زوجي نكدي شلحل معاه

[بلاميعاد]

:e136::e136::e136::e136::e136::e136::e136:
يابنات انا تعبت صارلي 8سنين متزوجةنتصالح يومين وباقي الايام حنة وضيقة ونكد في نكد والمشكلة الرئيسية هو انة عصبي فوق الحد وخلقة ضيق وياليت الاسباب تستدعي ان يكون فية اصلا زعل على كورن فليكس على مسلسل على ريموت على سؤ تفاهم في موضوع معين اي زوجين يصير بينهم نقاش الا احنا كل نقاش بهواش
واللة واللة يابنات اني اضغط على نفسي واسولف معاة واضحك ويتم هو زمران على ماميش يعني شلحل قولو لي ؟؟
اقعد معاة على رواقان ابي حل هاالمشكلةمافي فايدة يغلطني ويقول انتي ماتفهمين وانتي الغلطانة ونخلص على هوشة
دايم يشوف نفسة صح ولا يقرا شي عن كيفية تسيير الامور الزوجية ولمااجيب لة كتب او اعلمة عن برنامج يقول صلحي نفسج اول

 

[بلاميعاد]

:frown::frown:



:e076:وينكم ليش محد رد علي

 

[لمى الحب]

الله يصلح لك زوجك ويهديه بس حاولي تكوني انتي الهادئه وتمتصي هالعصبية لانه واضح ان هاذا طبع متعودعليه وبعدين افضل حل تلجائي لربك بالدعاء

 

[ѕωєєт ℓσνє]

حاولي تعرفين شخصية زوجج من اي نوع عشان تعرفين تتعاملين معاه ... وحاولي تمتصين عصبيته .. يعني خلج رايقه و ركزي على طريقة كلامج ...وصوتج خليه هادي ونظراتج خليها رايقه مو تبوزين وتطالعينه بحده ... اذا كنت تطالعين شي واخذ منج الريموت خلاص خليه ياخذه وانتي اقعدي شوي عقب قومي روحي اشغلي نفسج بأي شي ثاني او حاولي تندمجين بالبرنامج الي يطالعه وكانج مهتمه بهالشي حتى لو مو حابته ...... واذا لقيتيه ينتقدج على شي خلج راايقه وهاديه وقولي له ان شاء الله .. مثلاً اذا قال لج الغرفه مو نظيفه قولي له ان شاء الله الحين تتنظف الغرفه ... قوليها بحنيه ومحبة مو باستهزاء او تحسسينه انج تاخذينه على قد عقله ... شوفي ايش اهتماماته وهواياته شاركيه ... .. اذا على صوته عليج ( بس على صوته يعني ماغلط بحقج او سبج ) نزلي راسج بدلع وحنيه وكل شوي ارفعي عينج طالعيه ونزليها .. وانتي ساكته هههههههه .. شوفي يالغلا العصبي يكره الزن حاولي ماتسألينه كل شوي شفيك معصب ولاتقولين له انا ماسويت شي وانت الي غلطان وانت الي بديت لان العصبي مايحس بنفسه وقت مايكون معصب ... انا في البدايه زوجي كان عصبي ومايعرف يتفاهم وعنده كل الناس غلط وهو الصح بس الحمدلله تداركت المشكله واحتويتها وتغير وصاار رااااايق ومايعصب لان عرف ان العصبيه تاكل من الصحه صار كل مايتنرفز يقعد شوي لحاله لما يهدى وانتي بعد يالغلا لما تشوفينه حده متنرفز خليه بروحه يهدى لاتحسسينه انج زعلانه وانج تاركته بروحه لان مالج خلق لعصبيته ... كل المسألأه في ردة الفعل المناسبة في الوقت المناسب ... ودايما اذكري الله واستغفريه وتعوذي من الشيطان ... الله يهديه ان شاء الله ويسعدكم .. طولت عليج

 

[بلاميعاد]

سويت لاف كلامج وايدحلو بس لللاسف مااقدر اطبقة على هاالريال غصب يطلعج من طورج ان مارديت علية قال لي ردي اقولة مانبي نغلط على بعضنا واحنا معصبين يخليج تغلطين غصبب لاوالقهر الكبير انة يغلط علي وانااالي اجي واتكلم واسولف وهو مبوز واطول بالي علية لكن لاشفت المسألة طالت عن 3 ايام خلاص انتكس ويصير ماعاد لي بارض اضغط على نفسي ولا اسولف ولا شي يرد عقب هو يكلمني ويجر كلام لين يصيحني يبرد قلبة ويسمح

 

[بلاميعاد]

لمى شكرا عالمشاركة والراي

 

[شعلة نشاط]

شوفي حبيبتي الرجال مايكون كذا الا اذا كانت زوجته

مو مرضيته جنسيآ يعني مو مرتاح معاك في الليل ..

راجعي شريط حياتك معاه بتلاقين هذا هو السبب ...

لازم تريحينه من هذي الناحيه راح يكون مرتاح ومروق

معاك في النهار ...

الله ينور لك طريقك ويفتح على بصاير قلبك....

 

[كلام الورد]

الله يعينك معاه اختي عندة نسخة زوجك ...

 

[كوكو81]

شرات ريلي انا دايما ساكته عن حقي
ومريحته جنسيا بس ما في فايده
انا الاحظ الدعاء والاستغفار هوالحل الوحيد

 

[وجوووود]

الله يكون في عونج ....خليج هاديه الريال ما يحب الحرمه تعلي صوتها عليه و الله يهديه ..

 

[بنت ماما نوره]

شرات ريلي انا دايما ساكته عن حقي
ومريحته جنسيا بس ما في فايده
انا الاحظ الدعاء والاستغفار هوالحل الوحيد

صدقتيييييييييييييييييييييييييي يااختي ومجربته شخصيا ولاتنسون ان قلوب العباد بيد الله يقلبها كيف شاء سبحانه:icon30:

 

[ربي ارحمنا]

باين انك انتي عصبيه ياختي وش تبين مثلا بالريموت عطيه الريموت وافتكي هذا مثال بس باين انك عصبيه .... يعني اذا قال شي وعرفتي انه بيعصب خلاص مشيها ........
الله يوفقك..

 

[كلام الورد]

الله يستر

 

[احلى اثنين]

مرحبا
8 سنين وما اتغير؟؟؟ الله يعينج بس انتي خلج بارده ولا تعطينه فرصه انه يعصب او يمسك عليج شي ريحي بالج ومتى ما شفتيه عصب شلي نفسج وخليه بروحه غيري نفسج بيتغير
في امان الله

 

[قدها]

عمريا حييييييل الله يساعدج