زوجي والتقاعد

[طيب الروائح]

مرحبا بنات

بسالك وشو تسوي اذا رجلك قالي بيتقاعد من شغله وهو توه ابن 35 سنه ويبا يشتغل شغله

ثانيه فى دوله خليجيه عشان يحسن من دخله شو بتسوي ؟؟ توافقي والا لا

 

[غلا روووحي]

ليش لااااااا بس مو برووحه؟؟؟؟ انا معااه مايخليني ومااخليه

 

[الجواااان]

اذا كان مقصده فعلا بيحسن من دخله اكيد بوافق

 

[نغمات النجاح]

اذا الشغله الثانيه مضمونه وتقدري تروحي معه عادي
بس لايتهور ويخسر الثنتين

 

[حنين الفؤاد]

إذا كانت الوظيفة مضمونة الله يوفقكم بس أحسن لو تكونين معاه

 

[عنقود عنب]

اذا هو دارس الموضوع من جميع النواحي

ما فيها شي اذا كان راح يتحسن وضعكم المالي

لكن لازم يكون متأكد انه ما راح يتقاعد وبعدين ما يحصل له شغلة بديلة

 

[طيب الروائح]

مرحبا

ما اقدر اروح عنده بسبب عملي ولسه من مشتغله 7 سنوات فقط ، الشغله لسه ما حصلها

من يحصلها بيتقاعد وقالي بيزورنا كل نهايه اسبوع لانه المسافة قصيره جدا بين المنطقتين