زوجي من 5 ايام تزوووج_الردود تحت المراقبه

الله يرده لك ردااا جميلا
 
doctor wife قال:
طنشيه ولاتعطيه اى اعتبار خليه كانه تحفه ولا اقولك خسارة فيه التحفه خليه زباله فى البيت .... يارب تسامحنى احس انى مقهورة منه الله يصبرك.... اذا طنشتيه هو يركض وراءك
أنقر للتوسيع...
ههههههههههههههههههه والله ضحكت اكيد بطنشه شوي بالبدايه بس لازم ارجع له مهما كان انا الي محتاجته عشان عيالي ولو ما عندي عيال ماهتميت فيه الله يسعدك
 
اسأل الله العظيم رب العرش العظيم ان يرد لك زوجك ردا جميلا عاجلا غير اجل.

الله يجعلك اجمل نساء الدنيا بعينه اللهم امين يارب العالمين
 
الزايدية1 قال:
ياحياتي اسألي مجرب كل اللي تحسينه حسيته وأكثر بس اللي ساعدني وسلاني وقوفي بين يدي الخالق سبحانه اناجيه واشكو همي له واطلبه الفرج حياتي توجهي لربك انا كنت اول مقصره في السنن والاذكار وكنت اسمع اغاني واشوف مسلسلات ووقتي رايح عبث بس جت صفعة على وجهي صحتني لحالي الاوهي زواج زوجي علي استفيدي من مصيبتك لانك ماتقدرين تتخلصين منها حاولي تستغلينها من كل النواحي تكسبين حسنات وتخففين على نفسك انا انصحك بالاستغفار على طول وقيام الليل والدعاء ولاتعتدي في دعائك عليها او على زوجك حتى يستجيب الله لك ولاتتعجلين الاجابه ادعي وانتي مؤمنة بان الله يسمعك ولن يخذلك ابدا وان استجابة دعوتك لها وقت الله يختاره بعلمه وارضي بقدرك صدقيني كرري الحمد لله على ماجاءني من ربي الحمد لله في السراء والضراء وفيه كتاب اسمه (رد البلاء بالدعاء /مصطفى شيخ إبراهيم حقي ) ممتاز فيه قصص وادعية ثابتة عن الرسول صلى الله عليه وسلم وبيريحك كثير الحين انا زوجي له 3شهور من تزوج ماجاءني خلالها الا10أيام لانه معها في مدينة ثانية ومخليني مع عيالي مالنا الاربي صح هو يعطيني مصروف بس مكان الاب فاضي عندي بنتي الضغيرة متأثره مره بغياب ابوها عمرها3سنوات بس وش اسوي هذا النصيب تصدقين انا زوجي بعد زواجه جلس عندها شهر ونصف وبعدين فكر يجي لنا ماعليش ياحبيبتي الصبر خاتمته زينه صدقيني لازم نصبر ونحتسب كل هذا عند ربي وبعدين عشلت خاطر عيون عيالنا لازم نصبر وصدقيني عيالك بيقدرون لك اللي سويتيه معهم وشوفي ترا زوجك بعد مايجي لك بتحسين بااحساس غريب حسيته انا وابي اقول عنه عشان ماتستغربين حسيت ان ماعاد له حب في قلبي مثل اول برود عجيب حتى لو حضني احساسي فيه متغير وبعدين بتحسين في كل نظره منه انها يقارنك بجارتك وفي كل حركة بتحسين انه يسويها مجاملة ماهو عن حب وبتحسين كانه يجي لك تأدية واجب وانه يستعجل الوقت عشان يروح لجارتك وبتحسين ان نفسك تصعب عليك وان ماعاد لك قيمة عنده مثل اول وتحسين بالنقص ومشاعر كثيرة ملخبطة يطول وصفها بس صدقيني هذا كل من الشيطان يبي يكبر علينا مشاكلنا ويخسرنا دنيانا واخرتنا اذا جاءك زوجك استقبليه زين ولو فتح معك الموضوع قولي له والله اللي سويته شرع الله وانت تسببت لي في جرح بداخلي ارجوا انك ماتزيده وانا جالسة في بيتي عشان عيالي اولا وتقدرينا لك لكونك ابوهم ومهما كان لايمكن اني اهز ثقة عيالي فيني واتركهم ولايمكن اني اخليهم ينظرون لك نظرة ماهي زينة وانت لازم تحاول تساعدني ونسير سفينة حياتنا بهدوء عشان الرابط اللي بينا وتقديرا للعشرة اللي كانت ابي منك انك تعدل ولاتحسس عيالك بدخول شريك لهم عندك يعني اذا طلبوا منك شي لاتقول لاهذا اليوم بااكون في بيتي الثاني لاحاول تعذر بااي شي ولازم نبين لهم ان علاقتنا ماتأثرت باللي صار وان تقديرك لي مثل اول واحسن وهكذا من الامور اللي تساعدكم على العودة بحياتكم الى شاطي الاستقرار واللي في القلب خليه في القلب وحاولي ياختي تخلين جلسته عندك نعيم لاتكدرين عليه عشان مايلقى عذر يتركك او يتكلم عليك واشياء كثيره يمكن يساعدوني الاخوات في ذكرها لاني شكلي طولت عليك الله يفرغ على قلبك الصبر الله يفرج كربتك الله يجعل زوجك ينظر لك بعين الرضا الله يجعلك سكنه الله يجعلك راحة قلبه يارب
أنقر للتوسيع...
سلم فاك والله نفس ماقالت انا حسيت بس الصبر الصبر والدعاء والله خيره زواج الرجل عرفنا الله حق المعرفة الله يفرج همك وهمي وهم كل وحده تزوج عليها زوجها وربط الله علي قلوبنا وارادهم الله لنا رغم انوفهم
 
الله يلطف فيكي يارب لاتزعلى روحك علشان واحد خاين بس اتمسكي فيه علشان ماتفرح الثانيه هذا الي طلع معايا
 



استعيني بالصبر والصلاة...

الله يريح بالك..

انشغلي بأشياء مفيدة..

عودي مريض
ساعدي مسنة في بيتها
بري والديك
صلي أرحامك
وشاركي بعمل تطوعي يفيدك ويشغلك وابتغي الأجر من الله...

والله لو اشغلت نفسك شوي بدون افراط ولا تفريط

حتى زوجك بيتصل ويسأل دامك ما سألتي...

وربي يوفقك..​
 


غااااااالتي .. لا تكبري الموضوع ..
هذه سنه الله يعني عااااادي
بس ادعي ربك بان يعدل بينكم هذا اهم شي
بعدين تخيلي انه تحت الأرض مو فوقها اهون وإلا الزواج من آخرى ..
لا تكبري الموضوع وخليك قويه :)
​
 
يمكن اسبوع شهر سنه بس مصيره يرد لك صدقيني وماراح يرتاح الا معك خصوصا اذا
 
صدقيني بيرد لك والمساله مسالة وقت حتى لوطالت خصوصا اذا عرسه نزوه وماراح ينساك بس اصبري وادعي ان ربي يبرد على قلبك لاتنكدين على عمرك عشان الثانيه ماتاخذ فرصتها فيه
 
حكمي عقلك وخليك قويه وواثقه من نفسك يعني تزوج مو يعني راح ينساك
لا بالعكس انتي زوجته وام عياله ولا تتصرفي بغيره وشوفي كيف راح يحترمك زوجك
 
لااله الا الله الله يهدهم وي خبلونااااااااااااا
الله يبرد على قلبك
 
الله يرده لك رداً جميــلاً .. ويربط على قلبك ويعوضك خير ..

حاولي أختي تشغلين نفسك تدرسين أو تتوظفين أو حتى تسجلين بنادي صحي .. أو تاخذين دورات لغه إنجليزيه أو فرنسيه .. أو تدخلين دار تحفيظ للقرآن لحفظ كتاب الله ..

صدقيني الحيااه مو واقفــه عليه .. نفسك ثم أولادك أهم من 100 رجال .. وصحتك بالدنيا ..

ولا تنتظرين رجوعه .. مثل ماهو لاهي خلك لاااااااااااااااهيه أكثر ..

الله يسعد قلبك ويعوضك خير ..
 
مشكورين اخووواتي على ردودكم والله كنت محتاجه تشجيعكم ودعواتكم وانشاء الله اقدر اطنش موضوعه
 
الله يبرد حرتك ويرده لك ردا جميلا ويجعلك قرة عينه وهو قرة عينك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل