زوجي وأبنااااااااااااائي .....................؟

[اساس شامخ]

الى كل من لديها حل لمشكلتي ............
أتمنى أن أجد حل لما أعانيه فوالله اني دوما حزينه على أبنائي الكل حاسدني عليهم بس مايدرون كيف عايشين والله معيشينهم بهم وطول الوقت روح ياحبيبي أنت واخوانك ابوك جاي ولايبي صجة لدرجة ولدي الكبير يقولي نفسي اجلس معاكم ؟؟
يابنات كيف أخلي زوجي يصبر شوي على أولادنا ويلعبهم ويطلعهم معاه والله مايتحملهم لو شوي أقوله ولدك كبر لازم يروح ويجي معك يقولي بعدين دحين ماني فاضي شغل وعمال وأخاف علية أحيانا نطلع نبي نتمشى ويقعدون يلعبون أو يتشاجرون على طول ياخذلهم عشاء ويوديهم البيت وياخذني لحالي ونتمشى وقلبي يتقطع عليهم بس شسوي أن مارحت معه يقولي أنت ماتهتمين في أنت بس مقابلة عيالك طيب والله صغار أكبرهم عمره 9 سنوات والثاني 7 والثالث ياقلبي 5 بتقولون انت عودتيه صح بس لما كانت عندي شغالة وكنت حامل ولما أراجع العياده أسيبهم بالبيت ولما قمت أمشي فالشهر الاخير كنت أقوله خلنا ناخذهم معانا يلعبون لين ماأخلص يقول بلا وجع رأس بس دحين ماعندي شغالة هو اصلا حتى بالبيت مايتحملهم بس يبنا نجلس لوحدنا أسألكم بالله تردون علي والله أكتب لكم وأنا ابكي أحس عيالي بعيدين عنا دايم عالبلاستيشن أو نقار مع بعضهم موقادره أضبطهم وأبوهم اذا شافهم يتشاجرون عالطول يجلس يضرب فيهم شسوي معاه هو عصبي وحاليا عليه ديون لان اشترى بيت بالبنك ويرمم فيه أنا ماحد قريب مني لاأهلي ولاأهله اللي ترد علي ولو بدعوة الله يسخر لها زوجها واللي ماتزوجت الله يرزقها بالزوج الصالح

 

[لاتلوموني بحبهA]

معليش سؤؤال يوم اهلك واهله ماهم فيه وماعندك شغاله وشلون تطلعين معه لايكون تخلينهم لحالهم بالبيت نايمين ؟؟

اذا كذا نبي حل لك انتي !!!

اما اذا عندك احد تحطينهم عندهم وثقه فبسيط الحل

حطي عياالك عند الي تحطينهم عندهم وروحي مع زوجك واضحكي وسولفي وارجعي البيت وكملي الونااسه عاادي

اذا نااام قومي على طول على السجااده وصلي وابكي يعني صحيه من النوم وانتي تبكين هو توك مسعدته ومرتااح

بيقوم يشوفك تصيحين وتصلين بيستغرب غصبن عنه يساالك وش فيه ؟؟؟ قولي مافيه شي تعباانه وابكي بشهقه

اكسري قلبه

لان والله احس اني انخنقت يشيخه زوجك محتااج من يرقق قلبه على عياالك واذا سال والح عليك قولي ادعي ربي

ان يسخر قلبك لعياالك ادري انك تموت فيهم وهذولي قطعه منك بس يبون يجلسون مع ابو ويسولف معهم

ولدي بالمدرسه يقولي زميلي يلعب كوره مع ابوه بالبيت ويلعب سني صح ياماما والا يكذب ؟؟ لانه مو متعود عليك

والثاني يسااال يماما بابا يحبنا وانا اقول ايه دايم يقول انتبهيلهم انا اسويلهم بيت حلو ودايم يقول اكليهم ويسال عنكم

يقول تعشوا ناموا ؟ والي بكاني وخلاااني انهاار من طولي بالصلااااه اذا مت بعيد الشر عني وعنك من لهم من يهتم

فيهم ؟!!! ابو فلااااان طلبتك عياااال والله محتااااجيلك ساااعه باليوم اجلس معهم طلبتك وقومي غسلي وجهك

واجلسي بالصاله اقري قراان خليه يفكر مع نفسه لا تلصقين بوجهه راح يتذكر ابوه وراح يفكر حتى من البكره

يوم يروح دوام ويشوف بالبقاله ابو مع ولد او يشوف بالدوام زميل له يقول ولدي مجنني يبيله الشي الفلااني ودي

استااذن وادور واجيبه معي وانا جي ولاااااعااااد تنااااقشينه ابد ابد اسكتي ترى يطبقون كلااامنا بس مو على طوول

اجلسي اسبوع شهر وشوفي وش يسوي

والله يسخره لهم يااارب ويهديه يااكريم

هذه قريتها من نت او كتااب ما ادري بس مقوله لأبن القيم رحمه الله


ابنك دلعه 7 وربه 7 وصاحبه 7 واتركه للزمن

يعني من سنه لين 7 سنين دلعه

ومن 7 سنين لين 14 سنه ربه

ومن 14 لين 21 سنه صااحبه

ومن 21 سنه لين العمر كله اتركه

لان الولد يكون تعود على ابوووه​

 

[رنوش 2010]

الله يكون فى عونك حبيبتى ...أنا بقولك شى يمكن تنفع معك هاالطريقه ...اقعدى مع عيالك وعلميهم ...كيف يحببون انفسهم فى ابوهم....مثلا اول مايجى ..من الدوم يسلمون عليه فى راسه.ويبوسون يديه..ويفرحون لجيته..وكل يوم واحد تخليه يعطى ابوه كأس عصير اومويه بارده والى يشيل شماغه من على راسه وطاقيته ..وإذارجع من برى وهو تعبان خليهم يسون له مساج فى رجوله ((يهمزونه))وإذا..تأخرعليهم ...يقولون له يابابا وحشتنا...البديه كذا يمكن ماراح يتأقلم فى البدايه بس بعدين ...بيتعود...ويسير يسأل عليهم..وإذا واحد منهم تعبان لاسمح الله ...خليه يروح يدلع على ابوه يقول له يابابا أنا تعبان...خصوصا لما يكون ابوهم رايق..وعودى الكبير انه يأخذ راى ابوه فى الاشياء الى تخصه...برضه اقعدى مع عيالك وعلميهم الادب والهدواءإذا طلعتو تتمشوا ..وقولى لهم عشان ابوكم ...مايرجعكم البيت..وقبل هذا كله عليك بدعاء حبيبتى ان الله يسخر زوجك لكم ويألف بين قلوبكم..ويحنن قلبه عليكم ....وجميع المسلمات يارب

 

[وهم79]

اختي اولا اولادك كبار يعني ممكن انك تتكلمي معهم بشكل عقلاني يعني تجي تقولي لهم اناوانتم نبي نطلع مع بابا لكن هو دائما يزعل من الصجه ويرجعكم للبيت وش رايكم نتفق انا وياكم على فكره (واالاولاد يموتون بالحركه هذي )نبي نطلع مع بابا ونصدمه ونخليه يشوف انكم انت اولاد رائعين نبي نجلس مادبين ولا نسوي مشاكل ونسمع الكلام ونخليه يحب يطلع معنا
وتعالي على اكثر واحد يسوي مشاكل وقولي له لو جلست مادب رح بابا يحب يطلع معنا وبيجيب لنا كل الي نبيه وانت اذا صرت رائع ابي اجيب لك (وتقولي له شي هو يبيه وانتي قادره على انك تجيبيه )
اما عن زوجك اغلب الرجال ما يجلسوا كثير مع اولادهم الا ما ندر لكن يهتموا فيهم بين فتره والثانيه
طلوعك مع زوجك موب غلط اقرائي القصه الي الاستاذه كاتبتها هنا بالمنتدى
ثانيا يوم تكوني انتي وزوجك قولي له على حركات اولادك الحلوة وخليه يتحفز يسمع منك عنهم
يوم ولدك يجيب علامات حلوة او رسمه او اي شي يجي يوريه لك قولي له روح وريه لابوك وان شفتي ما عطاه وجه بس يروح ولدك قولي له ليه كسرت بخاطره هو فرحان جاي يوريك ثاني مره يهتم ويعطيه وجه

 

[اللهم يسر اموري]

مشاء الله تبارك الله على الاختييييييين اللي ردو قبلي كلامهم روعه طبقيها انا عرف وحدة يسوون نفس كلام الخت اللي قبلي ردت تصدقي زوجها على طووول يشيل اعيالهى\معاهحتى صندله يدونهياه ويفتحون له الباب مريحينه صار مايستغني عنهم واهي مبسوطه ومرتاحهومراقبه زوجها بكل حركاته طبعا اعيالها

 

[اساس شامخ]

الله يجزاكم خير كل اللي جبروا بخاطري وردا علي والله يسخر لكم ازواجكم وان شاء الله أبسوي بمشورتكم ودعواتكم لي بس أختي وهم لوسمحت شنو عنوان القصة اللي قلتي انها موجوده بالمنتدى