زوجي مهملني وانا عروس مايتصل فيني ولا يرسل لي مسجات

[سديم المحبه]

مساء الخيرات يابلقيسات... انا عروس ونصدمت بزوجي لي 6 شهور متزوجه وماذكر انه ارسلي مسج يفرحني فيه يحسسني بحبه حتى لما اروح لم اهلي انام انا الي ارسله وتصل عليه والله احيان اقول لو ماتزوجت احسن لاني كنت عايشه بحلم اما الحين صدمني الواقع ونصدمت والله اني مره متحطمه انا اتعب عشانه وسوي النون ومايعلمون وهو عادي لما ارسله او اتصل احيان يحاول يختصر كلامه والله تعبت مرررررره تكفون ابي حل هبل فيني هرجل هبال والمشكله لاار براء البيت مايهتم ولا شافني ليته يعبربشوقه انوااااااع البرود والله بديت اذبل وكون شبه يائسه تكفون شوفو لي حل:32: ولكم خالص تحياتي ...

 

[انا اغليك]

والله يالغاليه يمكن نمط زوجك

من النوع اللي مايظهر مشاعرة بكل سهوله ويسر

 

[الحب والعطاء]

والله انا نفس الطباع برود في المشاعر وكلام زي السم عدم التعبير بطريقة لبقة ومنسقة لكن طيب والله الحمد ما عليكي طنشي لا تزعلين نفسك علية انبسطي وفرحي والله توك عروس

 

[الجواااان]

والله العظيم عندي وعندك بس الله يهديهم ويسخرهم لنا يااارب

 

[meme99]

الرجال بطبعهم مو رمانسيين
عادي خودي الامور ببساطه​

 

[ام صوبي]

يمكن نمط زوجك شرقي والشرقي لا يعترف بالمسجات والمكالمات ولكنه يفرح بها لا تحسسينه انك متضايقة من هالشي واستانسي وعيشي رومانسيتك اكتبيله رسايل بس لا تكثرين خليها بالشهر مرتين او لما يجيب لك شغله حتى لو كانت مقاضي البيت اكتبي له رسالة شكر عوديه فتره وبعدين انقطعي مده راح يعيش بقلق ويفكر فيك وهذا اللي تبيه المراة من الرجل

 

[شوق السكون]

حبيبتي هذا نفس زوجي بالضبط بالسمستر الأول كانت عندي اختبارات ونمت عند أهلي اسبوع وآنا اللي اتصل وأسأل مع ان صار لنا 4 شهور

بس هم كذا يحبونا ويموتون فينا ومايحبون يبينون
لاتتضايقي انا كنت اتضايق مثلك بس بعدين عرفت ان محد يحبني بهالدنيا أكثر منه

 

[حساااايف]

طنشششششششيه وشوفي وشلوون يجيك ركض ويمكن واناا اختك انتي من النووع الي يرااااكض ورى الرجل ترى الرجل ماايحب المره الخفيفه بمششاعرهاا يحب الثقيله لاتزعلين من صرااحتي :39:كثري من الاستغفاار وربي لو عرفتوووا هالنعمه زين لتتغير حياااتكم من النكد للسعااده وراحة الباال :39:لا اله الا الله:39:

 

[sareta]

اتقلييييييييييييييييييييييييييييييييييييييييييي التقل صنعه وماتعوديه انو تجري وراه خليه يحس انك تقيله و غامضه اتقليييييييييي

 

[اميرة في منارة]

مقادير يا قلب العنا .....

والله مثلك وطنشته يوم وانه طنش اسبوعين والا رسالة والا اتصال تقول اني ما تزوجت للمعلومية انا ادرس عند اهلي وما صارلي من تزوجت الا 5شهور هو اكيد قهر ونفسية وكل هم بس الله يعين الجميع الزواج مثل علبة الدخان مكتوب عليه امراض وقهر وشقى وباقي نروح له

 

[فطووم الحلوة]

حبيبتي والله انا مع ام صوبي وشوق السكون أتوقع إن نمطة شرقي مثل شرقوشي يحوبنا ويموتون فينا بس مو من طبايعهم الرسايل والاتصالات أنا مثلك ف البداية أنصدمت لأن أختي ماشاء الله يغرقها بالرسايل والاتصالات ويوم تزوجت احسبه مثل زوج أختي حتى تخيلي يوم ولدت جلست عند أهلي ثلاثه شهور أنا دااايما اللي أتصل وارسل يوم كلمته قال انا طبعي كذا وهو صادق يعني يتصل إذا اشتاااق بس يعني مرة بالاسبوع حبيبتي هذا طبع زوجك أقبليه مثل ماهو صدقيني إنه يحبك بس الرجال عنده خلاص انا احبها وهي عارفه ماله داعي كل شوي انظ واقول احبك ...الله يوفقكم مع بعض ويسخركم لبعض..

 

[حياتي بناتي وبس]

الله يوفقك امكن اسلوبه غير مو مكالمات ورسائل يحب يعبر بالافعال

 

[كيفي حره بنفسي!]

الله يسخره لك ويعوضك بالجاي من حياتك معاه

 

[ام وليد دبي]

حبيبتي بعد نحن نتأثر بالمسلسلات و هم طبعاً واقعهم غير تماماً عننا و نقعد نقارن بعض الاحيان
لازم تعودين نفسج انه ريلج و هذا طبعه

 

[نونه الحنونة]

تعرفين وين المشكله
المشكله انك ~ انا اتعب عشانه وسوي النون ومايعلمون ~
طيب لييييش !!
صاير همك زوجك
و لمعلوماتك الرجاال ذكي جداا
لا تفكري تثقلي يومين و تتوقعين منه يتسائل وش فيه عااارفك و ناسخك
اذ عزمتي تثقلي اثقلي صح و خلي شكلك طبيعي و ما تعاتبي ابداا خلك اضحكي معاه
ان جاا هلي و رحبي و ان راح مع الف سلامة
مدده طويله ليين يشك ان في شي غلط
لين يلعب الفاار بعبه و يضلل يفكر طوول اليوم فيك
لا تحسسيه انه اكبر همومك
صدقيني مع لوقت بيتغير
اذا تغير لا ترجعي تلاحقيه و تدوري عليه لااا ضلي مثل ما انتي لانه في الغالب بيختبرك كللل فترة

 

[jowree]

الريايل ما منهم فايده ابدا انتي حبي نفسج و ابدا ابدا لا تسالينه تحبني قوليله احبك و نطري الجواب المشكله اذا كنتي جنوبيه تحبين الاهتمام و القرب و بس لا تلحقينه خليج فتره قريبه و فتره انشغلي عنه اهوا بيفقدج و يدورج