زوجي واخوي المزعج ؟؟

وحيده في دنياي

وحيده في دنياي

New member
إنضم
2010/06/24
المشاركات
3,606
بغيت نصايحكم يااخواتي
لاني حدي متضايقه
انا متزوجه وعندي اخو عمره 16 سنه
لكنه حده مزعج في بيت اهلي خناق مع اخواني
سواء كانوا صغار اوكبار
لكن المشكله انه دايم يتصل على زوجي
ودني وجبني يبغى المحل الفلاني يشتري
ويبغى المغسله الفلانيه
و..و..و..الخ
واذا مارد زوجي علق عليه
والمشكله الاكبر ان امي احسها تتضايق
لو مارد عليه او ماوداه ولاجابه
والمسافه بين شقتي وبين اهلي ربع او ثلث ساعه
يعني تخيلو ثلث ساعه رايح ياخذه وثلث ساعه موديه المكان اللي يبغاه وعلى مايخلص من اللي يبغى لازم يستناه وعلى مايرجعه ثلث ساعه
وعلى مايرجع الشقه
وداييييييم كذا
ولما امي تعرف انحنا بنروح مكان تقول :
بنروح معكم ويالله صراخ قي السياره وازعاج
واخوي يزيد
والاتقولي :
خوذي اخوانك معك ؟؟!!!!
والمشكله مايسكت ومره وديناه معنا الدمام
يوم وصلنا قال زهقت رجعوني والا بنزل
وطفشنا وخرب الرحله
ومن اتكلم مع زوجي والايكلمني قام هو اللي يرد
وقبل العيد وداه زوجي يشتري بدلات لكنهم تأخروا على المحل وسكر وزعل
قاله زوجي بكره وعد اوديك بدري
قام يدلع ويرد بااسلوب انا تنرفزت منه
يقول لا تعال العصر
قاله زوجي انا صايم وتعبان الساعه 8 اجيك
رد اخوي لاخلاص انا بروح قاله يعني ماتبغاني اوديك ؟؟
قال لا بشوف اذا درت ومالقيت من يوديني رجعت لك قاله زوجي واحنا عالفضله ليه تقول كذا
ومشى اخوي ولاعبر زوجي وامي كانت رايحه معنا وشافت اللي صار
المهم زوجي اليوم الثاني ماراح لاخوي لانه قاله لاتجي قالت لي امي ليه زوجك ماجى لاخوك
قلت لها امس يمك قاله لاتجيني
واحسهاتضايقت وقامت تتحلطم وعادي احنا نوديه لايتعب نفسه بالمشاوير
وهي مكعوشه بوجهه
واللحين امي تقول وديهم ينبسطوا معك بالعيد
طيب انا منحقي استانس مع زوجي بروحنا
وهادين بدون صجه ونكد
واخاف امي تزعل
والمشكله لازم تعرف انحنا بنروح لاني عندي ولدي بو سنه اخليه عندهم واروح لانه مايحب السياره اخليه عند اختي وامي تعرف


والله محتاره وش اسوي ؟؟

 
الصراحة احس اخوكي ثقيل دم واهلك ليش يدخلوا بخصوصياتك وزوجك مو سواق عندهم كل مشوايرهم عليه زوجك مسؤول عنك انتي وبس
 
بصراحه اختي الغلط مو بااخوك ولا يااهلك الغلط منك انتي بس ماراح تعرفي بالقيمة والنعمة اللي عندك الا لما تروح منك والله لا يجيب هاليوم اختي ابغااك تجاوبي صح هل لو اخوكي تصرف مع ابوكي او احد اخوانه بمثل تصرفاته هذي هل راح يقبل لا والله اذا قبل مره ماراح يقبلها كل يووم ترااه ذل وانا ابغااا اذكرك ان الشخص اللي اخووك معتبره سوواق عنده كل مايبغااه يتصل عليه ودني جيبني اشتري خد اذكــرك انـــــــــه زوجــــــــــــــك ياا أختي ماهو بسواق اخوووك وهذا أختي ابو عيالك هذا يااختي اللي يتعب طول النهار عشان يجيب لكي لقمة تاكليها انتي وعيالك يعني المفروض عليكي تقدريه وتقوفي جنبه مهما كان مو حضرة اخووكي عمله سوواق لا وبعد ماعنده احترام للكبير لا وزياادة على الموضوع حتى امك وقفه صفه وتزعل وتدخل بحياتك اختي الغلط منك لانك سمحتي لهم بالتدخل بس راح تجي لحظة اللي زوجك ماراح يقدر يستحمل واذا لقيته الان ساكت وصابر عشانك اختي لا تخسري زوجك بسبب اخ طائش ماراح ينفعك بشئ لقدر الله ان صار بينك وبين زوجك شئ بسببه ماراح تسمعي غير اللي يزيد ندمك لهذا اختي حاولي تكوني قوويه واذا طلب قولي له انو زوجك مو بسواق مافي مشكله اذا كان مره بالاسبوع او بالشهر اذا زوجك مرتااح غيرها مافي وكوني قوويه واطلبي من اهلك لا يدخل احد يدخل بحياتك الزوجيه امك على الراس والعين بس لا يدخلوون اختى والله انتي بس ضعيفة لو عدتي حسابتك وقررتي تكوني اقووى راح تستفيدي وترتااحي وفكري بزوجك مو بااخووووووووووووووووووووووك يااختي ترى اكررها لكي ماراح ينفعك لاااخوكي ولا امك اذا حصلت مشكله او قدره الله صار شئ لزوجك بسبب اخووك راح يقع على عاتقك كل شئ ولا تلووميه وتصير تشتكي زوجي فعل زوجي سووى اختي زوجك لكي لووحدك تسافروون لوحدكم تطلعون لوحدكم ماافي احد لامن اخوك ولا غيره لازم يكون معكم وانااختي نصحتك لله بس واعتذر منك
 
اختي يمكن انتي في البدايه عودتي اخوك على هذا الشي او زوجك يمكن
انتي حاولي تكسبين اخوج كلميه سولفي معاه وعلمي يعني صيري مثل صديقته صدقيني رح يسمع كلامج ويوم اتشوفين ان بدا يعلي صوته كلمي بس شوي شوي لاتكلميه بصوت عالي لان في هذا العمر من الاولاد ما يحبون حد يقولهم شي صدقيني هذا الكلام اختي عن تجربه لان انا عندي اخو بنفس عمر اخوج بس مايقول ان انودي مكان انا اللي اقوله اذا يبي يروح مكان يقولي في اي وقت
لان كم مره طلب مني واخذته معاي وصلته بس بدون زوجي فكنت اسولف وياه وكان عادي يوم يتكلم ومن ذاك اليوم وهو ماشاء الله صاير مثل صديقي واكثر اذا في اي شي يقولي​
 
الله يجزاك خييييييييير اختي مغربيه
على ردك
والله كلامك من ذهب
وان شاءالله اقوي شخصيتي عليهم
لاني صدق احس نفسي ضعيفه قدام اهلي
وتدخلاتهم اللي مالاها داعي
 
الله يعطيك العافيه اختي ادور على نفسي
على ردك
الله يجعل مثواك الجنه يالغاليه
 
اختي والله انا ارد على المواضيع لاني احبكم في الله كانكم اخوتي انا عندي اخوات بس اللي احب لهم احبو للبنات جميعا انتي الحمد لله زوجك صابر ومايسبب لكي مشاكل وساكت لانه طيب ولكن اختي الرجال صرهم بااين مايطول شووفي انتي من نفسك اذا مااستحملتي شئ منه بسرعه تنفجري ماتقدري تتحملي ولكن زوجك صابر لحد الان لهدا اختي اوقفي حد اخوووكي واذا يبي يسووي رجال عليكي وعلى زوجك يرووح يبين رجولته بمكان ثااني فاانتي متزوجه رجاال ارفعي راسه قدام الكل وخليكي قوووويه لا تخفي من زعلهم عليكي ومن كللامهم عليك اختي اذا كان راحت زوجك راح تسبب غضب امك وغضب اخووك بنظري يغضبووون لانه ربي راضي عنك ليش لاني انتي مااسوويتي شئ غلطت بس انتي ماتبي تخسري زوجك وتبحتي عن رضااك ربي قال اتكلمي مع امك وقولي لهاا امي انتي عارفه قيمة الزوج وتدري انو زوجي يظل تعبان طول اليوم عشان يصرف عليا انا وابني ويدور على سااعدتنا لهذا امي انا اسفه ماراح اقدر كل ما ابنك اتصل ابعت زوجي يصير سوااق عليه ترى انا متزوجة رجال مو سووواق انا مااحرضك على امك وانماا اختي كلامك وتصرف اخوكي وامك ماايرضي لا ربي ولا عبده وانا بمكانك وربي مااقبله مدام زوجي مسعدني ومريحني ومعطيني كل حقوقي واصير انا استغله اللي ماابغله على نفسي ماا اقبله لغيري اختي قووي حالك قبل لا يجي يوم تنصدمي من كلام زوجك نصيحه لله
 
اول شي اخوك رجال 16 سنة ليه احد يوديه ويجيبه وبعدين ليه مايروح لوحده او مع اصحابه او احد من اخوانك

الحمدلله زوجك ذهب ولامين يرضى دي الايام يودي ويجيب احد من اهل زوجته

انتي كلمي اخوك بينك وبينه قوليله انت رجال انا على بالي واحد صغير 10 او 11 او12 سنة بالكثير

الله يهديه بس لاتخربي بيتك ترى بيجي يوم زوجك يمل وبعدين ليه يتمشوا معاكم ليه مايتمشوا لوحدهم ممكن مرة في الشهر او بين فترة وفترة ليه

وامك الله يهديها كمان تزعل هي لو مرة ولدها اخوها ممشور اخوك بترضى

من المنطق عادي لكن مو بالكثرة دي قوليلهم مرة زوجي مشغول تعبان عليه دوام اعتذريليهم
 
والله ياأختي إن ضغطي أرتفع من أخوك وأمك، ورد الأخت المغربية رائع عموماً بري بأمك وأتفقي مع زوجك إنه ما يوديهم وقولي لأمك وأخوك رجاء ما تخربون حياتي زوجي ما يرضى بكل ها لمشاويروصار يتضايق أرجوكم لاتخربون حياتي..............فإذا كان يريدونك تسعدين ما راح يتدخلون مرة ثانية............
 
امك تسوي كذا لانك تحطين ولدك
تحملي ولد واخذيه معك عشان محد يدري بطلعاتك
 
ما أزيد على كلام الاخوات...
ماشاء الله وفو وكفوا,,
وأهم شئ قوووووي شخصيتك ترى والله في هالزمن ماتلقين رجال يناظر خاطر زوجته
الا نااااااااااادر والحمدلله زوجك واضح انه يحبك ومراعي مشاعرك على حساب راحته..
حطي حد لاخوك وأمك قبل ماتندمي طووول عمرك..بعد مازوجك يمـــــــــل منك ومن أخوك
ويتغير عليك الله لا يقووووله..
​
 
اختي ازعاج ولدك احسن من ازعاج غيره

على الاقل هذا ولدك اذا ازعجك تتحملينه مو مثل اخوانك تتنرفزين منهم

وروحي وتعالي وامك لا تدري بكم علشان ما تزعل عيك

طيب كيف ولدك ما يحب السياره؟؟
 
انا نفس قصتك يوديهم ويجيبهم ولما تغير صارت امي تقول لا منك الرجال طيب بس انتي متبين والحين الله لايغير عليه رجع اذا شاف عندهم مشوار قال انا بوديهم انا ارفض ولا لما امي تطلبه اتحجج باي حجه صارت حياتي ملطشه والله اخوي يقعد مع خواتي ويتحدهم يقول اجيبه ونا كنت ساكنه بعيد ويكلم زوجي وانا بحط الاكل ويجي زوجي يقول يله شيلي اكلك وبنروح لبيت امك ورمضان ماتهنينا فيه ابد لاجا قبل الفطور دق عليه تعال وكنت على نيتي لما شفته الموضوع صار استغلال وتحدي وناس فضيه قويت نفسي ووقفتهم عند حدهم الازوجي
 
70o0oR قال:
اختي ازعاج ولدك احسن من ازعاج غيره

على الاقل هذا ولدك اذا ازعجك تتحملينه مو مثل اخوانك تتنرفزين منهم

وروحي وتعالي وامك لا تدري بكم علشان ما تزعل عيك

طيب كيف ولدك ما يحب السياره؟؟
أنقر للتوسيع...

ولدي على طول صياااااااااااح
ويعفس ويخرب ان جى دلكسون السياره يبغى يلفه بالقوه
وان جى قير السياره يبغى يقدمه
ولدي حركي بشكل مو طبيعي حتى الناس ساعه ماتقدر تتحمله
لارحت مكان يستغربون انه مايجلس
ويقولون لي ليه ولدك كذا
طبعا هو يحبي بس
عمره سنه وشهر
عشان كيذا مااحب اوديه معي
 
اسمحي لي على الرد
خلي أمك وأخوكي يزعلو وش فيها يعني ؟؟؟
بتسعدي أخوك وأمك على حساب سعادتك ويا زوجك ؟؟؟
بكره لا سمح الله زوجك تزوج عليكي ولا تركك مين راح يفيدك أمك ولا أخوكي ؟؟؟؟؟؟؟؟
أمي وأخوي في بيت أبوي وبسسسس أما في بيتي وحياتي لأ وألف لأ
الرجال متزوجك أنتي عشان ينبسط معك مو متزوج أخوكي ولا أهلك
حطي حد للمسأله وعلميهم بهالشي والي يبي يزعل يزعل وآخرته بيرضى
والي ما يبي يرضى بكيفه >>> ومرة ثانيه أقولك اعذريني على الرد لأن المشكله منك وفيك مو من أهلك
تبي تشتري سعادتك كلميهم تبي تستمري في هذا الوضع تحملي الي بيجيك من زوجك
راح يصبر سنه مو طول العمر
الله يسعدك دنيا وآخرة ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل