زوجي موطبيعي ياعالـــــــم .!!

[beren_sat]

السلام عليكم بنات

هذي اول مشاركة لي وانا من زمان اقرأ وهالوقت جد محتاجتكم



هذا سر بالنسبة لي ولا ابي احد يعرف

مالي غيركم الله يسعدكم



زوجي مو بطبيعي ابد تخيلوا هالشي ملاحظته من قبل 4 شهور بس مادري وش اخرتها

انا تزوجت من قبل 3 سنوات وكانت حياتنا عاديه

بس من بعد شهر 10
الادمي متغير

تخيلوا صار ممكن يسهر ويواصل قرابة الـ3 او 4 ايام ...!!

والله شي يخوف ويسوي حركات موطبيعية اذا عدت فترة السهر عن 3 ايام يبدأ يهلوس ويتحرك

بكثرة بشكل غريب مقلق ويتكلم كلام مو مفهوم احسه مو طبيعي

وعيونه حمممممرررا

وماينام الا بعد سوالف غريبة ومادري اش يقول يقعد يسولف يسولف لين ينام وماني فاهمه الكلام كأنه اعجمي واقعد اقرأ عليه وابكي حالته غريبه وموحاس بالي حوله

ويصحى من النوم فجأة ويمارس الجنس بكل عنف

صار يمارس يوم عن يوم

قبل كان مره بالاسبوع او مرتين واحياناً اذا مره طول اسبوعين

بس نادراً اغلب شي مره بالاسبوع

وماكان يرضيني هالشي كنت المح له عن رغبتي دايم

بس الحين صرت اتمنى يرجع زي اول طبيعي ويمارس طبيعي

صار مقرف بالجنس معد صرت اشتاق صار حتى لما يمارس مو بعقله كان الآدمي سكران

بنات الحقوني انا بصراحة مو عارفة وش اسوي اخاف وضعه يتدهور اكثر وش تنصحوني وش اسوي

مع العلم انه بحياته العاديه حالياً افضل من قبل

تغير للافضل في حاجات صاير حساس ورومانسي ويفهمني ومايخليني ازعل ابد ويفاجأني بهدايا وحركات رومنسية ومايطنش ويتجاهلني زي زمان بس الي مقلقني سهره الغريب وهالحاجة مو طبيعية ولاني فاهمتها

انتظركم
​

 

[beren_sat]

مع العلم ان نمطه جنوبي غربي
​

 

[احتويني بحنانك]

طيب قولي لاهلك او احد ثقه علشان يساعدونك يمكن ياكل مخدرات
لازم يشوفون له حل قبل لايغرق هذا اذا كان ياكل مخدرات
الله يعينك بس لاتسكتي عنه
استغفرالله واتوب اليه​

 

[Sقلبي كبيرS]

زوجك ياخذ منشطات اذا له فترة بسيطة ياليت تخبيري اهله او اهلك لان ان شاء الله يكون علاجة سهل

 

[خلآص...!]

هذا عنده شي مو طبيعي
يواصل ثلاث او اربع ايام اكيد مو عادي
فيه شي وراه لازم تعرفينه بسرعه قبل لاتتطور حالته
راقبيه واذا ماتغير وما قدرتي تمسكي عليه شي خبري احد قريب منك ومنه من اهله
الله يكون بعونك ويحفظك​

 

[om alreem]

اختي ما رح اخوفك بس لا تترددي وروحي لطبيب نفسي !قبل ما الحالة تزيد معاه ،،اقنعيه لما يكون صاحي عشان يعالج قلة النوم ويارب يرضى معاكي ,الله يعافيه وطمنينا

 

[beren_sat]

ياربي انا هذا الي كنت خايفه منه

كان عندي احساس انها منشطات

طيب وش اسوي كيف اقول لمين مافي احد ثقه

وانا حتى ماعندي اخوان

واحنا ببلد بعيد لا اهلي ولا اهله عندنا

بس اذا رحنا لاهله افكر اقول لابوه بس كيف والله شايله هم

واخاف اطيح من عين زوجي وتصير فجوه بيننا مادري مووووعارفة اتصرف بجد
​

 

[فتاه بريئه]

الله يعنيك .. شكله ياخذ منشطات

لاتتركين الموضوع بعدين يصير عنده ادمان عليها

الله يسخر لك زوجك

 

[احساسي احساس]

ما بغى اخوفك بس شكلها منشطات الله يصلح حالة يا رب العباد

 

[دمعة غلا1430]

ربي يكون بعونك بس نصسحة خبري اهلك بالموضوع ..​

 

[دمعتي خانتني]

لا حولا ولا قوة إلا بــــــالله
الله يفرج همك عليك بالدعاء آخر الليل
يمكن حس بتقصيره اتجاهك وحدا قال له
خذ منشطات لكن أنصحك تقولي لحدا تثقي فيه
مو من العائله يعني تطلبي مستشاره في عياده
وتقول لك كيف تتعاملي معاه
والله ولي التوفيق..
​

 

[احساسي احساس]

طيب صارحتية

 

[ام النونة]

زوجك ياخذ منشطات اذا له فترة بسيطة ياليت تخبيري اهله او اهلك لان ان شاء الله يكون علاجة سهل

انا مع الاخت الاعراض الي ذكرتيها اعراض منشطات

 

[نظرةعيوني ذلتهم]

الله يعنيك
اقرائي علييه
و فتشي في اغراضه و الادوية اذا فعلا يتعاطى

الله يشفيه يا رب

 

[خلآص...!]

تكلمي معه مو تحطين يد على يد وتندبين
قولي له وضعك مو عاجبني وانت كذا تضر نفسك وتخوفنا عليك
تحاوري معه حاولي وحاولي وحاولي اذا غسلتي يدك منه
الجاي لاهله ولاتترددين ولا واحد بالمئه كلمي اهله بثقه وكلام تكوني مجهزته
والله يكون لك معين​

 

[beren_sat]

​

طيب صارحتية

​

صارحته بس نكر للاسف ولا اعترف

بس شكلي بواجهه وابين له اني مرتاحه معاه قبل حتى الجنس كنت اشتاق والحين لا مليت ودي يرجع زي قبل

اخش بعينه واقول لازم تترك المنشطات ولو ماتركتها بعلم اهلي واهلك

ينفع هالاسلوب مع الجنوبي؟؟

مشكووووورين جدا ع التفاعل والردود ربي يسعدكم ويسخرلكم رجالكم
​

 

[ياربي انصرني]

انا مع اختي دمعتي خانتني ---ان كنتي خايفه من ردة فعله ان كلمتي ابوه--استشيري اخصائي نفسي

واطلبي مساعدته لك او يقولك كيف تتصرفين اكيد ماره عليه مثل حالات زوجك

وانقذي زوجك وساعديه من الان قبل ان يستفحل الامر
وتتردى حالته 000 استشيري اهل الخبره
واسئل الله العظيم ان يفرج لك ويسهل امرك امين

ونصيحه الزمي قيام الليل والالحااااااااح في الدعاء
واكثري من الاستغفار --وتلاوة القران بتدبر
واستعيني بالله والله المستعاااان00

 

[fofoah]

طيب ليش ياخذ منشطات
مو فاهمه وش المنشطات يعني يصير عنده نشاط مو طبيعي من هالمنشطات ولا ينام
والا تقصدون مخدرات مو فاهمه
يمكن عمله متعب وشفتات عشان كذا يحاول يتعود ماينام

 

[beren_sat]

^^^^^^


فوفو انا زيك موفاهمه والله

بس مدري هل المنشطات من انواع المخدرات ويدمن عليها...؟؟

 

[سهم العشق]

انت لازم تراقبيه هو اكيد عنده شىء يسويه ومخيبيه عنك 00 الله يعنيك بس 00 ​