زوجي واخوه جارتي

ح

حديثه عهد

New member
إنضم
2008/07/19
المشاركات
76
بسم الله الرحمن الرحيم​
اخواتي في مملكه بلقيس بكتب لكم مشكلتي وبدون مقدمات لاني مرررررره مقهوره من زوجي
انا يابنات توي والده وبكمل الاربعين بعد اسبوع والاخ زوجي بدل مايسفرني متواعد مع اخوه واخويا اخوه يروح معهم يسافرون يعني تكملتي النفاس بيودي اخوه طلاعه بدل زوجته موب شي يقهر واخوه هاذا جارتي في كل شي يسافر معه اكثر من يسافر معي ويطلع معه الى الفجر مع اخويا اخوه طبعآ الاخ عزوبي وتجيه سفره ببلاش محفول مكفول وبعدين اخوه9 هذا مو مرتاحه له ابد ما شفت عليه شي بس احيانا يكلم زوجي ويحاول يكلمه بالمخفي واحسه يستغل زوجي مع ان زوجي هو الكبير
ساعدوني يابنات وش اسوي وش اتصرف مع زوجي في هالحاله ؟؟؟؟؟؟؟؟؟؟​

ابي حل سريع بقي اسبوع فقط ويسافر ؟:icon28:​
 
السلام عليكم
اختي حبيبتي حكمي عقلك وخلك ذكيه زوجك مسافر مع اخوه مو احد غريب ومن كلامك هو مسافر لا محاله يعني ماراح تقدري تغيري رايه بس انتي حسسيه انك مضايقه من تصرفه وانك بحاجته خاصه بهالوقت وبكلام طيب بس لا تسوين مشكله لانه في النهايه هو يستانس وانتي الزعلانه وتصبري ووكلي امرك لله والله يكون في عونك
 
مشكوره اختي على ردك
بس زوجي ياما بينت له اني متظايقه من سفره مع اخوه تقريبآ كل شهرين يعصب علي ويطلعني انا الغلطانه بحجه يبي يغير جو واحد من اللي معهم متزوج وصار ما يروح يوم زادت سفرياتهم
انا مليت من هالوضع ودايم مشاكلي مع زوجي بسبب اخوه
يعني تخيلي عايش عاله علينا في كل شي ويصرف عليه وهو مبسوط لا شغل ولا تعب ويسافر مره من القهر قلت لزوجي ودي اسافر واغير جو وطالبه اروح لبلده معينه تحجج ان ماعنده فلوس طبعآ كان توه جاي مع اخوه وصارف عليه
والحين هالسالفه يوم قلت له يعني بدل ماتسفرني تسافر مع اخوك قالي هو قالي ان بهالتاريخ قلت له يعني هو اللي يسيرك من قهري عصب علي
والله انا مليت من هالوضع وكرهت زوجي خاصه هالسنه بازياده
 
الله يفرج كربك ويعينك مالك الا الدعاء باستمرار 00000000والاستغفار
 
ياختيه شو بقولج كل الرياييل جذي ........ اعرف شي يقهر بس خلج ذكيه

حتى لو بيسافر قولي له ربي يحفظك ...... لان هو بيسافر بيسافر

صدقيني بيستحي ع ويهه ويود يرد بيتغير ؟؟؟ اكسري عينه بالمعامله الطيبه

ويوم يرد حطي حرتج فيه اطلعي وسوي الي تبينه مايقدر يقولج لا

وانتي استغلي وقت غيابه ف الاهتمام بنفسج فديتج
 
نفس المشكلة ونفس المعاناة مرة سافرنا واخوه كان معنا والله الاكل معه والوناسة معه طبعا خذ شقة بجنبنا والسهر معه والقهر ان المصروف علي حتى لا قلت ابروح للمجمع الفلاني قال لا روحوا للثاني يعني عناد
ادعي حبيبتي والله يعينك
 
سبحااااان الله انا مثلك اخو زوجي الصغير ناشب لي ومخرب زوجي كل ماقعدنا مبسوطين دق علية وقالة تعال الشباب مجتمعين وااااااااااااااااااااي ودي ازنطة الله يكون بعونك انشبي بحلقة لايسافر واذا خلالالاص مافيها خلية يوعدك بسفرة اذا طلعتي من النفاس واذا قال ماعندي قولي لة مولازم اجل تروح انت تروح تنبسط وانا انثبر هنا لاتنازززلين وكبريها اذا عديتيها هالمرة بتعدي كل مرة

وقولي بعدين وش بيوديك هم شباب عزابية انت عارف وشو لة بيروحون انت تبغى تسوي زيهم؟ قولي لاتلعب علي بالحكي اكيد انك بتروح تخربط

انا مااحرشك على زوجك بس تقهرني سالفة السفر ذي


بالتوفيق حبيبتي
 
مشكورين يابنات على ردودكم الله لايحرمني
اختي رجاي الله انا ماودي ابين له اني مو واثقه فيه اذا سافر وراح حتى لو اني خايفه بس ماابين له شي
يوم كلمته في موظوع سفره مع اخوه قالي ابشري الاسبوع الجاي نروح انا وياك بس جربت مره سافرت انا وياه بعد ما راح مع البثر اخوه وكان طفشان من السفر لانها نفس الديره وحاظر الافلام كلها مع اخوه ورايح للمطاعم يعني ماله خلق السفره انا مدري وش الحل مع اخوه
 
:bleh:يااختي دامه متعود على السفر فما راح يبطل اصبري ترى كل الرجال كذا ولا تعطي الشيطان فرصة للفرح و اهتمي به اكثر لعل وعسى يستحي على دمه ويبطل ​
 
اوكي حبيبتي..اولا مبروك ماجبتي وجعله الله من مواليد السعاده....حبيبتي طيب اطلبي منه يواعدك يسفرك مو لنفس منطقته لمنطقه جديده عشان تكون جديده عليه...واذا قال لك لا بوديك لنفس المنطقه اللي رحت مع اخوي قولي هو مو جارتي عشان تعدل....
وحاولي تكلمين رجل ثقه من اهله وتشرحين السالفه بدون مايدري زوجك...بحيث ان هالرجل ينصح اخو زوجك...
 
الله يسخر لك زوجك وترى الرجال مايجون بالقوة

يعني انت خليك اذكى من اخوه جيبه بالذكاء والسياسة

لاتقولين ماعرف صدقيني حاولي وبتنجحين ,يعني اذا سافر مع اخوه ولا طلع يسهر لاتبينين له انك متضايقة

خليك عاديه وودعيه بكلام حلو ,وبنفس الوقت فكري وشلون تجذبينه لك يعني مثل الكلمات الحلوة والحركات ,


والرومانسيه ,وابتامتك اهم شي لاتفارق شفاك,ولا تقولين في اخوه الا الكلام الزين ,عشان مايحاول يضايقك به

مرة ثانية لانه مهما كان فهو اخوه ولا يقدر يستغني عنه ابد ا


ادعوا اللع انه يسعدك مع زوجك ويفرج كربتك
 
الله يعينك يااختي خلاص مافيه الاحلين الاول يصيرعندك ردت فعل قويه يعني تزعلين وإذارجع من السفرماتروحيين للبيت وتجلسين عنداهلك واناعارفه انه صعبه
الثاني انك تتعودين على هذاالوضع وتريحين بالك وتدعيين ان الله يسخره لك ويبعداخوه عنه
 
مشكوره ام راما ومنور على نصيحتك وجميع اللي رد علي الله لا يحرمني
هو انا ناويه اذا رجع اني بزعل عليه ولا راح ارجع على طول بقعد عند اهلي زياده اسبوع لعشر ايام
بس جت في بالي فكره بقوله لا تقول لاهلي انك بتسافر لاني انحرجت من كثر سفرك وبتعثر بأي شي لان كثره سفرياتك صارت تحرجني عند اهلي عشان ابيه يحس على دمه شوي
وش رايكم؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل