مب بالسهل اطلب منه شي مثل هالشي):shutup:

ما حسيت شي، فسألته ليش قالي لاني متضايق...............

قلتله انت متضايق يا بعد عمري ؟؟؟؟؟؟؟؟؟؟؟؟

تعال يا روحي يا حياتي احضنك أنا ،وطبقت نظرية حضن الرأس ووضع اليد على الاذن ..إلخ اللي كتبت عنها الأستاذة ناعمة في احدى قصصها، وحسست على راسه وشعره وويهه ( وجهه) وبعد 5 دقائق شلت راسه بعصبية وحطيته عالمخدة ونظرت في عيونه وقلتله ((((((أنا متضايقه :icon28:وعرفت احضنك بحب وحنان انت ما تعرف تساوي هالشي، مثل ما أنا ساويت قالي (((بكل برود))) لأ.

تخيلوا :tears:

اكتب وقلبي يصيح قبل عيوني ما عرفت انام امس من الحزن واللي زاد الطين بلة ما مر على هالحوار 5 دقائق نام ولا كأنه في شي.:icon1366:

بس تدرون شو ساويت على طول اتسللت على اطراف اصابعي برع الغرفه ورحت فمكان قريب على شان يسمعني وسويت عمري اتكلم تيليفون ويا ربيعي أو حبيبي، أبي اوصله معلومة إني فاقدة حناااااااااااااااااااان ورومانسية واذا ما حصلتها منك بحصلها من غيرك ترى احزر.
خصوصا اني طرشتله ايميل عن قصة (انهن ثلاث) عن خيانة الزوجات اللي ما يحصلون حب ولا حنان ولا جنس.

يابنات أقصد يا حريم :bleh:ما تسوا هذي الحركة أخاف أزواجكن يطرشكن بيت أهلكن ترى أنا اعرف زوجي ممكن يتحمل بس ما تجازفوا ويا أزواجكن.....

أنا أطالب الأستاذة ناعمة بأنها تجد حل لمشاكلنا وتعطينا بالتفصيل حلول لنجعل من الثلج نار ومن البرود حرارة.

شاركوني في هذا الطلب.. اللي موافق يرفع يده ....:icon30:


اختكم في الله
دانة 2008

 

[الغيداء]

انا اولى الرافعين
اقصد الموافقين وارفع يدي

 

[* ليلى *]

و الله كلامكم عسل يا اميرات
حبيبتي عنقود عنب زوجج ما له مثيل صج يجنن الله يخليه لج
انا الحمد لله مو مقصر وياي من ناحية العاطفه الحسيه ان صح تعبيري لكن فى مناسباتنا الخاصه احب يبادر من دون ما اقول له لكن لا حتي اذا قلت له عيد زواجنا او عيد ميلادي يقول لي طيب شسوي لج اقول له لا و لا شيء بس حبيت اقول لك
يقول لي جزاج الله خير( اقول في خاطري مالت)
مثل ما قالت عنقود عنب طنشي و لا تسوين له.
الله يصبرنا عليهم

 

[عنقود عنب]

هلا اميراتي

ليلى ..حبيبة قلبي انت والله

ربي يخلي لك زوجك ولا يغير عليكم ...قولوا آآآآآمين

والله زين لا زلتي تتذكرين عيد زواجك ...

انا لي سنين يا اختي ما اتذكر حتى تاريج زواجنا ...

يعني مو انسى مثلا و لا اتذكر الا بعد يوم او يومين

لا

نسيت التاريخ تمام ..حتى بطاقة الزواج رميتها ...يعني ما عندي اي مصدر اني اقدر اشوف متى تاريخ زواجي ...خخخخخ

والله فكة يا بنات عشان ما اتعب حالي اسوي ليلة رومنسية على قولتكم ....

لاني كنت اسوي و اسوي ...وهو عمرة ما تذكر ..عشان ما اظلمة تذكر اول سنه زواج ..بعدين خلاص فقد الذاكرة

والله نسينا الرومنسية على قولة اختي كباتشينو

صرنا بس نسمعها في المسلسلات

بقول لكم شي بنات ...اول مرة في حياتي اعترف فيه لاحد

تدرون من فترة كم سنه ...يمكن قبل اربع سنوات ..وانا وصلت حدي وكنت متأزمة من ابو الشباب من بروووووووووده

صرت اتفرج على الافلام الهدنية ....ههههههههههه

تهبل ...كلها رومنسية و حب وهيام و غرام ...شي شي

لكن ولله الحمد ... صرت الان اكره الرومنسية ...لاني صرت من محاربينها ...خاصة بعد ما انا اعتزلتها ..

والله يا بنات ارتحت ...

اكتشفت انها بس في المسلسلات والافلام

صدقوني بنات ...ذاك التوتر والقهر والاكتئاب اختفى من سلمت امري لله ....ومن صرت اعاملة بمثل ما يعاملني ...ارتحتتتتتتت

صحيح في البداية تأزمت لكني تعودت جدا جدا

اخر موقف صار ..سمعوا يا صبايا و يا شابات

صار لنا فترة واحنا سخان الماي حق حمامنا خربان ...نتعذب اذا جينا نسبح ..

وسخان المطبخ صار له قرن مخترب...والماي في هذا الجو البارد ...عذااااااااااااااااااااااااااااب ...والله المسكينه شغالتي انغسلت كل ذنوبها بسبب هذا الماي البارد

طبعا الاخ مطنش ... وانا بعد قلت له كم مرة وسكت ..لكن شاف انه هو بعد متعذب مثلنا بسبب الماء البارد

المهم ...قبل يومين ....طلع من الصبح و اشترى سخانين ماء ..للمطبخ و للحمام ..

ركب سخان ماء للمطبخ لانه صغير ..ما كان محتاج مساعده ا حد

في الليل ... توني بطلع انا وولدي بنروح مشوار الا هو ناط لنا...وقال حق ولدي خليك لا تطلع انا جاي مع عامل عشان نرفع سخان الماء للحمام ..والحمام في الدور الثاني ..يعني لازم شغله و سلم و ما ادري ايش

ولدي قال يبة انا مضطر اطلع مع امي ...وعلى مضض خلانا نطلع...طبع سمعني كم كلمة وانا عمك اصمخ ..لبست عباتي و طلع ..وهو تحسينه يغلي

المهم رجعت بعد ساعة و هو تحسينه لازال معصب ..ليش ما تدرين ...خازر وناظر ..وانا ما جبت له خبر ...ابدا

المهم ..هو حس اني مطنشة و ساكته وحس انه ماله داعي يسوي هالحركات ..

يروح و يجي ..ها مبسوطة على الماي الساخن في المطبخ.. كأنه يقولها بطنز ... وتمسخر ..هو اصلا ينتظرني اقول له ..اي والله الله يعطيك العافية ..ما قصرت ... تسلم ايديك ...

طالعته على صوب ...و قلت له اي مبسوطة بكل برووووووود

حسيته بموت قهر ...لانه كان متعود الى وقت قريب اذا سوى شي ..أشكره و اسمعه من الكلام الحلو ..كأنه حط لي القمر في يد والشمس في يد

من فترة ...صرت ما اقوله حتى شكرا ..اذا سوى شي ...لانه بكل بساطة ما يقول لي كلام من هذا النوع

يعني بعض الاحيان تحبين تسمعين كلمة الله يعطيك العافية اذا سويتي سفرة مميزة للعشى ..اشكال الوان من الاكلات وانت هلكانه من التعب ...ما حتى يجامل ...وخاصة اني مرة قلت له ..شدعوة ...يعني ما تطلع من فمك كلمة الله يعطيك العافية اذا سويت لكم شي ...قال لي لا طبعا ما راح اقول لك الله يعطيك العافية ...هذا واجبك

فقلت خلني اسوي ومثله ...الحين لو يسوي اللي يسوية ما اقول له الله يعطيك العافية ...احسسه انه اللي سواه واجب عليه ...والمفروض انه يسوي اكثر

صدقوني احسة منتبه لهذا التغير ...لكنه مو قادر يكلمني فيه ...لان يدري اني راح اقول له المعاملة بالمثل

ادري طولت عليكم يا بنات ....لكن والله الواحده منها تحب تفضفض ...و نتبادل الافكار

 

[saratee]

والله البناااااات يكسرووون الخاااااطر بس خلوووها على الله

 

[**الفارسة**]

اتوقع الطبع هذا ماله علاقة بشمالي وجنوبي لان زوجي جنوبي ونفس الحالة

 

[المحترمه]

:icon28::icon28:الله يعين والله يابنات على الشمالين والله لغز محير

 

[أحب عائلتي]

بنات نبي الدكتورة تشرفنا هنا
تعطينا معلومات عامة للتعامل مع هذه الأشكال

 

[ملاك المملكة]

سلااااااااام يابنات او ياحريمات والله يكون بعوننا والله من جد نحزن انا ماكملت سنه من زواجي وعلى ذا الحال

لا واللي زايد الطين بله اختكم في الله حملت على طول وقربت الولاده والحين انا عند أهلي ولا اشوف اتصال

ولا سؤال ورسائل نهايكم على انو فيه زعلة اليومين هاذي ياحلولو وربي حتى اذا عرف عندي موعد والاكنت

بالمستشفى مايدق يتطمن علي !!!:icon1366:

وأنا بصراحه ما أدق عليه حتى قبل الزعل بس احين ارسل له رساله عشان مايحس اني مطنشه متعمده بس

احسسه زي اسلوبك اسلوبي..وحتى انا رافعه يديني الثنتين للأستاذة ناعمة اغيثينا أغاثك الله تكفين ايوه والله

حرام ماكملنا سنه ويصير معنا كذا بعد اربع خمس سنين وش بيكون حالنا ياويل حالي:dunno:​

 

[hanoooo]

عادي حبيبتي انا زوجي كمان فيه نفس الاشياء الي ذكرتيها بس انا متاقلمه مع الوضع ولااركزعليه كثيرعشان مايمل والله يعينك ويعينا

 

[صابرين]

ولا تزعلي كنت افقع واطق من زوجي على قد ما احاول فيه يكون رومنسي ما فيه فايدة هو حنون وكويس الحمد لله بس يقولي انا بحبك في قلبيزز الرجال اطباعهم مختلفة وعلى قدانا ما احب الرومانسية على قد هو مو جدي وصامت تعودت بس بحاول فيه واقول له ساعات ارسلي مسجات حلوة اول كنت استحي بس ذا حين بعد8 سنوات قطعت حبل الحياء معاه هاها لا اموت من القهر